![]() |
|
اخـبـار الـتـقـنـيـة و الـتـكـنـولـوجـيـا آخر أخبار التكنولوجيا والاتصالات من جوالات واجهزة الموبايل والهواتف الذكية كذلك أحدث الأجهزة والاختراعات الحديثة واخبار الأجهزة التقنية والتكنولوجية الحديثة |
![]() |
|
أدوات الموضوع | انواع عرض الموضوع |
|
![]() |
#1 | ||||||||||||
![]() ![]() ![]()
|
🌟 انهاردة.. أبل هتعمل مؤتمرها السنوي للكشف عن أحدث موبايلات آيفون وهتقدر تتابع كل اللي هيحصل في الايفنت على هاشتاج #تكنولوبيا_فيiPhoneXS واللي هينزل عليه كل حاجة عن المؤتمر 😎 ولأول مرة هيتذاع هيتعمل لايڤ على أكونت أبل على تويتر @Apple 😱 🌟 انهاردة.. الاتحاد الاوروبي هيعمل تصويت على قوانين جديدة خاصة بحقوق الملكية الفكرية على الانترنت.. واللي حرفيا ممكن يدمروا الانترنت!! 😱 الاول هو "ضريبة اللينك Link Tax" وده اسمه قانون 11 وهو هيجبر كل مواقع السيرش والسوشيال ميديا زي جوجل وفيسبوك انها تدفع للجرايد ووسائل الاعلام مقابل انه يتشيّر المحتوى بتاعها على مواقعهم ومنصاتهم 😮 التاني هو "فلتر الابلود Upload Filter" وده بقى خاص بإنه كل المواقع تتأكد ان اي حاجة بتتنشر عليها ملهاش حقوق ملكية، ولو ليها تتمسح فورا!! 😱 طبعا الموضوع ده هيدمر الدنيا وهيبوظ الانترنت حرفيا لان كلنا بنرفع صور وفيديوهات مش بتاعتنا اصلا ومحدش اصلا عارف دي بتاعت مين، فأعتقد الموضوع تطبيقه مستحيل! التصويت انهاردة مش نهائي، لسا فيه مناقشات تانية جوا البرلمان الاوروبي والتصويت النهائي هيبقى يناير 2019! 🌟 احتمال يحصل حظر على موبايلات آيفون اكس وآيفون 8 و8 بلس وآيباد برو وموبايلات تانية في كوريا الجنوبية بسبب براءة اختراع! أبل متهمة انها انتهكت براءة اختراع تقنية اسمها FinFET خاصة بتصميم الشرائح الإلكترونية واللي بيمتلكها هي جامعة كورية اسمها KAIST، وللعلم سامسونج دفعت 400 مليون دولار تعويض بسبب انتهاكها نفس براءة الاختراع!! بس فيه مفاجأة 😎 سامسونج طالبة نقض الحكم وإعادة النظر في القضية، لو كسبت النقض، أبل تسقط عنها الدعوى 😂 🌟 مجموعة باحثين قدروا انهم يضحكوا على نظام جوجل الذكي AI Perspective لتقييم الكومنتات في أي مناقشة بحيث يتم تقييم مستوى الالفاظ ولغة الحوار في المناقشة من حيث انها قلة أدب أو فيها ألفاظ تخدش الحياء او مجرد اختلاف وجهات نظر بحيث ينبه المراجعين في المواقع والمنصات لو فيه أي حاجات مخالفة بحيث تتمسح بسرعة! الباحثين اكتشفوا ان السيستم بيتضحك عليه لو ضافوا مسافات او نقط في وسط الكلام اللي مش تمام زي Stupid لو كتبوها Stu.pid السيستم بيقلل نسبة انها شتيمة، او كمان لو مثلا في العامية لو بتقول مثل I love You يعتبرها جملة عادية انها I F**king love you يعتبرها مخالفة!! 😎 الذكاء الاصطناعي لسا قدامه كتير على ما يجيب صياعة البشر 😉 🌟 التنين الصيني Alibaba داخل روسيا بتُقله مع أضخم شركة خدمات الكترونية روسية Mail.ru والشراكة دي جابت Alibaba Russia بحجم استثمارات 2 مليار دولار 💰 🌟 الـFBI والـCIA قفشوا شوية بيانات ورسايل ومكالمات بتأكد أن روسيا هي اللي ورا الهجمات الغريبة اللي كانت بتحصل على القنصليات والسفارات الامريكية في كوبا والصين بموجات فوق صوتية وموجات ميكرويف بتخلي الدبلوماسيين يسمعوا اصوات متستحملهاش ودانهم وجهازهم العصبي بيتعب جدا!! 