الـجـروب الـرسـمى لـلـمـنـتـدى FaceBook | Official Group

02-10-2008, 07:54 AM

:: بسم الله الرحمن الرحيم ::

يا جماعة معلش محدش يفهم الموضوع انه اعتزال بس انا اتخنئت من المنتدي و من الادمن بطريقته الساذجة في الكلام مع الناس ..
و انا مش صغير ولا بحب اصغر نفسي لحد ميستاهلش ..
معلش بس خالد مش عارف ماله في حالة تناكة ركباه .. مش بيكلم غير لما يكون عاوز حاجة و ساعة لما عمرو ساب المنتدي جه جري كلمني و يقولي عمرو ساب المنتدي و مفيش مدير و مش عارف ايه .. و فهمت انه عاوزني امسك المنتدي بس الاستاذ خالد بيتنك عليا .. عشان الي كنت سباق بالخير و عشان كنت بلبي رغبة عمرو ماندو اني امسك المنتدي و اكلم خالد تاني و انا مكنتش راضي بس قلت حرام اضيع مجهود عمرو كدة بعد ما شفت الي بيحصل من ساعة ما مشي . ..

معلش انا اتمني اي مشرف عام يدخل يحذف عضويتي و انا موجود في المنتدي بتاعي أي حد عاوز مني اي حاجة ممكن يكلمني و يتواصل معايا هناك .
بس انا اسف المنتدي ده معدتش يلزمني بحاجة .

: فعلا :
خيراً تعمل شراً تلقى

**Geucanda** · 02-10-2008, 08:00 AM

محجوز يا سيزر

**mad_killer** · 02-10-2008, 08:03 AM

طب وضح طيب ايه اللى حصل

**love silkroad 4arab** · 02-10-2008, 08:07 AM

يا دى الليلة يا جماعة انتوا هتمشوا واحد ورا التانى كدة لية فى اية بس

02-10-2008, 08:14 AM

الي حصل ان الاستاذ خالد بيتنك عليا و افتكر اني مدلوق علي الاشراف في المنتدي ولا حاجة .. و ميعرفش اني بعمل كدة عشان خاطر عمرو مش عشان خاطر سواد عيونه ..
هي دي كل حاجة و انا بصراحة مش بحب اصغر نفسي عشان خاطر حد .. عمرو مندو و رغبته علي عيني و علي راسي من فوق لأنه اكتر من أخ ليا و اعرفه من زمان اوي .. انما خالد اصلا محبش اتعامل مع شخص زيه اكتر من كدة .. و لا يشرفني اتواجد في مكان هو ليه فيه اي سلطة عليا و يفتكر نفسه حاجة مهمة و يدي نفسه حق انه يتنك عليا ..

**Hellz_Lord** · 02-10-2008, 08:27 AM

محجوز

02-10-2008, 08:47 AM

معلش يا جماعة انا اسف و بعتذر كمان مرة بس الموضوع مش مفتوح للمناقشة ولا معمول للاعتزال .. الموضوع معمول عشان اي مراقب عام يعملي ban .

**sup7** · 02-10-2008, 08:58 AM

مش هاقدر اقولك ماتتطلبش كدا لانى عرافك وعارف خالد
وعارف انك انسان خلوق جدا وجدع جدا
بس خالد شغله خلاه يتكلم مع الناس بطريقة ماتعجبهمش
انا عارف ان دا غصب عن خالد ومش بيقصد يكلم الناس بطريقة وحشه بس اكيد الراجل مشغول ولا حاجه
وخلينا نقول
ان بعض الظن إثم

انا عن نفسى والحمد لله عندى سيرفر ومنتديات وشغل الادارة دا والادمن الواحد مش أول مرة يشتغلوا
بس انا جيت فى مرة ولاقيت المنتدى لا يسر عدو ولا حبيب وكل الناس اللى بتدخل تدخل داخل شوية كى لوجر وتطلع على شوية فيروسات
طلبت من خالد انى اكون ادارة لمجرد ان اساعدة بس واكيد كل الناس شايفة رقم عضويتى كام
وكانت الاجابة

بلاش ذكرها
بس فعلا خالد بيفكر ان الواحد عايز الادارة عشان بيجرى وراها ولا حاجه مش بيبص من ناحية تانية
ان فيه ناس ممكن عايزه تساعده

انت راجل عاقل ياسيزر وانا عارفك حتى لو عارفك فى فترة صغيرة
بس عارف ان تفكيرك صح واللى انت شايفه صح اعملة

تحيتى
SuP7

**korkor** · 02-10-2008, 09:05 AM

يا كيسير يا ريت يا باشا
تشيل الحاجات دى من دماغك
وانت عارف ان احنا كلنا بنحبك ومش هيبقى عمرو مندو وانت تسيبو المنتدى
ارجو التفكير فى الموضوع بشكل صحيح وعدم اتخاذ اى قرار غير لائق

