|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
20-08-2011, 03:55 AM
|
#1 | ||||||||||
  
|
شباب زى الورد مننا يموتو عشان سفاحين مين بيحترموا السلام الشعب الصهيوني عنده حق إنه يبات راضي عن تصرفات حكومته ودولته اللي جابت له حقه وزيادة في نفس اليوم اللي حصل فيه هجوم عليهم في إيلات . إنما الشعب المصري بات يعض على نواجذه من صمت حكومته ودولته على إراقة دم الجنود المصريين دم المصري مبقاش رخيص ... دم المصري بقى بلاش ... بقى هدر ... يا جماعة لحد امتى هنقول احنا مش مستعدين ... لحد امتى هنسكت ..... أمال لو مكناش إحنا اللي انتصرنا في 73 كان هيبقى ايه موقفنا ..... انا حاسس ان احنا اللى انهزمنا وانكسرنا بعد 73 .... وان الصهاينة هما اللي بقوا الاقوى وكل سنة يقتلوا في جنودنا واحنا نسكت ...... هو احنا حقيقي انتصرنا في 73 ؟؟؟؟؟؟؟؟؟؟؟؟!!!!!!!!!!!! يعني احنا الأقوى ؟؟؟؟؟؟؟؟؟؟؟؟؟؟!!!!!!!!!!!! والا احنا مش قدهم ................................ هنفضل لحد امتى نقول احنا مش قدهم ؟؟؟؟؟؟؟؟؟؟؟؟؟؟ حاسس اننا زى الكلاب دمنا يروح هدر وكرامتنا وحقنا كلو هيعملو ايه اهالى الناس اللى ماتت ف سينا بالاعتذار وهو فين الاعتذار اصلا اللى لما بيموت من الصهاينه واحد ولا حتى يتخدش بيقوموا الدنيا ومبتقعدش |
||||||||||
|
| إعلانات google |
|
|
|
20-08-2011, 04:12 AM
|
#2 | ||||||||||
  
|
للاسف فى ناس هنا جبناء فى مصر بيخافو من الحروب و عايزنا نسكت على حقنا عشان مندخلش فى حرب مع اسرائيل و يقولك شوف حال البلد عامله ازاى وكلام من ده طب يعنى عشان حال البلد داخليا مش تمام 100% يبقى نسكت لاخوتنا الى بيموتو على الحدود و نقعد فى البيت عشان اسرائيل متحربناش اظن لو الحكايه دى عدت على خير زى المرات الى فاتت اسرائيل هتستحلاها زى بردو المرات الى فاتت و كل المشاكل دى بسببها ان جنود اسرائلين اتقتلو و راحو فى داهيه يعنى هم بيقتلو فى كل الناس مش هممهم و احنا نخاف نجيب حقنا ؟؟؟؟؟؟؟؟ |
||||||||||
|
|
|
20-08-2011, 04:13 AM
|
#3 | ||||||||||
|
والله ما عارف يا باشا احنا بعد 23 يوليو بقنا ناس تانية فا ممكن بعد 25 يناير يحصل حاجة انا عن نفسي معتقدش |
||||||||||
|
|
|
20-08-2011, 04:20 AM
|
#4 | ||||||||||
|
اللي بيحصل ده شيء طبيعي احنا بقالنا 30 سنه عايشين في ظلم وقهر 30 سنه بنتعلم ازاي نخاف سواء من الاستاذ في المدرسه او من الناظر او من عسكري 30 سنه بيتعلموا فينا وبيتفننوا في طرق الترهيب علمونا نسكت موش احترام لا خوف ده انتاج نظام مبارك اللي دمرنا بس يا ريت نحاول نتغير وكل واحد يبدقء بنفسه ويساعد غيره وبعد اللي حصل لازم رد كده كفايه اوي اهانة |
||||||||||
|
|
|
20-08-2011, 04:26 AM
|
#5 | ||||||||||
  
