اللى عايز يلعب لعبة اونلاين ملهاش حل وببلاش يدخل

[t2t]

يا شباب اللعبة دى بجد تحفة وكانت معمولة لأمريكا واوروبا بس واتفتح موقع عالمى ليها (متهيألى فى ناس هنا عارفين الكلام ده )
انا لقيت هنا فالموقع موضوع واحد بس عنها و مكانش فى استجابة كفاية عشان كده هكمل من اخر حاجة:bad:
(سيبنا من قصة اللعبة عشان منمثلش ونخش فالمهم):
اولا الشخصيات:

1)ًwarrior:



ومتهيألى كده باين من لبسه وسلاحه انه الغول بتاع اللعبة دى ليه اقوى دفاع وهجومه جامد برضه بيمسك سلاح بسم الله عليه طوله كدا فتخيل ضربته عامله ازاى جميل فالتلفيل او فال pvp من الاخر مش محتاج كلام كتير هوا التانك او الدبابة بتاعت اللعبة دى


2)Blader:



وده بقى حبيب قلبى اشيك واحلى واسرع ضربات ممكن تلاقيها فلعبة بجد تحب تتفرج عليه وهوا بيلفل بيمسك سيفين اسمهم katana او blades و ممكن يمسك واحد من ده وواحد من ده وعلى فكرة الاتنين مبيفرقوش فقوة الضربة بس بيفرقوا حسب ال stat point اللى انتا حاططها ودى لسه هنشرحها.... وعلى فكرة الشخصية دى بتلفل بسرعة مش معقولة (انا بقيت لفل 36 فى 4 ايام) واللى بيلعب سيلك رود هيعرف الفرق بين بلادر وبلادر وعلى فكرة بيتميز فاللعبة دى بأنه بيقدر يفلت من ضربات الوحوش كتير فلما بتكون مظبط لبسك تقريبا مش هتتضرب منها لكن مشكلته انه ضعيف (شوية) فال pvp


3)ًWizard:



وطبعا ده الويزارد ومعروف بقوة الضربات بتاعته لكن فاللعبة دى انا اما شفت شكل الاسكلات بتاعته اتوهمت (ليه سكلة كده بتخلى واحد زيك يضرب معاك بس شكلها تحفة بس معرفش فانهى لفل عشان مكدبش)
وده بيبقى ماسك ستاف او حاجة كده حوالين ايده اسمها orb بتخليه يعمل الاسكلات بتاعته معظم اسكلات بتخليك تجمد او توقع اللى قصادك وده بيعوض نقط الضعف عنده.



:10: :10: :10: :10:
التلت شخصيات الجايين صعبين شوية فخليكو معايا كده واحدة واحدة



4)Force archer:



الشخصية دى بقى عقدة باين من اسمها طبعا انها Archer او بتضرب اسهم ودى ليها كريتيكال يخليك تموت الوحش ko او من الاخر من ضرية واحدة وده ممكن يبقى كمان فال pvp او وانتا بتلاعب واحد زيك غير انه ممكن يبقى healer يعنى يزود فال hp وال mp بتوع اللعيبة اللى معاه فالبارتى من الاخر بيتطلب بالاسم فالكويستات التقيلة وبجد شخصية جميلة قوى


5)Force blader:



الشخصية محدش لعب بيها الا وشكر فيها فعلا انا عن ذات نفسى لسه مجربتهاش بس هيا شخصية متوازنة فال stat point بتاعتها تسد معاك سواء كنت بتلعب pvp او بتلفل كمان ده بيسمحله انه يلبس مختلف انواع اللبس وكل واحد بيتميز بحاجة زى مهنشرح


6)Force shielder:
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وده ليه نوعين sword force shielder و magic force shielder :

ال sword بيبقى احسن فالتلفيل عشان ضربات السيف هنا بتضرب فاللى
حواليها يعنى ممكن تضرب فاربع خمس وحوش من اللى حواليك وكمان بيلبس لبس ال Warrior وكمان اسكلاته شكلها حلوز

اما ال magic فده بيبقى احسن فال pvp عشان قوة ضربته وكمان بيبقى دفاعه حلو عشان لابس لبس Warrior غيرانه بيعمل حاجة اسمها DPS'S او damage per second يعنى بيضرب اسكله تفضل تقلل فاللى قصاده


ثانيا:stat point او نقاط بناء الشخصية:


بعد كل لفل بتاخد 5 stat point ودول بيزودوك ف3 حاجات:

str ودى اللى بتزودلك الدفاع بتاعك ضد الضربات ودى بتبقى اساسى تزودها لل Warrior

Dex ودى اللى بتخليك تفلت من ضربات اللى بيهاجمك ودى بتبقى اساسى تزودها للبلادر

int ودى اللى بتقوى ضربات الماجيك والدفاع ضد هجمات الماجيك برده واكيد دى اساسى للويزارد

التلت شخصيات التانية بتعتبر مزيج من الشخصيات التلاتة الاساسية ومش معنى كده انك تحط ال 5 stat point فال str مثلا ....لأ انتا ملزم بعدد معين من ال stat point فال 3 اماكن عشان الشخصية تبقى مظبوطة معاك ومتهيبرش ودى بتعرفها اما تلفل تدوس C بتلاقيها اول حاجة من فوق وتحتها بتلاقى الخمس نقاط اللى المفروض تزودهم فالتلت اماكن والمطلوب منك بيتغير كل عشر لفلات لحد متوصل للفل 60 او 90 بعديها انتا حر تزود زى منتا عايز ..



