نيويورك تايمز: تصريحات الإخوان عن "كامب ديفيد" تهدد الاستقرار فى المنطقة

[هتلر]

السلام عليكم



نيويورك تايمز: تصريحات الإخوان عن "كامب ديفيد" تهدد الاستقرار فى المنطقة




يارب يارب تخود كامب ديفيد وامريكا واسرائيل

أبرزت صحيفة "نيويورك تايمز" ما وصفته بالتهديدات التى أطلقها عدد من قيادات حزب "الحرية والعدالة" الذراع السياسية لجماعة الإخوان المسلمين، حول إعادة النظر فى معاهدة كامب ديفيد مع إسرائيل، إذا ما قامت الولايات المتحدة الأمريكية بقطع المعونة عن مصر على خلفية أزمة المنظمات التى ثارت مؤخرا بين البلدين، معتبرة أن مثل هذه التصريحات تعد تهديدا للاستقرار فى المنطقة وكذلك للعلاقات المصرية الأمريكية.

وأوضح التقرير أن "كامب ديفيد" هى أحد أهم محاور الاستقرار فى منطقة الشرق الأوسط، إلا أن التصريحات التى صدرت مؤخرا عن بعض قيادات الجماعة توضح المواجهات الأخيرة بين القاهرة وواشنطن قد تهدد الاتفاقية التى عاشت لأكثر من ثلاثة عقود كاملة.

وأشار التقرير أيضا إلى أن قادة الجماعة، التى استطاعت أن تحصل على أغلبية مقاعد البرلمان فى الانتخابات الأخيرة من خلال حزب الحرية والعدالة، قد أكدوا فى أكثر من مناسبة على احترامهم للمعاهدة التى تم إبرامها عام 1979، وهو ما يزيد من صعوبة تقييم التصريحات الأخيرة فى هذا الصدد. إلا أن العديد من المحللين يرون أن هناك أسبابا داخلية مهمة قد تدفع جماعة الإخوان المسلمين إلى احترام المعاهدة ولعل أهمها هو أن يضمنوا حدودا آمنة مع إسرائيل خاصة أن الأوضاع الاقتصادية فى مصر قد لا تحتمل المزيد من المعاناة فى ظل الأوضاع الحالية.

وعلى الجانب الآخر يرى البعض أن المصريين ينظرون إلى المعونات الأمريكية باعتبارها ثمنا للحفاظ على السلام القائم مع إسرائيل رغم أن هناك حالة من الاستياء الشعبى من السياسات التى تمارسها الحكومة الإسرائيلية تجاه كافة القضايا بالمنطقة، خاصة تجاه القضية الفلسطينية، وهو ما يعتبرونه انتهاكا لاتفاقية السلام المصرية الإسرائيلية.

وأبرز التقرير التصريحات التى أدلى بها عصام العريان، أحد قادة حزب الحرية والعدالة، والذى أكد خلالها أن الولايات المتحدة هى أحد أطراف معاهدة السلام، وبالتالى فإن الإخلال بالمعونة الأمريكية المقدمة إلى مصر يعد انتهاكا لبنود تلك المعاهدة وهو ما يقتضى قيام باقى أطراف المعاهدة بمراجعة بنودها، موضحا أن قطع المعونة سوف يضر المصلحة المصرية وبالتالى "فمن حقنا أن نراجع الأمر برمته".

وأوضح التقرير أن التوتر الحالى فى العلاقات بين البلدين لا يصب فى مصلحة كلا البلدين، موضحا أن الإدارة الأمريكية تسعى للاحتفاظ بتحالفها مع مصر خاصة خلال المرحلة الحالية، ولكنها تعانى من ضغوط داخلية من أجل حماية المواطنين الأمريكيين المحاصرين بالقاهرة وضمان حريتهم، وكذلك الحكومة المصرية هى الأخرى تسعى للاحتفاظ بعلاقتها مع الولايات المتحدة التى تعد داعما مهما لها، إلا أن الاستياء الداخلى من السياسات الأمريكية الداعمة لإسرائيل يعد عائقا مهما فى هذا الصدد.

وأضاف فى النهاية أن جماعة الإخوان المسلمين فى مصر قد أعربت عن دعمها لمنظمات المجتمع المدنى لتعمل بحرية داخل المجتمع المصرى إلا أنها ترفض فى الوقت نفسه أن تضع الولايات المتحدة نفسها فوق القانون المصرى.



المصدر
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[! FiRe !]

ياعم مش بالساهل هى
والامريكان كمان مش اغبيا

[Angel_Wizzy]

المشاركة الأصلية كتبت بواسطة ! Fire ! عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ياعم مش بالساهل هى
والامريكان كمان مش اغبيا

مش عارف انا !!

[2010zoro]

فعلا مش اغبياء

[xTHE_Draagon]

عن نفسي شايف ان المعاهدة تكون موجودة احسن ...علشان يكون في سلام و امان
الحرب مش حاجة حلوة بردو
و اديها بتجيب معونة كل سنة بـ1.3مليار دولار للجيش
و 250 مليون دولار للاقتصاد ^^:fishing1:

[hill_dorgon]

هما قالوا مراجعه مش الغاء
احنا مش بهايم علشان ندخل نفسنا فى حرب ملناش فيها . بالذات فى الوضع ده
وكمان احنا اتعلمنا من العرب درس مهم اوى عمرنا ما هننسا
والى ميتعلمش من الى الكويت بتقولوا علينا بعد ما حربنا علشانهم
يبقا يستاهل الى يجراروا

[hill_dorgon]

لو عايز تبقا دوله صح
قوى علاقاتاك مع الدول الصح ..وفكر فى بلدك وملكش دعوه
مش تروح تقويلى علقتك مع فلسطين .. وتبوظها مع امريكا والدول الاوربيا
وتقولى اصل احنا اخوات ..لول بى الاوى يعنى

[Ğ_Unit0]

المشاركة الأصلية كتبت بواسطة hill_dorgon عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لو عايز تبقا دوله صح
قوى علاقاتاك مع الدول الصح ..وفكر فى بلدك وملكش دعوه
مش تروح تقويلى علقتك مع فلسطين .. وتبوظها مع امريكا والدول الاوربيا
وتقولى اصل احنا اخوات ..لول بى الاوى يعنى

انت قلبت الموازين
مين قال ان امريكا والدول الأوربية هما الدول الصح
احنا لو اتحدنا كعرب يبقا ابعت للغرب فاكس !

