![]() |
|
بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
![]() |
|
أدوات الموضوع | انواع عرض الموضوع |
|
![]() |
#1 | ||||||||||||
![]() ![]()
|
أنا عميلتو بس علشان alidndn1 -------------------------------------------------- أقدم لكم هذا الموضوع الظريف والخفيف والجميل والمرح قواعد المرور الأساسية في القاهرة دستور المرور في القاهرة : من خرج من داره أتقل مقداره! لو عربيتك كبيرة أو قديمة أستخدم المبدأ القانوني : اللي خايف على عربيته يوسع! ملحوظة : ابعد عن سكة العربيات المخرشمة ، بيسوقوا بنظرية ضربوا الأعور على عينه! ------ البوز بيو Booxe Base : اللي يدخل ببوز عربيته الأول للتقاطع هو صاحب أولوية المرور ! احرص على أن تكون صاحب أول بوز . ملحوظة : لا تطبق البوز بيز مع أي لوري أو أوتوبيس ، حرصاً على بوزك لا مؤاخذة . ------ الإشارات تكشف نوايات للأعداء ، إياك أن تستخدمها! ------ لا تترك مسافة للأمان بينك وبين السيارة التي أمامك فهذا له عدة مخاطر : أولاً : عربية ثانية حتملا الفراغ في ثواني وبرضه ما يبقاش في مسافة بينك وبين اللي قدامك ، كل اللي كسبته أنت اتأخرت لورا شويه . ثانياً : حتدي فرصة للعيال يعملوا غرز قدامك . ثالثاً : كل المشاه حيغمضوا عينيهم ويعدوا من الحته دي . رابعاً : اللي وراك حيقعد يزمر -لو كان مؤدب- أو تسمع شوية أسامي حيوانات لو كان سواق تاكسي -مؤدب- ، أو حيخبطك من وراء لو كان سواق ميكروباص -ودول مفيش حد منهم مؤدب-. ------- الإشارات مش معموله علشان تنظم المرور ، معموله علشان شكل القاهرة يبقى متحضر بس! اعتمد على العساكر (مع تحملك كامل المسؤولية لو واحد منهم شاورلك تعدي وبلدياته الناحية الثانية فتح السكة للورى) أو يفضل أن تستعمل البوز بيز (كما سبق) . ----- اذا كنت مش واقف في الصف الأول في الإشارة اعمل حسابك تزمر بشكل متواصل وهستيري أول ما الإشارة تفتح ، لأن الناس اللي قدام يبقوا واقفين في الإشاءة من زمان وجايز جداً يكونوا نامو! ----- معظم الحوادث تحدث في التقاطعات أو الإشارة ماتحمر ، كل ما عديت الإشارة الحمراء أسرع كل ماقلت فرصة انك تتخبط! ----- الشارع مكان مقرف ، سوق بأسرع ما يمكن حتى تتخلص من هذا الهم بسرعة ، الناس اللي ماشيين بالراحة مرضى نفسيين بيستمتعوا بالعذاب ، يستاهلوا اللي يجرى لهم . ----- من حقوقك الدستورية أن تركن أمام باب المحل الذي تريد أن تشتري منه ، إذا سبقك واحد ابن ستين في سبعين وركن قدام الباب فمن حقك أن تقفل عليه وتركن صف ثاني أو ثالث ، ومش مهم لو الشارع اتقفل ، ايه يعني أما الناس تعطل عشر دقائق علشان سيادتك تستمتع بحقوقك الدستورية! هي يعني الدنيا طارت ولا كان وراهم الديوان ؟ ---- من حقك أيضاً أن تخرج من مكان انتظارك في أي لحظة تشاء ، اكسر الدركسيون شمال واطلع ، أي حد ماشي في الشارع لازم يقف لك فورا ، راجع البند السابق . ------- إحترس من 3 أنواع من السائقين بيسوقوا وكأنهم مش ممكن يموتوا : 1- العيال الروشين اللي بيلعبوا computer games وفاكرين إن ممكن يكسبوا Life زيادة لو ساقوا أسرع . 2- موتوسيكلات توصيل الطلبات Home delivery . 3- سواقين الميكروباص . ملحوظة : إوعى تحاول تثبت لحد منهم إن فكرته غلط . فاهمني ؟ ------- لما تشوف حادثة لازم تهدي وتتفرج -مش مهم تساعد- الحاجات دي دمها أخف من الأخبار المملة بتاعة التليفزيون ، وبعدين لما الطريق وراك يقف تحمي المجتمع من حادثة تانية . -------- الكناسين لازم يحللوا اللقمة اللي بياكلوها ، حاول تنفعهم وترمي أي حاجة من الشباك . ------- لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك (علشان يحرم يعمل غرز). ------ من حقك أن تعبر الشارع في أي وقت ومن أي مكان. ------- إذا كان هناك سيارة قادمة اعمل نفسك مش واخذ بالك وعدي براحتك خالص ، ماتخافش هو حيقف ، هو أهبل يدوسك ويودي نفسه في داهية! ------ أياك أن تنظر نحو السارات القادمة ، أعبر الطريق وظهرك لها حتى لا يشك أحد قائدي السيارات أنك تراه ويحاول يخوفك علشان تقف أنت . ------ حتى لو شفته ، أوعى تخاف -خصوصاً لو معاك بنت- ، تبقى راجل ملو هدومك وتخاف من حتة عربية ، اعرض قفاك وسيبه يتفلق . ----- الرصيف ليس للمشاه ، بل لركن السيارات وفرشات الباعة الجائلين والمحلات ...الخ ، لذلك يحق للمشاه السير في وسط الشارع ، لمزيد من الأمان راجع القاعدة السابقة . ----- إذا كان الماشي من فئة النقل الثقيل ، فمن أبسط حقوقه إنه يمشي على أقل من مهله ويهز براحته . واللي مش عاجبه الهز يدور له على لوري يخبطه . ------------------------ مبادئ تخطيط المرور في مصر - امشي سنة ولا تعدي قنا (قناه) . يطبق هذا المبداً على التقاطعات الحرة التي يغلقون فيها الجزيرة الوسطى أمام الشوارع وعليك أن تسير كيلومتر أو أكثر حتى تدور من فتحة بعيدة . - (×الباب×) التقاطع اللي يجيلك منه الريح سده واستريح . - أقصر الطرق للقضاء على الفقر هو قتل كل الفقراء . وأقصر طريق لحل مشكلة ميدان مزدحم هو إلغاء كل الميادين . ---------- براءة إختراع مصرية . بعد عجز كل رجال المرور وأشباههم عن إدارة المرور في التقاطعات والميادين ، لم يجدوا حلاً سوى إلغاء التقاطعات والميادين نهائياً! مثلاً ميدان الطيران [أمام نادي الجلاء بمصر الجديدة] لم يعد ميداناً بل حولوه إلى .. آ . آآ... إلى شيء ليس له اسم ، فلنسمه (شمبرلاح) . فشكلة بالفعل يبدو شديد الشبه بالشمبرلاح . ولا يسألني أحد ما هو الشمبرلاح ، فلأنني لا أعرف ما هو الشمبرلاح وجدته شديد الشبه بالشيء الغريب الذي تحول له الميدان ، المهم أن هذا الشمبرلاح يدفعك إلى الدوران في بعض أذرع أخطبوتية تجعلك تدور وتدور ولا تعرف كيف تصل إلى هدفك . وأهم ما يميز الشمبرلاح عدم وجود يافطة توحد ربها تعرفك السكة منين . مثال آخر لهذا الإختراع تجده في شمبرلاح سفنكس ،-ميدان سفنكس سابقاً- الذي تدخله صباحاً لتخرج منه مع غروب الشمس ، والذي كانت لي تجربة مؤلمه معه ، فقد كنت متجهاً إلى جامع مصطفى محمود فوجدت نفسي في أمبابة ، ثم رجعوني ولاد الحلال لسفنكس -تاني- وبعد أن دخت التسع دوخات ، ودخلت من مطرح ما طلعت ، وعديت على مقلة اللب أربع مرات ، نجحت في الخروج من الشمبرلاح المذكور وعساكر المرور بيغنوالي : مع السلامة يا أبو عمة مايلة . --------- التقدم مستمر وهكذا ، كلما فشلوا في التعامل مع ميدان ، حولوه إلى شمبرلاح ، وربنا يستر ، قريباً سنجد عنوان جامعة الدول العربية 8 شمبرلاح التحرير ، ودار