|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
23-02-2010, 07:38 PM
|
#1 | ||||||||||
  
|
""""""""""""" احااااسيس !!! هل هذا فيلم ام انك سوف تأخد اول 3 حروف من الكلمة بعد مشاهدته ؟؟!!! دولوقتي في زماننا الاسود الي اصبح اسود اكيييد وبفكرنا السئ الذي اصبح ياخد ثقافته من الافلام والاغاني والكليبات والشباب ياخد قدوته من لاعب كوره لي عمورة لي تمورة ونسوا ان رسولهم هو اعظم رجل في التاريخ وتخلو عن دينهم ونسوا ثقفات...هم العربية والاسلامية واصبح كل شغلهم الشاغل انتظار البوم عمرو دياب لي تامر حسني لي عمل خناقة عليهم ومين الافضل منهم لي متابعة كليب هيفا ونانسي لي مشاهدة المشاهد الجنسية المحذوفة من فيلمها الاخير الخ الخ الخ الخ........ كل شئ في حياتنا اصبح ينحدر من سئ الي اسوء ف اسوء ثم اصبح هذا الاسوء هو الطبيعي والعادي والذي يحاول ان يغير هذا الاسوء فيصبح منبوذ من هذا المجتمع الذي جعل من لاعب الكورة والرافص قدوة ونجم جيله هل تتذكر وانت تقرأ هذا الموضوع على شاشة هذا الجهاز الذي يسمى الكومبيوتر متى اخر مرة شغلت فيها القران الكريم او برنامج علمي او ثقافي على هذ الجهاز !!! طب انت دولوقتي مشغل وبتسمع اليسا ولا عمورة ولا تمورة ولا بتسمع هيفا قصدي بتتفرج على كليب ليها ؟؟!! طب هل تتذكر كام مرة شغلت فيها حاجة مفيدة على هذا الجهاز ؟ طيب سيبك من كل ده تعالا نسال نفسنا كام سؤال بي لماذا لماذا اصبحنا ناخد ثقفاتنا من الافلام ومما يفعله لاعبو الكورة والمغنيين ؟؟ لماذا اصبحنا لا نهتم بالقراءة ولا بالعلماء والعلم ولا ب ديننا ؟؟ لماذا اصبحنا ننحدر بهذا الشكل من سئ الى اسوء ؟؟ لماذا اصبح هذا الفن المحرم اكثر حراااااما ؟؟ لماذا اصبحت كلمات الاغاني كلها ايحاءات جنسية فاحشة والشباب يتغنى بها ولا يدري بما يفعله ؟؟؟ لماذا اصبحت الافلام كلها مشاهد وايحاءات جنسية وكلها للكبار فقط ؟؟!! والغريب انك ترى جميع الاعمار تشاهد هذه الافلام وكلمة للكبار فقط تصبح دافع اكثر لي الجميع لي مشاهدة هذا الفيلم !! هل اصبح الشعب كله كباراااا عشان يشاهد هذه الافلام ؟؟!! لماذا اصبح كل هذا طبيعي وعادي جداااا وانها حرية ؟؟!! لماذا اصبح الاسوء حرية والاسوء ف الاسوء جرأة !!!!! حد فهم حاجة ؟؟ اعذروني في النهاية انني لم اتحدث عن ما كتبتبه من عنوان وهو احااااسيس !!! هل عنوان حياتنا ممكن ان يصبح مثل هذا الفيلم و اول 3 حرووف من هذه الكلمة فقط !!! ام شخصية شبابنا اصبحت اخر 3 حرووف !!! وفي النهاية اعتذر بشدة عن كتابة هذا الموضوع لو كان ضايق حد |
||||||||||
|
| إعلانات google |
|
|
|
23-02-2010, 07:38 PM
|
#2 | ||||||||||
|
