انا اتخنقت و الله العظيم اتخنقت

[Hawkaaa]

انا واخد وصلة نت من راجل و بقالي 8 شهور شغال بيها كويس اوي و الحمد لله بس جه في اخر شهرين النت شغال تمام بس زي ما تقول كده :

اجي اعمل دون لود السرعة تمام بس يقطع مرة واحدة في النص
يخلي الياهو يفتح و يقفل اكتر من مرة (بسبب القطع المتكرر)
سيلك رود تشتغل في الاول سليمة دقيقة و تروح مهنجة جامد و تقطع مرة واحدة dc يعني

اتكرر الموضوع ده اكتر من مرة معايا و كلمت الراجل و بيروح يصلحها و ترجع سليمة مية المية بس بعديها بكام يوم ترجع نفس المشكلة تاني!!!!!!!!!!!

المرادي باجي اكلمو عالتليفون بلقاه قافل و لحد دلوقتي قافل و انا اتخنقت ايه الحل يا جدعان

انا ناوي انزلو بكرا اتخانق معاه عشان اشوف حل

للعلم الوصلة من لينك

و مفيش حد بيستعمل نيت كات

[Hell_Hawk]

انا كمان نفس المشكلة حاسس ان المشكلة فى لينك

[ZeRo-CoOl]

انا كنت نفس المشكله

روحت اتخانقت معاه و جيبت خط جديد لوحدى

[egyboy4fun2]

هههههههههههههه

روح اتخانق معاه وهو هيخاف منك هيظبطلك النت


بس اوع تتقل عليه فى الضرب ليفصلك النت خالص

[alex_staf]

لا خناق ولا حاجه
جبلك وصله جديده احسن لوحدك و ريح دماغك

[♥ ♥.•°YoYo°•.♥ ♥]

يا مان بالهدوا مش بالخناق
ربنا معاك

[BlueSky]

والله انا عندى تقريبا نفس المشكله بس جزء منها
الdownload بيقطع فى النص بعد فتره معينه و الmsn بيفضل يعمل sign out لوحدو كل ربع ساعه تقريبا

بس هقولو ايه يعنى بيعمل فيها عبيط كل ماكلمو يقولى و انا مالى مستنى الخط بتاع اسم النبى حارصها tedata لما يركب كمان اسبوعين (5 شهور)

[4me]

اسمع نصيحتى خد عصاية المقشة وانزل فيه ضرب لغاية ما يقول حقى برقبتى ;;;; زى منا عملت
:d

[Jiraya Sama]

انا ريحت دماغى وبستخدمwireless Connection ...محدش يعرف يعمل نت كات بس عيبها انك لو بتعمل داونلود هتقصر على سرعة النت شويه
بس بصراحه جامده

[alidndn1]

الضاهر كدة ان الشركة دي مبتفهمش في النت اساسا

و الله العظيم انا بقالي سنة كاملة عندي المشكلة دي

مع اني جايب روتر و شغال بيه لوحدي

[_BabY LoVe_]

انا جايب لوحدى و عايش الحياه حلوه

[ابو العربى]

المشكلة يا عزيزى 80% فى سوكت الكبل بيكون بيتحرك او 99% من الحر عشان الروتر مجرد ما يسخن بيقطع و يفصل و يشتغل بس بليل يعنى بيتظبط شوية قولو اما يحط الروتر على الأرض او يحط جنبية مروحة

[WadCool]

اهدي بقي يا جميل واسمعني لحظه بعد اذنك

انا عندي في اكتوبر نت خاص بيا لينك برده سرعه 512 لوحدي والنت ضعيف بعمل داونلوود علي 4 و 5 لو بقي كويس

عندي في المنصورة وصله نت ايجي نت 2 ميجا بس دي وصله انا عاملها :) وبرده النت ضعيف

برو السيبر ومعظم السيابر شغاله تي اي داتا وبرده زفت

اخر ما ذهقت رحت الشركه الام في مصر واستسفرت

قالوا النت وش عند الناس كلها والسرعه مش بتيجي كامله

بمعني سرعه 1 ميجا تجيلك 512 وكده

طب ليه قالك صيانه واعطال وفي اجهزة جديدة بيركبوها هتشتغل من اول 8 ان شاء الله

الراجل بيقولي هتس بالفرق لما الاجهزة تركب

قلتله انا اسس بالشلل دلوقتي متذعلش من اللي موصلك صدقتني مش منه

انا بقولك علي الشركات كلها

انا لما يكون في حاجه مهمة في اللعبه او كده بستعمل ال يو اس بي بس ده غالي جدا يا دوب ساعه في اليوم وشكرا

هدي نفسك وتحياتي ليك ........

[Black_Bird]

النت وحش فى مصر كلها يا غالى و كلنا متبهدلين غير بعض الناس

زيي

عموما فى برنامج اسمه

Antiarp

نزله و شوف

بحيث لو كان فى اى مشاكل فى الخط بتاعك هيحلهالك و ممكن النت يظبط شوية

[mobes]

يا عم جيب واحد لي عمرك