يا GM لو سمحت لازم تاخد قرار شديد مع موضوع الشتيمة

[AbdAllahOmar]

بصراحة موضوع الشتيمة في السيرفر بقى دمه تقيل أوي

الأول ما كنش موجود بالشكل القظيع اللي موجود الآن

السؤال اللي بيفرض نفسه ليه اللعبة فيها بلوك شات لأي حد ( علشان لو حد ضايقني أعمله بلوك شات و نخلص من قلة الأدب )

طيب لما يشتم في العام أنا هصرف معاه إزاي ؟

و لما يشتم في جلوبال أنا هتصرف معاه إزاي ؟

لما يكون واحد سنه فوق ال 30 سنة و يتشتم من صغير أو كبير يعمل إيه ؟يبطل يلعب ؟

اللعبة أدتني بلوك شات علشان أحمي نفسي من قليل الأدب و انت بما إنك GM يا ريت تحمينا على العام و على الجلوبال من قليل الأدب

ما ينفعش تقول اللي يشتمك جوة الجيم انت حر تشتمه أو لا

المنتدى ملهوش دعوة آه بس انت في الجيم لازم تحمينا

يا ريت تعدل القانون و تعرف الجميع و عفا الله عما سلف و نبدأ من جديد و تعرف الناس في الجيم زي ما في سيرفرات كتير عاملة الموضوع ده .

أنا و الله امبارح كنت هسيب الجيم بسسب شوية مقدرش أقول عليهم غير اللي قالوه على نفسهم و حطينه فوق راسهم و ماشيين فرحانيين بيه

[ahmed625]

معاك

[omar34]

أأيدك تأييدا شديدا في هذا الأمر
فبالفعل هناك مسئولية تقع على عاتق ال جي إم تجاه الاعبين اللذين يلعبون على سيرفره

و في أحد قوانين السيرفرات الخاصة الموجودة في S4A سيرفر يضع حدا لهذا الأمر

و هذا نص القانون لديهم

. Your not allowed to be racism, to insult players via global chatting.

• Ban Period: 15 Days (Ban chat

[AbdAllahOmar]

يا GM انا معايا صور بالشتيمة و الكلام اللي قالوا Murder_Chef and Craching بس فيها ألفاظ ما ينفعش تتحط في موضوع عام يا ريت حضرتك ترد عليا و تقولي أرفعهم هنا و لا أبعتهم لحضرتك على الخاص

[DarkWorldSro]

سلام عليكم
الجي ام لما بيكون اون الاين لو في اي شتايم في الشات العام اللي بيشتم بياخد بلوك يومين ودي حاجة موجوده في السيرفر من اول لما فتح مش حاجة جديدة وان شاء الله بعد كده الجي ام موجود 24 ساعة في السيرفر
ومع احترمي للجميع احنا مش بندخل ما بين الاعبين لو في حد بشتم في جلوبل او في الشات العام بياخد بان يومين ولو حصل وشتم تاني بلوك اسبوع والثالتة والاخيرة 30 يوم

شكرا للجميع وان شاء الله مع بعض هنقدر نعيد النظام تاني للسيرفر

[AbdAllahOmar]

كلام جميل و زي الفل

طيب أنا معايا سكرين شوت بالشتايم الي قالوها أعمل إيه بعد إذن حضرتك أنا كتبت 2 جلوبال لل GM و هو موجود علشان يكلمني بس يبدو إنه كان مشغول

دلوقتي الصور معايا و أنا عاوز حقي أرفعها هنا و لا أبعتها لحضرتك ع الخاص ؟

وشكرا لحضرتك

[DarkWorldSro]

لزام الجي ام يكون موجود هو اللي يشوف الكلام ده عشان المشكل دي مش بيكون معروف مين الغلطان ولا ايه السبب وزاي ما قولت لحضرتك احنا مش بندخل في مشاكل اللي ما بين الاعبين ولو حد شتمك في جلوبل اتاكد انه هيخد بلوك في اي وقت ومن اليوم في جي ام اون الاين 24 ساعة عشان موضوع الشاتيم

[AbdAllahOmar]

ده الحوار من أوله لآخره و خلي ال GM يشوف و ياخد الإجراء المناسب

1-

2-


3-




4-

[DarkWorldSro]

تم اغلاق الموضوع