""""""""" هو احنا عايشين ليه ؟؟؟ !!! سؤال كل واحد لازم يساله لي نفسه وده سؤال اجباري مش اختياري يعني لازم يكون فيه رد وجواااب عليه يلا كل واحد فينا يسال نفسه انا اسال نفسي وانت تسال نفسك انا عايش ليه ؟؟؟ بس استنى متجوبش على طووول كدة فكر شوية في حياتك كلها فكر وافتكر حياتك دي عاملة ازاااااي ايه الي انت عملته في ماضيك واي...ه الي انت بتعمله في حياتك دولوقتي وايه الي انت نفسك تعمله ان شاء الله في المستقبل فكرت وافتكرت كويس حياتك عاملة ازاااي طب يلا جاوب انت عايش ليه ؟؟!! وبرده قبل ما تجاوب خليك فاكر ليه ربنا خلقنا وخلانا نعيش على الارض الجميلة دي خلقنا عشان حاجتين اول حاجة عشان نعبد ربنا ونكون طائعين ليه وتاني حاجة عشان نعمر الارض ونحافظ عليها يعني حزء خاص بالاخرة وجزء خاص بالدنيا طيب تعالا يلا شوف اول حاجة وهي انت عملت ايه لي أخرتك كل واحد فينا نفسه يدخل الجنة ويدعي ربنا انه يدخله الجنة طب يلا قول انت عملت ايه عشان تدخل الجنة شوف ماضيك كنت طائع لي ربك وبتنفذ فروضه ؟؟ ... سيبك من ماضيك هتقول كنت لسة صغير ومش عارف والدنيا كانت وخداك دولوقتي انتي بتعمل ايه لي ربك عشان يدخلك الجنة ؟؟ وخليك واثق من حاجة انت ربنا مش هيوفقك طوول ما انت مش طائع ليه تعالا يلا نشوف تاني حاجة وهي تعمير الارض : وده الجزء الخاص بحياتك في الدنيا دي الي هو الجزء الدنيوي ... انت هتعمر الارض ازاي ؟؟؟ اما اول حاجة تفكر وتشغل دماغك ويكون عندك هدف في حياتك وتسعى لي تحقيقه وتواجه الصعوبات والتحديات الي هتقابلك لي حد ما تحقق هدفك وقبل كل ده تكون متوكل على الله وواثق ان الله لا يضيع اجر من احسن عملا طيب يلا قول ايه هو هدفك في الحياة وايه انت بتعمله وهتعمله عشاتن تحقق هدفك ؟؟ كلنا نفسنا نبقى ناجحين وسعداء في حياتنا وكمان معانا فلوس كتييير طيب انت عملت ايه وهتعمل ايه عشان تحقق ده ؟؟؟ يعني الخلاصة عشان تعرف انت عايش ليه شوف نفسك في ماضيك وحاضرك ومستقبلك وشوف نفسك انت عملت ايه لي أخرتك وعملت ايه لي دنيتك وبعد ما تشوف دوول روح شوف حياتك النفسية عاملة ازاي وهل انت مرتاحفيها ولا لا ؟؟ وبعد كدة شوف حياتك الاجتماعية وشوف علاقتك عاملة ازاي مع ابوك وامك واخواتك وصحابك وجيرانك والحياة دي مستقرة وانت بتعاملهم كويس ولا لا ؟؟؟ دولوقتي بعد ما شوفت حياتك الدينية والدنيوية والعملية والاجتماعية والنفسية ساعتها جاوب واقول انت عايش ليه ؟؟؟ بس لو كنت مش ناجح في واحدة من دوول يبقى اكييد انت مش عايش !!! يبقى عشان تكون عايش وتعرف انت عايش ليه لازم تكون طائع لي ربك الي خلقك وكرمك على سائر جميع خلقه تاني حاجة تكون عندك هدف في حياتك وتسعى انك تحققه وتتحدي جميع الصعوبات الي تقابلك لحد ما توصل ليه وتحققه تالت حاجة تكون مرتاح نفسيا وراضي عن نفسك رابح حاجة تكون ناجع في علاقاتك الاجتماعية دولوقتي تقدر تجاوووب وتقول انت عايش ولا لا ؟؟؟ ولا لسة عايز تسال نفسك انا عايش ليه ؟؟ |
||||||||||
|
|
|
24-02-2010, 03:25 AM
|
#3 | |||||||||||
 
|
اقتباس:
|
|||||||||||
|
|
|
23-02-2010, 07:39 PM
|
#4 | ||||||||||
|
