حقيقة silkroad R من سيلكرود الكورية والعالمية

[armyman6775]

السلام عليكم
قبل اى شئ حابب اوضح موضوعي ده فى عدة نقط اساسية وبعد كده اشرح كل نقطة على حدة
1-لماذا هيا متشابهة جدا مع النسخة العالمية
2-لماذا لا تحتوى على التغيير الاهم والذى يطلبه اللاعبين فى النسخة وهيا الحضارة الاسلامية

_:ايه كل الدعاية دى لsilkroad r:_
قعدت اشوف فى كل مكان لاعلان بيقول استعدا للمولود الجديد استعدوا للمولود الجديد
قولت وطيب مانشوف هو ايه المولود الجديد.ونزلت النسخة الجديدة وقعدت احلم.طب ليه قعدت احلملانى وانا بنزل الكلينت الجديد لقيته نفس حجم كلينت سيلك رود العالمية.مش دى المشكلة.واقعدت اقرى فى المواقع الاجنبية واعرف ايه اللى ممكن يحتوى عليه الكلينت ده.
قاعدوا يقولوا مغامرات جديدة وطرق جدية والحكاية والرواية.ومغامرات وما الى ذلك.وقعدت احلم واحلم اصحى وانام وانا بحلم بسيلك رود الجديدة.اخش الحمام اكل وانا بحلك بيها وازاى هيكون شكلها
وابتدت اللعبة.وابتدى معاها الحقيقة المرة.الكابوس طلع خازوق
اولا مافيش اى تغيير كبير يذكر فى اللعبة دى
1-تقريبا نفس الجرافيك.مع العلم انهم قالوا فى الموقع بتاع سيلكرود ار ...تحسين رهيب فى مستوى الجرافيك...فين التغييرات الرهيبة فى الجرافيك.انا ماشفتش اى مستوى فى الجرافيك
2-لعبة تعتبر اكثر تطورا من لعبة سيلك رود العالمية.هو حد شايف تطور.طب هو قصد تطور من ناحية ايه بالضبط.تطور من ناحية الكويستات مثلا.بالعكس انا شايف ان مستوى الكويستات ردئ وضعيف.وده كونه سهل جدا فى التنفيذ.ولو بصينا لشكل الكويستات فى سيلكررود العالمية هتلاقيه بياخد وقت طويل شوية.وده علشان كون اللعبةMMPOG.هنشرحها بعدين
3-نقاط الخبرة المطلوبة لتمام كل مستوى قل.(فى ناس ياجماعة وصلت ليفيل 70 وشرخت فوقيه وكل ده فى يومين بس)طب لما يجيب الكاب ويفضى على كده.هيروح يشوى ذرة ولا هيقعد يتملى فى جمال اللعبة.
4-MMPOGمعناها ان اللعبة تفضل تلعب فيها لاطول فترة ممكنة.بحيث انك تمل منها وهيا ماتملش منك.
5-التوكن اللى واجع دماغنا بيه ده.الحكاية دى مفهاش جولد الا بعد ليفل70.اقولك غيضانى اوى ليه
اولا وانا بلعب لقيت العيال ولاد الهرمة بتوع تركيا بيعملوا حاجة غريبة.يجمعوا توكن ويرحوا يبدلوه بسلاح سيل بس عالى فى الاتاك بور بتاعه بحيث انه من ضرب واحدة يقتل الوحش اللى ادامه بالرغم من انك ياولداه لسه فاضلك ضربه علشان تقتله.
ثانيا فين الجولد ياعم جوى ماكس.دى حلاوة اللعبة فى الجولد(تتخابث على صحابك علشان يديلك الجولد ولا تسرق حد ولا تتاجر ولا تعمل عفريت علشان تحيب جولد)الجولد ده بيديك حافز علشان تقدر تلعب ويركب مليون عفريت علشان تقدر تقعد ادام اللعبة 24 ساعة فى اليوم وتحارب علشان تجيب الجولد وتقفل المليار.بس فى حكاية االكوين دى مش غريبة.
تلاقيه بقى بعد كده يقولك اشترى وولف ياريس بمليون جولد.ياعم ماتجننيش انت بتتعامل بالتونك ولا بالجولد.حددلك طريق وامشى فيه.ماتبقاش ماشى على الميه وفى الهوا فى وقت واحد.
غير كده وكده
تلاقيه بيديلك سلاح مثلا بقيمة معينة.المفروض انه يديلك السلاح فى الليفل الاعلى بقيمة اعلى.لا يدهالك بسعر اقل(جوىماكس يامهيس ده احنا بقينا بنهيس بسببك)
6-الجولد فكرته انك بتقدر تتعامل بيه فى كل حاجة.تشترى بيه اى حاجة.بس لما يجيى ويقولك فرى فى كل حاجة لحد ليفل 70 طب دى معناها ايه.(انت عايز تسهلها علينا ولا بتستهبل علينا)
7-الشخصيات زى ماهى مفيش تغيير.الويزارد بيضرب عالى اوى اوى والصينى لسه غلبان ياولداه
8-فيه تحسين ملحوظ للماسترى بتاع الصينى بس للاسف ده تحسين فى نظام القوايم والترتيب بس الضربة زى ماهى(على فكرة الاربعين بتاع الصينى كان فى النسخة دى علشان هو مات فى النسخ اللى قبل كده)
ياجدعان الاوروبى بيلعب لوحده فى الصينى وبيقول مين ادى
9-الديلى كويست(انا هبطل اللعبة على ايده)(عارفين الفرخة المبلولة)اهو ده عامل شبه الفرخة دى.الحكاية ان الجى ام قالك نعمل حاجة غير طبيعة وجديدة.قالك نعمل الكويس ده وخلى الناس تدور واتفرج يامعلم.كتل بشرية بتتحرك فى نفس الوقت واجرى انت يامعلم ودوخينى يالمونة.انا عن نفسى نمت على الكرسى وايدى على الكيبوورد والماوس مش فاهم هو ليه الجى ام علينا
10-(انت مصرى)ايه ياجدعان هو انا كنت تايه ورجعت ولا ايه.انا جالى اكتر من 100 اضافة لما عرفوا انى مصرى.الحكاية ان المصريين شكلهم قليلين اوى فى السيرفر ده.(الغربة وحشة ولازم نكون عصمة ادام الاغراب والاعداء اللى عايزين يعتدوا علينا ويخدوا ابو الهول مننا)
11-بيقولك انه تم تحسين المعلومات الخاصة بشاشة اختيار الشخصية.(سمك لبن تمر هندى)انا لاحطت حاجة غريبة لما اجى ابص فى الشاشة بتاعة معلومات الشخصية تلاقيه بيقولى HP0.ايه ده هو انا مت ولا ايه.اعيط بقى.واجى اخش الاقي مافيش حاجة
12-المعلومات فى شاشة التحميل تحس انها غريبة او انها بتكلم ناس جاية من المريخ بس هيا مش وحشة(تصقيفة لجوىماكس هنا علشان الراجل ده تعب معانا اوى الصراحة)
13-الخريطة مافهاش جديد غير انه كلكع العملية اوى ومابقتش حلوة من وجهة نظرى بحس انى بتعامل مع لعبة موبايل لما ابص لخريطة الجديدة.(ايه ياعم علامة القفل ده)

