شـريـط الاهـداءات |
|
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
22-10-2008, 04:27 AM
|
#1 | ||||||||||
  
|
ســـــــــــــــــلامٌ عليكم أهل الخير و السلام
أزيكم يا شباب .. على فكره انا دماغى لسه سليمة بس لو مكنتش إتكلمت .. كان ممكن يجرالى حاجه ممكن حد يفكر معايا شوية يا شباب .. طيب هنفكر فى أ يه تعالا نركز على شوية حاجات نفكر فيها بصوت عالى .. الموبايلات .. الإنترنت .. قانون المرور الجديد .. التصليحات اللى مش بتخلص فى أى مكان .. الفياجرا .. ----------- لو حد شايف إن الكلام اللى فوق ده تهريج أو مجرد كلام يبقى يا ريت ميردش لأنى بجد مش قادر .. ممكن حد يفهمنى اللى إحنا فيه ده مين مسئول عنه ؟؟ و محدش يقولى إحنا المسئولين ,, و محدش يقولى ( خليك إيجابى لسه فى ناس كتير كويسه ) ممكن يا شباب حد يفهمنى الحاجات اللى فوق دى كانت مجرد صدفه إنها تبقى سبب فى خراب بيوت كتير ولا الموضوع مترتب ؟؟ الموبايلات و النت بوظوا نسبة كبيرة جدا جدا من الشباب .. صدفة ؟؟ طيب أدينا بنحاول نعمل أى حاجه .. هنعرف .. ؟؟ يا ريت بس لو لأ .. لأ ليه ؟؟ أقولك على رأيى ؟؟ دى طريقى للإهاء .. زى ماتشات الكوره كده .. الشعب ملهى فى حاجه مطيره فلوسه و دماغه و وقته .. قانون المرور الجديد .. ده إزاى ولا فين و لا ليه ؟؟ أبسط تعليق سمعته من سواق التاكسى ,, " و الله يا باشا .. زى ما بقولك كده .. هما كانوا شوية رجالة قاعدين فاضيين .. قالولك طيب ما نعملنا كام قانون جديد كده نتسلى شوية . و قاموا عاميلنه و خاربين بيوتنا بيه .. " طيب انا هسألك سؤال .. الحزام .. ماشى .. بس على سبيل المثال القاهره و الجيزه دول .. يتلبس فيه الحزام بتاع أيه ؟؟ ده اللى بيمشى على رجليى بيبقى أسرع من اللى راكب عربيه ,, مش مشكله .. عدى حكاية الحزام .. المثلث العاكس .. تخيل معايا كده انك فى ميدان الجيزة الساعه واحدة فى عز الضهر و العربية عطلت .. اطلع بقى و حط المثلث .. كمل انت بقى بتخيلك .. انا مش هقدر أتخيل أكتر من كده .. طيب يا سيدى لما تعمل حاجه .. اعملها صح .. يعنى الكلام ده يتفرض على العربيات اللى بتسافر على الطرق الصحراوية أو الزراعية ليل نهار .. يعنى انا بس عايز أفهم .. سواق التاكسى الغلبان ده .. يجيب مثلث ليه .. ملحوظة : المثلث ده نهايتة بتبقى إنه بيتقوس من الشمس و بيترمى .. طيب .. شنطة الإسعافات الأوليه .. بقى بذمة ربنا سواق السواق هيعرف يتصرف لو لا قدر الله حصل حاجه ؟؟ طيب لو هيعرف .. هيجيب لنفسه مصيبه ليه .. طيب ماشى .. هفترض حسن النوايا .. شنط الإسعافات الأوليه اللى (( معترف بيها من وزارة الصحة )) ليها لحد دلوقتى منزلتش الأسواق .. ولا هى إشتغاله و سبوبة لكام شركة .. طيب أيه حكاية التصليحات اللى فى الشوارع اللى موجوده تقريبا فى كل مكان بنقى فيه .. يعنى يا جماعه .. لو عايزين تكسبوا شركات المقاولات .. قولولنا ,, م احنا كده كده ساكتين .. بس أصل انا مش شايف إنه طبيعى إنك بعد ما تسيب الطريق عشرات السنين تيجى تصلحه أو تعدل عليه .. ولا انت هايف على المصلحه العامه قوى كده و بتتعايش مع نستجدات الشارع المصرى ولا هو الحوار ماشى إزاى عشان نعرف نصدقه .. الفياجرا .. و الله الحكاية دى بقى انا مش عارف أتكلم فيها بأنهى نوع من أنواع الادب .. أقل حاجه .. انتوا دلوقتى عايزين تقللوا عدد المواليد .. تستوردوا البلا الأزرق ده ليه .. و محدش يقولى علاج .. طيب يا أستاذ حضرتك تعرف إن حوادث الزفت الإغتصاب و ما إلى ذلك بتبقى فى بعض الأحيان نتيجة للحكاية دى ؟؟ الحمد لله إنى فضفضت .. ممكن بقى الشباب الكرام يتفضلوا مشكورين و يقولولى .. مين فينا الغلط .. انا ,, ولا هما .. ؟؟ ولا يمكن العيب على الزمن اللى إحنا فيه !! طيب لو انا غلط هبقى غلط فى أيه ؟ إنى بفكر فى حال ادنيا من حوليا ؟ بس لو هنا غلط .. حد هيتكلم ولا كل واحد ملهى فى حاجه و ساكت و خلاص .. انا تعبت يا شباب .. أتمناى إن أى حد يرد عليا رد منطقى و عقلانى |
||||||||||
|
| إعلانات google |
|
|
|
22-10-2008, 04:55 AM
|
#2 | ||||||||||
  
|
والله عندك حق الحاجات ديه كلها بتلهي الناس علي كل حاجه
|
||||||||||
|
|
|
22-10-2008, 05:02 AM
|
#3 | ||||||||||
  
|
والله عندك حق فى كل كلمه وفى الاخر ده فساد من الدوله والمسؤلين وعلى فكره احنا كمان غلطنين عشان مبنخدش موقف اجابى  والله الموضوع جميل:) وفكرنى بالبلوى الى فى البلد:( |
||||||||||
|
|
|
22-10-2008, 09:48 AM
|
#4 | ||||||||||
|
شكرا للمرور الكريم
|
||||||||||
|
|
|
22-10-2008, 11:01 AM
|
#5 | ||||||||||
 
|
يا جميل الدولة مش عايزة شعبها يفوق كل ما نبتدي نفوق تحصل حاجة ترجعنا تاني للأسفل زي ما قبل موجة الغلاء كنا متفاعلين مع اخواننا في العراق و قلنا حنقاطع امريكا مبارك مهجبهوش الكلام ازاي يخلوا الشعب متيقظ و بيشتم امريكا اللي بتتصدق علينا بمعونه و تشتري سكوتنا بابا بوش يزعل راح البيه مغلي علينا كل حاجة 20% و اراح مصدر الغاز الطبيعي لأسرائيل برخص التراب و راح الشعب ملهي في بطوله الامم الافريقية و بعدين الثانوية العامة و البهدلة اللي حصلتلنا فيها مانا كنت ضحية الامتحانات دي و بعدين بعد النتيجة و التنسيق و الناس بدأت تفوق علي اللي بيحصل في اقسام الشرطة و طالبوا محاكمة الظباط الفاسدين اللي بيغتصبوا المجرمين بحجة عايزينهم يتكلموا راح البيه قايل للوزراء عايزين نعمل حاجة نلهي بيها الشعب طيب ايه ايه ايوه هو ده !!!! قانون المرور الجديد و من ساعتها و احنا في دوامة المثلث و الحزام و شنطة الاسعافات اللي لو اتكلمت عليها للصبح حموت من الضحك .... ربنا يهدي
|
||||||||||
|
|
|
22-10-2008, 06:17 PM
|
#6 | |||||||||||
|
اقتباس:
بداة تقول هنخفض الاسعار يعنى الشعب ليه دور قوى وبجد انا كنت من ضحيا الثانويه العامه ربنا ينتقم منهم |
