بِخصوص الـ Free P.lvl

[Al.Qanas]

السلام عليكم ورحمة الله وبركاتة
ازيكم يا جماعة واية اخباركم :) ..

النهاردة فيه موضوع ضايقنى اوى وحبيت احطه هنا علشان كله يبقى عارفة وفاهم اية اللى بيحصل بالظبط .
من كام يوم انا اشتريت حاجات كتير استونات وكلام فاضى من دة لحد ما الجولد بتاعى خلص وتقريبا مبقاش معايا غير 3 مليون اجيب بيهم HP و MP وشوية ايتمات مش عارف ابيعها لسه .
قولت هعمل تاكسى اجمع شوية جولد للأكونت وكدة . روحت عملت تاكسى Cave
بدون مبالغه بعد ربع ساعة بالظبط كان التاكسى اتقلب Free P.lvl معدا واحد تركى بس اللى مش بيدفع . وفضلت على كدة طول الليل .

وكل اللى يقرا الاسم ويعرف انى مصرى حتى لو هو مش عارفنى تلاقية عمال يقولى ازيك وبتاع ولو سمحت لفلنى فرى . طيب انا هلفل كام الف مصرى يعنى ف اللعبة وانا هلعب امتى وازاى ؟؟؟

لكن كل واحد بيفكر ف نفسة وخلاص . وواحد تانى يكون اصلا بايعنى من قبل كدة وخارج من الجيلد بتاعى ومن غير ما يدينى فكرة ومنفضلى ع الاخر واول ما يشوف التاكسى تلاقية جاى بيكلمك وبيقولك لفلنى فرى والنبى . مع انه كان ف الجيلد قبل كدة وبياخد فرى p.lvl . طيب بأى حق بتطلبه دلوقتى ؟

الصبح النهاردة بعد الابديت قولت هعمل تاكسى تانى ف الـ Karra علشان اجيب جولد بردو .
اى مصرى بيشوف اسمى يروح داخل ويقولى فرى بليز
وناس من الجيلد بتاعى انا قولتلهم لاء مش دلوقتى لان فعلا انا لو فضلت بالشكل دة عمرى ما هعمل تاكسى ف حياتى .
انا الناس اللى تعرفى ف اللعبة يمكن اكتر المصريين يعرفونى وناس كتير ومجرد انى اعمل تاكسى بلاقى اكتر من 20 واحد عايزين يدخلوا مش 8 بس .

واللى اقوله يا معلم مش هينفع دلوقتى علشان انا بجمع جولد لانى مفلس دلوقتى الاقية يقولى بليز ومعلش وبتاع
المفروض انه يقولى بليز دى لما اقوله مش هينفع وخلاص لكن انا بقولك انا مش معايا جولد .
ادينى مساحتى بقى اجمع فيها اللى انا عايزة بعدين نشوف نعمل تاكسى فرى ياعم .
و ف الاخر يزعل ومنهم اللى خرج من الجيلد .
مع انى ملفلهم كتير فرى قبل كدة . جه على المرة دى ويروح خارج من الجيلد
انا زعلان على الحركة دى بس فرحان انى بعرف الناس على اصلها وانه عارفك مصلحه مش اكتر .

وناس كتير ف اللعبة مش تعرفى غير مصلحه ومنهم ناس هنا ف المنتدى كمان لدرجة انهم مش عارفين اسمى اصلا واسمنا صحاب يعنى ولفلنى فرى يا صاحبى وكلام من دة
دة كل اللى بيعرفنى علشانه .

على العموم من النهاردة انا مش هعمل اى Free P.lvl غير لأصحابى اللى هما اصحابى بجد
والناس اللى ف الجيلد عندى . ومش طول الوقت
يعنى هيبقى فيه وقت معين للفرى ووقت تانى لو انا حبيت اجمع جولد ليا زى ما كان بيحصل النهاردة كدة .

