ادهم والشاي..

[The_Mask]

بسم الله الرحمن الرحيم


صلى على النبى

ادهم روح من الشغل مصدع وتعبان ونفسه يشرب كوباية شاي كده تعدل المزاج


طلب من اخته تعمله كوباية شاي و حطها جنبه و قعد يراجع حساباته




بعدشوية جاله تليفون فقام يرد عليه

و في اللحظة دي وقعت حشرة في الكوباية

بعد ماقفل و راجع للشاي اخوه الصغير خبط الكورة بتاعته في كوباية الشاي غصب عنه ووقعت اتكسرت

اتنرفز جدا و قعد يزعق لاخوه لانه كسر الكوباية وماشربش الشاي

هي الحشرة وقعت في الكوباية ..بس ادهم ماشافهاش

وبعدين زعل ان الكوباية وقعت

مع ان اللي حصله ده كان فيه خير ليه

وانا وانتو عارفين ..لكن هو مش عارف عشان هو ماعرفش ان الحشرة وقعت في الكوباية

(لَا تَحْسَبُوهُ شَرًّ‌ا لَّكُم ۖ بَلْ هُوَ خَيْرٌ‌ لَّكُمْ)


ده موقف بسيط جداااااا


اي موقف بيحصل في حياتنا بيبقى نفس الفكرة

سواء كان الموقف صغير او كبير

المواقف دي بتكون خير لينا بس احنا مش بنحس بكده


مش لازم اي حاجة تحصلك( بتعتقد انها شر ليك) يبقى تشوف الحكمة من ده او تعرف ليه حصل كده

مش لازم تعرف

مش حاجة انت اكيد عارفها ومتأكد منها ان ربنا دايما بيعملنا الخير

مش لازم تتأكد من ده بأنك تشوف او تسمع

ربنا لو أراد انك تعرف الحكمة من اللي حصلك ده بتعرفه حتى ولو بعد سنين طويلة

لو ما أرادش يبقى سمعا وطاعة و يكون في اجلال لربك ..هو المتحكم في كل كبيرة وصغيرة

ممكن يجعل حد وسيلة للي يحصل ده

بس مش معنى كده انه يكون هو السبب زي اخو ادهم كده

هحكيلكم قصة صغيرة جدا لكن فيها عبرة جميلة اوي

كان في سيدة عندها ولد في الجامعة وكان عايز موتوسيكل

وهي كانت مش راضية تجيبله عشان الجامعة كانت على طريق سريع وكانت خايفة عليه انه يعمل حادثة

بعدين الولد اصر ووالده وافق وجابله الموتوسيكل

كل يوم وهو رايح الجامعة والدته قلبها بيتقطع خوف عليه

خايفة يعمل حادثة

وفعلا حصل اللي كانت خايفة منه والولد عمل حادثة ومات

تفتكروا قالت ايه؟

تفتكروا كان ايه رد فعلها؟

قالت الحمد لله ، ربنا عالم بحالي اني كل يوم كان قلبي بيتقطع من الخوف عليه لكن دلوقتي خلاص


اللي حصل ده كان خير ليا ، ربنا عمل كده عشان مااتعذبش

شايفين الناس دي بتفكر ازاي؟

هو ده اللي انا عايزة اقوله

كلنا متأكدين ان اللي بيحصلنا خير لينا ، لكن بنقول كده وخلاص

في مننا اللي عنده يقين بده ، وفي اللي بيقول كده وهو من جواه غير كده

وده بيظهر في المواقف دي سواء كان موقف صغير او كبير

اللي بيقدر يمسك نفسه ويبقى ماشافش الحشرة اللي وقعت في الكوباية بس متيقن ان فيه حاجة وحشة ربنا بعدها عنه

اللي هيحس بالكلام ده ويعرف يطبقه يبقى هنيئا له قلب راضي


(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)

[DeMooN_Hell]

شكرا

[Ahmed El basha]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)

موضوع رائــع جــداً

شكراً ليــكـ

[Kemo Eagle]

(وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ)

[CHeeToS]

طب أحنا عرفنا ازاي ان الحشرة وقعت في
الشاي ؟؟

[ssseeeee28]

المشاركة الأصلية كتبت بواسطة dr.security عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

طب أحنا عرفنا ازاي ان الحشرة وقعت في
الشاي ؟؟

مثل يعني

[Senior007]

تــوبــيــك مــمــتــاز والله ..

طب أحنا عرفنا ازاي ان الحشرة وقعت في
الشاي ؟؟

بــطــل فــقــاقــه : ))

[☜ ĂиTaKą ☞]

توبيك روعه

تسلم ايدك