|
ربنـــــا يستر بس فى حاجة لفتت نظري من شوية وانا اعدت بتفرج شوفت كلمة اعتزار  اعتزار ؟؟؟؟؟؟؟؟؟؟؟؟؟ عتزار ؟؟؟؟؟؟؟؟؟؟؟؟؟؟؟؟ اعتزار ؟؟؟؟؟؟؟؟؟؟ اعتزار ؟؟؟؟؟؟؟؟؟؟ اعتزار ؟؟؟؟؟؟؟؟؟؟؟؟؟؟؟؟؟ يعنــــــــــــي اية اعتزار مش فاهم حد يفهمني علشان انا شكل مخي ضاع اعتزار يا حكومة ........... حرام دم الشهداء الى ماتو دول شباب زي الورد واللهي حسبي الله ونعم الوكيـل |
||||||||||
|
|
|
20-08-2011, 04:30 AM
|
#6 | ||||||||||
  
|
لا احنا قدهم و قد اجدادهم كمان ده جنودنا خير اجناد الارض |
||||||||||
|
|
|
20-08-2011, 05:00 AM
|
#7 | ||||||||||
 
|
هنعمل اه محتجين السدادت من جديد |
||||||||||
|
|
|
20-08-2011, 05:26 AM
|
#8 | |||||||||||
|
اقتباس:
|
|||||||||||
|
|
|
20-08-2011, 07:02 AM
|
#9 | ||||||||||
  