انا سبقت اى حد وقولت احط الموضوع هنا
الموضوع دة اتحط ردا على اى واحد بيفكر يقول انى مش بساعد حد او انى مش تمام معاه .
علشان تبقوا عارفين اية بيحصل ف اللعبة وكل واحد ماشى ازاى .

موضوع تانى بيحصل بردو .
واحد يبقى جاى يدخل التاكسى يقولى معلش يا مان انا مش معايا غير 900 الف وبليز وكلام من دة . والتاكسى بيكون مثلا بمليون . اقوله اوكى مفيش مشاكل
يدخل ياخد ساعة وبعدين الاقية بيقولى كمان ساعة ^^ دة اقوله اية ؟؟؟؟؟
ودى اتكررت معايا كتير اوى اوى اوى كمان.

وناس تانية تقولى نفس الكلمة . بردو يقولى بليز يا مان وانا كل اللى معايا 800 الف والله ويقعد يحلف وكلام من دة . واول ما اقوله اوكى بردو . ياخد معايا ساعة . وتلاقية دخل ع التاكسى اللى جمبى بالظبط طول الليل ب 6 مليون ^^ .
حتى مفيش امانه ف اللعب ومش مقدر انى راضى انى ادخله ومش كسفتة ولا قولتله مش هينفع وبيحور عليا علشان يدخل بجولد اقل .

ودة سبب بردو انى بعد كدة اى واحد هيدخل التاكسى معايا بعد كدة مش هقبل بأقل من السعر اللى موجود ف البارتى ماتش.

ناس كتير حضرت معايا المواقف دى وقدام عنيهم حصل الكلام دة وانا خليتهم ياخدوا بالهم من اللى بيحصل علشان وقت ما اجى اتكلم قدامهم يبقى بحق . وشهدتهم على ناس كتير بتعمل كدة وبتحور عليا وانا ساكت وعامل نفسى مش حاسس !
ياريت لو حد شايف ان كلامى غلط لو عارف حاجة عن كدة يبقى يتكلم .

اسف يا جماعة الناس دى اضطترنى لكدة والا هكون ساذج لو فضلت اعامل الناس دى زى ما كنت بعاملهم قبل كدة .

ياريت اى واحد قرا الكلام دة مش ياخدة على نفسه لان الناس اللى عملوا كدة كتير مش واحد معين انا داخل اتكلم عليه يعنى
وياريت لو حد عارف نفسه انه عارفنى مصلحه ياريت يبطل يكلمنى ويشيلنى من دماغة لانه مش هياخد منى حاجة .

وياريت كل واحد يفكر يتعمد على نفسه هيبقى احسن لان دة اساس اللعبه مش انك تدخل تاكسى وتلفل وانت مش فاهم اية دة ولا معاك 1 جولد حتى .

مش عايز اطول عليكم
مات الكلام :)

وسلام

[Al.Qanas]

بعد ما حطيت التوبيك اهو بعشر دقايق حصل اللى بحكى عليه
وادى اول حاجة حصلت اهى.

واحد معانا من اليونيون دخل التاكسى اسمه wizard_silk
ومن المفترض انه صاحب جيلد معانا ف اليونيون يعنى
دخل التاكسى ولما وصل وبعتله Exchange قال ف البارتى مش احنا يونيون واحدة وايد واحدة ولا اية يا رجاله
قولتله ايوة طبعا بس دة وقت مش فرى
فيه وقت مخصوص هيبقى للفرى بإذن الله تقدر تدخل فيه لكن دلوقتى انا عامل تاكسى علشان اجيب جولد
وكل اللى ف التاكسى ردوا عليه وقالولوه احنا كلنا دافعين وادفع وكدة
فسئل بيقول بكام قولتله 1 مليون
لقيته بيقول لييييييييييييييييه هو فيه حد معانا ليفل 140 ولا اية وبيتريق وكدة .
دة اللى ملحقتش اخده برنت بس اللى كانوا ف البارتى يحكوا الكلام دة بالتفصيل وهما معانا هنا ف المنتدى .

