اخوكم جديد فاللعبة ومحتاج مساعده

[SuperValiant]

السلام عليكم
اخوانى الاعزاء كل عام وانتم بخير
واتمنى تكونو فى اتم الصحه والعافية

انا لاعب جديد فى سيلك رود بقالى يوم تقريبا
طبعا انا لسه مش عارف حاجه فاللعبه بس المنتدى هنا فادنى كتير والحمد لله
حاليا انا حاطط عينى على warrior/warlock لانى قريت ليه موضوع عجبنى

فانا محتاج من الرجاله الى فالموقع تدلنى على افضل بيلد العب بيه وانا مبتدأ ويكمل معايه لحد ما ابقى محترف ان شاء الله
وياريت لو تقدر تقلى على افضل سيرفر العب فيه وبكده تبقا عملت معايه احلى واجب :)

فى حاجه كمان انا محتجها بعد اذنكو
محتاج اى برنامج من برامج ال bot الى موجوده بس يكون مجانى
اشغلو يقتل فالوحوش مثلا ولو اللعبه فصلت يدخل لوحدو كده يعنى لانى مش بقعدر استحمل القعده كتير قدام الجهاز بحس انى هـ
وفى برنامج لقيت شرح ليه فالمنتدى اسمو Agbot ولما حملتو معرفتش افك الضغط لانو كان محتاج باس ورد
فياريت لو حد عندو Agbot وشغال بيه يحاول يرفعو

لو انت بتقرا السطر ده احب اقلق انى متشكر جدا انك قريت الكلام الى انا كتبو وسواء قدرت تساعدنى او لا فلك منى جزيل الشكر

تحياتى

[kastel]

الواريو وارلوك فاجر ف البي في بي بس لازم تلاقي حد يلفلك او تشحن جولد وتروح تاكسيات
وبالنسبه لباسورد الاجي بوت هو agbot123

[SuperValiant]

متشكر جدا جدا جدا جدا جدا جدا على الباسورد
ومتشكر كمان مره على الرد الجميل منك بس براحه عليه موصلتش للpvp انا لسه لفل 11
وياريت تقلى على احسن سيرفر العب فيه
ومتشكر مره تانيه

[Ultra]

بص warior / warlock بيلد كويس جدا

بس بالنسبة لمبتدأ حيبقى صعب عليك شوية

انصحك خليك warior /cleric انما لو انت فاهم فى الوارلوك كل حاجة يبقى خلاص

[kastel]

لا السيرفرات كله زي بعضه اهم حاجه تنزل ف سيرفر تلاقي صحابك فيه
الـ pvp ده انك تضرب واحد و واحد يضربك
تلبو مصارعه مع بعض يعني

[احمد كابو]

العب على Dream world حلو Welcome Bro

[kastel]

صاحب الموضوع عايز حاجه تاني ؟

[xXxmErOxXx]

سيرفر serpens حلو تعال فيه و خليك ويزراد كليرك او ويزارد بارد عشان سهل

[Paranoid]

السيرفرات يا باشا خليك فـ سيرفر فيه ناس صحابك عشان ماتتوهش ..

[SuperValiant]

متشكر جدا لكل الناس الى ردت
انا قررت العب فى اول سيرفر الى ناسي اسمو
والبيلد ان شاء الله warrior/warlock
عشان قريت عنو الموضوع ده
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
وعجبتنى الاسكلات واللعب بتاعو فى ال pvp
بس ليه عندكم طلب اخير ان شاء الله مش هتكسفونى فيه
ال Agbot عندى مش بيشتغل جربت عليه كل الشروحات الى فامنتدى برضو مشتغلش
وفالاساس انا مش لقى الايقونه بتاعت تشغيل البرنامج
غير ان الانتى فيرس صدعنى من الفيروسين الى فى ملفات البرنامج
فانا طلبي رخم شويه انا عارف بس يا ريت حد يكون شغال يرفعهولى زى ما هو شغال بيه
واسف لو تقلت عليكم
ومتشكر لكل الناس الجدعان الى ردو عليه

[Paranoid]

الـ Agbot يبقي حضرتك تسأل فـ القسم بتاعه ..

مغلق و نورت القسم :)