|
ربنا يستر  |
||||||||||
|
|
|
20-08-2011, 08:01 AM
|
#10 | ||||||||||
 
|
هقولك حاجه واحده بس انا معاك فى كل حاجه بس لازم تحسبها بعقل مش كل حاجه حرب لو احنا حاربناهم احتمال كبير نخسر والجيش عارف كده علشان البلد مش مستقره دلوقتى فاسرائيل بتستغل الفرصه هو احنا لازم نفكر فى حل بس بعقلانيه وعايز اضيف كمان حاجه بس السادات واللهى كان راجل فله عايز احكيلك بس الراجل ده عمل ايه الراجل بعد الحرب لو مكانش عمل المعاهده كان زمان مصر بعد يوم ادمرت لان اليوم ده كانت امريكا بعته اسطول دبابات كامل وجسر من الطائرات علشان تعزز اسرائيل وكمان السادات كان هيحرر فلسطين علشان اساسا امريكا كانت دوله صديقه واسرائيل من غير امريكا ولا حاجه فالسادات كان صاحب كارتر اوى اوى اوى فكان عمل اجتماع لتحرير فلسطين بس قبليها تم اغتياله فلازم نفكر براحه ازاى نجيب حقهم مش الاعتذار اللى هيحلها واحنا اصلا لو كررنا الحرب اسرائيل هتخاف جداااااااااااااااااااااااا بس برضوه لو كسبنا هنخرج متكسحين وهيموت الملايين زى حرب 73 ارجو تكون فهمتنى وعايز اعرفك حاجه دى مش اول مره اسرائيل تقتل فيها جنود على الحدود هى قتلت كتير بس حسنى مبارك كان بيقول فيها ايه مش الراجل اعتذر ههههه |
||||||||||
|
|
|
20-08-2011, 08:17 AM
|
#11 | ||||||||||
|
انا مجرد ان حطيت نفسى مكان اهالى الشهداء حسيت بغيظ شديد وقهر مش عارف مجلس الوزراء مصصمين على الاعتذار هوا لو امريكا ماتلها واحد دا اللى بيعملو اللى بيعملوه ؟؟ طب بلاش حرب عشان احنا لسا بنقول يا هادى ومش نافصين بس اقل حاجه تتعمل الناس اللى قتلت دى تتحاسب,, عشان بس مكنش مدى الحكايه اكثر من حقها وان مش دارى |
||||||||||
|
|
|
20-08-2011, 08:26 AM
|
#12 | ||||||||||
|
قرر مجلس الوزراء سحب السفير المصرى من اسرائيل يا مسهل بقى اشوف حق الشهداء يتاخد بعد الثوره ربنا عليكى يا اسرائيل قادر يا رب تعرفوا احنا اللى عملنا كدا ف نفسنا منذ بدا الاسلام وانتشر فى معظم العالم كانت الحضاره الاسلاميه هيا الاساس دلوقتى احنا العبيد وهما الاسياد بالعلم والمال والسلاح ليه منبقاش متقدمين عشان نبقى راس براس ولا هنعيش طول عمرنا فى قصه ماما امريكا عمالين نقول احنا بلد الحضاره 7000 سنه وكلام فاضى طب احنا عملنا ايه عايشين فيل وهم مش هنفوق الا والغرب سابقنا بملايين السنين وساعتها هياجرونا زى البلاى ستيشن |
||||||||||
|
|
|
20-08-2011, 09:58 AM
|
#13 | ||||||||||
|
حرب حرب حرب حرب سيدي الفاضل هل تعلم معني كلمة حرب ؟؟ هل تعلم ان اي قرار انتا بتتخذو في حياتك ... لية ابعاد طويلة المدي احترم فيك حماسك وحبك وغيرتك للبلد .. لكن في فرق بين خناقة .. 2 ينزلو يتخانقو مع بعض .. وحرب بين دولتين واسمحلي اوضح نقطة ليك ولأكتر من عضو هنا في المنتدي اتمني من الله انها تكون افادة وارجوك انظر لردي علي انو توضيح لوجهة نظر شخص عندو 26 سنة ودخل الجيش ووالدو في الجيش .. والكلام الي هقولو دة حقيقي 100 % فكرة رفض حرب مع اسرائيل ليست لسبب مين الاقوي مش حقيقي.. بالعكس .. الحرب مع اسرائيل محسومة ومعروفة الضفة هتروح لفين بس اسمحلي اوضحلك شوية نقاط اية اسباب انك لازم ترفض الحرب مع اسرائيل ودة بالعكس تصدرلهم غاز كمان همسهالك بند بند ونقطة نقطة اول بند اقتصاديا 1- الموازنة العامة .. انتا المفروض عشان في حالة سلام مع اليهود او غير اليهود فا نسبة 31 % من دخلك القومي (فلوس البلد ) بتروح للمجلس العسكري عشان يسلحك .. طيران .. دبابات وهكذا .. وباقي الفلوس سواء كنا بنتسرق او لاء .. المفروض بتطور البنية التحتية للبلد من تعليم .. صحة .. مدارس .. زراعة مرتبات وهكذا في حالة دخولك حرب او مهدد لدخولك حرب .. 