الـجـروب الـرسـمى لـلـمـنـتـدى FaceBook | Official Group

**كورابيكا** · 27-02-2008, 12:51 AM

أشهر جمل بيقولوها الأب و الأم في مصر

1- انت فاكرنا لاقين الفلوس ديـــ في الشارع .

2- ما تتكلمش بصوت عالي في الحمام .

3- والله ما انت فالح .. وادي دقني أهه .

4- ما تنمش غير لما تغسل سنانك .

5- ما تلزقش في التلفزيون كده .. نظرك هيضيع .

6- سلم على عمك كويس يا ولد .

7- يا ابني محدش هينفعك .

8- ما تطلعش ايدك من الشباك .

9- قصة الغريق الكاذب اللي كل مره يقول الحقوني ... لحد ما غرق بجد .

10- ربنا يرزقك بعيل يوريك اللي ورتهوني .

11- ما تطلعش على الملايه النظيفه و رجليك مت***ه كده .

12- نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

13- طلع ايدك من جيبك و انت بتكلمني .

14- ايه الا مبالاه و الاستهتار اللي انت عايش فيهم دول .

15- قوم اقرا لك كلمتين ينفعوك .

16- وطي المدعوق ده شويه .

17- انت فاكرنا نايمين على ودانا ؟

18- يا ابني انت مسطول ولا ايه ؟

19- ما تلبسش القميص على اللحم زي العيال الصايعه .

20- بلاش أكل بره .

21- كلمنا لما توصل .

22- عيـــب ... لازم تحترم اللي أكبر منك .

23- لو شفت خناقه ما لكش دعوة بيها .

24- لازم تأكل سلطه .

25- اوعى تكدب عليا كده تاني مرره .

26- اوعى حد غريب يديلك حاجه تاكلها و تشربها و تاخدها منه .

27- يا ابني كلم خالتك العيانه اسأل عليها .

28- بلاش لعب في الشارع .

29- ما تعليش صوتك .

30- وانت فاكر احنا مستنيين منك حاجه .

31- المسلسل مش هينفعك ...قوم .

32- ما تقعدش قدام المروحه وانت مستحمي .

33- كفايه رغي في التليفونات .

34- بلاش وقفة الشبابيك و البلكونات .

35- اوعى تقول لحد هات لي حاجة .

36- كل على مهلك .. وامضغ كويس ... وما تكلش وانت واقف .. وكل من قدامك ما تحفش .

37- اطفي التلفزيون وقوم ذاكر

38- ربنا يهديك ربنا يهديك ...

39- صليت العصر ؟!

40- ما تمشيش حافي في السقعة دي

41- ما فيش مذاكرة على المزيكا .. أو .. بتذاكر إزاي و البتاع ده شغال جنبك .

42- افرد ظهرك .

43- ما تتأخرش بعد المدرسه و تقعد تصيع مع أصحابك .

44- بص كويس و انت بتعدي الشارع .

45- ومالها الكتب بتاعة الوزاره ؟!

46- اللي بيشيل قربه مخرومة بتخر عليه لوحده ..

47- لو مش فاهم حاجه ارفع ايدك و قول للأستاذ مش فاهم .. متتكسفش .

48- تقعد في أول صف قدام السبوره .

49- ما تردش عليا ...أو...لما اكلمك ترد عليا!!!! سبحان الله :D

50- مش عايز اسمع صوت .

51- مالكش دعوة بالسياسة .. وماتمشيش في مظاهرات .

52- انت الى حتنجح مش احنا .

53- الى بيذاكر بيذاكر لنفسه....والى بينجح بينجح لنفسه .

54-اشرب بؤ ميه قبل ما تنزل .

وطبعا متنسوش الكلام ده علشان لما تكبرو تقوله لولادكو

يارب يكون الموضوع عجبكو

تحياتى للجميع

**cheetos5060** · 27-02-2008, 01:08 AM

llllllllooooooolllllllllllll sa7 walhi al wad dh gamed awyyy ya ged3an dh ana kol yom basm3 al klam dh thxxxxx ya man anta gamed awyyyyyyyyyyyyy

**كورابيكا** · 27-02-2008, 01:17 AM

اقتباس:

المشاركة الأصلية كتبت بواسطة cheetos5060 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

llllllllooooooolllllllllllll sa7 walhi al wad dh gamed awyyy ya ged3an dh ana kol yom basm3 al klam dh thxxxxx ya man anta gamed awyyyyyyyyyyyyy