بعد كدة خرج من البارتى ورجع يقولى طيب ربع ساعة بكام
كان وقتها التاكسى كومبليت وكله واخد ساعة
روحت زى ما اتريق روحت قولتله مهو انا مش ليفل 140 وبعدين التاكسى اتملى
لقيته بيقولى انت هتذلنى وشتم وقال ف ستين داهيه وانا مش رديت عليه.



جه بعدها قالى انا عايز نص ساعة قولتله مش انت بتشتمنى قالى اه وشتم تانى بردو وبزيادة



وف الاخر دخلته على اساس انه هيدخل نص ساعة بدل واحد كدة يعنى
وبعد عذاب وهو عمال يفاصل معايا ف الجولد مش عارف ليه وانا مقبلتش انى انزله 1 جولد علشان اللى قاله .
بعد ما اخدت الجولد لقيتة بيقولى يارب يبقوا نحس عليك
روحت مرجعله الجولد بتاعة وقولتله مفيش تاكسيات و U Welcome



ادى اللى بيحصل

من شوية كان بيقولك احنا يونيون وايد واحدة
واول لما لقى مفيش تاكسى يبقى ف ستين داهيه
مع العلم انى كلمته حلو اوى ف الاول ودة قدام الناس لكن ناس كتير كانوا بيكلمونى ولما رجعت اخد برنت لقيت الكلام طلع فوق واختفى
بس كل اللى انا قولتلهوله
yes we r one union
and the free time not all the time
it is some times and not now
not time i collect gold coz i;m no gold

راح قال اللى قاله دة
لسة هوريكم كتير من الكلام دة
حاجة تحرق الدم

سلام

[samirmagdy_love]

كل الي هاقولو ليك ربنا معاك و مع الناس الي لفلتهم عليا ....انا و الله لو منك ماكنت معبرو أنت انسان محترم و تستحق كل تقدير أخوك IaMSugeR 3atef

[Al.Qanas]

منور التوبيك يا جميل
ودة واحد من الناس اللى كانوا موجودين ف التاكسى وقت ما الاخ اللى بقولكم عليه دة دخل والكلام كان قدامة بردو

منور التوبيك يا باشا
وشكرا لمرورك

[MAROOO2030]

انت المفروض متبصش للناس دى ولفل freeee للناس اللى انتا عايز تلفلها بس واللى يدايقك اعملوا
block عشان ميعدش يشتم فيك وخلاص
لان انت انسان محترم واكيد يعنى مش هترد عليه

[Al.Qanas]

ميرسى على ردك يا باشا
ودا فعلا اللى بيحصل

نورت التوبيك

[Ultra]

والله الكلام دة بيحصلى كتير لما فيه ناس تقرا اسمى على المنتدى وتلاقينى فى السيرفر

وانا بقى اول رد ليا عليهم بيبقى مفيش فرى وتدفع السعر كامل

وريح دماغك

وربنا يوفقك

[MAROOO2030]

شكرا يا مان

[Al.Qanas]

Hard_Blader

البنى ادم دة غريب وعجيب ومش عارف دماغة ماشية من انهى ناحية
شوية يشتم ف الناس وشوية يعمل طيب
لسة عامل موضوع من شوية بيقول عليا كويس وكاتب اسمى ف موضوع احسن ناس قابلتهم ف السيرفر
وبعدين كان شاتمنى ف موضوع تانى ورجع قالى انا اسف ورجع شتم تانية
وشوية يشتم ع الايميل وبعدين يقولى ايم سورى ودخلنى الجيلد
ويروح داخل جيلد تانى وبعدين يرجع يقولى لفلنى والنبى
اول ما قولتله دلوقتى الفرى بتاع الجيلد قال زى ما فى الصورة دلوقتى كدة
كنت انا لسة بقول للناس ف الجيلد فرى كارا وكنت كاتبله فوق الفرى دلوقتى بتاع الجيلد بس وانا كاتب كدة ف التوبيك هنا
راح قايلك بردو ف ستين داهيه بعد ما كان عامل حبيبى وبتاع