02-10-2008, 09:14 AM

ربنا يخليك يا مازن والله كلامك علي راسي و انت عارف كمان انا بعزك اد ايه ..
بس قسما بالله العظيم ان كلامي مع خالد كان بناء علي طلب عمرو ماندو و محبتش ازعله .. مع اني كنت حالف اني مش هرجع الا لو خالد جه كلمني و طلبها مني لأن برده في فترة كان المنتدي مستواه واقع و قلتله و كان رده [ سيب الشغل مع ميدو وبعدين تعالي او نعمل استفتاء في قسم المشرفين علي رجوعك ] ,
و كان ردي عليه لأ يا خالد اشبع بالمنتدي كله انا مش هبيع ميدو عشان خاطر حد و كنت فاكرك اكبر من كدة و المنتدي انا مش عاوز منه حاجة و انا غلطان اني طلبت منك كدة انا مش هصغر نفسي في المنتدي و اخلي الناس تعمل استفتاء و كلام فارغ احنا مش في الامم المتحدة .. و خلص الكلام كله من ساعتها ...
عمرو ماندو طلب مني كدة اكتر من مرة قبل ميسافر و قالي انا هكلم خالد و ملكش دعوة .. قلتله يا عمرو مش عاوز .. و فضل يلح عليا قلتله علي شرط خالد يجي يطلبها مني لأني عارف ان خالد مش هيعمل كدة ,,,
لما عمرو بالفعل مشي لقيت اكتر من عضو بيكلمني و فيهم مشرفين و بيقلولي نفس الكلام قلت المسامح كريم و هصغر نفسي تاني بس عشان خاطر [ عمرو ] بدافع حبي ليه مش عشان خاط سواد عيون خالد ..
و انا مش بفرض سوء ظن يا مازن والله ,, هو مقتنع ان المنتدي بتاعي الجديد بتاع ميدو و من ساعتها راكبه عفاريت مش عارف ليه .. و بيتنك عليا من ساعتها و مش بحب كدة الحقيقة الحمد لله محدش احسن مني في حاجة ولا حد بيديني حاجة ولا المنتدي هيزودني حاجة انا كمان الحمد لله شغال في الموضوع ده .. و الكل عارف و عمري معاملت حد وحش .. و من اكبر لأصغر واحد بيكلمني بكلمه بصيغة [ حضرتك ] حتي ساعات بلاقي ناس تضحك تقولي انت اكبر مننا بكتير اوي ..
ليه بئي حرقة الدم في حاجة انا مش واخد منها فايدة ..؟؟

انا اسف طولت بس والله مضايق اوي اوي ..اتمني تلبية طلبي سريعاً..
شكرا و اسف كمان مرة للاطالة و شكرا كمان مرة مازن علي كلامك .

**Hellz_Lord** · 02-10-2008, 10:50 AM

يـا حـسـيـن طب مالهاش لازمة حذف العضوية دى خلي العضوية موجودة

**Geucanda** · 03-10-2008, 09:39 AM

اتفتح الموضوع باصرار شديد من سيزر

**LastThief** · 03-10-2008, 09:48 AM

هيبقى سيزر وعمرو حرام :( بجد انتوا كدة زعلتنوا مع انى معرفكش بس شكلك راجل محترم

يا رين متسبش المنتدى وتقبل مرورى

**DiaBlo** · 03-10-2008, 10:01 AM

انا ازاي فاتني اشوف الموضوع ده في ايه يا سحس ايه الكلام اللي بتقوله ده مين اللي يمسح عضويتك ده دانا امسح اللي يعمل كده اصلا :p انت عارف خالد مشغول و مش فاضي اصلا لو كان فاضي كان غير استايل المنتدي و دي حاجة بسيطة ما بالك بأدمن جديد بأه ! بص انت من ريحة عمرو ماندو و مفيش حد حيمسك ادمن غيرك محمد اخو خالد ماسك فتره مؤقته انما لو في ادمن حيمسك مفيش غيرك يا حسين و اللي حيقول غير كده حطرده ^^ و لو في حد مش متفق معايا في كلامي يقول و اتحدي بكده !

**EgyHero** · 03-10-2008, 10:22 AM

بص انت هنا مش عشان ا.خالد انت هنا عشان اصحابك

المواضيع المتشابهه
الموضوع	كاتب الموضوع	المنتدى	الردود	آخر مشاركة
طلب ملفات من احلى اصدقاء	sha2lato	قسم الاسئلة و الاستفسارات لعمل السيرفرات الخاصة	2	29-12-2015 07:12 PM
>> ][ مطلوب اصدقاء + اعضاء للقيلد حقي ][ << (المعلومات بالداخل)	Mr.KeeF	قسم المواضيع المكررة و المخالفة	29	17-06-2010 03:39 AM
اهداء لكم يا احلى اعضاء وكل عام هجري جديد وانتم بخير	Rayan lover	Feronia	8	07-12-2009 07:21 PM
كل سنه و كل اخوانى اعضاء سيرفر باسيفيك بخير	GM]RedKiller]	Feronia	20	05-12-2008 09:50 PM
كل سنه و كل اخوانى اعضاء منتدانا العزيز بخير	GM]RedKiller]	بـعـيـدآ عـن سـيـلـك رود	4	30-11-2008 02:52 PM

يتصفح الموضوع حالياً : 1 (0 عضو و 1 زائر)

	حفظ بياناتي ؟