عفــوا الشــاب المصــرى غير متـاح .. عــاود الاتصـال لاحقـا ان كــان فى وقــت لاحـق

[_DIDO_]

السلامو عليكم ورحمة الله وبركاته

ازيكم جميعا يارب تكونوا بخير دايما

دا موضوع مهم اوي ع الشاب المصري

لاقيته ف سايت وعجبني جدا الكلام لان معظم الكلام صح

ف حبت اني اجابو ليكم هنا يلا بينا نبدا

ــــــــــــــــــــــــــــــــــــــــــــــــــ ــــــ
ــــــــــــــــــــــــــــــــــــــــــــــ
ـــــــــــــــــــــــــــــــــ
ــــــــــــــــــــــ

هل أنت لاقدر الله مثقف؟؟


هل فكرت وغامرت واتهورت مرة وقريت كتاب؟؟


بتقرا حاجة غير مجلة ميكي ؟؟


عندك مصدر بتجيب منه معلومات غير قعدة القهوة و الكافتريا

واللف مع صحابك فى الشوارع؟؟



تعرف يعني إيه حزب؟؟


هل تعلم ماهى الليبرالية والفدرالية والإشتراكية ؟؟


يا ترى بتدخل ع النت ليه؟؟ عشان تتثقف؟؟



إذا كانت معظم إجاباتك هى ( لا ) لا تقلق عزيزي الشاب أنت طبيعى 100%


ولا تحتاج إلى أي تحاليل أو إشاعات



فكل الدراسات والأبحاث تشير إلى أن الشباب المصرى عليه العوض و منه العوض


وهو في أسوأ حالاته الثقافية في ظل أزهى عصور الحرية والديموقراطية والتقدم .......!!





- يعني احنا شباب تمام .... في العصر التمام -




انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )





حيث تشير إحدى الدراسات إلى أن:



80% لا يقرأون الصحف

و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت

وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -




أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"

..وإذا كانت علاقة الشباب بالإعلام كأحد مكونات المجتمع المصري تبدو ضعيفة..

فإن علاقته بالمؤسسات السياسية تبدو مصيبة..




ففي البحث الذي أجري عن ثقافة الشباب المصري


ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -






و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -




وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي -



بينما أكد 17% من الشباب أن عدد الأحزاب في مصر هو ثلاث أحزاب..



وأكتشف البحث أن 50% من الشباب لا يعرفون عدد الأحزاب الموجودة في مصر..



مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _

(على فكرة انا منهم)




مع إن الأحزاب في كل بلاد العالم تعتمد أصلاً على الشباب بشكل أساسي..

ويستطيع الشباب من خلالها إقامة واسقاط الحكومات



فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم




وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..




واحنـــا عملنــــا ايـــــهـ .......




طب تعالوا نشوف ازاى الشباب المصرى بيستفيد من الانترنت


فحسب تصنيف مؤسسة أليكسا العالمية عن أكثر 100 موقع يدخله المصريون

كان ترتيب هذه المواقع هى .......



مواقع الشات..
والمواقع والمنتديات الجنسية
ثم مواقع تحميل الأفلام
ومواقع نوادي الكرة
ومواقع النغمات والبلوتوث
ولم تشمل هذه القائمة سوى 4 مواقع إسلامية
في حين أنها لم تشمل على أى موقع علمي!!!




لكن الكارثة الكبرى هى أن
استغفــر الله العظيـــم يــارب
مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!..




فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت ..

( عشان كده بيتقدموا.. )





فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟


طب و بعدين ايه اللى حصل




اللى حصل بقى ان الكلام ده قلق ناس جامد

وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب





ده ورفعوا شعار عمار يامصر
و بلدنا لسه بخير
و عايزنها تبقى خضرا
ولازم يطمنوا علي الأرقام دي بنفسهم..
وعلى الشباب الجامعي المثقف..




فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه



( 20 طالب )



وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )




وإن 15 طالب لا يقرأون إلا الكتب الدراسية

( ده إذا كانوا بيفتحوها أساساً )




ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل

( الحمد لله أهو لقينا حد بيقرا حاجة )



طبعاً مش لازم تبقى محمد حسنين هيكل..ولا لازم تكون فهمي هويدي

( مصيبة لا تكون مش عارف دول كمان )




لكن على الأقل تكون فاهم.. وعارف .. وداري باللي بيجرا حوليك






فاهم العالم ماشي إزاي ومين عايز إيه؟؟

ومين بيعمل إيه عشان يكسب إيه؟؟

و مين كويس و مين وحش ؟؟

وقبل كل ده تكون عارف كويس..أنت عايز إيه؟؟



لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر

.. دماغنا فاضية

.. مفيهاش أي حاجة

.. ولا أي قضية

.. ولا عايشين لهدف






.. وكل اللي نعرفه في حياتنا .. وكل معلوماتنا .. عن الممثلين والكورة





.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين





.. فحين إن العالم كل بيتقدم بسرعة جنونية .. واحنا لسه محلك سر !!