_:ايه اصل الكلينت ده بالضبط:_
قعدت ادور وادور فى المنتديات الاجنبية اللى مخصصة للعبة سيلكرود
المهم شدنى سؤال من شخص بيسأل هيا ليه سيلك رود ماضافتش الحضارة الاسلامية؟
انا فى الحقيقة مش فاهم هيا سيلكرود نزلت النسخة دى ليه ومصممة انها تتجاهل طلب اللاعبين فى اضافة الحضارة الاسلامية فى النسخة العالمية
تعتبر الخدمة مستقلة عن Silkroad؛ لذا يمكنك الاستمتاع بلعبة Silkroad الأصلية ولعبة Silkroad R في آنٍ واحد
معنى كده انك تقدر تنزل الكلينت بتاع سيلكرود ار وتلعبها بشكل مستقل عن سيلك رود العالمية
معناها ايه؟
طبعا كلنا عارفين ان البيتا تيست ده هيخلص فى 17 يناير الجاى
واحد صاحبى من امريكا بيقولى انه فى سيناريو من تلاتة جوىماكس ممكن تعمله
1-انا بعد كده تلغى خاصية التيست وتخليها لعبة مستقلة بذاته.وهنا اللى عايز يلعب سيلكروود العالمية يلعب.واللى عايز يلعب سيلكروود ار يلعب.او اللى عايز يلعب الاتنين مع بعض مفيش مشكلة
2-تستخلص التقارير اللى هيا عاملة ليها صفحة مستقلة فى موقع اللعبة وتعمل على اساسها ابديت وتضيفه على سيلكروود العالمية وبعد كده تقفل سيلكرود ار
3-انها تلغى سيلك رود ار دى خالص
-------رأيى انا بقى فى الموضوع ده:
سيلكرود هيا لعبة مستقلة بنفسها بدليل ان جوىماكس عملتلها صفحة على موقعها مستقلة بينها بعيدا عن اى لعبة تانية جوىماكس بتقدمها.لدرجة انها استقلت بسيلكرود ار بصفحة مستقلة عن جوىماكس العالمية(بدليل ان سيلكرود الكورية ليها صفحة مستقلة عن سيلكرود العالمية وبكده هما مستقلين عن بعض)
سيلك رود هتعمل التغيير اللى هيا بتقول عليه جذرى على ايه؟وسيرفر مخصوص على ايه
كل ما فى الامر ان جوىماكس نزلت الكلينت فى فترة اختبار.تشوف رد فعل اللاعبين وتعليقهم عليها ايه.وبعد كده تعدل فى المحتوى تنزل اللعبة فرى بعد كده.
الناس اتخوزأت اوى فى الكلينت ده علشان قالوا سيلك رود ار هيا اللى هتشتغل والسيلكرود العالمية هتتقفل.فراحوا يبيعوا فى الكونتات.(ايه دماغ المحششين دى)(غمة وانزاحت)
__سيلك رود دخلت مرحلة الموت__فى ناس بتقول ان سيلكرود بدأت تخش مرحلة الموت بمعنى انه مابقاش عليها اقبال زى الاول.انا عن نفسى بقول ان الرأى ده صح لان جوىماكس بدأت تعمل حاجات غريبة.بدليل الكلينت اللى مش مفهوم ده خالص.ايه الهدف منه
والاغرب انه جوىماكس مصممة على رأيها وفى الكيلنت الار ده برضه.مصممة انها ماتنزلش الحضارة الاسلامية(سمعت من ناس كتيرة ان جوىماكس بتحضر لنزول الحضارة الاسلامية ولحد دلوقت مافيش اى شئ يدل من قريب ولا من بعيد بكده.ده حتى الكلينت الار ده مفهوش اى حاجة.انا خلاص هموت بسيلكى.وعايز ونش المرور يجى ويرفعلى اللى هيجيب الارض)
_______________________________نهاية القصه دى من الاخر_________________________
سيلك رود دى احتمال كبير تكون لعبة جديدة بس هيا فى مرحلة الاختبار الاول وبعد كده تخش مرحلة التثبيت.بس هيا مملة اوى من وجهة نظرى.سهلة اوى ونظام الكويست فيها ضعيف جدا.

