|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
23-11-2010, 03:14 PM
|
#1 | ||||||||||
  
|
انا جمعتكوا النهارده علشان مكنتش معاكم امبارح ههههه بجد قبل اى حاجه واحشنى مووت انا عايز اتكلم فى موضوع نفسى اتكلم فيه من زمان اوى يمكن من قبل ما اخش المنتدى كمان الموضوع حاجه عامله كده زى الفرخه اللى جات الاول ولا البيضه ؟؟ .gif "111 (9)") بس المرادى على الشعب المصرى و على الحكومه مين اللى غلط الشعب ولا الحكومه ؟؟؟  الشعب اللى لغايه دلوقتى مش قادر يقتنع ان رمى الزباله فى الشارع غلط  ولا الحكومه اللى مابتعرفشى تحل مشكله مرور فى شارع واحد بس ؟؟  الشعب اللى لما باب المترو يقفل بيفتحه ويدخل وكأن الطياره هتفوته ب العلم المترو بيجى كل دقيقتين على المحطه ^^ ولا الحكومه اللى بتهد الارصفه وتبنيها من جديد رغم انها سليمه 90% ومش بتسفلت شارع فى مكان شعبى علشان هما ناس على قدهم رغم ان الشارع ده مثلا يكون طين كلهالحكومه اللى بتقول احنا بلد ديموقراطيه ولما نيجى نمارس حقنا فى الانتخاب ينزلوا مراكز الامن وتطيح فينا بلشوم وحصل قدام عينى فى انتخابات( مجلس الشورى )؟؟ ماعرفشى واحد رتبته ايه كده ناس داخله تنتخب راح قال لفظ كلنا عارفينه *** انتم جايين تنتخبوا يا ولاد **** وطلع مسدس ضرب فى الجو خلى الناس كلها تجرى ولا الشعب اللى مزاج اهله يبوظ فى اى حاجه موجوده طول ماهو واقف يخرب ويكتب على الحيطه ويشخبط على العربيتا ويجرح فيها وكأنه ادمان ولا الحكومه اللى مش عارف تحبب الناس فى التعليم وتخليه بطريقه سهله وياريت لو يبقى ب الطريقه العاميه بتاعتنا عشان احنا بنكره اللغه العربيه الفصحه من الاساس؟؟؟ ولا ايه ولا ايه انا مش عارف اجيب ايه فى كتير اوى الشعب اللى مزاج اهله يكسر الاشاره او يمشى من غير خوزه ومن غير ما يربط الحزام ومن غير ما يكون معلق نمر ولا الحكومه اللى بدل ما تدفعه غرامه بتاخد 50 جنيه رشوه ولا كأن حصل حاجه خالص الشعب اللى مش بيعرف ينظم نفسه ابدا فى اى حاجه حتى فى اتفه الاسباب مثلا زى لما بنيحى ندخل السينما نفضل نزوق ونضرب ونشد ونشتم ونتخانق لدرجه انهم بينزلوا امن مركزى قدام السينمات من اللى بيحصل ليه منبقاش منظمين وهنقف نص ساعه منظمين من غير ضرب وكل واحد هياخد ويمشى ولا الحكومه اللى مبهدلها الموصلات ولا عمرك هتلاقى اتوبيس حكومه نضيف لازم تلاقيه مخلع ومكسر وماشى مايل على جنب حتى لو فاضى والباب مش بيقفل اصلا والقطارات مالهاش ببان والزجاج بتاعها مخلع على البحرى وفى الشتا الناس يطلع عين اللى جبوهم عارفين يعنى ايه شباك القطر مخلوع وبيجرى فى الشتا  فى حاجات كتير :drive1::drive1: الحكومه اللى ب الورقه والقلم بترقع المواطن على قفاه وتهين كرامته ولو اتكلم يلبس مليون تهمه  ولا الشعب اللى مش بيحب التعليم اصلا حتى لو هو صعب فاحانا برده مش بنذاكر ونتعلم التعليم هو الاساس اصلا وكل ما الواحد يبقى متعلم بينفع نفسه اكتر من اي حد وبيكون فاهم الدنيا ماشيه ازاى ؟؟ مش لازم نعتمد على الغش فى الامتحانات حتى الحكومه فى الجزء ده بتعودنا على كده احنا لو من ابتدائى مش بنغش واعداى وثانوى هنطلع ناجحين وكل واحد هياخد حقه لاكن الطفل اللى بيغش من ابتدائى ايه اللى هيخليى يذاكر فى اعدادى؟ فيها ايه لما مانغليش حد يغش حتى لو فى 1 ابتدائى ويسقط هيسقط سنه اه لمامايعرفش يغش بس هيفضل طول عمره بعديها مايعتمدش على الغش ؟؟ انا عارف انى طولت بس انا بتكلم فى سلبيات كتيره جدى طبعا بعيد عن الايجابيات لان سلبياتنا موديانا فى داهيه ليه الشعب بقى سلبى اوى فى كل حاجه كل واحد مستنى الحاجه تيجى لغايه عنده بقينا كسلا اووووووووووووووى بجد والله وتلاقى كل واحد رايح الشغل بتاعه بيجرى عشان نازل متاخر عشان مكنش قادر يقوم من النوم طب ده حتى مافيش حد بيلعب رياضه الناس كلها بقيت بقرش ياعم الحاج ليه الحكومه وصلت بينا اننا نبقى محتلين اقتصاديا معقوله مصر بحاله مش بتعرف تصنع حاجه ده القلم الجاف والاستيكه والحاجات التافهه دى صينى هنروح فين بعد كده :glasses: تخيلوا معايا كده لما تكون نسبه البنات لرجال 1:6  يعنى ربنا محللنا اننا نتجوز 4 يعنى لو كل راجل اتجوز 4 مش هيخلصوا ؟؟ ومع ذالك هتلاقى تلت تربع شباب البلد مش هيتجوز اصلا تيخلوا كمان 20 سنه هنبقى عاملين ازاى نسبه العوانس هتبقى ازاى فى البلد بجد ؟؟؟ اصلا الشباب مش هتعرف تتجوز لانها مش بتشتغل والعيب من الحكومه لو كانت بتعلمنا صح من الاول كنا كلنا طلعنا معانا شهادات افدنا البلد بجد والله على الاقل يوم ما الحكومه هتعمل مصنع هتلاقى ناس تشغله مهندسين او عمال او او او ايا كان ليه الناس الفلاحين بقوا يسبوا الاراضى ويجى يزحمه القاهره بجد والله ولو تلاحظوا القاهره بليل فاضيه عشان بيخرج منها اكتر 6 مليون عامل اللى جاى من شامل او جنوب ايا كان  وبجد البلد بقيت زحمه موووووت ليه الحكومه محلله السجاير مع انها من اكبر الاضرار على الناس مش زيها زى المخدارات دى ؟؟؟ على الاقل ممكن واحد محشش يبطل بسهوله الحشيش لاكن السجاير دى مش بسهوله انك تبطلها وبضر نفسك فيها ايه لو الحكومه تمنع السجاير عن الشعب وتعوض الشركات باى مبلغ مش احسن ما الشعب الفقير ده يدفعله كل يوم 7 جنيه فى علبه سجاير  واحنا صحيح ايه اللى احنا فيه ده ناس مش لاقيا تاكل وتفضل كل يوم تجيب علبه سجاير ايه التفكير ده بجد ؟؟؟ كلام كتير ياريت تشاركونى فيه انا زهقت بامانه ولو فضلت اتكلم مش هخلص تحيات007 |
||||||||||
|
| إعلانات google |
|
|
|
23-11-2010, 03:17 PM
|
#2 | ||||||||||
  
|
الحكومه حلوه انت عايز تحبسنا يا عم   |
||||||||||
|
|
|
23-11-2010, 04:14 PM
|
#3 | |||||||||||
|
اقتباس:
هههههههه لا حياة لمن تنادى و الله |
|||||||||||
|
|
|
23-11-2010, 04:36 PM
|
#4 | ||||||||||
  
|
الاثنين غلط |
||||||||||
|
|
|