.. يا ترى الفكرة وصلت؟؟ولا لسة؟؟





وملحوظه بسيطه بقى نسيت اقولها تبع الاحصائيات دى برضه




هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر



بعدها تيجى سلسله كتب تفسير الاحلام


و حظك اليوم و الابراج


عليــهـ العوض ومنهـ العوض



ايــهـ بقى رايــكمـ فى الكــلامــ ده !

[faroky3000]

ممكن انا اكون مختلف

لانى بحب الجرايد .. و الاخبار .. و متابعة الاحداث و التاريخ و الجغرافيا

بقرأ بس

[Controlled Black]

ايه يا بيدو عيب يعني اما تكون انتا الي بتهاجم الي بيسيئوا لمصر وتروح انتا موضح عيوبنا علي الموقع

وملحوظه:انا ماكنتش اعرف في كام حزب في مصر انا كنت فاكرهم 5 بس

الوطني و الغد والامه شباب المستقبل و الاخوان..دول الي انا فاكرهم وعارفهم اصلا

[super_man619]

موضوع جامد جدا

انا بتنشائلك علي موضوع يا ضيضو

[StarWars]

موضوع جامد فحت تسلم ايدك يا حبى
واحلة تقييم يا حبى

[STRQUEEN]

فعلا موضوع جامد جدا و مفيد أوى و الميزة انكـ جايبه بشكل كوميدى الى حد مـا فاهيشد الناس انهم يقروه
شكرا يا ضيضو :))

[Dead heart]

موضوع جامد ربنا يبارك فيكـ ..

[ALEX_MOON]

موضوع جامد و انا بقرا الرجل المستحيل والله بس بقالى فترة قاطع

[°•.♥ Manas ♥.•°]

موضوع فعلا رائع

[☜ ĂиTaKą ☞]

توبيك روعه

ربنا يخليك

[xTHE_Draagon]

مش بالظبط كده
مش معظمنا بيستخدم النت للشات بس او حاجه تانية
انا مش هتكلم عن نفسي واقول انا مختلف وبعمل وبعمل...ﻵ
ابسط مثال ادينا في المنتدي ...شايفين كل حاجه.."معلومات .مواضيع كوميديه. حجات كتيير مفيده لحياتنا "
و شكرا علي الموضوع ^^

[TheEgyptian Duke]

تسلم

[Hanamontana]

طبعاً مش لازم تبقى محمد حسنين هيكل..ولا لازم تكون فهمي هويدي

( مصيبة لا تكون مش عارف دول كمان )

تصدق انا معرفهمش مين دول اساسا انا اخرى جدو و ابو تريكه

شكرا على الموضوع بس انا بقرا كتب كتير دينية يمكن استفيد من اى معلومة

[noty2009]

لا يا عم انا الحمد لله انا مش كده خالص انا مثقف و بقراء كل حاجه

[Be Cool]

والله هو فى الواقع البحر مليان قواقع

انا عن نفسى مش مثقف اوى
بس انا بحب اقرى كتب التاريخ والحاجات الخيالية المشوقة :d

اما عن الكتب العلمية بحب اقرى عن كتب اللى ميتسموش دول داروين ريتشارد دوكنز

اما عن الكتب الدينية بحب اقرى كتب لمصطفى محمود, وفى كتاب لى موريس بوكاى القرآن الكريم والإنجيل والتوراة والعلم الحديث, وكتاب الناسخ والمنسوخ للامام الأجل الحافظ بس مللت من الكتاب وراكنة علشان اقرأة بعدين :d
وعندك الدكتور خالد منتصر لية كذا كتاب جامدين منهم فوبيا العلم

وعندك كتاب جميل جداً لسة بقرى فية اسمة مغامرة العقل الاولى لفارس سواح

وعندك كمان كتاب طة حسين فى الشعر الجاهلي لسة بقرى فية بردوا :d

مشكور على الموضوع