ليه ياجوىمكس مصممة انها ماتنزلش الحضارة الاسلامية

على فكرة سيلكرود عليها اقبال الايام دى علشان الايفينتات اللى هيا عملهاها.من غيرها ماكنتش هتساوى حاجة وكنت هتلاقيها بتهش وبتنش.بيقولك 100% زيادة فى نقاط الخبرة والمهارة.ياجماعة انا استخدمت البليسنيج اللى بتاخده من الSO وضربت واحد 100%exp and skill بمعنى انا لو ضربت وحش وخدت منه 100 نقطة خبرة بالبليسينج والسبيل هلاقى نفسى باخد 300 مش 100.
انا قفلت لفل 35 فى 5ساعات.وكمان الحيوان اللاقط ده مسهل العملية اوى اوى على اللى بيلعبوها
يعنى من الاخر جوىماكس خرفت وهيست جامد فى سيلكرود ار

=====مستنى ردكم على الكلام ده وكل واحد يقول رأيه فى اللعبة الجديدة دى.ممكن اكون انا غلطان فى رأى ولا حاجة==================

[MR_GHOST]

هههههههههههههههههههههههههههه
مش عارف امسك نفسي من الضحك هخلص ضحك الاول بعد كده اردعليك عشان مش عارف اكتب

وخصوص ان اتفقعت من اللعبة دي

[hatoer]