23-11-2010, 05:46 PM
|
#5 | ||||||||||
|
انا اللى غلطان  |
||||||||||
|
|
|
23-11-2010, 06:11 PM
|
#6 | ||||||||||
 
|
 عمروه يا حبيب قلبى انتا كنت واحشنى كتير وفرحت لما رجعت تانى بس باين انتا كدا هتوحشنا كلنا اكتـــــــــــــــــــــــــــــــــــــــــــــــ ر من الاول :gathering::gathering: حبيب هارتى |
||||||||||
|
|
|
23-11-2010, 06:15 PM
|
#7 | ||||||||||
  
|
الرد دة نقاش بجد مش سبام .. انا بصراحة شايف السبب فى الهباب اللى احنا عايشينة دة هوا انقلاب 1952 .. بضحكوا عليك و يقولوا ثورة .. 1: رايح توزع الاراضى الزراعية .. هيا كانت ارضك !! حتى لو عاوز تفرح الشعب .. اديهالهم حق انتفاع ! مش بيع ! 2: التنازل عن السودان علشان بريطانيا تبارك الثورة ! 3: و طبعا نتيجة للانقلاب بقينا نعين من اقرب و ليس اولى ! 4: و طبعا رجالة الثورة خدوا بالهم ان الجيش و الشرطة قوة كبيرة .. ادوهم صلاحيات كبيرة جدا .. شوف انتا لو ظابط بيبقى اية صلحياتك !.. او اسئل حد كبير ! 5: بقينا بلد بظرميت ! معاك واسطة و فلوس كلو هيشيلك على دماغة .. من غير فلوس ولا واسطة .. هيشلوك صحيح بس على حاجة تانية ! 6: مجانية التعليم .. و دى بقة المشكلة الكبيرة اللى وقنا فيها .. المفروض التعليم مجانى للاعدادية ! عاوز تكمل يبقى قدامك طريقين .. 1: تكع فلوس انتا و اهلك علشان تعرف قيمة اللى بتاخدوا ! 2: تبقى متفوق و دى تاخد عليها مجانية ! مش طالب صايع بقالوا 15 سنة فى الكلية و البلد بردو تصرف علية ! والله لو قعد اتكلم للصبح هتحصر و هتبقى زبالة ! |
||||||||||
|
|
|
23-11-2010, 06:20 PM
|
#8 | ||||||||||
 
|
الشعــب : يستــاهل كل الي الحكومه بتعمــله فيه واكتــر .. لان كل واحد بيسكـتت عن حقه .. كل واحد بيشوف ظلم او فســاد بيحصـتل بيقلك انا مالي .. بدل ما يغيــر الواقــع او يـحـاول يغيـره لا بيقــلكـ انا مالـي .. الحكـومه : عاوزه الحــرق .. كلها بجــاز وســخ |
||||||||||
|
|
|
23-11-2010, 06:27 PM
|
#9 | ||||||||||
|
انا خايف ارد لحسن ملقيش اهلى فى البيت  |
||||||||||
|
|
|
23-11-2010, 07:37 PM
|
#10 | |||||||||||
|
اقتباس:
انا يمكن طولت عليكم بس صدقني الموضوع مننا واحنا اللي بايدنا نغيره ومنرميش علي الماضي ونقول اصل كان لكن نبص لبكرة ونقول اصل الان. |
|||||||||||
|
|
|
23-11-2010, 07:48 PM
|
#11 | ||||||||||
|
بص يا عمر انت جبت الى فى قلبى كله بجد بص يا عم انت عارف احنا لو كلنا بقينا بنظام اقسم بالله ما هيبقى فى مشكله خالص انما احنا شعب عايز الخرزانه يمشى بيها على طول انما بالكلمه الحلوه انسى انت عارف انا كنت رايح املى انبوبه فى الازمه العربيه جت بأنابيب تقدينا وتقدى قدنا كمان بس بسبب ام الزحمه والخناقه على مين ياخد الاول مع ان الانابيب تقدى كله برده مفيش نظام وكله خناق لحد لما قفلوا المخزن والعربيه واتصلوا بالمركز جهم بالخرزانات وقفوا الناس زى الالف فى الصف وخلصنا فى اقل من نص ساعه مع ان كان موجود اكتر من 500 واحد واتبقى انابيب وفضلت والرائد الى كان معاهم : قال اه يا شعب بهايم مش بتيجوا الا بالشتيمه والعصايه من الاخر الشعب يستاهل |
