سيلك رود بتتكلم عربي !!!

[volcano]

عجيب وغريب
اذن اين العجب وما الغرابة في لعبة الحقيقه لم تكن واضحه لي ولم اتاكد الا عندما قرأت كنت اتصفح بالمنتدي وقرات موضوع بعنوان بجد حرام كتبته عضو يسمي حنين وكان نصه كالتالي

انا اختكم حنين من القاهره
يمكن تستغربو اني بكلمكم هنا بس انا دخلت اللعبه
وكلمت ناس كتير ودخلت المنتدي هنا علشان اعرف
وكلمت الاخ رامي وبعثت له برساله خاصه علشان اقدر افهم
شيء واحد بس حبيت اعرفه وابحث عنه
دلوقتي اخويا اسلام كان بيلعب اللعبه دي قلنا مش مهم لعبه زي باقي اللعب بس جه وقت وقلب البيت حريقه وقال انه اتسرق وقلب البيت وبعدين بقي عاوز فلوس علشان يجيب حجات في اللعبه دي انا مش فهمها ووصلت لي درجه انه بيسرق وعملت مصايب
انا عايزه اسئل سؤال ايه اللعبه دي اللي تخلي انسان يعمل كل ده علشانها اللي تخلي اخويا يسرق ويعمل كل ده في نفسه
لو سمحت يا أخ رامي تقولي وتفهمني وانا حعمل موضوع هنا علشان الناس كلها تعرف اللعبه دي عملت فينا ايه وفي بيت بالكامل
اختكم حنين

فقررت كأي انسان ان اضع موضوعا يحمل هذا العنوان حتي يتثني لنا ان نعرف ما يدور حولنا من اشياء ولم ندركها حتي لانقع في شباكها وارجو من الله ان افيد
-في الحقيقه عندما تري سيلك رود وامثالها من اللعب المماثلة فأنك تنظر اليها ومن يمارسها بنظرة عليها استفهامات كثيرة وليس من السهل عليك ان تحبها حتي تراها مرة واتنين وتلاتة
طيب ايه الحكاية ايه ديه انا لازم اجرب,,
ووقتها قد بلعت الطعم (غمزت السنارة) وتبدأ رحلة من الشقاء والبحث عن نفسك في اللعبة
وتنتشر اللعبة في جسمك كمثل السرطان او المخدر وتصبح مدمنا
من منا لا يدعي نفسه انه مدمن سيلك رود ?
إذا الامر غريب وعجيب العجب والغرابة في ان يتخلي الانسان عن كل شئ في الحياة مقابل الفوز باللعبة ويزيل كل المشاكل التي قد تقابله من طريقه
وخير الدليل هو المثل
--من منا لم يعاني من مشاكل مع اهله في البيت بسبب القضاء ساعات طويلة امام سيلك رود
--من منا لم يخسر اشياء في حياتة بسبب لعبة حبة للعبة سيلك رود مثلا اصدقائك,والدك , والدتك,دراستك, وكل هذا نوع من التقصير في حق الاخرين نتيجه الانشغال بقضاء ساعات طويلة امام سيلك رود.
--من منا لم يضيع وقت كبير ليس ساعة او ساعتين ولكن قد تصل بالشهور امام سيلك رود.
--ومن ومن منا ..... انها امور كثيرة وكل واحد عارف هو قصر في ايه بسبب سيلك رود .....
------------------------------------------------
إذا ماذا نستنتج من كل هذا ان السبب الذي ادي اخو حنين اللي اسمو اسلام ان يسرق ويقلب البيت رأسا علي عقب ويعمل مشاكل ملهاش اول من اخر
وسبب مشاكل كتير انت مش حاسس بيها
وسبب مشاكل كتير انت عارفها بس انت بتلهي نفسك (وعامل عبيط) وقال يعني مش واخد بالك
إذن الكل سيجااوب ويقول سيلك رود هيا السبب....صح ؟؟
وانا سأجاوب واقول لا يا اخواني انها ليست سيلك الرود المشكله فينا ذات انفسنا فليس من الممكن ان نحاكم لعبة او حتي صانعيها
-------------------------------------------------
طيب تعالو نتكلم بالبلدي شويه بقي طيب برده احنا كل ده مش فاهمين اكيد في حد هيدور في دماغو ده
هقول بوصو من كل اللي فات نقدر نشبه سيلك رود بأيه؟
حد عرف
الحقيقه كل الحقيقه ان سيلك رود وجهان لعملة واحدة
الوجه الاول : متعة وترفيه بحساب
الوجه الثاني:مخدرات
ايه ده سيلك رود مخدرات ايه ده (يعني لما العبها اعمل دماغ)؟؟؟!!!
لأ سيلك رود تأثيرها علي بعضنا كمثل المخدرات فلا يوجد احد من مدمنين هذه اللعبه يقدر يعيش يوم من غير سيلك رود ,,,
تعالو مع نستعرض هذه القصه كنت عند زميل لي يلعب معنا اللعبه وكان جهاز الكومبيوتر عنده في حبة مشاكل كان عامل زي المجنون عايز يشغل الجيم الجولدن تيكت الوقت بتاعها هيخلص
ومسكتش والله ساعتها كان فعلا عامل زي المجنون ساعتها استغربت وملكتني الدهشه وللاسف وجدت نفسي بنفس حاله يعني بعمل زيه بس من غير ما احس ولم يهدئ له بالا الا وقد وجد جهازه شغال وسيلك رود والبوت....
إذا سيلك رود كمثل المخدرات فلا تستغربي يا اخت حنين ولا تستغربو جميعا فأن المخدرات وسيلك رود لهم نفس التأثير
سيلك رود والمخدرات بيخلو الانسان يسرق, عصبي , مقصر في حقوق كل من حوله
فيجب علي كل انسان منا عاقل ان يتحكم في نفسه ويمنع نفسه عن قضاء ساعات طويلة اما لعبة وان يشغل نفسه بما هو انفع ولا يضيع وقته هباء حتي لاتقع في براثن الادمان ووقتها قد تخسر الكثير ..
-----------------------------------------
اتمني من الله ان يوفقني ويوفقكم وان تكون الفكرة والمغزي وصل
وكل سنة وانتم طيبين,,

