<<< الشارع المصري >>>

[nightmat]

الشارع المصـــــرى


مع ملاحظة أننى مصرى بن مصرى .. و أرى في بعض هذه الملاحظات بعض الايجابيات .......



من أهم المميزات التى يمكنك الحصول عليها فى الشارع المصرى هى ...


1.إنك ممكن تقفل الشارع بمزاجك من غير ما حد يعترض ، لو عندك حالة وفاة تستطيع أن تحول الشارع إلى دار مناسبات و تقفله بصوان بس تسيبش ممر صغير للناس تعدى منه على رجليها علشان ماتسبِّش للمرحوم.

2 فى حالة لو عندك فرح ممكن تقفل الشارع من غير ماتسيب ممر للناس تروَّح علشان مافيش حد أصلا هيروَّح قبل الفرح مايخلص.

3 مصر هيا البلد الوحيده اللى ممكن تلاقى فيها سواق تاكسى يركِّبَك ببلاش حدث بالفعل معكاتب المقال منذ عدة سنوات ،نتيجة لظرف ما كان يقف مفلسا فى جسر السويس يحلم أن يصل إلى مقر عمله فى وسط المدينة ، استوقف سائق تاكسى و سأله لو ينفع يوصله و يكسب ثواب، فنظر له سائق التاكسى من أعلى إلى أسفل ثم قال له إطلع ، وفى الطريق صارحه السائق بأنه قبل أن يوصله مجانا لأنه كده كده نازل وسط البلد ولأنه استريح له..هكذا و ببساطة.

4 لو ركبت تاكسى و فى جيبك شريط بتحبه ممكن تديه للسواق يشغله وممكن كمان..علّى يا اسطى،و سيزيد حماس سائق التاكسى لتشغيل شريطك إذا كان كوكتيل شعبى حيث العنب و المولد وقوللووه .

5 مصر هى الدولة الوحيدة التى تعرف فيها هتدفع كام قبل ما تركب التاكسى فى أوربا والدول المتقدمه زى دبى مثلا فيه حاجة اسمها عداد، هناك أشخاص يعتبرون سؤال سائق التاكسى هتدفع كام هو سؤال بجح، لكن وبشكل عقلانى هو سؤال يضمن حقكوا انتوا الاتنين.

6 مش كل مرة تتقفش فيها مخالف هتتسحب منك الرخصه، وده أوبشن متاح فى مصر بس ، وعلشان رخصتك ماتتسحبش عندك كذا طريقة أشهرها أنت مش عارف أنت بتكلم مين لكنها مش دايما مضمونه وممكن تقلب بغم.

7 وأسهلها إستعطاف أمين الشرطة و تبرير خطأ ككطفل أمه قفشته بيعاكس بنت الجيران مع التأكيد على إنك مش هتعمل كده تانى و الإكثار من معلش و نهارك ابيض يا باشا.
8 و هناك الطريقة الأكثر فعالية وهى إنك تحط بين رخصة العربية ورخصة السواقة ورقة بعشرين.

9 بالمناسبة ممكن تاخد المخالفة عادى،ولمّا تروح تطلّع شهادة مخالفات تلغيها!.

10 معظم أصحاب السيارات الصيّع فى مصر معهم خريطة بها الاماكن اللى ينفع تركن فيها صف تانى من غير ما تت***ش، حيث أن الكلابشات ليست متوافرة فى كل الشوارع .

11 لدينا أيضا ميزة أن لل***شة مواعيد عمل رسمية نعرفها جميعا و تجعلك تركن سيارتك صف تانى أمام سنترال التحرير فى الثالثة صباحا وانت متطمن.

12 لدينا ميزة إنك ممكن تفتح الإشارة بالضغط على أمين الشرطة عن طريق الكلاكسات، فى الواقع لدينا ميزة أخرى أهم تدل على أننا نعيش أجواء ديمقراطية وهى أن الواقفون فى الإشارة لديهم الحق فى تحديد الوقت المقبول للوقوف فى الإشارة وعندما يتم تجاوز هذا الوقت تبدأ زفة الكلاكسات.

13 لدينا ميزة اخرى وهى إنك ممكن تشترى سارينة إسعاف و تركبها فى عربيتك، و ستساعدك كثيرا فى إختراق الزحام، لإن الناس يفسحون الطريق تلقائيا عند سماع السارينة حتى لو ماشافوش فى المراية اى عربية إسعاف .