على فكرة انا قولت الكلام ده مليون مرة وهقولو لي المرة مليون و واحد ... محاولة تغير الواقع ما هي الا دعوة لي مصارحة النفس ب عيوبها ومحاولة التخلص من هذه العيوب وعلاجها ... وهي دي فكرة الجروب ... يعني لو كل واحد بدا بي نفسه واتخلص من عيوبه وصلح من نفسه انا ابدا ب نفسي وانت تبدا وهي تبدا وكل واحد فينا يغير حياته لي الافضل... ساعتها النتيجة هيكون المجتمع كله اتغير وساعتها نقدر نغير اي واقع ونغير بلدنا ونخليها تتقدم ... لو كل واحد فينا اتخلى عن السلبية الي فيها وتكبير الدماغ ويقول يا عم كبر تغير ايه ووجع دماغ ايه م الحياة حلوة اهو وادينا عايشن واحسن من غيرنا ... لو بطلنا السلبية دي وبدنا نغير من نفسنا ويبقى عندنا هدف في الحياة اننا نغير نفسنا ونغير الي حوالينا ساعتها هنغير الكون كله ونخلي البلد دي في احسن واعلى مكان في العالم ... المشكلة فينا اننا مش عايزين نتحرك مفيش امل مفيش ثقة في نفسنا اننا نقدر نغير ودي اكبر مصيبة وكارثة عايشين فيها ... المصيبة الاكبر دولوقتي ان الي مجرد بيفكر انه يغير او يتحرك ويكون عنده امل يلاقي الي حواليه يحبطوه ويخلوه يياس لا يقعدو يتريقو ب كل جهل وسلبية محطمة ... عايز تغير الواقع الي حواليك اول حاجة خلي عندك ثقة في الله عز وجل وان ربنا لا يضيع اجر من احسن عملا بي شرط انك تعمل وتفكر وتحاول تغير وتكون افضل ... تاني حاجة خلي عندك ثقة في نفسك وقدراتك الكبيرة جدااا الي ربنا اعطهالك ويا سيدي خد من الكورة الي مجننة الناس قدوة اهم لاعيبة مصر مش محترفين زي باقي الاعيبة التانية وقدرو يغيرو واقعهم ويكونو هم اسياد افريقيا في الكورة ... تالت حاجة متخليش حد ياثر عليك ولا يحبطك مهما كان وخليك واثق في حلمك وهدفك لي حد ما تحققه وخليك عارف كويس جدااا طوول ما انت بتحاول تغير اكييد ناس كتير الي هيحاول يحبطك والي يتريق عليك والي يقلل من شان الي انت بتعمله عشان كدة متسمعش ليهم وكمل في الي انت بداته ... رابع حاجة خلي عندك امل وتفاؤل بالخير ربنا بيقول تفاءلو بالخير تجدوه متحبطش نفسك وتقعد تقول مفيش فايدة وتياس من رحمة ربنا لا يياس من رحمة الله الا القوم الكافرون... خامس حاجة ان الله لا يغير ما بي قوم حتى يغيرو ما بي انفسهم ... لو طبقنا 5 حجات دوول في حياتنا وكل واحد حاول يبدا بي نفسه ويغيرها وبعد كدة يحاول يغير الي حواليه ساعتها بجد وان شاء الله هنقدر نغير اي واقع |
||||||||||
|
|
|
23-02-2010, 07:42 PM
|
#5 | ||||||||||
|
طول عمرنا عارفين إن الانتحار حرام وعيب ومايصحش، والغريبة إنه ضار جداً بالصحة، ده غير إنه كمان بيودي النار، لكن المفاجأة الذكية اللي اكتشفناها مؤخراً إن فيه انتحارات جديدة لانج نزلت السوق مؤخراً مابتوديش النار؛ لأن اللي ميت منتحر الحكومة بتسميه شهيد بالصلاة ع النبي.. هنا 6 أنواع للانتحار بيدخلوا الجنة.. الطريقة الأولى: لو عايز تنتحر وماتبقاش منتحر في نفس الوقت عليك وعلى حي الدويقة ومنشية ناصر اللي الخنازير ماشية بتلعب فيها، والناس بتهشهم ولا كأنهم قطط!! ده