وجهة نظر من السهل ان تخطئ ومن الصعب ان تصيب

[2008]

مشكور يغالي على الموضوع الرائع بصراحه انا مالي الا 3 شهور واحس نفسي اني بتجنن من العبه وحجات غريبه في الصلاه تفكير غير طبيعي وتلهيك عن اشغالك ودك تكون عاطل العمل عشان تكون متفرغ للعبه وعدم عمل حاجات اخرى غير اللعبه فيه يعني انتم ايه رايكم فيه بصراحه للعبه معموله لتلهي الناس عن طاعة الله وغير كذا ماااقدر اقول فانتبهووووا ياخوان اهم اشي الطاعه وسيبو اللعبه وبعدين ارجعوا لها


تحياتي لك يغالي الموضوع غالي زيك

اشكر الله اني اول واحد يرد عليك

[Processor]

يافناااااااااااااااااااااااااااااااااااااااااااااا اااااااااااااااااااان اية يا ولة العبقرية دى بقالى اكتر من سنة عرفك واول مرة اعرف انك بتعرف تتكلم زى الناس هههههههه لا بجد جميل اوى الكلام دا نا واحد من الناس الى لما كنت بنام بحلم بيها واقوم مفزوع من النوم على Sun فهمنى فعادى ولما يبقى فى حرب معرفشى انام انا كنت ببق بالاسبوع عشان اعمل حاجة فى دماغى المهم الحمد للة بقت عملا زى اى لعبة لعبها طول حياتى وربنا يكون فعون الى لسا دخلين فيها جديد شكرا يا فولو على كلامك الجمل دا يا صحبى انا مستنيك النهردا باليل اوك هنسهر مع بعض هىهىهى

[Processor]

صحيح كل سنة وانتو طبيبن على شهر رمضان المبارك اعادة الله علينا باليمن والبركات

[volcano]

شكرا علي الكلام الجميل ده وكل سنة وانتم كلكم طيبين

[the die]

بس برده العيب فيه لان كل انسان ليه الراده ممكن يواجه فيها اي حاجه
وبعدين ادام هو مش حاطت في دماغه انها لعبه للتسليه بس يبقي الغلط عليه