فى ايه كمان؟؟؟فى ايه كمان؟؟؟؟!


اه

انواع اللبس:


كل شخصية بيبقى ليها لبسها اللى بتتميز بيه وفى 3 انواع:

Martial: وده بيزود فالDef rate اللى بيخليك تفلت من الضربات
Armor : وده اللى بيزود فال Def بتاعك اللى بيخليك تستحمل الضربات القوية
Battle : وده بيبقى وسط مابين الاتنين

وانتا فالنص هتلاقى نفسك تقدر تلبس اى واحد من التلاتة حسب ال stat point بتاعتك مبتكون متظبطة (اللبس فاللعبة دى بيبقى حسب ال stat point مش اللفل ) ده غير ان فى شخصيات تقدر تلبس اللى هيا عاوزاه زى ال Force blader



بالمناسبة اللعبة دى فيها حاجة جميلة اوى اسمها Auto attack يعنى اما بتحط الاسكلات فالبار تحت وتضرب بتكمل مع نفسها يعنى مش لازم تفضل تدوس على واحد واتنين وتلاتة لحد مصوابعك تورم والاسكلات بتكمل يعنى مش اول السكل متخلص الشصية تقف ومتضربش اى حاجة




كمان فى حاجة جديدة فاللعبة اسمها combo mode ودى زى سكل بتاخدها بعد متوصل لاول مستوى (وده بعد متبقى لفل 10 وتعدى كويست تخليك بدل novice تبقى apprentice ) ودى بتخليك تضرب كذا سكلة ورا بعض وبيظهرلك مؤشر كده المفروض انك تضرب الاسكلة قبل المؤشر ميوصل للأخر وهكذا على قد متقدر ودى بتنفعك قصاد الوحوش التقيلة بتجيبلك sp او سكيل بوينت اكتر ودى اللى بتعديك من مستوى فاللعبة لمستوى تانى , فانتا مثلا بتبتدىnovice المستوى اللى بعديه apprentice عشان توصل للمستوى دى محتاج 21 sp ومع كل sp بيتقالك تحت انك جبت sp ودى بتسمحلك انك تزود السكلات بتاعتك وتعليها فاللفل وكل متستعمل سكلات سريعة فالتلفيل كل مهتجيب sp اسرع ...... كل ده هيبان احسن اما تشوفوه فاللعبة انشاء الله .




أخر حاجة موقع تنزيل النسخة العالمية اللى ممكن نلعبها :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


وادى كمان الرابط اللى يخليك تعمل اكونت للعبة:

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الاول بتدخل الميل بتاعك وتختار الخانة اللى على يمينها ٌRequest E-mail validation بعدين تروح للميل بتاعك فال In Box هتلاقى رسالة مبعوتالك من اللعبة فيها كود تحطه فالخانة اللى تحت اللى حطيت فيها الميل بتاعك وتختار Confirm و شكرا كده




يارب يكون الشرح عجبكم واللى محتاج اى حاجة فأى حاجة فاللعبة يقولى انا اسمى فاللعبة N1ghtprince واللى معجبهوش اى حاجة ياريت يقولى برده وانشاء الله انشاء الله اللعبة تعجبكم وعايزين نبقى كتير فيها احسن امريكا الجنوبية محتكراها وانا قربت اتكلم اسبانى وانسى العربى ومستنى ردودكو ومشاركتكوا.


والله الموفق ,,,

[pandafu]

الشرح جامد و اللعبه باين انها جامده و الف شكر علي المعلومات

[koka]

و الله فكره

بس اهم حاجه متكونش زى سيلك رود

بان و بلوك و سرقه اكاونتات و سرقه فى الجيم

[noty2009]

شكرااااااااا و انا حمل اللعبه و اجى العب معاك سلام يا باشا

[t2t]

يا جماعة انا جايبلكو لعبة من الأخر ولا تلاقى حد يشتمك او يشتم دينك ولا يسرقك ولا تقوم الصبح على بلوك واللى هيلعبها هيعرف الفرق بجد واللى محتاج اى حاجة يقولى

[ahmed hanafy77]

اهم سؤال هية زى سيلك رود فى صعوبة التلفيل و لازم بوت و كدة و لا سهلة؟ ارجو التوضيح
و ياريت شرح مفصل عن اللعبة

[t2t]

