ما ينفعش كده !!!!!

[mid0oo2010]

بسم الله الرحمن الرحيم
سلامو عليكم :d
ي جماعة انا لاحظت حاجات كتيرة بتحصل اوى اليومين دول ومش انا لوحدى الى لاحظت كده
ان فيه ناس جديدة بتطلب لفل اب وناس بتطلب فلوس
واحنا فى السيرفر ده كلنا اصلا محتاجين لفل اب ومحتاجين فلوس
واحنا كنا فعلا بنساعد بعض وعمرنا ما بنتأخر على بعض
بس فى الفترة الاخيرة دى فيه ناس كتيرة كانت فى سيرفرات تانية وجت روما واستغلوا العلاقة الجيدة الى بين اعضاء سيرفر روما ويبدأوا يطلبوا لفل اب وجولد
وفعلا محدش بخل على حد بحاجة
بس برده لكل شئ حدوده
يعنى ما ينفعش انى اكون مجبر انى الفل الناس كل يوم
وانا اكيد ببقى متضايق شوية
بس فيه ناس انا اعرفهم بدون ذكر اسماء بدأوا يسيبوا اللعبة والسيرفر ده اصلا علشان الحكاية دى
وبدأوا يبطلوا يلفلوا او يعملوا اى حاجة
وكمان المنتدى اول اما حد بيخش
بيطلب لفل اب وجولد وده يمكن يكون كام يوم بس مش علطول يعنى
وطبعا هيلفلك علشان مش عاوز يحرجك او يحرج نفسه
وغير كده زى ما انت عاوز تلفل الناس دى برده عاوزه تلفلت وتستمع هى كمان
بس فيه ناس داخله علشان تلفل مش علشان تستمتع
والناس الى بتطلب جولد بطريقة مش معقولة ومبالغ فيها
انا بس طالب ان ياريت كل واحد يراجع نفسه ويشوف هو داخل اللعبة ليه اصلا
هل علشان يلفل ولا علشان يستمتع ويحس انه داخل يلعب
وياريت نشوف الناس بتاعت سيرفر روما ترجع تكتب مواضيع زى زمان
معلش طولت عليكم بس
التلفيل مزاج
ومش لو طلبت منى الفلك وقلتلك مش هينفع تقعد تشتمنى وتبهدلنى
وتقولى انت مش راجل والكلام الاهبل ده
والناس المصرية الى فجأة تدخل عليك البارتى وتقولك لفل اب بليز ده احنا مصريين زى بعض
ياللا انا اسف على الكلام الى قلته بس ده فعلا الكلام الصح

[PERVIEW]

فعلا يا ميدو عندك حق في كل حاجة قلتها شكرا جدا علي كوضوعك :):):)

[mid0oo2010]

العفو ي باشا واتمنى ان الكل يكون ده رأيهم وان الكل يرجع لروما والدنيا تمشى تمام زى الاول

[besobas2000]

فعلا عندك حق محدش بيعذر حد يعنى مثلا انا كنت بوت وواحد بدون ذكر اسماء اعد يكلمنى جيت بشوف الكلام لقيت هاى وكام جميل فى الاول ولما لقانى مش برد لقيتة بيشتم لو حد مكانى هيعمل اية

[DR\Walid AbaZa]

شكرا علي توضيح واعلان الي بقي بيحصل فعلا انا كل يوم اخش القسم الاقي طلبات مساعدة من ناس ووالله في ناس بتكلمني علي الميل وبتطلب مني حاجات غريبة وخر طلب منهم كان عايز ياخد ال id و pw بتاعي عشان يلفل نفسة طب بالزمة ارد اقولوا اية لا دا فية ناس بقي عايزة كل حاجة علي الجاهز وبيقلولي انا عايز اكاونت جاهز وفارم علي روما ولو ماعندكش شوفلي اي حد يديني اكاونت دا كمان ارد علية ازاي مع العلم انا عمري ماطلبت من حد انة يلفلني لما كنت عامل الاكاونت الجديد بعد البلوك الي بيكون فاضي وعايز يساعدني بيقول انا مطلبتش كدة من حد الا مرة واحدة من اسلام بس
وكل دا بسبب كلمة اي حد عايز مساعدة يكلمني الي كاتبها في التوقيع وانا عشان مابرضاش احرج حد انا بطلت العب انا بدخل اسلم علي اصحابي بس انا اسف لو زعلت حد مني بالكلام دا وGOOD LUCK ليكوا

[DR\Walid AbaZa]

ياريت اصحابي مايفهموش كلامي غلط انا بتكلم عن الناس الي مابنشوفهاش في السيرفر الا للمصلحة بس اما عن الاعضاء المساهمين في السيرفر واصحابي انتوا تطلبوا مني اي حاجة وفي اي وقت زي مانا لما بعوز حاجة مابتكسفش اطلب منكوا

[oOoMANDoOo]

والله عندك حق يا ميدو فى كل اللى انت قولته ........... وياريت بس الناس تكون استفادت علشان ماتحرجش نفسها وتحرجنا معاها :)

[afm2010]

يا ميدو معاك حق والله و وليد برضو انا انهارضة كنت واقف فى chkji واحد جه قالى عايز لفل اب قلت لا قاعد يشتم والله حاجة تكسف

[DR\Walid AbaZa]

احنا لسة بنتكلم وكان عادل معايا علي الميل ووريتوا عينة من الي بيحصل معايا كل يوم

[afm2010]

ايون شفت بعنى محدش قالى حرررررررررام اللى بيحصل ده

[windowsxpvi]

يا جماعه الموضوع ده مش في روما بس ده بقي تقريبا في كل السيرفرات والظاهر انهم فاكرينها شطاره انهم يدخلو يطلبو منك جولد اول بورلفل وانت توافق

[shecko2010]

انا على العموم محدش عمل معايا كدة بس انا لو واحد طلب منى لفل اب مش بقول له لا علشان حرام لكن واحد يطلب منى جولد والله ممكن توصل معايا ان انا اشتمه علشان مش بحب حد يستقردنى

[DR\Walid AbaZa]

المشاركة الأصلية كتبت بواسطة shecko2010 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا على العموم محدش عمل معايا كدة بس انا لو واحد طلب منى لفل اب مش بقول له لا علشان حرام لكن واحد يطلب منى جولد والله ممكن توصل معايا ان انا اشتمه علشان مش بحب حد يستقردنى

عادي انك تساعد اي حد في السيرفر بس في ناس تيجي تطلب منك المساعدة وانت تكون مشغول او حاجة تيجي ترد بادب معلش انا مشغول دلواتي يقولك لا تجيلي دلواتي رقم البارتي كام طب اقولة اية دا الصراحة كلام ينرفز

[ابوسيف2007]

شكرا يا حبى على موضوعك الجميل ده بس برضه لازم نعذر الناس دى يا جماعه علشان بيبقوا متحمسين وعايزين يوصلوا للفل عالى بسرعه بس طبعا اكيد للصبر حدوووود وشكرا يا حبى على موضوعك.