دمك شرباااااااااااااااات يا مضروب
بس اسمع فعلا الحضاره الاسلاميه او العربيه قربت علشان كل مره بينزلوا فى الابديت بتاعهم ملف وفيه كلام عن الحضاره و الوحوش العربيه

وبرضه الله اعلم غير كده انا معاااااااااااااااااك يا مازنجر قلبا و قالبا ^_^

حاجه اخيره بقى .. انت مصرى :dontgetit: اعملى اضافه لحسن مصر وحشتنى اوى يا رافت

[kerolosph]

موضوع رائع

[babayfd]

كلامك كله صح وفعلا هيا لعبه تانيه مستقله عن العالميه
خلاص كده هما الاتنين فى الضياع وانا عن نفسى لما حسيت بكده بعت الاكونت بتاعى لما جالى فيه سعر حلو مبعتوش علشان النسخه الجديده ولا حاجه بس فعلا لو حصل اللى هما بيفكرو فيه انا عن نفسى لسه عندى اكونت تانى هبيعه بـــ اى تمن و هسيب الجيم اللى صاحبها شارب بانجو ده

[hatoer]

انا بس نفسى اعرف بيعلموا كده ليييييييييييييه

اللعبه حلوه وفكرتها جميله ولو ظبوتها و الله هتكون كويسه

[بوجى طمطم]

انا نفسى ومش بهزر لو الشركه ده مسكها مصريين الله اعلم ايه اللى هيحصل

[Arbiano]

موضوع رائع

أنا لسه هنزالها و أقول رائي

بنسبة لكلامك كله صح
أكبر دليل أن سيلك رود في مرحلة موت أنه في مرة عامل
Event

للناس مافتحتش الاكونت لمدة كبير 3 شهور بيان
يعني كأنه بأقول و بالله عليكوا أرجعوا أنا بضايع

بصراحة أنا بعت الاكونتي كله و كسبان فيها كمان دا من فضل ربي بس عشان أسيب لعبة
مش علشان ألعب سيلك رود ر دي عقبال ناس كتير بجد تسيبها برضه
و بلعب علي سيرفر خاص Gm بتكلمه و بعمل تعديلات تساعدنا يعني حاجة حلوه
تسلي وقتنا :)

أنا عن نفسي كنت متوقع كتير جدا من لعبة Silkroad R بس
بعد موضوعك و ظهرت الحقيقة
جيلي أحباط من شركة دي و الله
و أنا عمل أقراءة في موقع عن مميزات لعبة أحسسوني أنها حاجة غير سيلك رود بيتا خالص
حست أن كل مشاكلنا في سيلك رود أتحلت

لو بس في واحد في الادارة مصري بنسبة كبيرها ممكن يخلي لاعبها دي من لأوائل مع العلم
سيلك رود في مستوي العاب online علي مستوي العالم من سواء العاب في ألعاب كتيرها تضربها

بالجزمة بس كتير أوي ألعاب دي حولة تنشر نفسها في الوطن العربي بس برضه مفيش
سيلك رود علي معتقد بتكسب علي أقفا الوطن عربي كله و بقيت عاملها زي الادمان

حتي لما سيبتها روحت لعبت علي سيرفر خاص

أكتر حاجة كانت مضايقني من شركة متخلفة دي أنها عملها تجرب فينا
شوية تنزال نوفا و بعد كدا أقولك عاوزين ينهائوا نوفا dg 12 عشان كان مشروع فاشل
لعاوز يبلس + حاجة لزم بسيلك

أول مره أشوف شركة عملها تجرب في عملاءها
شركة غريبة مش عارف مسكها عيل صغير و أية نظام
كل شوية واحد يطلع بفكرة مش ينزلوا كلينت نجرب فيه لأول لأ
بحطها علي طول و حتي لو نزلوا نسخة تجربية و ناس تجرب و تأقول زبالة
برضه مش مهم هنزالها يعني هنزالها

في نهاية منتظر اشوف سيلك رود ر دي بعد ما يخلص التحميل
و يجيلي أحباط كمان و كمان


لكم مني كل أحترام و تقدير

[_IM_Guard_]

Ty 4 tobic but joymax will make us crasy xD

[EmptySentinces]

و Silkroad R مش Silkroad R طلع خازوق مغرى

[theheroo]