61 % من دخلك القومي هيروح للجيش للأستعداد لأقصي درجة من التأهب 2- الثورة المصرية علمتني درس قوي جدا .. وهوا .. انك في خلال 18 يوم بس اعتصامات سلمية .. نسبة العجز نطت من 41 % .. الي 58 % .. وحاليا الفلوس الي في جيبي وفي جيبك .. دة ورق بنكنوت بينطبع والاسعار هتفضل تطلع وتطلع وتطلع .. واتجاة الدولة حاليا لبيع سندات الدولة .. والاستلاف .. تخيل انتا بقي لو دخلت حرب .. خسائر الدولة هتكون كام :) ملحوظة : يعني اية نسبة العجز قبل الثورة 41 .. وبعد الثورة 58 % .. يعني دولة اليونان لما وصل نسبة العجز فيها 38 % اعلنت افلاسها .. وطلبت اقتراض عشان تخرج نفسها من المصيبة .. تخيل انتا بقي دلوقتي ومن غير حرب 58 % شوف انتا بقي نيجي بقي .. لتاني نقطة عالميا :: في حرب 73 .. لما مصر قررت الاشتراك مع سوريا .. وبمساعدة الجزائر .الحرب علي اسرائيل ولاحظ 73 كان لسة في نخوة ورجولة .. قامت دولة الاردن بأبلاغ اسرائيل ان مصر هتضربها وتم فرض حظر جوي علي مصر وعقوبات من الامم المتحدة .. وروسيا تجاهلت مصر ... وفرضت علينا عقوبات عشان حاربنا من غير ما نقولها تخيل النهاردة بقي سنة 2011 بعد سيطرة اسرائيل علي مفاتيح العالم .. اية الي ممكن يحصل لو دخلنا حرب ... هاتلي دولة واحدة .. اذكرلي اسمها هتقف جنب مصر ومش هتقول وانا مالي .. لو مصر حاربت تالت نقطة واهم نقطة بشريا : في حرب 73 الي كانت 6 ساعات بس .. عدد خسائر المصرين من الارواح . والرقم دة لم يعلن عنة .. وكان ممنوع التحدث فية ولو دخلت علي الجوجل ودورت علية مش هتلاقية هوا 193 الف جندي مصري ماتو في 73 .. حرب 6 ساعات فقط .. ومناورات 3 اشهر .. اسفرت عن موت 193 الف جندي لأن استرداد سيناء كان ماشي بنظام اية يا قاتل يا مقتول عبي جنود ودخل كأنك بتلعب جينراال كدة جايب 1000 جندي مدخلهم مات منهم 900 950.. المهم في 50 وصلو ورجعولك ارضك دة غير ان حرب 73 اصلا تمت بأعجوبة سماوية وبتوفيق من ربنا احنا في ثورة 25 يناير لما استشهد 1000 واحد عملنا اغاني وطنية وعيطنا وصوتنا امال لما يموتلك 100 - 200 الف ؟؟ دحول مصر حرب مع اسرائيل او اي دولة اخري = بنرجع لورا 30 سنة تانين دخلنا حرب ياعم وكسبناها ؟؟ وبعدين كسبنا اية ؟؟ هوا دور شطرنج ؟؟ ولا pvp مين فينا الي هيفوز لازم الحرب يكون ليها سبب .. ومن الاخر هديك مثال بسيط جدا سنة 1980 .. العراق كانت اقوي خامس دولة في العالم اقتصادي وعسكريا لما دخلت حرب مع ايران 8 سنين رجعهوها 30 سنة .. لأنها فضلت تدفع وتصلح الخسائر الي حصلتلها .. وبعدها حرب العراق 30 سنة كمان والف مبروك العراق مع السلامة دلوقتي مستني ردك :) |
||||||||||
|
|
|
20-08-2011, 10:08 AM
|
#14 | ||||||||||
|
k0len هوا حد قال حر ب اكيد اسرائل ضربانا بالجزمه بسبب مبارك الله يلعنه و دم المصري مش رخيص اما نشوف سياده المشير حيعمل ايه |
||||||||||
|
|
|
20-08-2011, 10:13 AM
|
#15 | |||||||||||
|
اقتباس:
واصلا قيادات كتير في اسرائيل هتتشال لعدم التوفيق في التعامل مع الجانب المصري انتا عارف يعني اية سحب السفير ؟ يعني انتا بتقطع علاقتك من البلد ولو متابع الاخبار كويس كنت هتفهم انا قصدي اية الي حصل من الجانب المصري ردا علي الهجوم الاسرائيلي 3 حاجات 1- سفر سامي عنان شخصيا الي سيناء (رئيس الاركان ) الي مفيش دبابة في مصر تتحرك من غير اذنو والسلطة بتاعتو اعلي من المشير علي ارض الواقع يعني دة الي بيحرك جيشك كلو 2- اغلاق معبر العريش ورفع في وش اسرائيل يعني البهوات بدأو يخسرو فلوس من دلوقتي 3- سحب السفير المصري 4- اجبار اسرائيل علي الاعتذار الرسمي = سعاتك تفرض العقوبات الي تريحك عليهم زي تعويضات او تعديل بند كامب ديفيد ارجو ان تكون الاجابة واضحة |
|||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| فديو للنقاش حقيقى و لا غير حقيقى | MAXx__warrioR | بـعـيـدآ عـن سـيـلـك رود | 5 | 11-09-2013 11:50 AM |
| بلال فضل : احنا غلطنا ان احنا مشينا من ميدان التحرير | _D34D_ | بـعـيـدآ عـن سـيـلـك رود | 0 | 22-05-2011 12:52 AM |
| انا مش عارف ليه احنا بنعمل فى بعد كده يا جدعان فوقو احنا مصريين | omarkings | قسم المواضيع المكررة و المخالفة | 18 | 13-07-2009 12:15 AM |
.gif){kind=icon}
العرض المتطور