14 لدينا أيضا ميزة الإلتصاق بسيارة إسعاف حقيقية لو ماعندكش سارينة، الإلتصاق بسيارة الإسعاف سيجعلك تصل أسرع ، احيانا تحدث مناوشات بين سائقى السيارات حول من يستحق أن يلتصق بالإسعاف، وهناك نوع من السائقين فى منتهى خفة الدم بيعملوا نفسهم قرايب المريض اللى فى عربية الإسعاف.

15 لدينا ميزة لا نراها هى فى حد ذاتها ولكن نرى آثارها فى الشوارع بسهولة، ميزة الميكانيكية المهرة الذين يسمحون لسيارات عمرها الإفتراضى إنتهى منذ سنوات بعيدة أن تستمرعلى قيد الحياة وتنافس سيارات الألفية الجديدة فى شوارع القاهرةيعنى فيه ميكانيكية ممكن يخلوا عربيتك تعيش خمسين سنه على الأقل، القاهرة هى العاصمة الوحيدة التى سترى في شوارعها سيارات موديل أوائل الستينيات r 1100، وأوائل السبعينيات فيات 124،و نهاية السبعينيات فيات 132، وبداية الثمانينيات الفيورا طبعا.، ناهيك –حلوه ناهيك دى- عن السيارات ابنة فترة الاربعينيات والتى أصبحت قطع تاريخية نراها على فترات فى شوارع الزمالك والمهندسين.

16 ممكن الناس تركب فى شنطة العربية الملاكى لو العربية مليانة ، وهو مشهد له وقع طريفعلى من يراه، وهناك من يركب إلى جوار سائق الميكروباص على شمال السواق،و هناك المقعد الامامى الذى يتسع احيانا لثلاثة اشخاصاتنين جنب بعض وواحد على رجلهم شويه وعلى التابلوه شويه،وهناك المجانين الذين يجلسون فوق شنطة السيارة وهى مسرعة،وهناك الموتوسيكل الذى يحمل اسرة كاملة، لدينا ميزة الناس اللى بتشيل بعض فى الزنقة.

17 لدينا ميزة روح التعاطف المختلطة بالأمومة، يعنى لو ماشى بعربيتك و كاوتش عربيتك نايم شويه او نص نايم او حتى مهوّى،هتلاقى كل العربيات اللى بتعدى عليك بتهدى جنبك وكل اللى فيها بيشاورولك على الكاوتش ، وهناكمن هم متأججى المشاعر الذين يطاردونك حتى يلحقون بك و بيكسروا عليك علشان يلفتوا نظرك ....الفرده اللى ورا عايزه تتزود.

18 النقطه السابقه نفسها تتكرر لو كنت ماشى بعربيتك وفيه باب من ابواب العربية مش مقفول كويس.

19 النقطة السابقة نفسها تتكرر لو ماشى وغطا تنك البنزين مفتوح.

20 من اجمل ما فى الشارع المصرى تلك الجمل التى نراها مكتوبة على السيارات بكافة الأنواع،وهى مليئة بالحكمة احيانا السعادة فى الرضا، وبالوقاحة احيانا صغير بس يحيّر،و بخفة الدم احيانا المجروحين يمسكوا يمين،و بالطيبة احيانا يا بركة دعاكى يا أمى، و بالمياصة أحيانا من حق الكبير يتدلع،و بالغموض أحيانا للكبار فقط. ...

21روح التعاون والتعاطف لها أشكال كثيرة ،مثل أن يتعاون الناس فى عدل سيارة إتقلبت على الطريق ،تراهم بهمة عمال البناء ينظمون انفسهم ويوزعزن أدوارهم و يحددون التكنيك المناسب لعدل السيارة مع العد 3،2،1 و بسم الله الرحمن الرحيم...زق زق .

22ولأن الله بيقدّر و بيلطف، قدرنا ان تمتلىء شوارعنا بالحفر العميقة و البالوعات المفتوحة، ولكن لطف الله يتجلى فى الروح المصرية التى تحشد العشرات لإنتشال السيارة من الحفرة.

