ايه ياأنسه معندكيش اخوات صبيان ؟ ياأنسه ترضي يحصل في أخوكي كدا ؟

[CHeeToS]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


في زمن معاكسة البنات للشباب


يا آنسة.. ترضى يحصل في أخوكي كده؟
“معندكيش أخوات ولاد”.. “ترضى يحصل في أخوكي كده”.. “انتي فاكره ولاد الناس لعبة؟”
لم تعد البنات هن اللاتي يشتكين فقط من معاكسة الشباب لهن، ففي زمن العجايب تبدل الحال، وأصبحت البنات هن من يعاكسن الشباب!
حجج المعاكسات




يقول، خالد إبرهيم،21عاماً: “كنت ماشي في الشارع، لقيت شله بنات قربت مني، واحده منهم قالتلي عاوزه أتصور معاك، أنا أستغربت من الموقف، وعندما سألتها عن السبب، قالتلى عشان أصحابي يعرفوا انى بعرف ولد وسيم، ومن بعدها بقينا أصدقاء”.




إما أحمد مسعد، 22عاماً، يقول ضاحكاً:” كنت ماشي في الشارع مع أختي، وكان ماشي ورانا شلة بنات فضلوا يعاكسوني بكلام (الله أنت قمر)، والتانية تقول (أيه اللى أنت ماشي معاها دى أنت أحلى منها بكتير.. سيبك منها) وثالثة تقول: (مش تنقى في اختيارك)”.
ممكن تليفونك؟


ويروي عمرومصطفى، 26عاماً: “كنت نازل من بيتي بدري ولما لقيت الجو دافئ خلعت البلوفر، قابلتني شله بنات، واحدة منهم قالت للتانيه وهى بتبصلي “الجو حر مش كده يعني”، لقيت التانية بترد عليها وهى بتبصلي برضه “لا ده الجو عسل أوى”.. ضحكت ومشيت”.




ويضيف محمد طارق، 24عاماً: “كنت راكب المترو، وكانت بنت قاعدة قدامي، كانت تنظر لي نظرات غريبه كأنها تعرفني، في أول الأمر قولت عادي بتشبه عليا، بعد ذلك لقيتها بتقرب مني وبتطلب رقم تليفوني، طبعاً أندهشت جداً من الموقف، ورفضت أعطيها رقم تليفوني، وتركتها ونزلت”.




أما عمرو أحمد، 23 سنة، فيقول: “كنت راجع من الشغل لا بيا ولا عليا، عديت من جنب 3 بنات سنهم حوالي 17 أو 18 سنة، فواحده منهم قالت “بس زي القمر”، التانية قالتلها “تصدقي فعلا علي زي القمر بس هو شايل شنطه ليه”، أنا عملت مش واخد بالي، قامت التالته قالتلي “على فكرة بيقولو عليك أنت”، لفيت وقالتلها “منا عارف”، فردت سألتني “هو أنت مش مرتبط؟”، شورتلها بايدي “لا”، قالتلي طيب إيه مش هنقضيها تليفونات، روحت مشوارلهم “لا”، وسيبتهم ومشيت”.




الإعلام وتأخر سن الزواج
الدكتور عمرو أبو خليل، استشاري الطب النفسي، يقول عن أسباب انتشار معاكسة البنات للشباب: “الإعلام هو المسئول الأول عن تلك الظاهرة من خلال ما يعرضه في الأفلام وعبر المسلسلات، حيث تظهر البطلة في صورة بنت متحررة وجريئة، فتكون هي البنت المحبوبة والمقبولة والمودرن، أما البنت الخجوله فهي موضة قديمة، مما جعل معظم البنات يلغون عقولهم ويبدأون في تقليد صورة البنت المتحررة، مما أنتج هذه الصورة”.
أما الكاتبة والمستشارة الاجتماعية نجلاء محفوظ، فترى أن تأخر سن الزواج جعل بعض البنات في سن المراهقة متخوفين، فتبدأ هي بالبحث عن عريس لنفسها، أو تلفت انتباهه بأي طريقة، مستخدمة أساليب المعاكسات.



كل واحد يقول بقى حصل معاه كده ولا لا ؟؟

[! FiRe !]

LOL'd out
لا عالى الموضوع ده
تسلم الايادى ^^

[™ No_Name ™]

البنات دى مابتكسفش الولاد هما اللى بيتكسفو

ده الحال اتقلب :dizzy1:

[CError]

مــــمــيــز يــاضــ ^^ ..

[kranshy110]

جامد بحب موضيعك اوييييييييييي

[ALEX_MOON]

جامد الموضوع يا دياب فكرتنى بمرة كنت ماشى مع صاحبى و كان جاى علينا شله بنات فالثانوى صاحبى بيحب يغلس راحت البت اديتو كتف و صاحبى بقى فنص هدومه و يقولها مش عاوز اضربك و هى تهجم عليه ^^

[!! Prince World !!]

انا أنتهازي و بنتهز الفرصة

المشكلة كل اللي بشوفهم غفر

:doh:

[iMido]

يا دياب فكك الكلام ده بقا عادى ...
انا قبل كده كنت راجع من المدرسه لقيتلك شله بنات : ايه يـ ابيض ماشى كده من غير مزه يلا نقيلك واحده مننا
و بعديها نزل الكلام منهم كلهم انا احلا لا انا لا انا ............ مع ان انا فى الوقت ده كنت فى 3 اعدادى و هما كلهم اكبر منى ( اليونيفورم بيقول كده ) و اقواهم يا بنات انتو اكبر منى يردو يقولو : هوا انتا هتتجوزنا !!! د احنا اخرنا مع بعض موبيلات
شايف اجرائه y.png" border="0" alt="" title="Bigeyedy" class="inlineimg" />

[WELFA]

لذيذ الموضوع ده
ههههههههههههه
انا قبل كده كنت حتشأط
^^
ده غير المعاكسات الليــ في الشوارع

[MR ! HЄRO]

لا موضوع جامد
تسلم صوابعك

[™_Blast_™]

احيييييييييييييييه يا سوسو احيييييييييييييييه!

[omar007]

ده بيحصل فين ده بقى

[meme12]

بس على فكره يا جماعه البنات المحترمه محترمه طول عمرها في لبسها وشكلها وتصرفاتها وسلوكها في اي مكان انا دايما ببص للنص المليان او بمعنى اصح الجزء المحترم من البنات في المجتمع لان الزباله زادت عن النص ولا ايه رايكوا

[CHeeToS]

المشاركة الأصلية كتبت بواسطة meme12 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بس على فكره يا جماعه البنات المحترمه محترمه طول عمرها في لبسها وشكلها وتصرفاتها وسلوكها في اي مكان انا دايما ببص للنص المليان او بمعنى اصح الجزء المحترم من البنات في المجتمع لان الزباله زادت عن النص ولا ايه رايكوا

طبعا شكرا ليكم ياجماعه

بس بجد الكومنت ده شلنى اوى



عدم الـ لمؤخذه بتبص فى المكان الـ محترم ازاى ياعنى ؟؟

[man max 20]

ههههههههههههههههههههههههههههه لذيذ الموضوع ده