| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
22-12-2008, 10:33 PM
|
#1 | ||||||||||
  
|
السلام عليكم ورحمة الله وبركاته اخواني تعالوا نشوف قصة حب وممكن تجربها والعمل ساهل جدا بامكان كل واحد يعمله والموضوع مش عاوز واحد عضلات ولا فنجري بق ولا غني ولا معاه شغل ولا ابن فلان ولا جنسيته ايه الموضوع محتاج قلب ليك قلب ؟ عاوز تحس احساس عمرك ماشفته ولا حسيته ؟ طبعا زي أي علاقة الموضوع محتاج لوقت وكل ما كنت جاد في العلاقة كل ما حتلاقي العلاقة اتطورت ماعلش النت بيقطع جار تحديث الموضوع |
||||||||||
|
التعديل الأخير تم بواسطة silver_moha ; 22-12-2008 الساعة 11:23 PM
|
| إعلانات google |
|
|
|
22-12-2008, 10:39 PM
|
#2 | ||||||||||
  
|
شكله حلو مستنين يامان |
||||||||||
|
|
|
22-12-2008, 11:30 PM
|
#3 | ||||||||||
|
آسف يا جماعة ان شاء الله مش هنام الا لما أكتب الموضوع بس بجمع بعض المعلومات |
||||||||||
|
|
|
22-12-2008, 11:45 PM
|
#4 | ||||||||||
  
|
كملنا الموضوع بأه |
||||||||||
|
|
|
22-12-2008, 11:51 PM
|
#5 | ||||||||||
 
|
يا ريت تكلم الموضوع لانك الموضوع بقاله 3 سعات ونصف و مفيش حاجة اتجددت فيه فاياريت تكمله بدل ماتر انى احذفه |
||||||||||
|
|
|
23-12-2008, 02:34 PM
|
#6 | |||||||||||
|
اقتباس:
|
|||||||||||
|
|
|
23-12-2008, 12:51 AM
|
#7 | ||||||||||
|
أجمل علاقة حب ممكن تعيشها في حياتك أولا ممكن اسألك بعض الاسئلة ايه أكتر شيء بتحبه في حياتك ؟ - ممكن تقولي الفلوس الفلوس بتزول وتضيع ولو بقت ومت هتتوزع بعد موتك - ممكن تقولي الجاه والسلطة برضه بتزول ومافيش حد بيفضل في منصبه مهما كان - حب النساء للرجال والرجال للنساء كام % من العلاقات علاقت ناجحة وانتهت بالزواج وبقيت علاقات سعيدة بعد الزواج ؟ العلاقات دي أكيد بتفتر وتزول تنتهي بمأساة أو سطحية وتضعف بأسباب عدم فهم الطرفين أو خيانة احد الطرفين أو حتى موته ( العلاقة بتنتهي ) هتسألوني انت بتتكلم فـ ايه ياعمنا علاقة الحب اللي المفروض تحبه انك تحب الحب اللي يزيدك قوة وعمرك ماتخاف انه ينتهي بقسوة أو جحود أو خيانة أو انكسار ( حب لا يزول ) حب للأبد هتسألوني ياعم قول كلنا عاوزين نعيش العلاقة دي يا جماعة الموضوع بسيط وانا جبت الموضوع دا علشان كلنا نعيش في سعادة أنا عارف ان فيه ناس مش هتكمل الموضوع ولكن أنا عشت العلاقة دي وفيه ملايين عاشوها علاقة حب صادق هو حب الله عزل وجل لحظة أقوللك انت وانا والكل بيفكر في ايه وانا وانت وكلنا عاوزين ايه تعالوا نعمل مقارنة ونحكم بنفسنا انت عاوز ايه من البنت اللي بتحبها ؟ ** عاوزها تفكر فيا ولما تفكر فيك ؟ يعني هيكون فيه حد تاني بيخاف علي بيراعيني وكده ولله المثل الاعلى فيه حاجة اسمها (( الذكر )) يعني انك تذكر الله قال الله تعالى { فاذكروني أذكركم } يعني انت لما تذكر الله في نفسك ربنا يذكرك في نفسه ولو ذكرته في ملأ أو جماعة ربنا يذكرك في ملأ أحسن من اللي انت قاعد معاهم دانت لو حد قالك احنا كنا في سيرتك امبارح ولا البت كانت بتقول كذا وكذا وكان كل كلامها عليك هتكون سعيد ومبسوط ما بالك لو ذكرك ربك ؟ الي خلقك وخلقها ؟ قولي انت عاوز من البنت ايه تاني ؟ يااااااااااااااه نفسي تكون فاهماني تحب اللي بحبه وتكره اللي بكرهه وتفهمني من غير ماتكلم يا سيدي يا سيدي ليه هارون الرشيد ؟ بص يا سيدي الفاضل ولله المثل الأعلى انت لو حبيت ربنا هو هيحبك دا مش كده وبس دا هو ممكن يحبك الأول علشان انت تحبه قال الله تعالى { فسوف يأتي الله بقوم بحبهم ويحبونه } يعني العلاقة بينا وبين الله علاقة حب واللي بيبدأ هو ربنا ؟ وهو الغني واحنا الفقراء وهو القوي واحنا الضعفاء - هو فيه كده دا اللي أنا أعرفه ان الغني بيدور على واحدة غنية والطبقات العليا والطبقات المتتوسطه ليهم نظرة تانية خالص في علاقاتهم لأ شوف يا سيدي لو ربنا أحبك (( اللهم احبنا يارب ، اللهم ارزقنا حبك وحب من احبك وحب كل عمل يقربنا الى حبك )) يقول رسول الله صلى الله عليه وسلم { إن الله اذا أحب عبدا نادى جبريل يا جبريل اني أحب فلنا فأحبه فيحبه جبريل فينادي جبريل في أهل السماء يا أهل السماء ان الله يحب فلانا فأحبوه ثم يوضع له القبول في الأرض } ياااااااااه مش كفايه ان ربنا بيحب فلان ؟ لأ . بيعلن حبه لفلان ويقول لجبريل وجبريل يحبه ويعلنه في السماء وأهل السماء يحبوه ياااااااااااه الملايكة تحبني ؟ ( أيوة ) ويوضع له القبول في الأرض يعني كل من في الارض يحبوك وكل الناس تقبلك وتحبك . قال الله تعالى في الحديث القدسي { من آذى لي وليا فقد آذنته بالحرب } ياعم انت بتتكلم في أولياء واحنا فين والاولياء فين ؟ لالالالا ثواني بس اقرا الآية معيايا { ألا ان أولياء الله لا خوف عليهم ولا هم يحزنون . الذين آمنوا وكانوا يتقون } يعني لاولياء مافيش خوف خليهم ولا عمرهم ماهيزعلوا ولا هيصيبهم شيء دول أولياء الله مالك الملك يقول للشيء كن فيكون . بيعملوا ايه الاولياء دولي ومين هم ؟ - الذين آمنوا وكانوا يتقون يعني رجل مؤمن يتق الله يعني بيخاف من ربنا المؤمن دا اللي ربنا يقول في حقه : من آذى لي وليا فقد آذنته بالحرب ؟ أيوة ياعم طب شوف لو انت ليك قريب في البلدية كنت هتعمل في الناس ايه ولا لو ليه قريب في مجلس الشعب ولا محافظ ولا وزير ولا ولا ولا هتبقى بتتكلم مع الناس بثقة ازاي ولو وقعت في كمين ولا مشكلة ( هيكون ولا في دماغك لأنك عارف انه فيه ناس سدادة ) ( بالعربي اللي ليه ضهر ماينضربش في كرشه ) :d طب تخيل لو انت ربنا أحبك وكان هو وليك وكان هو واسطتك وكان هو ضهرك وسندك يعني تبقى مع ربنا وتخاف ولو قريبك المحامي فلان تحط في بطنك ( مش عارف ايه ) ؟ عاوز من البنت ايه تاني ؟ انا عاوز كل لما أحتاجها ألاقيها وماتنشغلش عني ولله المثل الأعلى امتى انت رحت لربنا وقفل بابه ؟ ولا قالك مش فاضي ولا احتاجتله واتخلى عنك ؟ قال تعالى { أهل ذكري أهل مجالستي فمن أراد أن يجالسني فليذكرني } ياااااااااااااه يعني أنا أكون في مجلس الله وانا بذكره ؟ لا اله الله الا الله ولو فضلت طول حياتك قاعد انت اللي بتبدأ الجلسة وانت اللي بتختمها بذمتك أي واحدة في الدنيا تستاهل انه تحبها أكتر من الله ؟ دي لو قعدت معاك شوية تقولك كذا وكذا وراها ايه . أمها هتستغيبها . أخوها هيشوفها . مش عارف اتأخرت وكذا وكذا لأ يا سيدي حبيبك ربنا ابدأ الجلسة انت وانهيها انت وعمره مابيقفل بابه في وش حد عاوز منها ايه تاني ؟