||||||||||
|
|
|
23-11-2010, 07:56 PM
|
#12 | ||||||||||
|
الاتنين بصراحة علشان الناس كيدا كيدا بترمى الزبالة فى الشوارع فل حكومة بتشوف كيدا بتقول خلاص لا حياة لمن تنادى بيشوفو الامور بتكبر و مش بيعمله حاجة يعنى الشعب بيدى فرصة للحكومة انها تتدماة خلااصت الكلام.. و بل نسبة للسجاير اى واحد بيشرب سجاير هيتخل النار علشان دى بتهلك الصحة و ربنا مدينا الصحة دى كنز و مش مفروض نهدره.. |
||||||||||
|
|
|
23-11-2010, 07:58 PM
|
#13 | ||||||||||
|
للاسف انتا اللى فاهم القصة كلها غلط .. انا مليش دعوة التقارير بتقول ايه !! انا ليا احنا كنا فين و بقينا فين ! و ابدأ بالرد على اجاباتك بسم الله الرحمن الرحيم الرد دة نقاش بجد مش سبام .. انا بحب المناقشه اوي :) انا بصراحة شايف السبب فى الهباب اللى احنا عايشينة دة هوا انقلاب 1952 .. بضحكوا عليك و يقولوا ثورة .. كنت عايزنا نعيش مع الانجليز لغايه النهاردة؟؟ مش فاهمك انجليز .. سياتك الامبراطورية البريطانية كانت اندثرت فى العالم كلة .. و لعلمك ان ايام الانقلاب .. الانجليز كان فاضلهم 4 سنين و يطلعوا من البلد لوحدهم ! 1: رايح توزع الاراضى الزراعية .. هيا كانت ارضك !! حتى لو عاوز تفرح الشعب .. اديهالهم حق انتفاع ! مش بيع ! شوف يا جميل الناس دي كانت عايشه بالسخرة فاهم يعني ايه الباشا الكبير او الاقطاعي مشغلك عنده ومن غير اجر اصلا يعني الارض دي بتاعت الناس الغلابه عبد الناسر الله يرحمه لما وزعها مش عشان ارضه ولا الكلام ده لكن لان دي ارضهم ارض الناس اللي شقت عليها وادفنت وهي بتخدمها تخيل نفسك او جدك الكبير وهو بيتسحب من رجله عشان يودوه يشتغل غصب عنه او عشان يودي مراته تخدم في سرايه البااشا وغيرها من الحاجات دي ممكن تسال والدك لانه اكيد عارف اكتر منك الناس دي اتعمل فيها ايه.... لكن لما الفلاح يخلف 10 . 15 !! ياعنى لو مات 15 بنى ادم هيشاركوا فى الارض ! اولادهم ! احفادهم ... هيبقى الوضع زى ما انتا شايف دلوقتى ! كل واحد عندو ايراطين بانى عليهم بيت !! الاقطاعى صحيح مكنش كويس .. بس كان رافع اقتصاد بلدك .. كان مخليك اول بلد فى العالم لزراعة القطن ! كان مكفيك و مش محتاج تستورد 2: التنازل عن السودان علشان بريطانيا تبارك الثورة ! دي مش ارضنا ولا عمرها كانت بتعاتنا صحيح كنا ايد واحده وشعب واحد بس التنازل مكانش من فراغ وانجلتر ايه اللي تبارك يا جميل ماهي دخلت تحاربك بعدها ب 4 سنين ولا انت نسيت العدوان الثلاثي علي بلدك؟؟ سياتك تراجع مذكرات رجال الثورة .. علشان تتأكد من الموضوع دة .. و علشان اوضحلك بردو ان مكنش فى حاجة اسمها السودان .. كانت كلها مصر من ايام الفراعنة ! .. زى ما مكنش فى حاجة اسمها لبنان ولا حاجة اسمها الجزائر و تونس .. ياريت تراجع تاريج وطنك العربى ! 