طريقك مسدودا مسدودا يا ولدي .... دنتو طلعتوا تربتيت ام الواحد بالبلاوي ديه

[super_man619]

طريقك مسدود مسدود يا ولدي مسدود

أولا: المقاطعة:



قاطع المنتجات الأمريكية لأنها تدعم اسرائيل.

قاطع المنتجات البريطانية لأنها تدعم أمريكا.

قاطع المنتجات الدينامركية عشان الكاريكاتير.

قاطع المنتجات الهولندية عشان الفيلم.

قاطع المنتجات الألمانية لأنها جنب الدول السابق ذكرها.



وفي النهاية كل الناس يبعتوا الايميلات لبعض من لاب توب كل البرامج الي فيه أمريكية، و هم قاعدين في ستاربكس بعد ما اتعشوا في كنتاكي أو معاهم "تيك أوي" من ماكدونلدز بيروحوا البيت يا إما بسياره امريكي يا اوروبي .

وفي الاخر يطلع الموضوع كله المخابرات اليابانيه أو الصينيه عملنا علينا شغل

اصلنا بقينا شبكه في النص



ثانيا: الصحة:



لا تشرب بيبسي لأنه يحتوي على مواد تنظيف و عصارة خنزير.

لا تشرب ريد بول لأنه يسبب عقم..

لا تستعمل مزيل العرق و لاالشامبو و لا الصابون لأنه يسبب سرطان.

لا تأكل لحم البقر لأنه يسبب جنون البقر.

لا تأكل دجاج بسبب انفلونزا الطيور

لا تأكل سمك بسبب المد الأحمر

لا تأكل خضار و لا فواكه لأنها كلها هرمونات

لا تشرب ماء لأنه معالج بالكلور

لا تأكل معلبات لأنها تحتوي على مواد حافظة

لا تشرب عصير طبيعي لأنه يأتي على شكل عصارة مركزة

لا تشرب عصير غير طبيعي لأنه كله ألوان

طيب يعني آكل ايه بالظبط أكل هوا ؟!!! ..... لأ طبعا لأنه الهوا ملوث بعوادم السيارات و المصانع.



و اذا خالفت النواهي السابقة كلها، دخلنا على العادات:

لا تشرب ماء بعد الأكل.

لا تنام و لا تمشي و لا تقعد بعد الأكل.

لا تدخن و لا تشرب شاي و لا قهوة بعد الأكل

أحسن شئ .... انك تاكل و تنتحر!!!!!!

لا تخلي الماء في الثلاجة داخل علب بلاستك لأنه مسرطنة

و لا تخلي في زجاج لأنه ممكن ينكسر بدون ما تعرف و تشربه و تموت.

و لا تخلية برة الثلاجة لأنه ممكن يتلوث.

و لا تشرب من الحنفية لأنها مش نظيفة

و لا تشرب مية معدنيه لأنها معبئة من الحنفية أو مكررة و فيها مواد مسرطنة.



لا تتكلم فى الموبايل بدون سماعة عشان الموجات تقتل خلايا المخ

و لا تتكلم عن طريق السماعة عشان الكهربا الساكنة

و لا تتكلم عن طريق البلوتوث عشان الموجات برضو تقتل خلايا المخ.

(يعني كل العالم الي عايشين اليومين دول عايشين بدون مخ)

لا تخلي الهوا يدور في السيارة لما تشغل التكييف لأنه يتلوث من التنفس.

و لا تخلي الهوا يجي من بره لأنه ملوث.

لا تعبي بنزين الصبح عشان الكثافة عالية

و لا تعبي في الليل عشان الكثافة واطية

و اشرب خل عشان يحرق الدهون .... و لا تشرب خل عشان يسبب قرحة

و اطلع في الشمس عشان فيتامين "د" .... و لا تطلع في الشمس عشان الأوزون.





ثالثا: الدين:



ابعث هذا الايميل لجميع من عندك الله يعطيك 25864973 حسنة ....

(على أساس أن اللي باعت الايميل مكشوف عنه الحجاب)

حارس قبر الرسول (صلى الله علية و سلم) حلم انه الرسول (صلى الله علية و سلم) قاله انه لازم يبعت الرسالة.

و يجيلك ايميل مكتوب في أولة قسم انك تبعت الايميل لكل الي تعرفهم و بعدين يذكرك انك أقسمت.

(ماسك عليك زله)

و ايميل فيه الجملة الحلوة اللطيفة (اذا لم تبعث الايميل فانت لا تستحق أجره)

و ايميل يقولك أحاديث كاذبة و اذا مبعتهاش فأنت مقصر

و ايميل يقولك "دعاء مرة واحدة في العمر" (يعني ادعي و انحرف على طول!!!!)

و ايميل يقولك "دعاء هز عرش الرحمن"

و ايميل يقولك "دعاء من دعاه حققت له 100 أمنية" (ده مصباح سحري مش دعاء!!!!)

و بعدين فتوى الرضاعة

و فتوى تحريم "البوكيمون"

و فتوى تحريم "البلايستيشن"

و أحلى فتوى فيهم ............ فتوى قتل "ميكي ماوس"



يعني أحسن حل .... انه الواحد لا ياكل و لا يشرب و لا يتنفس و لا يتكلم على التلفون و لا يطلع من البيت و بس يقعد يبعت ايميلات ....



ملاحظة: اذا بعت الايميل ده لكل الي عندك حيطلعلك جني سويسري راكب بنتلي، و اذا ما بعتهوش حأطلعلك أنا كل يوم في المنام و اقولك "ليه ليه ليه ليه ليييييييه" للصبح نياهاهاهاهاههاهاهاها

[kgk]

هههههههههه موضوع جامد

[topgogal]

nice topic

[!_ToGoO_MorY_!]

هههههههههههههههههههه

ده انت مسخره اخر حاجه وعندك حق فى كل حاجه يا شريف

بجد موضوع جمميل اووى ومسخره زى الى احنا متعودنها منك ^^

[De$igN]

ولله عندك حق مبقاش في حاجه نعملها موضوع جاامد

[| - CreSpO - |]

شكرا

[panto]

هههههههههههههههههههه :gathering:

[Solitaires]

اصلى يا واد

[Jiraya Sama]

Nice Topic

فاهمنى انتا

[iBorn2OwnU]

ولله معلم

[super_man619]

اه والله ده حالنا كا مجتمع عربي

كل واحد سايب شغله و عياله و فاضي للاميلات

[Wally]

ياض يا شريف انت اول مرة تعرف ان كل حاجة ممنوعة فى البلد بتعتنا؟؟ ده لو اصضرو قانون جديد بيئولو فيه امشى حافى من غير جزمة هنسمع كلمهم علشان الشعب دزمة ^^

[~Soon~]

اة ولاهي عندك حق احنا مجتمع بتاع ايميلات مش عربي

[SoOHisokaOoS]

موضوع جامد اوى بجد ستلم

[™_MIZ0_™]

موضوع جامد اوى