| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
03-08-2010, 03:27 AM
|
#1 | ||||||||||
  
|
 بعد قضاء الربع ساعة الشهيرة اللازمة للتفكير في مقدمة وبعد قضاء خمس دقايق إضافية في محاولة اقناع نفسي ان مش كل مرة هكتب نفس الكلمتين عن إني مش لاقي مقدمة لأن ده في إحراج ليا وبعد قضاء تلات دقايق في كتابة الكام كلمة اللي فاتو أحب أقول ان المقدمة خلصت والحمد لله  المشكلة التي تواجهني في هذه اللحظة إني جعان جدا وده تأثيره عليا بيتجاوز الحدود الطبيعية لتأثير الجوع على الكائن الحي وربما الميت كمان واكتشفت إن الأكل بيشغل ركن خفي بالغ الأهمية من حياتي ولكن بما ان من أعراض الجوع عندي إني بفكر كتير فاكتشفت بمحض الصدفة إن الشعب المصري كله عنده نفس المشكلة وهي إن الأكل واخد أكبر من حجمه في حياتنا إزاي من المعروف إن الأمثال الشعبية تعتبر من الحاجات اللي بتعبر عن طريقة تفكير الشعب وعندنا إحنا بقى الأمثال اتفقت في حاجة واحدة بس وهي وجود الأكل في المثل حتى لو لم يكن هناك أي علاقة من الممكن أن تربط الأكل بالموقف اللي المثل بيتكلم عنه ولكن واضح إن وجود الأكل في أي جملة بيزود نسبة وصولها إلى عقل اللي بيسمع وقلبه ومعدته إكفي الإدرة على فمها ،، تطلع البنت لأمها !! ... وبعد تشكيل لجنة من علماء الطب والفلك والتاريخ والجغرافيا والكيمياء واللغة (لجنة كبيرة يعني) اتفق العلماء على أن التفسير الوحيد القادر على ربط كفي إدرة فول بطلوع بنت لأمها هو الآتي أن الأم كانت ساكنة في الدور التاني وبنتها ساكنة في الدور الأول ولسبب لا تعرفه سوى الأم فقد قررت أن تعلق قدرة الفول على حبل الغسيل فذهب اتنين اللجنة عارفاهم ووقفوا قدام الإدرة وواحد قال للتاني "يا صاحبي ،، اكفي الإدرة على فمها ،، تطلع البنت لأمها" أكيد عشان تنبهها إن الفول اتدلق (آخر جملة من استنتاجى ) ولو كنت عايز تحذر واحد صاحبك عزيز عليك أوي هي جملة واحدة تلخص القضية وتبين خطورتها الشديدة "اللي يتلسع من الشوربة..ينفخ في الآيس كريم!!" ولم أجد دليلا طبيا واحدا يؤكد أن اللسعة من الشوربة تسبب الإصابة بالجنون لدرجة أنها تجعل المريض ينفخ في الآيس كريم إلا في حالة وجود سلاح بيولوجي في الشوربة وعموما مش عايز " آكل بعقلكوا حلاوة " والموضوع لا يقتصر فقط على الانسان اللي بياكل ويشرب ولكنه وصل للقطط اللي اتهموها ظلما إنها بتاكل وتنكر رغم إني أتحدى إن يكون حد شافها بتاكل وبتنكر فعلا ولكنها عادة البشر اللي بيجاملوا بعض على حساب القطط بحجة إننا بناكل مع بعض "عيش وملح" ومش بس الحيوانات ده كمان الموضوع وصل للجماد فذلك التاجر الكسيب ما شاء الله زي المنشار " طالع واكل ،، نازل واكل " والله ومش بس الجماد ده حتى الحاجات المعنوية بتاكل برضو عندك مثلا الزمن بياكل ،، وبيشرب كمان ،، فقد اكتشفت بعد خمس سنين في دراستى إن بقيت انسان " أكل عليه الدهر وشرب " ولكن لازم الواحد يستحمل والسبب واضح إن محدش بياكلها بالساهل وطبعا مفيش داعي لتكرار الكلام اللي كلنا عارفينو عن ارتباط كل مناسباتنا بأكلات معينة لا يصح ولا يليق أن تؤكل إلا في اليوم المخصص لها مع إني أعتقد إن المعدة بتاعتنا محدش معلق فيها نتيجة فيها الأعياد والأجازات الرسمية والأمثلة كتيرة أوي زي الفسيخ والكحك والعاشورا وحلاوة المولد والكنافة لدرجة إن المناسبة الوحيدة تقريبا الخالية من الأكل عندنا هي ستة أكتوبر وده بنعوضوا بالاحتفال بالعاشر من رمضان حيث تتجمع الأسرة المصرية لتتناول كنافة النصر بالهنا والشفا وشوف برضو إزاي الناس زهقت من الدكاترة اللي بعد أي كشف يقوللك متاكلش ده ولا ده ولا ده ولا ده ولا أقوللك ،، متاكلش خالص الناس بقى نفضت للطب بمجرد ما سمعت عن الطب البديل الذي يعالج إنسداد الشريان التاجي بشوربة الزنجبيل بالقرفة الرومي أما السكر الذي يحرمك من كل الحلويات فعلاجه بسهولة هو مسحوق بذرة الجميز الحجازي مع نفحة الشمركش المغربي الأكل جهز الحمد لله وده معناه إني هعمل ( سيف آز ) للكلام ده عشان أراجعه بعد الأكل عشان مش بثق في نفسي وأنا جعان وعموما كل اللي فات ده كانوا كلمتين واقفين "زي اللقمة في الزور" والحمد لله إني قلتهم انتهى جميع الحقوق محفوظة في التلاجة لتقدم ساخنة تعاطفك لوحده مش كفاية عقم ولو بكلمة واللي ياكل على ضرسه ،، ينفع نفسه |
||||||||||
|
| إعلانات google |
|
|
|
03-08-2010, 03:30 AM
|
#2 | ||||||||||
  