عاوز منها هدايا :) ( بحب هديتها أوي ) علشان أحس انها فاكراني ولله المثل الأعلى قال الله تعالى في الحديث القدسي { اني والانس والجن في نبأ عظيم أخلق ويعبد غيري أرزق ويشكر سواي خيري للعباد نازل وشرهم ايى صاعد أتودد ايهم برحمتي وأنا الغني عنهم ويتبغضون الي بالمعاصي وهم أفقر ما يكونون الي } ربنا اسمه الودود عارفين يعني ايه الودود ؟ يعني كثييييير الود ودووووووووووووود ( لا اله الا الله ) ربنا بيتودد ايه برحمته علشان يخليك تحبه الودود مش بيودك وبس دي صيغة مبالغة يعني كثييييييييييييير الود من نعمه علينا انه مش بيعذبنا بذنبنا زي الأمم السابقة من نعمه علينا انه ستر ذنوبنا وسترك وانت بتعمل كذا وكذا من نعمه علينا اننا لسه فينا الروح ونقدر نتوب هات واحد من القبور دلوقت واسأله لو انت بينا دلوقت كنت عملت ايه اسأل نفسك لو واحد بس رجع كان هيعمل ايه ؟ طبعا هتقول هيعمل ويخلي وو و و و و و و و طب هل يا ترى يقدر يرجع ؟ طبعا لالالالالالالالالالالالالالالالالالالالالالالالالا لا طب انت أهو لسه فيك الروح نرجع ونقول انت عاوز من البت ايه ؟ تبقى وفيه ليا وتبقى لي لوحدي ايه الرومانسية دي يا جميل ولله المثل الأعلى قال تعالى { أهل طاعتي أهل محبتي وأهل معصيتي لا أقنطهم من رحمتي إن تابوا الي فأنا حبيبهم } يااااااااااااه يعني لو تبت دلوقت يبقى ربنا حبيبي ؟ نعم يا خي دا حديث قدسي وكلام ربنا عاوز منها ايه تاني ؟ كفاية كده هكمل الموضوع وأقول انت بتعمل ايه علشانها ونقارن لو خليت اللي انت بتعمله دا لله وهوريك قوتك العجيبه لو استخدمتها في اللي ينفعك ايه الي هيحصللك تابعواا |
||||||||||
|
|
|
23-12-2008, 01:38 AM
|
#8 | ||||||||||
|
أكمل موضوعي كنا بنقول ايه ايه ايه ايه آه افتكرت انت ممكن تعمل ايه ؟ تخيل لو شخص انقذ حياتك من الموت يااااااه دانا كنت أحبه حب وو وو وو وو تخيلي لو شخص عرض حياته للخطر المحقق علشان ينقذ حياتك ( زي تايتانيك مثلا ) مش لو كان شاب وسيم ومش متجوز دانا كنت أعمل المستحيل علشان ..... طب ليه كده ؟ أصله عمل حاجة أصله أنقذ حياتي أصله عرض نفسه للخطر علشاني أصله أصله أصله وو وو يااه قد كده حياتك غاليه عندك ؟ أيوة طبعا طب انت عايش ليه ؟ ومين ادالك الحياة دي ؟ يعني تحب اللي أنقذها ولا اللي خلقها ؟ قال تعالى { فاذا سويته ونفخت فيه من روحي } يااااااااااه يعني ربنا نفخ في سيدنا آدم من روحه ؟ وانا ابن آدم يعني أنا نفخة من روح الله ؟ وبعصيه ؟ لا اله الله الا الله انت لما بتحب الفتاه بتعمل علشانها ايه ؟ طبعا بلبس أحسن لبس قدامها وبحافظ على كلامي وبحاول أكون هادئ وبحافظ على معادها وبفكر فيها وعمرها ماتشوفني في شيء يزعلها وبعمل اللي يرضيها ومافكرش أخونها أحب اللي تحبه وأكره اللي تكرهه لو مش عاوزاني ألبس كذا عمري مالبسه لو مش عاوزاني أكلم فلان أو فلانه مش هكلمها لو عاوزاني أتكلم انجليزي فرنساوي عبري تعلم أهم شيء أرضيها يااااااااااااااااااااااااااااه دانت عندك صبر وطاقة غريبة وكل دا ليه ؟؟ علشان انت شايف ان سعادتك (((((( في الدنيا )))))) مع دي انت ممكن تكون شايف كده ولكن الحقيقة غير كده طيب واللي سعادتك بقى بايده فعلا في الدنيا والآخرة ؟ تعالى بقى يا حبيبي وتشوف انت بتعمل ايه مع اللي المفروض انت تحبه وانت رايح المسجد بتهتم بلبسك زي مابتهتم بلبسك لو رايح معاد ؟ وانت بتقول الكلمة بتراعي ان ربنا سامعها وي ما كنت بتتكلم والبنت بتاعتك سامعة الكلام ؟ بتحافظ على معادها بالثانية والدقيقة وأحيانا تكون قبل المعاد بساعات طيب مافيه معاد بينك وبين ربنا كل يوم 5 مرات وهي الصلوات الخمس بتفكر وتحاول تكون هادئ في كل أفعالك وتصرفاتك لأنك عارف ان ربنا شايفك وي ما بتكون أفعالك وتصرفاتك لما بتكون البنت شايفاك ؟ عمرك فكرت في ربنا ؟ طب فكرت فيه قد ايه ؟ طي هو ولا هي اللي بياخد حيز أكتر في تفكيرك ؟ طيب عمرك فكرت ماتعملش الحاجة اللي تغضب ربنا زي ما بتحاول تبعد عن الحاجات اللي بتزعل صاحبتك ؟ طيب عمرك فكرت تعمل اللي يرضي ربنا زي ما بتحاول بكل الطرق تعمل اللي يرضيها ؟ كل مرة وقع ربنا في مقارنة مع شيء تاني واخترت ربنا ؟ كم مرة قلت ربنا بيحبني أعمل كذا وقلت اعمله لله زي مابتقولها أنا عارف انك بتحبي كذا قلت أجيبهولك كم مرة قلت ربنا مش بيحب كذا وقلت أسيب عمله لله زي ما قلتلها كنت هعمل كذا بس افتكرتك وافتكرت انك هتزعلي قلت ماقدرش على زعلك ؟ كم مرة لبست ليس لا يرضي الله ؟ دانت لو البنت قالتلك التيشيرت دا مش عاجيني هتولع فيه قدامها كم مرة حاولت تلبس لبس علشان ترضي ربك ؟ دي لو قالتلك بحب البنطلون دا هتلبسه ليل نهاز وتنام بيه كمان ويمكن تشتري منه نص دستة كل يوم بواحد ويمكن تدخل الغسالة بيه علشان ماتقلعوش ( أصلها بتحبه ) كم مرة حاولت انك تبتعد عن مصاحبة فلان لله ؟ زي ما انت خايف على زعلها لو شافتك وانت بتكلمه او علمت انت كنت واقف معاه ؟ كم مرة حاولت انك ترضي ربنا ؟ تتمنى رضاه زي مابتقوللها أمريني . طلباتك أوامر . عيوني . بس أشري وتتمنى يا حبة عينك انها تطلب طلب . لو عانت عاوزة ( عين الديب ) هتجيبهالها طيب انت بتعمل كل دا علشانها ليه ؟ أصلي بحبها طيب بالله عليك يا شيخ حبها أولى أم حب الله ؟ رضهاها ولا رضى الله ؟ جرب تحب ربنا وجرب ان ربنا يحبك كل اللي كنت بتتمناه منها ربنا هيحققهولك وعلى الاقل هتبقى لقيت دنيتك وأخرتك انت عارف ربنا دا مييييييييييييين ؟ اللي خلقك ورزقك وفي يوم هتموت و في يوم هيحاسبك انت تعرف انك لما بتموت روحت بتروح في ايد الله ؟ اقرا كده قال تعالى { الله يتوفى الانفس حين موتها والتي لم تمت في منامها فيمسك التي قضى عليها الموت ويرسل الأخرى الى أجل مسمى } صدق الله العظيم يعني ايه الاية دي ؟ يعني ربنا بياخد النفس لما بتموت . اللي بيموت ربنا بياخد روحه طيب واللي لما تمت اللي مماتتش يبقى ربنا بياخد الروح دي في المنام يعني لما حضرتك بتنام ربنا بياخد روحك بين ايديه فيمسك التي قضى عليها الموت يعني ربنا بيخلي الروح اللي كتب عليها الموت عنده مابترجعشي يعني ايه ؟ بنقوم الصبح نلاقي فلان مات ربنا أخد روحه وهو نايم وخلاها هنده لأنه مات ويرسل الأخرى الى أجل مسمى يعني ربنا بيديلك روحك تاني لوقت محدد هياخدها ومش هترجعلك تاني بالله عليك انت تضمن ان ربنا ياخد روحك كل يوم ويديهالك تاني ؟ كل يوم بياخد روحك ؟ كل يوم بياخد روحك ؟ كام سنة عشتها ؟ كام مرة نمت ؟ ياااااااااااااااه كتير تضمن انه في كل مرة يديهالك ؟ يااااااااااااااه طيب بتديله روحك بكل الذنوب اللي فيها ؟ وتسيبها بين ايديه بالذنوب دي ؟ طيب افرض لو مارجعتش ليك تاني ؟ لا له الا الله محمد رسول الله آسف عندي شغل الصبح ولازم أنام وأكمل بكره أرجو الردود |