3: و طبعا نتيجة للانقلاب بقينا نعين من اقرب و ليس اولى ! ده الوضع الحالي لكن ايام ناصر كنا بنعين الاقرب برده؟ 4: و طبعا رجالة الثورة خدوا بالهم ان الجيش و الشرطة قوة كبيرة .. ادوهم صلاحيات كبيرة جدا .. شوف انتا لو ظابط بيبقى اية صلحياتك !.. او اسئل حد كبير ! انت واخد فكرة غريبه فعلا المفروض تقرا اكتر عشان تعرف تاريخ بلدط البلد اللي انت بتتكلم عليها دي ايام الثورة انا معرفهاش ومحدش هنا يعرفها محدش عاش زمن الفراعنة .. بس عارفين كانوا بيعملوا ايه ! كفاية تعرف من جدك النظام فى الشغل و المواعيد ! نظام القطارات .. اللى كان الثانى على العالم .. نظام البريد المصرى الاول على العالم .. حديقة حيوانات الجيزة كانت الثانية على العالم .. و طبعا بعد الثورة كلوا بخ ! 5: بقينا بلد بظرميت ! معاك واسطة و فلوس كلو هيشيلك على دماغة .. من غير فلوس ولا واسطة .. هيشلوك صحيح بس على حاجة تانية ! 6: مجانية التعليم .. و دى بقة المشكلة الكبيرة اللى وقنا فيها .. المفروض التعليم مجانى للاعدادية ! عاوز تكمل يبقى قدامك طريقين .. 1: تكع فلوس انتا و اهلك علشان تعرف قيمة اللى بتاخدوا ! 2: تبقى متفوق و دى تاخد عليها مجانية ! انا معاك في موضوع مجانيه التعليم بس ده يكفلهولك المجتمع والقوانين اللي احنا عايشين عليها صحيح في ناس كتير دلوقتي ممكن تكون عدت ثانوي وهما مش فاهمين حاجه وفي جامعه وبرده زي ماهما لكن في ناس تانيه كويسة جدا لولا المجانيه مكناش سمعنا عن زويل ولا عن البرادعي ولا فاروق الباز العلماء دول من اصل عادي زينا لا هما دخلوا مدارس خاصه ولا اتعلموا برا ولا حاجه الناس دي كانت زيك وبتدرس زيك لكن البني ادم اللي عايز يبقي حاجه بيبقي هههههه.. بصراحة واضح انك مقرتش الموضوع اصلا علشان ترد .. بقولك المتميز ياخد مجانية .. طب ما التعليم كان بفلوس زمان .. و لو قرأ قصص طة حسن . و قاسم امين و مصطفى كامل و محمد فريد .. كل دول كانوا واخدين مجانية و عالمية من الازهر ! .. امريكا يا راجل .. اغنى بلد فى العالم مفيهاش حاجة اسمها مجانية ! مش طالب صايع بقالوا 15 سنة فى الكلية و البلد بردو تصرف علية ! البلد مش بتصرف عليك والدك بيدفع ضرائب والضرائب دي اللي بتصرف عليك بندفع فواتير كهربا وماية وغاز وتليفون وغيرها دي اللي بتصرف عليك الدولة بتدعمك فقط لا غير لكن لو حسبتها هتعرف انها منك وليك طب ابوة اللى بيدفعوا دة يجى كام .. 100 .. 200 .. 