|
جميع الحقوق محفوظة في التلاجة لتقدم ساخنة تعاطفك لوحده مش كفاية عقم ولو بكلمة واللي ياكل على ضرسه ،، ينفع نفسه دي اكتر حتة عجباتني في الموضوع  |
||||||||||
|
|
|
03-08-2010, 03:48 AM
|
#3 | ||||||||||
|
أييييييييي أنا اتفجعت منك   ههههه موضوع لذيذ |
||||||||||
|
|
|
03-08-2010, 03:50 AM
|
#4 | ||||||||||
 
|
مشكووووووووووووووووووووووووووووووووووووووووووووووو وووووووووورررر  |
||||||||||
|
|
|
03-08-2010, 04:13 AM
|
#5 | ||||||||||
  
|
افهم من كلامك ده ان السادات مات مسموم بعد ما كل الرز باللبن الي كان فيه مسدس ؟.؟ وملحوظه مهمه انا جعااااااااااااااااااااااان اوي ..ومكسل انزل اجيب حاجه حد ياجي ينزل يشتريلي شيبسي وببسي من عند الراجل الي قدامنا او من عم عبده الي علي الناصيه او من عند الحاج لمعه بتاع الاكل و المركات اللامعه يا راجل انا مش هقرا الكلام ده كله ينفع تلفه في روق فويل لحد ما اجوع ولا اقولك وزعه علي السفرجيه الي في الموضوع ده :essen::essen::essen::essen::essen: |
||||||||||
|
|
|
03-08-2010, 04:20 AM
|
#6 | ||||||||||
|
أيه يا عم كل الأكل ده و أنا عاوز أصححلك حاجة أقلب الأدرة على فمها يتدلق الفول منها أو أقلب الأدرة على فمها الغرب يطردونا (محمد هنيدي) |
||||||||||
|
|
|
03-08-2010, 04:36 AM
|
#7 | ||||||||||
|
 كل مواضيعك مش عادية يا مان جامد |
||||||||||
|
|
|
03-08-2010, 04:40 AM
|
#8 | ||||||||||
 
|
الله طعمو حلو هههههه |
||||||||||
|
|
|
03-08-2010, 05:37 AM
|
#9 | ||||||||||
|
يخرب بيت مواضيعك ياض .gif "111 (20)") |
||||||||||
|
|
|
03-08-2010, 10:53 AM
|
#10 | ||||||||||
|
مشكورررررررررررر |
||||||||||
|
|
|
03-08-2010, 11:41 AM
|
#11 | ||||||||||
 
|
هههههههههههه انا اصلاً جعان و مكسل اعمل اكل و انتا تيجي تجوعني شكراً علي الموضوع |
||||||||||
|
|
|
03-08-2010, 12:36 PM
|
#12 | ||||||||||
  
|
 الاكل جهز انا من العريش يلا بسرعه |
||||||||||
|
|
|
03-08-2010, 12:41 PM
|
#13 | ||||||||||
 
|
الموضوع ده جامد جدا وجوعني في نفس الوقت  |
||||||||||
|
|
|
03-08-2010, 01:38 PM
|
#14 | ||||||||||
 
|
يخربيت ام دماغ يلا ايه الدماغ ديه فله فعلا الاكل داخل في كل حاجه في حياتنا تصدق حتي امبارح انا لسه واكل علي قفايا يعني المفروض اكل علي قفيا ازاي مش فاهم يعني حتي لو مسينها يبقي حد تاني هوه الي هياكل علي قفايا انا و هتبقي مقرفه شويه |
||||||||||
|
|
|
03-08-2010, 02:35 PM
|
#15 | ||||||||||
 
|
ههههه موضوع لذيذ |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| باب كراهية الأكل متّكئاً | K.S.A | القـسـم الإسـلامـى الـعـام | 1 | 17-10-2013 09:49 AM |
| بتفكر فى ايه دلوقتى؟ | asfor4gold | بـعـيـدآ عـن سـيـلـك رود | 21 | 24-05-2012 03:54 PM |
| فوائد الأكل لجماعي و أضرار الأكل الفردي | omar34 | بـعـيـدآ عـن سـيـلـك رود | 17 | 30-04-2012 10:32 AM |
| لو بتفكر في موضوع ال 300 Mestery lvls .. يبقى أتفضل هنا | ThE_InViSibLe | الـقـسـم الـتـعـلـيـمـى | 14 | 24-06-2008 03:44 PM |
.gif){kind=icon}
العرض المتطور
