الـجـروب الـرسـمى لـلـمـنـتـدى FaceBook | Official Group

**omar007** · 24-06-2009, 10:19 PM

معملتش (دماغ ) قبل كده ؟ ..

بس المرة دى مش اي دماغ دي اسمها )( دمــــــــاغ نـــاس ) - ايه دماغ ناس دى ..

- دماغ ناس .. زى دماغ قهوه .. دماغ لب وسودانى .. تعمل دماغ " ناس".. بص ياسيدى ..

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها .. إنزل الشارع إتمشى لواحدك و تأمّل فى الناس .. هتلاقى الموضوع مسلّى جداَ .. الشعب المصرى ده لذيذ طحن .. دماااااااااااااااااغ

......

* هتلاقى ناس طالع عين أهلهم فى أتوبيس فيه 186 واحد والناس طالعين من الشبابيك والجو حر .. والناس لسّه بتركب وهى مبتسمه وحاسه بالكفاح .. وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..سبحان الله* بنت لابسه هدوم المدرسة ومزوغة ماشيه مع ولد – ممكن تحلف إنه مش هيلاقى شغل ولا بعد 100 سنه من شكله – وإن لقى.. أول حاجه هيعملها أنه يسيب البنت دى .. كفايه فقر بقى ..

* واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش عايزين حاجه تانيه من الدنيا ..

* واحد شكله تعبان طحن ومش لاقى ياكل، بس جايب أحدث " الموبايل " وبيتكلم فيه بصوت عالى فى وسط الشارع.. عشان هو حر ..

* واحد عمره ما شاف الزبدة فى حياته ولا يعرف بتستخدم فى أيه أساساَ .. عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية .. قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "

* واحد واقف مع خطيبته/صحبته قدام قفص الأسود فى جنينه الحيوانات بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..

* بنات بكرش لابسه بديهات ستومك.. عشان دى الموضه ..

* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها .. أه والله .. الموضوع ده حصل قدامى .. !!

* من مده كده كان فى ماتش للأهلى و فريق تانى يطلق عليه البطاطس التونسى .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..

جرب أنت كمان تعمل دماغ ناس .. هتلاقى الموضوع مسلّى جداَ .. و أبقى قلنا إيه رأيك ..
وفتكم بعااااااااااافيه

تيحات007

**OSAMA_007** · 24-06-2009, 10:24 PM

اقتباس:

بنات بكرش لابسه بديهات ستومك.. عشان دى الموضه ..

هههههههههههههههههههههههههههههههههههههههه

عايزين يحسو بالرشاقه :)

**msa1995** · 24-06-2009, 10:24 PM

انا جربت و لقتها مسلية :p:p:p
و شكرا

**Osc@r** · 24-06-2009, 10:25 PM

انا عملت الصورة ده مخصوصاً علشانك
بجد انا بعمل والله كدا فعلاً
انزل اتفرج علي الناس
:]
تقبل مروري يا برنس

**msa1995** · 24-06-2009, 10:26 PM

ارجو ان الكل يجبها :d:d:d

**ibrahemmohamed** · 24-06-2009, 10:28 PM

هههههههههههه
جامدة والله

**pepo_mp1** · 24-06-2009, 10:29 PM

و الله يا amar انت عسل و انا لما ببقى مخنوق بفتح المنتدى

**omar007** · 24-06-2009, 10:53 PM

شكرا على مروركم يا شباب وشكرا على الصوره بجد والله

**SoOHisokaOoS** · 24-06-2009, 11:02 PM

هههههههههههههههههههههههه موضوع جامد اوى

**MeZo.Sadly** · 24-06-2009, 11:04 PM

دايما موضيعك جامد طحن

**omar007** · 25-06-2009, 12:55 AM

الله يخليكم وشكرا يا جماعه على مروكم

**Angelic_Wizard** · 25-06-2009, 01:08 AM

هههههههههههههه جامده يا مان وجاري التجربه

**ayman003** · 25-06-2009, 02:29 AM

ديه هويتي يابني نوعود نتمشي و نعمل علاقات مع أي حد كبير أو صغير

**___MEMO___** · 25-06-2009, 07:30 AM

و الله عندك حق انا سعات بعمل الموضوع دا بس من غير مأقصد

**omar007** · 25-07-2009, 03:08 PM

شكرا على مروركم

المواضيع المتشابهه
الموضوع	كاتب الموضوع	المنتدى	الردود	آخر مشاركة
No DC 1.144 من غير وجع دماغ من a-r و بس	DiaBlo	قـسـم الـبـرامـج الـمـسـاعـدة	101	06-05-2008 12:43 AM
No DC 1.143 من غير وجع دماغ من a-r و بس	DiaBlo	قـسـم الـبـرامـج الـمـسـاعـدة	1	26-03-2008 02:34 AM
No DC 1.143 من غير وجع دماغ من a-r و بس	DiaBlo	قـسـم الـبـرامـج الـمـسـاعـدة	185	24-03-2008 10:20 AM

يتصفح الموضوع حالياً : 1 (0 عضو و 1 زائر)

	حفظ بياناتي ؟