|||||||||||
|
|
|
22-10-2008, 06:52 PM
|
#7 | |||||||||||||
|
اقتباس:
مفيش رد فعل من الشعب (الى كل همو لقمة العيش وبس ) اقتباس:
ام الدنيا دة كان الاول لكن دلوقتى بقت (ملطشة الدنيا ) اقتباس:
اقولك على موقف معايا شخصيا احنا رسمنا علم اسرئيل ونوينا نحرقة المهم عملنا مظاهرة طبعا الحكومة خلصت المشكلة فى دقيقة واحدة المهم اتبقى حوالى 20 واحد فى المظاهرة من حوالى 500 طالب المهم حرقنا العلم وبعدين واحد صاحبى راح يدوس برجلة على العلم (يعنى من باب الاستحقار ) العلم لزق فى الجزمة وولع الجزمة بتاعتو (انقلبت المظاهرة لمولد وتلم ناس كتير جدا )كلو عمال يضحك على المنظر (من يومها وانا عرفت ان الشعب دة مفيش فايدة فية لا يغير الله ما بقوم حتى يغيرو ما بانفسهم (صدق الله العظيم ) |
|||||||||||||
|
|
|
22-10-2008, 11:16 AM
|
#8 | ||||||||||||
|
كلام جميل ....كلام معقول ...مقدرش ااقول حاجة عنو :)
|
||||||||||||
|
|
|
22-10-2008, 12:04 PM
|
#9 | ||||||||||
 ![الصورة الرمزية GM]RedKiller]](image.php?u=7023&dateline=1224285165)
|
الموضوع كله منصر فى ان الحكومه لاقيت ان الناس بقيت خبيره فى التهرب من الضرايب و المراجعين بشربوها و كمان الرشوه بقة زى الرز قالو نطلع حاجه جديده تجيبنا فلوس بدل ما احنا قاعدين مش لاقين حاجه نعملها حزام بقى و اسعافات و مش عارف ايه كل ده فى المدينه مش فى طريق صحراوى او زراعى ياااااااااااااااااااااااااااااحلاوه و الموبيلات الجديده و الانترنت كل ده متوقف على المستخدمين اللى بيستخدموه فى ايه و عشان ايه اما التصليحات فعشان شركات المقاولات تشتغل و متفضالش فاشيه :D زى النافوره اللى اتعملت فى ميدان الجيزه ب 5 مليون و اتشالت بعد كاخلصت بشهر عشان يتعمل منزل الكبرى الجديد يااااااااااااااااااااااااااااااحلاوه 5 مليون فى الهواء يجوزوا كام واحد دول ؟؟؟؟؟؟؟؟؟؟؟؟؟؟؟؟؟؟؟؟ خد عندك بقى موضوع الفياجرا  بيستوردوها على اساسها الاصلى انها علاج للتشنجات العصبيه على حد علمى و الله اعلى و اعلم و مع ان استخدامها بقى زى بقية قرائنها من البرشام الى اندرج فى جدول المخدرات و مع ذالك مدخلتش فى جدول المخدؤات و بتتباع فى الصيداليه و بحربه تامه و من غير اى حاجه و فيه حاجه احب اضيفها و اقفه فى زورى البيره - الخمور بجميع انواعها:eek: عليها تيكت بيقول : مرخصه من وزاره الصحه ياحلاوه وزارة الصحه بقيت مرخصه الخموز للشعب:eek::eek::eek: شوفتوا الحكومه بتحبنا قد ايه :D الحكومه عايزه الشعب كده غافل - بتشرب مخدرات بس فى بيتك - اشرب خمور فى بيتك - عايز تسهر فى كباريه اسهر و اتمتع :D بس ابعد عن دول اوعى تربى دقنك و تصلى و تعرف ربنا ناخدك على امن الدوله على طوووووووووووووول من غير كلام تحتج على حاجه غلط بس الحكومه شيفاها صح ياحلاوتك حبيبى تعالى على المعتقل و ابقى قابلنى لو شوفت الشارع تانى ياحلاوتك ياحكومتنا يا مرخصلنا الخمور و الكباريهات و مصعبه علينا اننا نعمل سبيل مياه او مسجد الناس تصلى فيه