الشروق مثلاً عنوانها 1 شمبرلاح طلعت حرب . ------- الشمبرلاح الأعظم أما الميدان الوحيد الذي لن يستطيعوا تحويله إلى شمبرلاح فهو ميدان رمسيس ، فهو قد ولد شمبرلاحاً! وهو أعقد وأبشع من أي شمبرلاح في الدنيا ، يكفي أن تتصور أن عدد الأفراد الذين يمرون به يومياً يزيد على عدد سكان ليبيا مجتمعة!! ورغم المجهود الجبار الذي تم لتشويه الميدان والذي بدأ بانتزاع النافورة من أمام تمثال رمسيس المسكين -لحظ عدم وجود دورات مياه عمومية بالميدان- ، وتحويل المسارات بحيث يمر الخارج من محطة السكة الحضيض على بلاد تركب الأفيال قبل أن يصل إلى شارع الجمهورية ، وقد يمر ببلاد تركب النمل والدبان لو حاول دخول كلوت بيه ، فإن الميدان لم يتحول إلى الأسوأ. وذلك عملاً بالنظرية الهندسية : ضربوا الأعور على عينة قال خسرانة خسرانة . ------- ملاحظات : السكة الحضيض - الحديد سابقاً - مصطلح ابتدعه معلمنا وشهبندر الكار بتاعنا الأستاذ هــامــــــس رغم شيوع استعمال المثل :"ضربوا الأعور على عينه.." للتعبير عن أن الأمور لا يمكن أن تسوء عما هي عليه ، إلا أن مبتدع هذا المثل لم يحدد لنا أي عين سيتم عليها الضرب ، العين السليمة أم العين العمياء ؟ يارب يعجبكم ---------------- E.mail : عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] و مستني مكرر أو حزف الموضوع |
||||||||||||
![]() |
![]() |
#2 | |||||||||||
![]() ![]()
|
اقتباس:
ههههههههههه
موضوع عسل يا ايمن :) |
|||||||||||
![]() |
![]() |
#3 | |||||||||||||
![]() ![]()
|
بجد توبيك جااااااامد اقتباس:
لقيت الفتاه بتقولي ما انت لو لوحدك كنت فعصك وقال برئ مش شوفته :D وبجد كانت عندها حق :o :o تسلم الايادي يا ايمن مره تانيه ع التوبيك :p |
|||||||||||||
![]() |
![]() |
#4 | ||||||||||
![]() ![]()
|
مجهود رائع والله عندك حق
|
||||||||||
![]() |
![]() |
#5 | ||||||||||||
![]() ![]()
|
ربنا يخليك يا مان على الموضوع الاكثر من رائع دة يا ايمن و مشكور مرة تانية و تالتة عليك تسلم ايدك |
||||||||||||
![]() |
![]() |
#6 | ||||||||||||
![]() ![]()
|
شكرن يا رجاله علي الرد
|
||||||||||||
![]() |
![]() |
#7 | ||||||||||||
![]() ![]()
|
و مواضيعي الجايه كتيييير
|
||||||||||||
![]() |
![]() |
#8 | ||||||||||
![]() ![]()
|
![]() |
||||||||||
![]() |
![]() |
#9 | |||||||||||||
![]() ![]()
|
اقتباس:
شكرن يا برنس الليالي |
|||||||||||||
![]() |
![]() |
#10 | ||||||||||
![]() ![]()
|
قشطة عليك يا ايمن
|
||||||||||
![]() |
![]() |
#11 | ||||||||||
![]() ![]()
|
اشطه يا برنس
|
||||||||||
![]() |
![]() |
#12 | ||||||||||||
![]() ![]()
|
هههههههههه جامديين
|
||||||||||||
![]() |
![]() |
#13 | ||||||||||||
![]() ![]()
|
شكرن يارجاله و قريبا ممنوووووووووووووووووووووع !!!!
|
||||||||||||
![]() |
![]() |
#14 | ||||||||||||
![]() ![]()
|
مجهود رائع والله عندك حق مشكور
|
||||||||||||
![]() |
![]() |
#15 | ||||||||||
![]() ![]()
|
هههههههههههههههههه موضوعك تحفه يا ايمن قشطه عليك
|
||||||||||
![]() |
![]() |
يتصفح الموضوع حالياً : 1 (0 عضو و 1 زائر) | |
|
|