يعني هي جت عليا ! ؟ ،، اها جت عليك

[kastel]

بسم الله الرحمن الرحيم

موقف حلو و لذيذ و حطيت عليها بالكلام ،، واقف مع واحده زميلتي و قولنا نرغي مع بعض شوية و كان الكلام :

انا : انتو ليه بتعملو كده !
هي : انا كلمتك !
انا : اه و متزعليش .
هي : ازعل من ايه يا ابني ؟ !
انا : انتو بتلبسو ضيق و بتتعبونا معاكو ليه ؟
هي : اها شوفت احنا وحشين ازاي .
انا : يعني انتو بتتبسطو لما الناس تقول ديه فلانه لبسها جبار و البت ديه وتكه ،، ها بتتبسطي ؟ ده انتو تجننو !
هي : ما البنات كلهم كده يعني هي جت عليا !
انا : طب انتي ايه اللي يلبسك كده ؟
هي : انتو اللي رجعيين و بتتنكو ع الفاضيه و المليانه اذا كان في الافلام بيلبسو اصخم مننا و محدش بيتكلم ،، احنا بقى اللي لابسين لبس محترم عنهم بمليون مره بقينا وحشين !
انا : هاار اسود ! هو انتو باصين لبتوع الافلام !
هي : و فيها ايه ما هو المجتمع راضي بكده و الفن هما اللي بيمثلو ثقافتنا .
انا : متخلينيش اسحبهالك ^^
هي : اتكلم جد طالما عايز تتناقش
انا : طب تمام نتكلم جد هقولك حاجه حلوه .
هي : انجزززززز
انا : من الصبح لآخر اليوم كام واحد بيشوفك و كام واحد يرزعك بوسه ع الطاير و يرمي كلمة و يخلع !
هي : مبعدش انت عارف و اظبط يلا ايه بوسه ع الطاير ديه
انا : طب خلاص سيبك من البوسه خليكي في كام واحد ،، نقول 100 مثلا ؟
هي : و ماله
انا : 100 واحد بيشوفك و يتخيل حاجات في دماغه باللبس اللي انت لابساه ده تمام ؟
هي : ‎:|‎
انا : يبقى 36.500 في السنه كلها
احبيها بقى من جانب الخساره و سيبك من فلان بيتعب و بتاع
‏36 الف سيئه ليكي اولا و 36 الف سيئه بتزعيهم ع اللي بيبصو عليكي و 36 الف سيئه لكل واحد عندك في البيت سايبك تنزلي بالمنظر ده ،، دول مش كتير !
هي : منا قولتلك يعني هي جت عليا !
انا : صح هي مجتش عليكي
انا برضو مجتش عليا اني ابص عليكي و اتخيل حاجات حلوه .
هي : انا ماشيه انا غلطانه اني اتكلمت معاك .

ليه ! ليه كل واحد بيقول اشمعنى انا ما الناس كلها بتعمل كده ؟
ليه منقولش انا لما اعمل كده غيري هيحاول يقلدني و غيرو هيقلدو ؟
لكن احنا هنا شعب كل واحد بيعمل حاجه غلط بيعلقها على شماعة غيرو و يقول ما الدنيا كلها كده يعني انا لما ما ارميش زباله في الشارع الدنيا هتنضف ! ما هتفضل ***ه طول عمرها
طب ليه مننضفش احنا و هي هتنضف معانا ،، ما هو سلوك الفرد هو اللي بينعكس على سلوك المجتمع ككل !
لكن احنا لو روحنا لندن قعدنا فيها و لندن جت تعيش هنا
لندن هتبقى مزبله و مصر هتقلب جنه بعد شهر !
ف الغلط مش فيها ،، لأ الغلط فينا احنا ك شعب !
طبعا مش الناس كلها كده ،، لأ في ناس كويسه و بتعمل الصح لكن الغالبيه ماشية بمبدأ " يعني هي جت عليا "
و طول ما احنا ماشيين ع المبدأ ده ! يبقى ع الدنيا السلانكاتيه .
ربنا سبحانه و تعالى بيقول " ما يغير الله ما بقوم حتى يغيرو ما بأنفسهم "

تحياتي ،،

[!MaGeD]

عندك حق كلامك جميل

بس للاسف احنا في زمن الفتن

وده اكيد مش هيمر بالساهل
وشكرا علي توبيك

[™Brave_Angel]

موضوع جميل

[omarik0]

كلامك صحيح لازم نتغير
للاسف اخلاق الناس فى الشارع بقت سيئة جدا

[| - CreSpO - |]

احنا شعب كلام بس

[MadOmar]

كـــلامك تمـــام اووي

بس ولا كاستل فين زميلتك دي متعرفني عليها =))))

[kastel]

منورين يا رجاله

المشاركة الأصلية كتبت بواسطة MadOmar عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] كـــلامك تمـــام اووي بس ولا كاستل فين زميلتك دي متعرفني عليها =))))

منتا عارف يا ابني اخوك متحاصر بجيش جيرلز في الاحياء ‏xDD

[CError]

المشاركة الأصلية كتبت بواسطة !! White eagle !! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] منورين يا رجاله منتا عارف يا ابني اخوك متحاصر بجيش جيرلز في الاحياء ‏xdd

بتتفشخر عشان عارف بنات زي دي ؟

[RLOxyGeN]

المشاركة الأصلية كتبت بواسطة !! White eagle !! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] منتا عارف يا ابني اخوك متحاصر بجيش جيرلز في الاحياء ‏xdd

حس بينا يحس بيك ربنا


معندك حاجه 15 سنه ^^


احنا اصلاً شعب متخلف

[DeMooN_Hell]

علي رائيك و اللي يسقطلك بنتلونه ويبين طي** ويقولك عادي عادي ^^

[SmartMad]

مش دى عم ابراهيم؟ :))

[kastel]

المشاركة الأصلية كتبت بواسطة smartmad عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] مش دى عم ابراهيم؟ :))

يخربيت *** انت مبتنساش حاجه
لا يا حومار مش عم ابراهيم انا لو كلمت عم ابراهيم كده هي اللي هتسحبهالي مش انا اللي هسحبهالها ^^‏‎
‎

[MoSTaFa_Pop]

تمام الله ينور

[Police]

موضوع 10/10 وكل كلمة صح %100

[ScAry_MAN]

10/10
موضوع جميل