اوعى تعاكس حد....

[Anac0nda]

اوعى تعاكس حد





وانا واقف وسط الميكروبصات --- سمعت صوت الصفاره
وواحد بينادى ...... مظلات --- وفى ايده سجــاره
ركبت قـــــــــوم تقعد جنبي --- موُزه لكن جبــــــــاره
انا قلت ياد ليليتك بمبمي --- وقمت شالح النضاره
وقعدت اسبل بعنـــــــــــيا -- - والبت عملت محتاره
ضحكت راحــــــت ضــكالي ---ــــ وقالتلي ادفع يا شطاره
دفعت انا اجرة نفرين --- وقلتـ والله ما خساره
خليك وراها بقى فين ما تروح --- وانشاء الله ما نزلت إشاره





اخوكي بقى واد جنتل مان --- أصيل كمان كلي حضاره
قالتلي يا سلام مش باين --- قلتلها هديكي اماره
مقطع السمكه ودلها --- حبيت بنات كل الحاره
من اول البت نفيسه --- لحد بنت ام بداره
وحكيتلها على بطولاتي --- وسألت انفع يا سماره
قالتلي تنفع يا عنيا --- وغمزت خلاص السناره
واتاريني مش واخد بالى --- خطيبها دنجل ابو شراره
قاعد ورايا بيتصنت --- سمع ياناس كل عباره





وقف ساعتها ونزلنى --- من الميكروباص ومقلمني
اقوله طب ما تكلمني --- ناخد وندي تفهمني
كفايه ضرب طب أشتمني
من ايد لإيد بيسلمني --- وفى كل حته يلكمنى
اه يا بطنى اه ايدي اه يارجلى --- اه ياعينى يا منخيرى اه ياودني
ورفعت ايدي وانا بتلطش --- ودعيت بقى يارب يسبني
وفقعني شلوت وحياتك --- نطرني فوق سطح عماره
يسلام عليك على مهاراتك --- ده مكنش ضرب دى كانت غاره






ومن يوميها وانا ماشى مظبوط
وإن شفت بت البس زعبوط
وإن واحده جت تقعد جنبى --- اعمل قال ايه مش مبسوط
اه ياعم اصل انا مش ناقص --- يجيلي فى القلب هبوط
كفايه عليا اللي جرالي --- دا انا لسه واخد علقة موت
ما عدتش البس واتشيك --- ولا عدش يطلعلنا صوت
دول فكروني ملك الغابه --- وصبحت تاني يوم كتكوت
صاحب عيا ضغط وسكر --- وكمان يا ناس فقع مراره




وصحيت ياناس الصبحيه --- اتاريني بحلم يا عنيا
لا لسه غيرت هدومي --- ولا حتى رحت الكليه
يا حلولي دا انا لسه بخيري --- أنيق وشيك كلي مهاره
لا دخلت اودة العمليات --- ولا كلت بوانى ولا روصيات
ولا عمري قليت انا ادبي --- ولا كنت بعاكس ستات
يا خرابي ده الوقت اهو فات --- ورايا سكاشن ومحاضرات
نطيت جريت عالميكروبصات --- سمعت صوت الصفاره

[Vinci Kudo]

كويس

[kitokid]

هههههههههههههههههههههههههههه
والله جبارة

[f_h_u]

هههههههههههههههههههههه

[mizo82]

ههههههههههههههههههه

[☜ ĂиTaKą ☞]

Nice

[Sad_Angel]

:D

[MoST_WanTeD]

هههههههههههههه جااااااامدة

[abdela22]

Hhhhhhhhhhhhhhhhhhhhhh Nice hhhhhhhhhhhhhhh
Thx = :)

[3EBC]

ههههههههههههههههههه جامده

[Anac0nda]

شكراْ لمروركم يا شباب

[Mr.V.I.P]

جامدة جدا تسلم ايديك

[°•.♥ AhmeD ♥.•°]

نايس

[Fire_Snake]

لو دي من تأليفك انت تبقى جبار
تسلم على الموضوع الروعة

[Anac0nda]

شكرا لمروركم يا شباب

المشاركة الأصلية كتبت بواسطة Fire_Snake عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

لو دي من تأليفك انت تبقى جبار
تسلم على الموضوع الروعة

ابقى كذاب لو قولتلك اه

شكراْ لمرورك