غير الروائح الكريهة الصعبة لدرجة إن فيه سكان هناك بيحلفوا إنهم عمرهم ما فتحوا بلكوناتهم من ييجي أكتر من 30 سنة.. كل ما عليك لو سيادتك مش لاقي شقة تسكن فيها وعايز تنتحر لهذا السبب، إنك تجيب كام صفيحة حديد على كام خشبة مسوّسة، وتبني بيهم عشة في حضن جبل المقطم، مع مراعاة أن يكون تسريب الصرف الصحي الخاص بك على أعلى الجبل، وكلها شويتين والجبل مش هيستحمل الصرف الصحي بتاعك أنت واللي معاك وهينزل على نافوخكم واحد واحد وكلكم تتكلوا على الله في ثواني، وحتى اللي هينجى منكم وهيفضل حي تحت الأنقاض محدش هيعرف ينقذه أو يوصل له وبرضه هيموت هيموت، والذنب طبعاً هيكون على الحكومة اللي ما وفرتلناش سكن غير في المناطق العشوائية اللي في حضن الجبل اللي صخوره وحجارته مابترحمش وبتنزل على الغلابة تدفنهم بالحيا. الطريقة التانيه: ركوب الأوتوبيسات اللي بتطلع على الكباري وهي متكدسة بالبشر زي الأوتوبيس اللي وقع بالركاب بتوعه من كام سنة من على كوبري في الجيزة وكل اللي فيه ماتوا، والناس الغلابة اللي كانوا ماشيين في حالهم لا بيهم ولا عليهم تحت الكوبري برضه ماتوا، وعندك كمان كوبري السيدة عائشة اللي كل سنة يقع من عليه أوتوبيس أو ملاكي أو تاكسي أو عربية جيش، وآخر مرة الأرض هبطت تحت الكوبري، وطبعاً الحكومة هتعتبرك شهيد وتصرف لأهلك مكافآت كمان. الطريقة التالتة: بعد صلاة الفجر تصلي ركعتين لله تودع بيهم دنيتك وتسلم على كل أهلك ومعارفك وتسدد الديون اللي عليك وتسيب وصيتك وتجهز نفسك للعملية الانتحارية.. لأ يا راجل.. يا راجل مش في فلسطين.. إحنا بنتكلم عن عملية انتحارية هنا في مصر بتحصل كل فجرية في طوابير العيش على الأفران البلدي ولو أخلصت النية لله هتموت يعني هتموت مالهاش حل تاني.. الطريقة الرابعة: حج البيت لمن استطاع إليه سبيلاً.. تجهز كل تحويشة عمرك وفي الغالب مش هتكفي إنك تطلع للسعودية طيران، يبقى يا معلم مفيش غير العبارة، ناقص بس تلبس ملابس الإحرام وأنت في العبارة عشان تكون متكفن جاهز وشوية وهتغرق بيك المركب ولو ما موتش غرقان يبقى القرش هياكلك وهتبقى ميت شهيد وتبقى آبا الحاج الشهيد، وسلم لي على "ممدوح إسماعيل"! الطريقة الخامسة: أكيد طبعاً شفت إعلانات الحكومة اللي بتقول لك لازم تلحق القطر قبل ما القطر يفوتك.. لو أنت ليك مزاج تموت بقى وخايف تتحسب عليك الموتة انتحار وتدخل جهنم يبقى عليك وعلى الحكومة.. أيوه زي ما بقول لك كده يالا بسرعة إجري إلحق القطر، وساعتها تبقى موتة ومكتوبة لك حاجة ببلاش كده.. يا إما القطر هيولع بيك والسواق هيفصل العربيات المحروقة عشان تواجه مصيرك مع نفسك زي ما حصل في قطر الصعيد من 6 سنين، يا إما هتتزنق وتروح الحمام وممكن وأنت قاعد منسجم وواخد راحتك ع الآخر تلاقي دورة المياه وقعت بيك تحت القطر يا إما القطر يخرج عن القضبان ويتشقلب بيك في الهوا، يا إما عربية تريلا فراملها تسيب وتلبس في القطر زي قطر مطروح، وفي كل