|
||||||||||
|
|
|
22-10-2008, 02:21 PM
|
#10 | ||||||||||||
|
اقتباس:
و الله يا أحمد انا طول عمرى أعرف إن اللى يشوف بلوة غ يرة .. تهون عليه بلوته .. بس ممكن سؤال ؟؟ فى بلوة أكتر من كده أيه ؟ ينى م احنا كده كده محتلين و الحمد لله مش ناقص إلا شوية ضرب نار و كل يوم يموت كام واحد من الأعيرة الناريه (( هيبطلوا يموتوا فى المستشفيات و لطرق السريعه و الكبارى عشان يموتوا مضروبين بالنار )) و يبقى الإحتلال رسمى .. عموما هو الحال يحزن .. ربنا يستر و الف شكر يا أحمد على الإهتمام و الرد الجميل .. اقتباس:
فاكر النكته ب تاعة الراجل البخيل اللى فتح مسجد لقى ناس كتير بتدخله قام قالبه مطعم .. اهو نفس الحال .. المشكله إن الحمد لله معدش فى حياء ولا خشية .. يعنى عاى احنا عارفين و هما عادى يبنزا و يهدوا و ماله يا حبيبى عادى .. و الله الوضع عموما بقى صعب قوى وبكل الأحوال المنظار اللى بصيت اا بيه و انتوا ناقشتونى فيه أو اتكلمتوا فى حاجات براه هو منظار ضيق جدا الواحد يبص بيه للوضع الحالى .. بس اهو بقى .. الحمــــــــــــ لله ــــــــــــــــــــــــه |
||||||||||||
|
|
|
22-10-2008, 06:26 PM
|
#11 | |||||||||||
|
اقتباس:
مش هقول حاجه بعدك انت قولت الى فى قلبى ربنا ينتقم منهم |
|||||||||||
|
|
|
22-10-2008, 04:25 PM
|
#12 | ||||||||||
|
بصراحة مش عارف اقول اية ..ولا اعلق على اية انا هاقول حاجة واحدة كووووووووووووووووووووووووووووووووووووووووسة ,,,هيييييييييييييييييصة .....بس |
||||||||||
|
|
|
22-10-2008, 04:39 PM
|
#13 | ||||||||||
  
|
لو كلن نيلك صلصه يا مصر ماكانش كفه الكوسه الى فيكى و لو كان رملك رز يا مصر ماكانش كفه المحشى الى فيكى هذا ردى ارجوا ان تتقبلوه بس دى الحقيقه للاسف |
||||||||||
|
|
|
22-10-2008, 06:21 PM
|
#14 | |||||||||||
|
اقتباس:
والله هى ده الحقيقة وطريقه تعبير جميله: |
|||||||||||
|
|
|
22-10-2008, 04:55 PM
|
#15 | ||||||||||
|
و الله كل واحد بيعلق بطريقته .. بس فى الآخر .. كله مجتمع على نفس الرأى .. ربنا يصلح الحال |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| تنظيف مجالس بالرياض | afnan36 | قسم المواضيع المكررة و المخالفة | 0 | 12-08-2016 02:18 AM |
| اطلق العنان لخيالك ^^ | MadOmar | قـسـم الـتـرحـيـب و الـتـعـارف | 36 | 18-03-2012 08:16 PM |
| 12 فرق يميز تفكير الناجح عن تفكير الفاشل ! | | - CreSpO - | | بـعـيـدآ عـن سـيـلـك رود | 10 | 05-01-2011 11:47 PM |
| بنت مصر .. مريم فكري | a7lashabab | بـعـيـدآ عـن سـيـلـك رود | 4 | 03-01-2011 09:19 PM |
.gif){kind=icon}
العرض المتطور