المشاركة الأصلية كتبت بواسطة 0192496118 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرااااااااا و انا حمل اللعبه و اجى العب معاك سلام يا باشا

العفو يا باشا وانا مستنيك :d

[t2t]

المشاركة الأصلية كتبت بواسطة ahmed hanafy77 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اهم سؤال هية زى سيلك رود فى صعوبة التلفيل و لازم بوت و كدة و لا سهلة؟ ارجو التوضيح
و ياريت شرح مفصل عن اللعبة

لالالالالالالا بوت ايه يا راجل اللعبة دى حلاوتها انك تلعبها ................يا جماعة والله العظيم انتو مشفتوش اسكلات عشان لسه ملعبتوش اللعبة دى . . . .
تانى حاجة التلفيل فاللعبة مش صعب ولا حاجة وكلمة السر فيها الكويستات بتعلي التلفيل بسرعة جدا و مش كويستات رخمة (نظام تموت 1296123 وحش عشان تخلص الكويست)
وبالنسبة للفلوس فاللعبة دى الحاجات اللى بتقع من الوحوش بتبقى كتير (drops) , وبتتباع بسعر حلو حتى لو لل npc ده غير انك لو لقيت سلاح حلو عليه بلاسات كتير (هتلاقوا ساعات ممكن اسلحة تقعلكو +5 ) دى بقى تاخدها وتروح لمدينة اسمها bloody ice هناك تقدر تبيع الحاجات الغالية بتاعتك عند واحدة اخرها Agent shop بدل متفضل فاتح ستال طول اليوم (متهيألى مفيش احسن من كده) بس هيا لغاية دلوقت 3 اماكن بس :( واغلى الحاجات بتبقى ال accessory وياسلام لو عليها بلاسات وطبعا الاسلحة بالبلاسات واللبس . . . . . . وانا هكمل شرح بس انام شوية وانا هصدعكو بكل حاجة عن اللعبة وصدقونى جربوها وعلى ضمانتى والله مش هتندموا

[Black Evil]

في3Cilant
أنزل أنهي واحد

[noty2009]

انا الصراحه لما لعبتها ندمت دى واللهى العظيم لا تقارن بسيلك رود دى الجرافيك بتاعها تعبان تحس انك بتلبع سيجا و هى مش زحمه علشان مفيش حد بيلعبها و اان بلعبها كأنى فى صحراء مش لاقى اى لاعبيه خالص بجد و اللهى احسن لعبتين اون لاين فى العالم هما the world of war carft and silkroad بجد ازاى اى حد لاقى لعبتن اون لاين بنفس روعتهم ليقولى

[NightMare321]

شكرا علي المعلومات الحلوة دي :)

[t2t]

المشاركة الأصلية كتبت بواسطة 0192496118 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا الصراحه لما لعبتها ندمت دى واللهى العظيم لا تقارن بسيلك رود دى الجرافيك بتاعها تعبان تحس انك بتلبع سيجا و هى مش زحمه علشان مفيش حد بيلعبها و اان بلعبها كأنى فى صحراء مش لاقى اى لاعبيه خالص بجد و اللهى احسن لعبتين اون لاين فى العالم هما the world of war carft and silkroad بجد ازاى اى حد لاقى لعبتن اون لاين بنفس روعتهم ليقولى

جرافيكها تعبان؟؟؟!!

















ده ردى على موضوع الجرافيك ومتهيألى واضح اووووووووووووووى الجرافيك (التعبان ) وعلى فكرة الصور دى جيم بلاى game play يعنى من جوه الجيم نفسه مش الشركة منزلاها و شكلها فى حاجة فكارت الشاشة عندك عشان تجسيم الصور دى هوا اللى عندى فالجهاز


.................تانى حاجة عشان بتقول انك فصحراء فده لأنى قايل ان اللعبة لسه فاتحة السيرفر العالمى ولازم تلاقى العدد اللى فيها قليل والا مكنتش عملت الموضوع ده الا عشان انا محتاج ناس معايا ولو عايز تتأكد خش يو تيوب وشوف الاعداد اللى بيلعبوها على السيرفر الاوربى (وده مقفول للشرق الاوسط)

وفالاخر شكرا على مشاركتك يا جميل

[t2t]

المشاركة الأصلية كتبت بواسطة one2one2020 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

في3cilant
أنزل أنهي واحد

اى واحد من اول اتنين

[noty2009]

يا مان انا عندى كارت الشاشه 512 GFORCE اللهى الجرافيك تعابن دى يا ابنى 2d مش 3D زى ورلد اوف وار كرافت او زى سيلك رود انت شكلك مش بترعف فى الجرافيك خالص

[noty2009]

انا انصحك احسن تجرب wrold of war craft و قولى بزمتك شوف الفرق فى الجرافيك و التجسيم العالى اوى لورلد اوف وار كرافت و بعدين اساسا اشهر لعبتين على مستوى العالم هما سيلك رود و ورلد اوف وار كرافت