وبعد مرور سنتين فوجئت ان والدته تتصل بيا وتقول : جاله .......!!!!

[kingoffruits]

السَّـلاَمُ عَلَيْــكُمُ وَرَحْمَةُ اللهِ وَبَرَكـــَـاتُهُ

احياناً تدفعنا الظروف مضطرين للسير فى طريق كان علينا فى الأصل إتيانه إختياراً




يعنى بيبقى قدامك طريق تمشى فيه وترفض إنك تأتيه إختياراً ويعرض عليك الف مرة وترفض إنك تأتيه وبعد كده تضطر إنك تأتيه رغم أنفك ..

عشان كده بقول كتير للناس اللى ربنا بيحبهم ربنا سبحانه وتعالى يوصى إليه الدعوة ..

إلتزم....

إهتدى...

قرب من ربنا..

توب إلى الله..

وهو مشغول بالفلوس .. مشغول بالشهوات.. مشغول بالمعاصى.. مشغول بالدنيا.. مشغول عن الله

فالله جل وجلاله يبتليه ليأتى رغم أنفه
فيضطر يقول يارب ويمشى فى الطريق اللى كان يدعوه إليه



واليكم هذة القصه من مدرسة الحياه

أحد الشباب كان فى كلية تجارة ،وكان ولد مؤدب وطيب
وهو فى اثناء دراسة بالكليه كان شعلة نشاط للدعوه
كان ماشاء الله ذات لحيه كبيرة وضخمه
وعمل فى الكليه اسرة للدعوة..
فى المدرجات يقول كلمه..
وقبل دخول الدكتور المحاضرة يكتب على السبورة كلمه.. كان كله نشاط
وطلب علم وسعى وبذل جهد كبير




وبعد ذلك تخرج من الكليه ولم يدخل الجيش..
وبدأ يبحث عن شغل..فات سنه واتنين ...
وكانت عائلته من العائلات الكبيرة فى القاهرة وكان عندهم معارض سيارات
فعرضوا عليه ان يشتغل بمعرض سيارات
وطبعاً كان عرض عليه الشغل فى البنوك ورفض..
وبعد ذلك اشتغل فى معرض السيارات..




بعد ذلك قالوا له مش هينفع جلابية وطاقية..!! إلبس بدلة وجرافتة.. فقال جارفتة لأ.. فوافقوا على البدلة فقط ..

وبعد شويه طبعاً الفتن والدنيا وطبعاً معارض السيارات اللى بيدخلها مين..!
التعامل مع النساء ..ومع الكبار.والسجاير حوليه..




بدأ هو من نفسه يقصر لحيته.. ولبس الجارفتة الحمرا ..بدأ يستحل ما كان يراه حراماً

الكولونيه الى فيها كحول بدأ يستعملها .. التعامل مع النساء وتليفونات النساء.. والصحوبيات..والنظر للنساء!



اتحلقت اللحيه!!!!!!!!!

وفى كل هذا معه اقول له يابنى انتى رايح فين كده؟؟
انتى كده هضيع نفسك..

وهو يقول لألألألأ ياشيخ اللى زى ميضعش!! انا عارف كويس..




لما حلق لحيته ..وبدأ يخوض فى أمر النساء .. ويشرب السجاير..

قلت انت ضعت .. انت ضعت

فقال لأ مضعتش هما سنتين اكون نفسى ، واعمل معرض سيارات .. اعتبرنى مسافر سنتين..

وانا راجع لربنا لأن انا عارف انى اللى بعملوا ده غلط ..!!




كثيرون من الناس يغرهم ان هو عارف ان ده غلط.. وانه ناوى يتوب منه ,فيغتر ويتلهى بهذا الامر..

كتير من الناس لما تسأله عن عيوبه وذنوبه عارفها كويس..وعارف ايضاً ازاى كويس ازاى يخرج منها..
عارف كويس ازاى يبطل ذنوب..بس مبيعملش حاجه..ويفضل مغرور جداً بهذا الامر..

مغرور إن هو بيقول يارب انا غلط سامحنى وانا هبقى كويس...



ولكن ربك (لَسَرِيعُ الْعِقَابِ) و (لَغَفُورٌ رَّحِيمٌ)..


قال تعالى ( نَبِّئْ عِبَادِي أَنِّي أَنَا الْغَفُورُ الرَّحِيمُ
* وَأَنَّ عَذَابِي هُوَ الْعَذَابُ الْأَلِيمُ ) (الحجر : 49-50)




اصل هو مش بمزاجك.....مينفعش..مش لعبه هيه ..

ده ربك عزيز

غنى لا يحتاج لأحد ..




وبعد مرور سنتين فوجئت ان والدته تتصل بيا وتقول لى انه فى مستشفى الحميات بالعباسيه
خيـــــــــــــــــــــــــر ؟؟؟؟!!! ماذا حصل !!
فقالت له جاله إيـــــــــدز..

فقلت ايـــــــــــــــــــــــــدز !!!!!!!!!!!!!!!!!!!!!!!!!!!!!!!!!!!!!



وذهبت إليه..فنظر الى ..وطبعاً انتوا عارفين مريض الايدز لما الناس تعرف انه عنده ايدز بيكون شكله وحش اوى.. فقربت منه وعينه مكسورة فقال لى ..

كان نفسى أجيله ماشى جابنى على وشى..
كان نفسى ارجعله بأردتى جبنى رغم انفى.....
كان نفسى ارجع على رجلى ..رجعتله على ظهرى..

ومااااااااااااااااات الرجل

أسأل الله ان يرحمه وارجوا انه يكون تاب قبل ان يموت..




بـــــــــــس هنال فرق بين من يأتيه مطيعأً..راغـــــــــــــــــب..محبــــــــــــاً..
وبيــــــن من يأتيه رغم أنفه ...

بين اللى يرجع لربنا وهو مريد ومحب ومقبل ,, عشان كده


نقلاً من فضيله الشيخ
محمد حسين يعقوب

[bekoman2]

اللهم انصر الاسلام و اعز المسلمين

[ThuS]

موضوع جميل و قصه اروع يا احمد عجبتنى اوى بصراحه و ان شاء الله نستفيد منها ..شكرا يا كبير

[Mr.V.I.P]

موضوع جميل و قصه اروع

[iWannaDie]

لا حول ولا قوة الا بالله
الهم ارحم المسلمين الاحياء والاموات

[THE_OFFICE]

موضوع جميل

[Wise Knight]

موضوع جميل

[Mohamed1163]

لا حول ولا قوة الا بالله

[Hanamontana]

موضوع جميل تسلم ايدك

[WadCool]

يحاسب المرء علي ما مات عليه

اللهم امتنا مسلمين موحديين ولك تائبين

[mido_91_2006]

جزاك الله كل خير

[TiTooo_cool]

موضوع ممتاز

اللهم ابعدنا عن المعاصى و توب علينا يا الله

[Step_By_Step]

مشكور

[حماده خلف]

شكرا لكا

[الشبح ~]

لا حول ولا قوة الا بالله
جزاك الله خيرا