الواد دة عمرى ما شوفت حد مش بيقول عليه عبيط وقليل الادب وكمان سكامر وكل الناس بتكتب عليه كدة
وحاولت اكتر من مرة انى اغيرة واخليه بنى ادم ونصحتة لكن مفيش فايدة
ولو كدبت كلامى دة يا اسمك اية انت انا هجيبلهم الكلام كله اللى ع الجيم واللى ف الايميل

كل واحد فعلا الفاظة وكلامه بيدل على تربيتة والبيئة اللى عايش فيها

لسة ياما هتشوفوا مناظر مصالح وقله ادب اكتر من كدة
موز اوى
سلام

[Al.Qanas]

ya menz 7aram 3alek deh poors walhy homa 3amloo aih aih need plvl free ya menz 7aram 5alek gada3 ana asmee Hard_Blader o b5sos elfrankoo sorry ana elcomputer byaez
please ya menz elmp o elhp yat3awodoo bas anta taib lash 3am bta5lee elnas taz3all kolhom da5len ma3ak felguild o tal3at som3aa wa7sha 3ala elmasreen
enhom w***shen no free taxis 3'aleya 7ata ana bafta7 free ong walhy
bas ya menz 5alek gada3 ana ma3rfsh min Wizard_silk bas howa shatmnee abl keda
tab laih haCk6r free?
ya menz 5alek gad3 lvl 2min elguild bta3ak free ya menz ana lvl54 o oltlak free kara please oltlee ana no gold oltlak np ana kan ma3aya sa3taha gold keter da5alat taxi allnight 10millon lvl94 kan eltaxi sniper
kont bad exp tla3t min eltaxi o tanshat el10millon za3alt
kont ha2olak lvlnee free kara kman mara anta sa3bt 3alya olt blash aza3lak
o slamo samo

مش بقولك انت بنى ادم معقد
يعنى انت عارف انى فعلا مش معايا جولد وقولتلك الكلام دة امبارح
ودلوقتى قولتلك دة ميعاد الفرى بتاع الجيلد
بتشتم ليه بقى ولا علشان المصلحه طارت
وبعدين يعنى اية هاكر ليه فرى
اذا كان شخصية هاكر دى بتاعتى اصلا وانا باخدها الفلها واجيب بيها الجولد لان قناص بيبقى تحت مش ينفع ياخد الجولد من الناس
وانت بتقولى لفل الناس بتوع الجيلد فرى
طيب منا بلفلهم فرى اصلا وكلهم يقولولك كدة
معدا واحد ساب الجيلد اسمه mena_wagih
الاخ دة اول ما قولتله انا مش معايا جولد وبلاش فرى النهاردة راح خرج من الجيلد
مع انى قبل كدة كنت بلفله فرى ف الكارا بس كنت وقتها لسة ليفل صغير وموتت
وبعدها لفلته فرى ف الشاكرم بردو

واول لما قولتله الكلمتين دول راح خرج من الجيلد
فعلا رجاله اخر زمن

وانت حاول تشوف دكتور نفسانى يشخص حالتك
ربنا يهديك

[Al.Qanas]

هههههههههههههههههههههههههههههههههههههههههههههههههه
ههههههههههههههههههههههههههههههه
انا بضحك لانك فعلا بتثبت انك مش فاهم اى حاجة ولا هتفهم اى حاجة ف حياتك
وانا مالى ومال الجيلد
انا كل اللى قولتهولك قولتلك دة وقت الفرى بتاع الجيلد بتاعى
وانت مش ف الجيلد يبقى مش ينفع تيجي
ولا انا بتحايل عليك واقولك والنبى تعالى الجيلد

اخرك بلوك كمان هنا
تجاهل يعنى بلغة المنتديات

[asdmka]