23من احلى الحاجات فى الشارع المصرى هو الحق المكتسب لصاحب الكشك فى استخدام ما يستطيع من المساحة المحيطة به، لو عندك كشك –وفى مصر فقط- تستطيع ان تضع كل بضاعتك بالخارج ،وهو يعنى حتة الكشك هيشيل إيه ولا إيه؟

24من المميزات التى يمكنك الحصول عليها فى شوارع مصر فقط هى إنك من حقك تمنع أى حد يركن قدام المحل بتاعك أو الورشة بتاعتك ،معللا ذلك بأنه ده باب رزق يا أستاذ، وهى حجه قوية ومقنعة طبعا

25من أحلى الحاجات فى الشارع المصرى ، إن المواطن المصرى لو شاف خواجه فى الشارع بيبتسم فى وشه على طول وبشكل تلقائى ....

26 أتوبيسات النقل العام مصممة بحيث تستوعب أكبر كم ممكن من الركاب، ومن احلى الحاجات فى مصر قاعدة ركوب الاتوبيس التى تقول مهما كان الأتوبيس مليان..دايما ليك مكان

27 من احلى الحاجات فى الشارع المصرى أن أى شارع ممكن ان يتحول إلى ملعب كرة، وأنا اقصد كلمة أى شارع فعلا و تذكر الماتشات التى تقام أمام القصر الجمهورى فى عابدين ...


28 من حقك تعمل مطب قدام بيتك ، أو قدام المحل بتاعك أو المدرسة بتاعتك علشان تحس بالأمان ، و بناء المطب حق مكفول لأى مواطن ولا يحتاج لتصريحات ولا يكلفه أكثر من شيكارتين اسمنت ...

وكده كفاية مش هكملهم لل 30 تعبت اوووي وياريت ردود حلوة .... :eek::eek:

[mahmoudlif]

مشكوررررررررررررررررررررررررررررررررررر


^^



تحياتي

[nightmat]

المشاركة الأصلية كتبت بواسطة osama man look to me عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حرام عليك انا عنبة وجعتنىىىىىىىىىىىىى مشكور

ههههههههههه مشكووووووور ...

[ahmedienoo]

هههههههههههههههههه
اه والله الحاجات دي مش موجوده في العالم غير في مصر

[nightmat]

المشاركة الأصلية كتبت بواسطة ahmedienoo عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههههه
اه والله الحاجات دي مش موجوده في العالم غير في مصر

عشان تعرف ادي اه احنا جامدين .....

[_DIDO_]

انت المفروض تعدل اسم الموضوع الى يبقى انت اكيد فى مصر بس بجد موضوع جامد فشخ

[omar007]

هههههههههههههههههه
اه والله الحاجات دي مش موجوده في العالم غير في مصر

نحن ليس لنا فروع اخرى
ههههههههههههههههههههههههههههههههههههههههههه

[omar007]

من احلى الحاجات فى الشارع المصرى أن أى شارع ممكن ان يتحول إلى ملعب كرة، وأنا اقصد كلمة أى شارع فعلا و تذكر الماتشات التى تقام أمام القصر الجمهورى فى عابدين ..

دلوقتى لعب الكره هناك بقى ب العافيه ويسلام لو فى جون مش على مزاج الفريق اللى قدامك يتلغى على طول ولو اتكلمت هى لمبه فى وسط الملعب وكل واحد على امه

[msasa1]

مصر هى البلد الوحيدة الى ممكن تكتب فيها موضوع زى دة
ومتحذرش من المنتدى او الموضوع يتحذف
او تتاخد على امن الدولة

تحياتى (بهزر على فكرة )

مشكرو يا غالى على الموضوع

[nightmat]

مشكوووورين على الردود الحلوة ..... :D
وانا لا استاذ تاريخ ولا حاجة بس ما بحب المواضيع التقليدية .....

[OnlyHer]

موضوعك جامد ^^
و بالمناسبخ دى أحب أهديلك أغنية يا حبيبتى يا مصر
^^

[bad world]

انا ليه سؤال هو انت استاذ تاريخ ولى ايه حكيتك بظبط:)

[bad world]

شكرااااا على الموضوع الجميل

[ReD_DeviL]

ههههههههه ....عظيمة يا مصر

[hany_tiger]

مهما كان الأتوبيس مليان..دايما ليك مكان

حرام عليك كنت هيجيلي جزا عشان بدحك بصوت عالي عل ي دي :)