🌟 تقارير جديدة بتأكد ان أبل هتنزل آيباد جديد بفتحة سماعات USB-C بدل الـ Lightening Port وده لو حصل هتبقى مأساة فعلا !! لإن كدا اللي بيستخدم ماك بوك وآيفون جديد واشترى الآيباد الجديد ده، هيبقى محتاج يشيل 3 وصلات مختلفة، واحدة 3.5 مم عشان تشتغل على الماك بوك وواحدة Lightening Port عشان تشتغل على الآيفون وواحدة USB-C عشان تشتغل على الآيباد !! :O 🌟 سامسونج نزلت جهاز جديد عشان يخليك تتابع حاجاتك المهمة والغالية ومتضيعش منك أبدًا ! اسمه SmartThings Tracker وهو بيقدر يخليك تتابع حاجاتك وتقدر توصلها لو ضاعت منك في البيت أو برا، لإن فيه ميزة GPS وكمان ميزة LTE-M وهي بتسهل انك تلاقي الحاجة اللي بتدور عليها جوا الاماكن المقفول واللي مش هيفيدك فيها الجي بي اس وكمان أفضل من البلوتوث لإنها بتدي اتصال على مسافات واسعة ;) 🌟 عملاق الشوبينج eBay عمل مشروع تجريبي جديد اسمه HeadGaze وهو عبارة عن خدمة للشوبينج ع الموبايل مش هتحتاج تستخدم فيها ايديك!! :O الخدمة مخصصة لموبايلات آيفون لأنها بتستخدم منصة الواقع المعزز ARKit بتاعت أبل عشان تقدر تستخدم راسك كريموت كنترول تتحكم بيها في الخدمة، بحيث انك تبص على زرار السكرول عشان تنزل في الصفحة لتحت، وكمان تركز على منتج معين تضيفه لسلة الشوبينج وهكذا ! :D 🌟 شركة Humatics المتخصصة في الروبوتات أعلنت انها قدرت تطور منصة ذكية جديدة تخلي الروبوتات قادرة تفهم وتحس بالحاجات اللي حواليها والمسافات بينها وبين الحاجات دي بدقة توصل إلى 2 سنتيمتر ولحد 500 متر! وبكدا الروبوتات تتحرك بحرية وهي واخدة بالها في أي مكان فيه بشر كتير ;) 🌟 أول موبايل هتنزله Honor شغال بالـ 5G هيبقى في 2019 ! 🌟 هيئة المعايير الإعلانية في بريطانيا وقفت مجموعة من إعلانات فودافون وده بعد ما تبين انه يبحصل فيها شوية تلاعب بالألفاظ في العروض فالموضوع بيلخبط العملا ! الإعلان كان بيقول انه لو الخدمة قطعت او حسيت انها بطيئة، هوووب هيبقى من حق المستخدم انه ياخد خصم على فاتورته بحق الأيام اللي قطعت فيها الخدمة، بس المشكلة ان فيه مستخدمين راحوا اشتكوا من بطء في الخدمة بتخلي الفيديوهات تحمل كتير، بس فودافون قالتلهم ان ده ميندرجش تحت شروط الحصول على العرض!! :D 🌟 مايكروسوفت هتنزل ميزة جديدة اسمها Storage Sense في ويندوز 10 مع ابديت أكتوبر الجاي، وهي هتبقى خاصة بأن الويندوز هيشوف لما مساحة الهارد عندك تقل خالص وميبقاش فيه مساحة، هوووب هياخد الداتا والفايلات اللي مبتستخدمهاش كتير ويحطهالك على الكلاود في خدمة OneDrive وهتفضل مسمعة على الجهاز بس السورس بتاعها مش على الهارد ^_^ 🌟 4.4 مليار شخص هيبقوا بيستخدموا الانترنت من الموبايل على آخر السنة دي، إحصائية نزلها الاتحاد الدولي للإتصالات! صباحكم فُل 😄 |
||||||||||||
![]() |
![]() |
يتصفح الموضوع حالياً : 1 (0 عضو و 1 زائر) | |
أدوات الموضوع | |
انواع عرض الموضوع | |
|
|