مــــســـقــط و عــايـــش حــــيـــاتــه !

[a7lashabab]

في ليلة خميس كنت اسير انا وصديقي فى احد الشوارع نترنح من التعب صرخت فيه فجاة :

- انت شايف الى انا شايفه ده؟

- رد عليه باستهار :
- قصدك على ايه ؟

- يابني الولد الى ماشي مع البنت الى هناك دى ..

- بعد نظرة طويلة
- اه بصراحة البنت جامده اوي

- يا *** البحر بقلك الولد ..

- اه .. اه الي ماشي مع البنت الجامده .. ماله ؟ اسلكهولك ونخطف البنت ؟

- لا يا عم ايه الجو ده بص الولد تقريبا بنطلونه واقع خالص وبوكسره الاحمر منور اهه.

- فدقق صاحبي النظر وقالى وهو مسطول من الضحك : يا خبر ده البنطلون شكله حيسيبه ويجري ولو قلتله بخ هيبقى على الارض بس هنعمله ايه يعني ؟

- لا طبعا لازم نقوله منظره وحش جدا وفضيحة من ورا

- يابنى هو الي ممكن يكون قاصد

- يا عم قاصد ايه ؟ اما انت عبيط اوي انا حروح اقوله

- وفعلا روحتله : لو سمحت يا معلم كنت عايزك ثانية واحده

. الولد بص للبنت وبصلي من فوق لتحت وقالي بص من الاخر حاتقولى انا مش من هنا وفلوسي وقعت وعايز فلوس عشان اروح يبقى فكك مني

- فابتسمت كده وقلتله : لالا معايا فلوس متخفش عايزك بس في حاجة تانية البنطلون واقع والبوكسر نصه باين وانت مش واخد بالك

فتحسس الولد وقالي عادي يا مان ما انا اصلا اللي مسقطه

فرديت بذهول : انت الى مسقطه

فتدخل صديقي وكلم الولد يامان معلش احنا اسفين صحبي بس مهيس والدنيا هربانة منه واسفين على الازعاج ووبخني صديقي وقالي مش قلتلك مالناش دعوة ؟ شفت طلع هو الى مسقط البنطلون

رديت وانا مندهشا : ايوه مسقطه ليه يعني ؟

رد صديقي باستظرافه المعتاد اكيد مكنش بيذاكر

فقلتله اه عشان كده مدلدله فى الصيف يعني مش طالبة لطافه خالص على فكرة

روحت البيت وانا والشيطان عمال يلعب فى دماغي بلاي ستيشن اكيد الولد مكانش عارف ان بنطلونه واقع او اتحرج قدام الحتة اللى كانت معاه . لالا بس ازاى مش حاسس ؟ طب الهبو الى بيدخله ده ؟

ايوه ايوه كده انا عرفت .. هو اكيد مسلخ – عنده تسلخات يعني ومن الحر والعرق وكده فعشان كده سقط البنطلون علشان يهوي العملية شوية . ايوه هو ده السبب المنطقي الوحيد لتسقيطه البنطلون

تاني يوم كنت رايح اصلي الجمعة وبسبب الزحمة وكده الناس بتفرش فى الشارع الى جنب المسجد علشان تصلي فيه والمهم وانا رايح ومتاخر وحالتى بالبلا ولسه داخل كده كلوز على الناس وهم بيصلوا ولسه بجري عليهم لقيتهم بيسجدوا


وفجاة كل البنطلونات اترفعت وظهر عرض ازياء للبوكسرات احمر ابيض واسود وعلم مصر كده كان بيرفرف قدامي



واول مرة اقرف من مصر كده لان المنظر كان رهيييب بس ايه ده ؟ يا نهار اسود هى مصر كلها متسلخة ؟


واستغفر الله العظيم وربنا يسامحني كنت سرحان ومش قادر اركز فى الصلاة وايه الى انا شفته ده ؟


وسرحت بخيالى وكده وقلت تخيل واحنا كده فى الجيش وقامت حرب والبنطلونات مدلدله كده واصوات الدبابات والقذائف شغالة .. والواحد مننا مقضيها تنطيط وكل شوية يرفع البنطلون علشان يعرف يجري



اما جيش العدو بقا فالجنرال الى مسؤول يزعق فى عاسكره : صاعقة ... اضرب في الهدف ابو بكسر موف قلوب ..



طيران .. اقصفلي الكتيبة ام بوكسر بمبي مخطط



مشاه اقبضلي على كتيبة بوكسر (جيفارا ) وهاتهم رهاين .

[☜ ĂиTaKą ☞]

هههههههههه

حلوه ياض والله



مدفعيه ... هاتولى الواد ابو بوكسر قلوب بمبى مسخسخ ده

هههههههههههههه

[ღ♥_ akeml _♥ღ]

ههههههههههههههه

ما دي حصلت معا واخد صاحبي

[Wally]

هههههه جامدة ^_^

[| - CreSpO - |]

هههههههه ^^

[panto]

هههههههههه ربنا يهدي الجميع

[Dev.Myth]

هههههههههههههههههههههههههه
جــــامده^^

[EGY_WIZARD]

جامدة
بالذات البوكسر الاحمر منور
موت عليها من الضحك
:glasses3::glasses3::glasses3::glasses3::glasses3: :glasses3:

[DarkRiver]

جامدة يا واد

[Mr.V.I.P]

^_^ تسـلم يا جمـيـل

[THE_VIPER1]

hhhhhhhhhhhhhhhhhhhhh