ههههههههههههه

Thnx:)

27-02-2008, 01:13 AM

lol الكلام ده اخر مرة سمعته كان يمكن عندي 11 سنه :P

و بعدين ( وما تكلش وانت واقف ) شئ منطقي جدا عشان الاكل ميقعش في رجليك ^^

**كورابيكا** · 27-02-2008, 01:19 AM

اقتباس:

المشاركة الأصلية كتبت بواسطة _CaESaR_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

lol الكلام ده اخر مرة سمعته كان يمكن عندي 11 سنه :P

و بعدين ( وما تكلش وانت واقف ) شئ منطقي جدا عشان الاكل ميقعش في رجليك ^^

هههههههههههههههههههه

نظرية برضو:D

**genraleslam** · 27-02-2008, 03:12 AM

ايه ياض انتا انتا هتطلع اللى بيحصلك فى الناس ولا ايه هههههههههه شكلك كدا مطرود من بيتكو هههههههههه

شكرا ياض على الموضوع

**Charmed** · 29-02-2008, 07:10 PM

اقتباس:

المشاركة الأصلية كتبت بواسطة genraleslam عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ايه ياض انتا انتا هتطلع اللى بيحصلك فى الناس ولا ايه هههههههههه شكلك كدا مطرود من بيتكو هههههههههه

شكرا ياض على الموضوع

اه صح شكله اطرد ^^
تعالى اعد عندى يومين لحد منشوف لك مكان تانى تعد فيه :p

**midohissen** · 27-02-2008, 04:31 AM

والله معاك حق ابهات عاوزين ضرب ولا بلاش ههه

**lavaboy** · 27-02-2008, 11:44 PM

nice

**titolife** · 28-02-2008, 12:01 AM

موضوع جميل فعلا فكراً بالايام يااااااااااااااه نفسي ترجع الايام دى تانى ياجماعة بجد بجد ...... مشكوووووووووووووووووووووور اوى يا كورابيكا على الموضوع اللى رجعنى اكتر من 12 سنة ورا .....

**sowrd_master** · 28-02-2008, 12:23 AM

:d ههههههه, كويس انك قولت انه منقول, لانك بالشكل ده كنت هتبقى الملعون رقم واحد فى مصر , مشكور على الموضوع:d

**كورابيكا** · 28-02-2008, 01:25 AM

هههههههههههههههههههههه
شكرآآ على الردود

**love_allah** · 28-02-2008, 07:12 PM

احنا نعمل بعد كدة في المنتدي جمعية حرق الاباء هههههههههه

اكيد هما بيقولولك كدة لمصلحتك مهما

وانتا نسيت دة

احنا طفحين الكوت عشان نعلمك

lol XD

**كورابيكا** · 28-02-2008, 07:27 PM

اقتباس:

المشاركة الأصلية كتبت بواسطة love_allh عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

احنا نعمل بعد كدة في المنتدي جمعية حرق الاباء هههههههههه

اكيد هما بيقولولك كدة لمصلحتك مهما

وانتا نسيت دة

احنا طفحين الكوت عشان نعلمك

lol XD

ههههههههههههههههه

صح :D

**barghout005** · 28-02-2008, 07:20 PM

جامـــــــــــــــــــــــــــــــــــــــــــــــ ــــــــــــــــ طحن ــــــــــــــــــــــــــد

Lol Xd Xd Xd

المواضيع المتشابهه
الموضوع	كاتب الموضوع	المنتدى	الردود	آخر مشاركة
๑ஐ◄▓▒–>اشهر جمل بيقولوها الاب والام في مصر๑ஐ◄▓▒–>	Un_Wanted	بـعـيـدآ عـن سـيـلـك رود	34	25-08-2009 03:22 PM
أشهر جمل بيقولوها الأب و الأم في مصر	thehunterman	بـعـيـدآ عـن سـيـلـك رود	11	24-09-2008 06:12 PM
أشهر جمل بيقولوها الأب و الأم	Klypto	بـعـيـدآ عـن سـيـلـك رود	6	12-09-2008 05:03 PM

يتصفح الموضوع حالياً : 4 (0 عضو و 4 زائر)

	حفظ بياناتي ؟

شـريـط الاهـداءات