[كورابيكا]

wooooow

volcano

طول عمري يا volcano بقول سيلكرود دى ادمان

اشكرك لانك قدرت تقول الجملة دى بأسلوب جميل جدا

انا مش بعرف اتكلم زيك كدا :D
100/100

silkroad= pango@herween

في مستشفيات بتعالج الادمان من البانجو والهيروين

يبقا لازم يكون في حاجة تعالج من silkroad
مش معقولة حتبقي مستشفي يعني
بس اكيد في علاج

انا عن نفسي مدمن بكمية كبيرة جدا
ولما اتوصل للعلاج ان شاء الله

حنشره بالمجان في جميع المنتديات

وشكرا

انا شايف ان اللعبة من حلاوتها الناس ادمنوها فعلا

انا اعرف واحد عندة 27 سنة ساب خطيبتة اللى معاة بقالها 3 سنين عشان كان بيعد قدام اللعبة كل وقتة ومكانش بيروح الشغل عشان يعد على اللعبة



بس انا شايف انها ارادة

والارادة دى ممكن حد يتحكم فيها وهو فى لفل 80 عشان يكون استريح ومش عاوز حاجة تانية من اللعبة

اما بالنسبة للشباب اللى بيلعبوها تحت سن الـ 16 سنة ولسة مستجدين فى اللعبة فـ دول الله يكون فى عونهم وفى عون اهاليهم





وشكرا على الموضوع الجميل دة

[egy_falcon]

اه زالله انا عن نفسى خايف اوى خصوصا انى فى ثانويه عامه

[volcano]

الحقيقة...... انا لسه شايف ان فيه لسه ناس عاقله بدليل انهم قدرو انهم يعترفو ان سيلك رود ادمان
وقدرو انهم يعترفو ان فيه مشاكل بسبب سيلك رود وانا نفسي اشوف ردود اكتر ومشاكل اكتر علشان نقدر نحدد جميع المشاكل ونقدر نعرف الاسباب اللي بتخلي الناس تدمن وان شاء الله قريبا هيكون فيه موضوع جديد فيه الاسباب اللي أدت للمهزلة اللي احنا فيها ديه ولازم تؤمن بمثل واحد
إذا عرف السبب بطل العجب

[Mr_KSA]

نعم اخي هذه العبه دمان بجد انا ليا 9 شهور مدمن عليها والحمدالله تركتها دي ضايع وقت ومال و وصحه اذا زاد العب عن حده ..........

[samirooo2010]

ههههه كلام صحيح مليون الميه و كل سنه و انتوا طيبين ولونها متاخره شويه

[MaXiMuM]

فعلا لعبة تجن عايزة واحد فاضى مورهوش اى مشاغل ولا مسؤليات وقاعد طول النهار يلفل ويعمل هاند heavy جريند لما تطلع روحة طب دة كلام لا وال ىيضحك ان اللعبة ملهاش نهاية كل مدى الكاب لفل يزيد مرة 70 مرة 80 ودلوقتى هيضيفو لل 90 دة غير ان اللعبة بتحرض على السرقة فية ناس بتضرب فيز وتسرقها ولا لاء عشان تجيب سلكات ؟ وبتحرض كمان على الغش لانك لازم هتلعب بالبوت عشان تلفل لانك مش هتشوف لفل من غيرة وبتحرض كمان على المنافسة الشديدة وحب النفس الزائد فى مثلا انك عاوز تجيب اجسين لبس واحجسن سلاح وتتعايق بية على الى حوليك بصراحة دى اسوأ لعبة شفتها فى حياتى وانا ابتديت افوق منها وهبيع اكونتى وافكنى من اللعبة الخنيقة دى
ارجو ان ربنا يهيدكو انتو كمان

[dyagooh]

اللعبة مشكلة فعلا اجتماعية وشخصية وذهنية

[mjohncena45]

انا معاكو اللعبه بتشد الواحد جامد وانا كنت بتعمل حاجات عشان العب اللعبه بس فكرت ان اللعبه زى كل الالعاب وبلعبها كترفيه مش زى الاول حاول تفكر ان دى لعبه والعيب فى اخوها اكيد اللعبه مبتلعش اشعاع وربنا معاها