امريكا والدول الاوربية اللى احنا فضلنا اكثر من 30 سنة تحت امرهم وتحت طائلة كلابشات معاهدة كامب ديفيد هما اكتر ناس مش عاوزين الحريات لينا ومش عاوزين يخلونا من الدول المتقدمة لان دا مش فى صالحهم هما عاوزينا مصدر اكلهم عن طريق احتلال الأراضى العربية ودعن الأنظمة الديكتاتورية اللى اسقطتها الثورة وبتحاول الدول دى ركوب موجة الثورة ولكن محاولة فاشلة !


ثم ان فلسطين دى مش دولة عربية ؟ وفيها المسجد الأقصى وتاريخها مع مصر والعرب كبير

نتخلى عنها علشان نبص لمصلحتنا ونتعاوم مع المعتدين من الدول الغربية اللى بتساند أسرائيل ومش بتردع عمليات اقامة المستوطنات فى الضفة وقطاع غزة وملايين الناس اللى بتموت هناك ... ترجع تقول نسيب فلسطين ؟

لا لا انا لا اتفق معاك فى رأيك
وياريت تتقبل رايي


شكرا على الإفادة من صاحب الموضوع

وشكرا

أولى بالأولى ...

[hill_dorgon]

كلامك جميل
بس انا معتقدش انك لما تلغى كامب ديفيد هتوحد العرب كدا على طول
لاء دا انتا هتلقبها على نفسك ..وحتى هتلاقى دول عربيه ممكن تلومك
ومتعتقدش ان الدول العربيه بتحبك وبتموت فى فيك .لا دا العكس تماما
وكمان متفكرش ان علاقتك باوربا وحشه او كدا انتا بينك وبينهم علاقات (مصالح )
انتا لما هتديهم حاجه هيدوك حاجه مش اكتر ولا اقل واحنا مش عايزين اكتر من كدا
يعنى فرنسا ,, القمر الصناعى بتاعك ,, مترو الانفاق
رأى ان هما مش بالشر الى وسائل الاعلان بتاعتنا بتصورهم
انا حتى معتقدش ان ان فى انسان ممكن يكون بالشر الى انتا متخيل الناس دول فيه

[Paranoid]

علي رأي المثل .. الأيد اللي ماتقدرش عليها بوسها و الحدق يفهم ..

[Just_Warrior]

يا جدعان انتم بتتكلمو على اساس ان الحرب دى بتبقى عشان اى حاجة وكل حاجة؟؟
حتى لو المعاهدة كلها اتلغت
اسرائيل لا يمكن تدخل حرب مع مصر فى ظل الثورة فى سوريا ( على حدود اسرائيل )
ولبنان وحزب الله اللى مستنيين اى فرصة عشان يضربو اسرائيل (بردو الناس دول على حدود إسرائيل)
يعنى اسرائيل مش هتقدر تحارب فى جبهة مع سوريا و لبنان
وكمان جبهة ثالثة فى مصر
ولو بصيت لوضع امريكا
اوباما داخل على انتخابات ومش عاوز يدخل بلادة فى حرب تانية كفاية عليهم اللى شافوة فى العراق و لسة بيشوفوه فى افغانستان
ولو فرضنا انهم دخلو فى الحرب دى احب اقلكم ان دى هتبقى آخر حرب فى العالم
و اقسملك بالله سعتها هتقوم الخلافة الاسلامية من جديد
لإن شعوب العرب كلها لا تجتمع إلا على الإسلام
لا على العروبة ولا على القومية
ودا معناه استيقاظ مارد لطالما كان عظيما وقادرا
ولو تراجعو التاريخ
تعرفو ان جيوش الإسلام دخلت فرنسا ولكن كل شئ للمسلمين فى أوروبا سقط بسقوط الأندلس
و دا اكتر حاجة بتخوف الغرب و إسرائيل من المسلمين

[1زملكاوى]

هى دى السياسة مفهومها تشد شوية وترخى شوية علشان مصلحتك اولا اما ايام المخلوع كان مفيش شد خالص واللى عملوة جماعة الاخوان دة تمام اوى لان امريكا بتهدد بقطع المعونة وفى نفس الوقت المعونة دى تمن السلام مع اسرائيل وكمان معونة تافة 1.3 مليار دولار مساعدات عسكرية دى ولا حاجة فى ميزانية الجيش وكمان احنا بنأخد بيها اسلحة امريكية قديمة وتغور امريكا ممكن مصر تتحول لروسيا او الصين وهما حلفاء اعتقد انهم احسن من امريكا .....وياريت لما نسمع التصريحات اليهود انهم عايزين يحتلو سيناء تانى وكمان جاهزين للحرب دة كلام فاضى لان اليهود اكتر ناس عايزين اتفاقية السلام مع مصر تكون موجودة على طول فياريت الناس تعقل الكلام كويس لان حرب التصريحات دى احدى وسائل السياسة