||||||||||
|
التعديل الأخير تم بواسطة silver_moha ; 23-12-2008 الساعة 01:56 AM
|
|
23-12-2008, 01:45 AM
|
#9 | ||||||||||
|
موضوعك بى جد رائع وى بارك الله فيك |
||||||||||
|
|
|
23-12-2008, 02:35 PM
|
#10 | |||||||||||
|
اقتباس:
|
|||||||||||
|
|
|
23-12-2008, 02:41 PM
|
#11 | ||||||||||
|
{ إن الله اذا أحب عبدا نادى جبريل يا جبريل اني أحب فلنا فأحبه فيحبه جبريل فينادي جبريل في أهل السماء يا أهل السماء ان الله يحب فلانا فأحبوه ثم يوضع له القبول في الأرض } مشكور اخى للافادة العامة موضوع اكثر من رائع تقبل مرورى |
||||||||||
|
|
|
23-12-2008, 06:04 PM
|
#12 | |||||||||||
|
اقتباس:
عن أبي هريرة ـ رضي الله عنه قال: قال رسول الله صلى الله عليه وسلم: "إن الله إذا أحب عبداً دعا له جبريل، عليه السلام، فقال: إني أحب فلانا فأحبه، قال: فيحبه جبريل، ثم ينادي في السماء فيقول: إن الله يحب فلانا فأحبوه، فيحبه أهل السماء، قال: ثم يوضع له القبول في الأرض، وإذا أبغض الله عبداً، دعا جبريل، فيقول: إني أبغض فلانا فأبغضه، فيبغضه جبريل، ثم ينادي في أهل السماء: إن الله يبغض فلاناً، فأبغضوه، قال: فيبغضونه، ثم توضع له البغضاء في الأرض". اللهم ارزقنا حبك |
|||||||||||
|
|
|
23-12-2008, 02:37 PM
|
#13 | ||||||||||
|
شاركوني الرأي يا جماعة فين ردودكم ان شاء الله نكمل الموضوع الليلة لأن النت حاليا بيفصل |
||||||||||
|
|
|
23-12-2008, 02:41 PM
|
#14 | ||||||||||
|
شكرا على الاهتمام والتكملة |
||||||||||
|
|
|
23-12-2008, 06:11 PM
|
#15 | |||||||||||
|
اقتباس:
شكرا للمرور وتابع معنا عن أبي هريرة ـ رضي الله عنه قال: سمعت النبي صلى الله عليه وسلم قال: "إن عبداً أصاب ذنباً ـ وربما قال: أذنب ذنباً ـ فقال: رب أذنبت ذنباً ـ وربما قال: أصبت ـ فاغفر لي، فقال ربه: أعلم عبدي أن له ربا يغفر الذنب، ويأخذ به؟ غفرت لعبدي، ثم مكث ما شاء الله، ثم أصاب ذنباً ـ أو قال: أذنب ذنباً ـ فقال: رب، أذنبت أو أصبت ـ آخر، فاغفره، فقال: أعلم عبدي أن له رباً يغفر الذنب، ويأخذ به؟ غفرت لعبدي، ثم مكث ما شاء الله أن يمكث، ثم أذنب ذنباً ـ وربما قال: أصاب ذنباً ـ فقال: رب، أصبت ـ او قال: أذنبت ـ آخر، فاغفره لي فقال: أعلم عبدي ان له رباً يغفر الذنب ويأخذ به؟ غفرت لعبدي ثلاثاً، فليعمل ما شاء". |
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| أجمل فيديو يكمن أن تشاهده في حياتك | _aswan_ | بـعـيـدآ عـن سـيـلـك رود | 1 | 19-03-2015 04:40 PM |
| أجمل لحظات حياتك | ☜ ĂиTaKą ☞ | بـعـيـدآ عـن سـيـلـك رود | 3 | 26-12-2013 02:46 AM |
| ......مواقف قد تعيشها يوما ما ..... | JUMPER | بـعـيـدآ عـن سـيـلـك رود | 27 | 09-03-2010 11:39 PM |
| احسبها صح .. تعيشها صح | ronaldo20074 | بـعـيـدآ عـن سـيـلـك رود | 22 | 04-02-2010 09:17 PM |
| ..... احسبها صح ... تعيشها صح .... | omar007 | بـعـيـدآ عـن سـيـلـك رود | 21 | 19-08-2009 12:38 AM |
.gif){kind=icon}
العرض المتطور