انا ملاحظ ان المصريين بس اللى بيعملو الحركة الزبالة دى :S
طب وليه تدنى من نفسك علشان شوية جولد معفنين وتخلى اللى يسوى واللى ميسواش يتكلمو عليك وانا مش قاصد صاحب الموضوع لان شكلو جدع وهيلفلنى for free xD
joke :D
انا الحمد لله عمرى مافاصلت فى 10 k حتى ,لانها حاجة مش مستاهلة بصراحة ,ومعلش لصاحب الموضوع انت المفروض تكتب فى ال party formation
taxi karra pls noone from egypt enter it xD
علشان تريح دماغك من البشرية التعبانة دى
تقبل مرورى :)

[hok73]

معلش انا عارف ان في ناس متعبين بس متضايقش نفسك هم فاكرين ان الناس قاعده ليهم يعني مش هنلعب ولا ايه اول ما نوصل حاجه و ستين يبقوا كلوا عايز تاكسي فري علشان كده احنا المفروض ننظم وقت الفري في كل اليونيون علشان المشاكل دي

[Al.Qanas]

شكرا يا جماعة على الردود
بس فعلا اللى شكلى هعمله قريب
انى لما هلعب اللعبة دى مش هلعب غير مع صحابى ومش هتعرف على اى حد جديد
انا قبل ما العب اللعبة دى كنت شغال ف تصميم الموقع والحمد لله كله عارفنى كويس
الواحد كان ليه شأن غير اللعبة خالص
اللعبة اللى خلت اللى اصغر منك ب 10 سنين يشتمك شتايم عمر ما حد شتمهالك
واللى خلاك تتناقش راس براس مع واحد جاهل وغبى وكمان مش محترم
حاجة بجد تزعل لما الواحد يتنقل من مرحله لمرحله اوحش منها اوى كدة

ع العموم لسة مستنى هشوف اية من الناس ودة اللى هيقرر ازاى هعامل الناس وازاى العب معاهم

نسيت اقول ان فيه ناس يمكن وخدانى مصلحه بس مؤدبين ولما بقولهم مش دلوقتى او حتى مش برد عليهم لو انا مش موجود مش بيتكلموا خالص
لكن فيه ناس بتتنمرد زى ما شوفتوا كدة
اول ما يلاقى مفيش مصلحه يروح شاتم
مع انه ممكن يقولى كلمة حلوة اقوله لاء تعالى يا باشا انت راجل تمام ودة فعلا اللى بيحصل ومع ناس كتير وكمان انا معرفهمش وممكن اخليهم كلهم يدخلوا يقولوكم انا بتعامل معاهم ازاى ويحلفولكم كمان انهم ولا يعرفونى
بس كل دة علشان هما ناس محترمة وانا كمان ببقى مجبر انى احترمهم واشيلهم فوق راسى كمان

شكرا لمروركم وانا تحت امر اى حد محترم ومش يكون عايزنى ف مصلحه ولما تنقضى يبقى سلاموز يا موز

نهاركم بيضحك
سلام

[sniper rifle]

:Dاولا انتا من الناس اللى بحترهم يا قناص عشان انتا باين ان انتا رجل محترم و فاهم الدنيا كويس انا لما قولت اللى كان نفسى ادخل معاك فى التاكسى كنت بهزر واللة بس نسيت اكتب D او مزحة انا لما كنت عايز مساعدة كنت بكلم حبيبى ShadowMakerبس انا لما ابقى محتاج فلوس اكلمة بس مش بمبالغ كبيرة طبعا ولما قولتة لفلنى فرى الى انا مش فاضى قولتة ماشى عادى كل واحد بيبقى مشغول فى حاجة و ساعات الواحد يكون مشغول مش طايق نفسة عادى كلنا كدة بعدين مش كل امصريين كدة فى ناس بتفهم فى الذوق (زيى طبعا):Dالمهم طبعا اللى ما يحترمكش سيبك منة لانة واحد مش فاهم الدنيا كويس و مش مقدر اللى قدامة كويس انا متاكد اللى بيعمل كدة بيكون عيل صغير مش فاهم الدنيا اما يكون واحد مش محترم عشان كدة انا باتفادى الاشكال الزى دى وانت يا قناص راجل كبير و عاقل و فاهم انتا اللى بتعملة صح ولا خلط

يلا سلام