حتى ابليس هاجر من مصر

[mafia200]

على باب سفارة كندا.. لمحت ابليس و ف ايده استماره..

بقول له على فين.. قاللي بص .. يا هجره يا اعاره..

يا عم زهقت.. كفرت .. الاقيش معاك سيجاره..

انا انتهيت خلاص .. لا نافع وسواس ولا خناس

ولا ليا عيش وسط الناس..

دي عالم مجرمين.. عندكوا فائض ف الفساد..

في كل البلاد..

ومش محتاجين شياطين .. مليش عيش ف دي البلاد..

....



بقالي سنين عاطل .

و انتوا بتعرفوا تقلبوا الحق باطل..

و تسلكوا القاتل .. و تمشوا ف جنازة المقتول..

ومفيش مشاكل..



يا عم ده انا بقيت أوسوس بالمقلوب..

و أقول للحرامي .. كفايه بقى .. توووووب..

انت ايه . لوحدك هاتعمل كل الذنوب..

و أنا ابليس أشتغل واعظ .. ولا كمساري ف اتوبيس..



يا عم ده انا زمان

كنت استنى حد ينسى يسمي وهو بياكل لقمته..

دلوقتي كل اكلكم ملوث .. و بصراحه الواحد خايف على صحته..

ده مفيش ضمير اساساً عشان اموته..

و كل واحد بمزاجه .. خربانه ذمته..



يا عم ده كل حاجه اتسرقت..

وكده الاجيال الجديده م الحراميه اتظلمت..

يا راجل ده من كتر ما لطشت معايا..

خرجت ف مظاهره مع الناس اللي بتقول كفايه..

و برضه ......... مفيش فايده.

[DR\Walid AbaZa]

موضوع جميل احييك

[mafia200]

المشاركة الأصلية كتبت بواسطة DIEFOHLER عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع جميل احييك

شكرا على مرورك

[Gl4Di4ToR]

موضع حلوا وجامد وكل الكلام الي فيه صح
ويا ناس احنا مبقناش حاجة وحشة معملتهاش هما كام حاجة
والجيل الديد دا هوا الي مش هيبقي حاجة

[Dark_Grave]

ههههههههههه اول مرة اشوف ابليس بيقول كلام صح وبيقول شعر كمان

[omar007]

هههههههههههههههههههههههه
جامده اووووووى

[ostanrko]

ههههههههههههههههههههه نيس