لا طبعا في فرق كبير
اول ميزة ان الجولد بيقع من لفل 70 يعني مفيش جولد بووت
ثاني ميزة لو معاك اي سلاح او ايتم مثلا للتوهاند ينفع تحولو ستاف او روبي اي ايتم بيتحول للي تحبة
يعني تحول توهاند لاستاف ايتم ارمور لروبي
تنظيم الاسكيل الصيني مش بحتاج اسكيل كتير مثل سيلك روود العادية لان الفاير والكولد والايت فى مكان واحد وغيرها من المميزات

[Solitary]

يا جدعان يوم 17 يناير والله هانعرف كل حاجه صدقونى .. ماتشغلوش بالكم دلوقتى

[BellyDancer]

المشاركة الأصلية كتبت بواسطة solitary عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

يا جدعان يوم 17 يناير والله هانعرف كل حاجه صدقونى .. ماتشغلوش بالكم دلوقتى

انا معاك يا معلم

[Zn2000]

رررررررررراااااااااااااااااااااااااااائع ابدعت والله بالموضوع وانا ضحكت جامد بس كلامك صحيح وانا مني وعلي مش رح اكون الا في السلك رود العالميه ومشكور تاني على المووضوع الرائع

:ghostface::ghostface::ghostface::ghostface::ghost face::ghostface:

[pharos]

انا شايف ان joymax اصبحت شركة فاشلة بكل المقاييس
انا بستغرب ان شركة فى حجمها او قدمها مش قادة توظف مطورين العاب فى كوريا يطورو اللعبة دى بشكل صحيح

انا مستغرب جدا والله
انا بلعب لعبة اسمها league of legends ودى مجانية ولكن تقدر تشترى فيها skin وحجات بسيطة جدا
من قوة اللعبة دى اخر خبر نشروه جوا اللعبة ان حجم الدخل للشركة كل شهر 5 مليون دولار شهرى و

more than double in size, reaching a staggering 32 million registered players. Moreover, at any given time there are as many as 1.3 million summoners all playing League of Legends

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

والشركة دى كانت عملت DoTA و warcraft ونافصلت عن wow وقصة كبيرة كدا مش مجال طرحها دلوقتى
ولكن ناجحة جدا ولعبتها مجانية

العاب كتير بتحترم عقلية الاعب واسلوب تفكيره
وبعد كدا نستنى الحدث الفظيع الى هينزل فى سيلك رود واخيرا هنقدر نشوف مميزات DX 11 او حتى DX 10 جوا اللعبة وال pixel shader والكلام ده الى بيدى لاى لعبة مذاق خاص

ولكن للاسف بالفعل اللعبة دى خازوق مغرى
المفروض يحافظو على الافراد الى لبسوا سيلك رود من كذا سنة ومستمرين فيها
انما تقولو - خلى بالك انت لبست قبل كدا وعندنا حاجة جديدة مقاسك لازم تلبسها وهتعجبك اللبسة دى
ايه رآيك ؟


ايه الانحطاط ده
الاول قالوا ايفينت +12 وعلى يعم واصرف الفلوس وكلوا طبعا عاش وصرف ويمكن فرح شوية
وبعد كدا اشرب يا جميل
لو عاوز تكمل فى اللعبة القديمة كمل
ولكن الجديدة فيها حوارات حلوة بردوا وقصص

ياعالم ايه الى ممكن يعلموه بكرة - ممكن اتوقع منهم اى شىء كدا
هما عارفين ان تفكيرهم كان غلط لما فكروا فى سيلك رود بس وبناء عليه ابتدوا يفكروا فى مصادر تانية زى العابهم الجديدة

انما بصراحة

يغورووووووووووووووووووووووووووووووووو هما بالعابهم كلها
انا نفسى شركات الانترنت فى مصر تعمل بلوك على ايبهات 121.128.133.26->30
اللعبة دى ذنب
والله ذنب

كلم كدا اعلى واحد فى السيرفر دا لو رد اصلا عن الى صرفه وهل هو مستمع اصلا فى اللعبة ؟
والله هتلاقى معظم ردودهم انهم فى غاية الاسف على كل المبالغ الى دفعوها دى

انا اسف
بس سيلك رود خلاص اصبحت لعبة مملة جدا ولا تحترم عقلية المصريين بالذات فى عصر ثورة قامت بشباب مثقف ومحترم


تحياتى يا جوى ماكس يا افشل شركة فى كوريا وافشل شركة فى مجتمع شرق اسيا كله