الأحوال سيادتك ميت ميت. الطريقة السادسة: محدش فينا ماسمعش عن طريق المحور اللي المفروض إنه بيختصر الطريق.. وماحدش فينا برضه ماسمعش عن الحوادث والكوارث اللي بتحصل عليه كل يوم.. كل ما عليك بقى لو أنت وعايز تنتحر بشياكة إنك تتلكك وتروح أي مشوار بيعدي من على المحور، ولو حتى تروح تجيب من هناك ترمس، وساعتها هتلبس هتلبس مفيهاش كلام وتبقى برضه ميت شهيد على حسب تصريحات السيد وزير النقل والمواصلات والسيد وزير الصحة والسكان وقبل منهم السيد رئيس الوزراء وصورتك تيجي في الجرايد ببلاش من غير ما تكلف عيلتك حق النعي في صفحة الوفيات.. وصباح الخير يا مصر.. |
||||||||||
|
|
|
23-02-2010, 07:54 PM
|
#6 | ||||||||||
|
جامده اول تلت حروف ديه موووووووووووووووووووووز |
||||||||||
|
|
|
23-02-2010, 08:07 PM
|
#7 | ||||||||||
|
و اخر تلت حروف لل ناس اللى بتخش الافلام ديه |
||||||||||
|
|
|
23-02-2010, 08:28 PM
|
#8 | ||||||||||
  
|
شكرا على الموضوع الاكثر من رائع |
||||||||||
|
|
|
23-02-2010, 08:39 PM
|
#9 | ||||||||||
 
|
بجد والله موضوع راااااائع و انا بجد مقدرش اقولك انتا حتاخد ثواب اد ايييييييه و على فكرة انتا بردوا نبهتنى لكذا حاجة انا مكنتش واخد بالى منها فعلا ربنا يكرمك و ده من احسن المواضيع الى شوفتها و المفروض يتنقل للمميز |
||||||||||
|
|
|
23-02-2010, 08:42 PM
|
#10 | ||||||||||
  
|
الموضوع ده حقه انه يتثبت |
||||||||||
|
|
|
23-02-2010, 08:48 PM
|
#11 | ||||||||||
  
|
موضوع اكثر من رائع ويستحق التثبيت |
||||||||||
|
|
|
23-02-2010, 09:16 PM
|
#12 | ||||||||||
|
بناء على طلب الجمهور يا ريت يتثبت |
||||||||||
|
|
|
23-02-2010, 09:22 PM
|
#13 | ||||||||||
|
طيب انت دلوقت زرعت قمح هل من الممكن تلاققى بدالوا دره اكيد مستحيل لا طبعا ده اللى انت بتعملوا دلوقتى انك بتعصى ربنا و فى نفس الوقت طالب الرحمه و المغفره طب ازاى لو عندك جواب قولى |
||||||||||
|
|
|
23-02-2010, 09:25 PM
|
#14 | ||||||||||
|
كلامك كله صح وياريت الموضوع يتثبت |
||||||||||
|
|
|
23-02-2010, 09:33 PM
|
#15 | ||||||||||
 
|
بص بغض النظر عن كلامك الجميل و الصحيح 100 % بس سعد زغلول قالها "مفيش فايدة" و احنا بنتفق علي الاختلاف و بنختلاف علي الاتفاق شكرا ليك يا بوب و لكن الوقت فات و الي فات مات d: |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ازاى اروح التمبل جوبيتر وانا لفل صغير | ostta22 | قـسـم الاسـئـلـه و الاسـتـفـسـارات حـول الـلـعـبـة | 5 | 07-06-2013 10:26 PM |
| ازاى اروح مدينة اسكندرية وانا لفل صغير | ostta22 | قـسـم الاسـئـلـه و الاسـتـفـسـارات حـول الـلـعـبـة | 10 | 16-10-2011 07:52 PM |
| medusaaa تاني مرة للمصريين وانا لوحدي : جاري رفع الصور | hamada5051250 | Bellona | 26 | 31-07-2009 09:17 AM |
.gif){kind=icon}
العرض المتطور