300 !! شوف سياتك تكلفة الكتب اللى بياخدها برخص التراب .. اجور العاملين فى الكلية كلهم .. و سياتك الضرايب اللى بتدفع دى بيتبنا منها بردو البنية التحتية للدولة ! والله لو قعد اتكلم للصبح هتحصر و هتبقى زبالة ! انت محتاج تتثقف اكتر مفيش شئ في الكون نضيف ولا 100% بيور او نقي اي بلد انت شايفها عظيمه وجميله صدقني فيها نفس الكلام محسوبيات ورشاوي ومؤامرات وكلام من ده ياما لكن يمكن بنسب اقل لكن الناس اللي ساكتين لو طلعت وعليت صوتك وطلبت حقك ممكن متاخدوش لو لوحدك لكن لو طلعنا كلنا هناخد دلوقتي بيجري انتخاباتت مجلس الشعب وبعدها انتخاابات الرئاسه لو انت عايز حقك روح صوت وخد حقك لو شايف ان الحزب اختار ناس علي حساب ناس روح قول لاء لو شايف غلط بايديك غيره مش افضل اعد في مساوئ البلد واقول ما هي خربانة امال انا هنا ليه عشان اصلح الخراب ده ... مصر بلدنا ياما عدا عليها من احتلال لغزو لطمع لحكام كويسين وحكام وحشيين بس لسه مليانه خير والدليل الناس الطيبه المستشفيات المفتوحه بالتبرعات الاب اللي بيتبهدل عشان يعلم ابنه ويكبره لسه عندنا خير .... انا مجبتش سيرة الشعب بردو !! انا اتكلمت عن الحكومة بس .. مش عارف لية انتا مش واخد بالك .. يا استاذنا المحترم احنا بقينا دولة فاسدة !! اللى يسرق يسرق و محدش يكلمة .. اللى يقتل و يمص فى دم الغلابة .. بقى عادى .. واضح انك اللى مش عايش معانا .. و انا و الحمد لله مثقف .. و احب اذكرك .. الاختلاف فى الرأى لا يفسد للود قضية |
||||||||||
|
|
|
23-11-2010, 08:03 PM
|
#14 | |||||||||||
|
اقتباس:
كل دة علشان مفيش تعليم صح .. لو فية تعليم صح .. يبقى فى اخلاق .. يبقى فى قيم و مثل .. نتعلم النظام و احترام العمل .. لكن لو مفيش تعليم .. يبقى كل سنة و انتا طيب . و شوف اى دولة كبيرة دلوقتى اساسها التعليم .. النمور الاسياوية .. الصين الفلبين .. الهند .. سنغافورا ! لكن انتا لسا بتتخانق نجيب سنة 6 ولا لا ! |
|||||||||||
|
|
|
23-11-2010, 08:04 PM
|
#15 | ||||||||||
|
انا شايف ان اكبر مهما هى التعليم لو كل واحد متعلم هيعرف الصح من الغلط هيعرف ان لو هنقف بنظام هيبقى احسن لينا وليهم هيعرف اننا لما نسمع ارشادات الحكومه ومانتريقش ده هيبقى فى مصلحتنا هيعرف اننا لما نشرب السجاير يبقى بنئذى نفسنا بكل الطرق  هيعرف اننا لما حد ينذدنا لازم نسمعه لان ده هيفدنا احنا بعد كده مش نهاجمه هو كمان عميانه هيعرف ان اختلاف الراى بيطلع باحسن الحلول وهيعرف ان اللى بيختلف معايا فى الراى مش لازم احاربه  حاجات كتير هيعرف يرد على الاكبر منه ب الاحترام من غير ما يعمل مشاكل لان الجهله ممكن يردوا فى موضوع تافه يعملوا مشكله جامده جدا والمتعلم هيرد رد بسيط يخلي يعرف ياخد حقه بيه |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| الحكومه ورقم 108 | Iam_Muslam | بـعـيـدآ عـن سـيـلـك رود | 17 | 11-07-2010 05:09 AM |
| اختار الشعب اللي عاوزه يتضاف للعبه | medjai-2008 | Ceres | 27 | 20-11-2009 01:59 AM |
| فييييييييين الحكومه المصرييه احنا بقينا فى حرب ولسه الحكومه مش تحركت | EL MoSeKaR | قـسـم الـريـاضـة الـعـامـة | 5 | 19-11-2009 11:29 AM |
.gif){kind=icon}
العرض العادي
