|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
05-10-2017, 11:18 PM
|
#1 | ||||||||||
  
|
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] .. •¦[ اهلاً وسهلاً بكم اخواني الكرام زوار واعضاء ومشرفي ]¦• .. •¦[ ومراقبي واداريي منتدى سيلك رود فور عرب الكرام ]¦• .. •¦[ النهاردة هقدم لكم موضوع خاص وحصري لمنتدى Silkroad4arab ]¦• •¦[ الموضوع ]¦• عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]    ببساطة كده ... ازاى الهرم الكبير اتبنى؟ بص .. الموضوع مش معقد ومش لازم تكون مهندس عشان تفهمه .. كل الفكرة انك تقرا الموضوع لاخره :D الفكرة تتلخص ف 3 نقط مهمين: كنا فاكرين الهرم اتبنى ازاى - الهرم اتبنى فعلا ازاى - ايه اللى يثبت ان النظرية مش هرى .. الاول .. كنا فاكرين الهرم اتبنى ازاى؟ بعيدا عن اللى كانو بيقولو فضائيين بنوه .. واللى بيقولك اليهود بنوه .. واللى يقولك ناس عمالقة بنوه ! اهو كل ده بلح :D اللى بنوه كانو مصريين عاديين جدا .. اليهود ماكنوش لسه تواجدو ف مصر فى الفترة دى من اساسه لاننا بنتكلم على فترة 2500 قبل الميلاد .. الناس العاقلين كانو بيقولو انه اتبنى عن طريق سحب الحجارة لفوق على طريق بزاوية ميل خفيفة (زحليقة يعنى) .. ودى نظرية صحيحة .. وهما فعلا عملو طريق صاعد (خلونا نسميه زحليقة) عشان يبنو التلت الاولانى من الهرم ... لكن عشان يعملو طريق يوصل لغاية ارتفاع 146 متر (ارتفاع الهرم) كان الزحليقة دى هتوصل للنيل وتعدى الناحية التانية ... لان المفروض زاوية الميل بتاعت الزحليقة تبقى بدرجة مناسبة للعمال انهم يسحبو الحجارة لغاية فوق .. وده مستحيل عمليا زى ما قولنا عشان كده هيعدو النيل وغير كده هياخدو وقت طويل اكتر من ال 20 سنة اللى اتبنى فيهم الهرم! :D ده بالنسبة للزحاليق ... جالنا بقى واحد ابن حلال اسمه هيرودت وقال ان الهرم اتبنى عن طريق ألالات ! ايوه انت قريت الكلمة صح .. ألالات (machines) ! طب ازاى ياعم الحج؟ قعدنا ندور يمين شمال لغاية لما عرفنا ان المقصود بالالات دى اللى هى الروافع .. للى ملوش ف الهندسة .. الروافع دى يعنى تجيب حبل تربط بيه حاجة تقيلة وتعلق الحبل ده على حاجة عالية وتسحب الحبل من الناحية التانية .. ويبقى كده انت عندك رافعة من الدرجة الاولى ... دول اكتر نظريتين عرفنا انهم قريبين من الواقع ... طبعا فى نظريات كتير بس طلعت بلح ف الاخر .. وده يودينا للسؤال التانى .... الهرم اتبنى ازاى فعلا!!!! الموضوع مبقاش لغز .. لان ف 2010 جه مهندس عبقرى ابن حلال مصفى اسمه (جان بيير هودين - Jean Pierre Houdin) وحل الموضوع كله ... الراجل كان جاى زيارة لمصر .. ونزل معاه مرشد كويس .. والمرشد ده - زى اى مرشد شاطر - حكاله قصة تطور بناء الاهرامات زى ما بقالنا 30 سنة بندرسها .. القصة دى بتقول ان احنا عندنا المدافن ابتدت بحفرة تحت الارض .. وبعد كده حفرة تحت الارض وفوقيها مجموعة اوض (مصطبة) .. وبعد كده مصاطب على بعضها (الهرم المدرج) .. وبعد كده الهرم المحنى (Bent Pyramid) بتاع الملك سنفرو وبعد كده الهرم السليم او الهرم الاحمر (Red Pyramid) بتاع سنفرو برضه .. وبعد كده هرم خوفو ابن سنفرو ... يعنى الموضوع سلسلة من التطورات مش صحينا من النوم وقلنا هنبنى الهرم الكبير! المهم ان المرشد حكاله القصة دى .. وخلص يوميته وقبض فلوسه من الشركة ورجع بيتهم :D جه بقى عمك هودين وقالك ده مرشد بتنجان :D .. مدانيش اجابة واضحة ازاى الهرم اتبنى؟؟؟ ... قام رجع بلده وطلع كل كتب الاثار اللى بتتكلم عن الاهرامات ........ وبعدها نزل مصر تانى و اخد معاه المرة دى واحد خبير اثار .. وراح على سقارة ... شاف الهرم المدرج وكام هرم من المكسرين وشاف الاهرامات اللى هى حلقة الوصل بين الهرم المدرج وهرم خوفو ... بالمناسبة .. احنا عندنا حوالى 112 هرم ف مصر مش 3 بس ^_^ المهم عمك هودين المرة دى دخل الاهرامات من جوه واتفرج كويس .. ودخل الاهرامات المكسرة .. ورجع على بلدهم وقعد يدرس كل النظريات اللى طلعت عن الاهرامات ... وبعت لكذا دولة عملت ابحاث فى الهرم الكبير ... ولجل حظه الحلو .. وحظنا الحلو :D .. ان فى بعثة فرنساوية من البعثات دى ردو عليه وبعتوله صور للهرم الكبير بجهاز شبيه بالسونار (Microgravimetry) كان الغرض منها انهم يشوفو كل الفراغات اللى جوه الهرم زى الاوض والممرات وكده .. ومن ضمن الصور الغريبة اللى ماكانوش فاهمنها صورة لمربع مجوف جواه مربع مجوف صغير وجواه واحد اصغر .. عاملين زى شكل الحلزونة (هتلاقو الصورة دى من ضمن الصور) ... هما ماكنوش فاهمين معنى الصورة .. قامو ادوها لعمك هودين وقالوله لو فهمت حاجة فهمنا :D هودين رجع مصر تانى .. بس المرة دى كان راجع وهو دارس النظريات كلها وحط نظريته عن بناء الهرم .. والنظرية دى بتتلخص ف 4 نقط: 1- عملو زحليقة وبنو بيها التلت الاولانى من الهرم (الجزء التحتانى) .. 2- الحجارة كانت بتتنقل عن طريق ممرات (زحاليق) جوه الهرم (هتلاقى صورتها من ضمن الصور) .. 3- الحجارة كانت بتترص من بره لجوه (وركز قوى ف النقطة دى) ... 4- عشان يحركو الحجارة يمين او شمال كانو بيرفعوها بالرافعة (اللى اتكلم عنها هيرودوت) ... فهمت حاجة؟ :D ابسطهالك ... دلوقتى كان بيسحبو الحجارة على الزحليقة الطويلة اللى عملوها عشان يبنو الجزء التحتانى من الهرم .. جميل؟ .. بعد كده بقو يسحبو الحجارة ويبنو الهرم من بره لجوه عن طريق زحاليق جوه الهرم نفسه او زى سلالم جوه الهرم ... وعشان الحجارة دى تقيلة جداااا (من 2 طن ل 9 طن) كان لازم عشان ينقلوها يمين او شمال كانو بيرفعوها برافعة ويوجههوها ف الاتجاه اللى المفروض تكمل فيه ... شوفت الموضوع بسيط ازاى؟ :D نيجى بقى للسؤال التالت والاهم .... ايه اللى يثبت ان كل ده صحيح؟؟؟؟؟ اول دليل .. الصورة اللى صورها السونار .. لانها بتثبت وجود الممرات دى لغاية دلوقتى جوه الهرم .. تانى دليل ان هودين اكتشف بالفعل الاماكن اللى عند الاطراف (corner) اللى كانو بيرفعو فيها الحجارة عشان يعيدو توجيهها (والاماكن دى تقدر تلاحظها بالعين المجردة) .. تالت دليل .. تطور بناء الاهرامات اللى احنا حكينا عليه من شوية .. رابع دليل .. وده اللى اكد الموضوع .. الاهرامات اللى ما اكتملش بناءها .. هودين لقى انها كانت بتتبنى بنفس الطريقة ونفس النظام اللى مشى عليه المهندسين ف بناءهم للهرم الكبير ... بالمناسبة المهندس اللى بنى الهرم الكبير اسمه (حميونو) والتمثال بتاعه ف المانيا :/ المهم ان عمك هودين فضل 10 سنين لغاية لما وصل للنظرية دى .... وشوف يا اخى الكوميديا :D .. هو قعد 10 سنين يدرس .. واحنا بنينا الهرم ف 20 سنة !! ومش 20 سنة كمان .. ده 4 شهور كل سنة بس (يعنى حوالى 6 سنين ونص) .. اللى هما كانو 4 شهور الفيضان لما كان النيل بيغطى الاراضى بالمية ف مكنش الفلاحين بيشتغلو .. وبدل ما يقعدو ف بيوتهم من غير شغل كانو بيشتغلو ف بناء الهرم وكان ليهم اجرتهم اليومية واماكن الاقامة والوجبات اليومية ... والكلام ده عرفناه من مقابر العمال ذات نفسيهم .. بناء الهرم الكبير كان مشروع قومى .. زى كده حفر قناة السويس والسد العالى .. حاجة كده نفتخر بيها .. والاحسن من ده اننا نعرف ازاى اتبنى .. عشان الواحد صدع فعلا من الهراء اللى بيسمعه من الناس جوه وبره مصر .. كفاية فضائيين بقى :D ! يبقى لما حد يسألك مين اللى بنى الهرم الكبير او اتبنى ازاى .. قوله بهندسة وايدين مصرية ;) ودمتم •¦[ - تم بحمد الله ]¦• .. •¦[ لا تنسى ذكر الله ]¦• .. •¦[ لا تنسونا من صالح دعائكم ]¦• .. •¦[ كلمة شكر تزيد من النشاط والهمة والعزيمة ]¦• .. •¦[ - إلى اللقاء القريب بإذن الله مع موضوع اخر ]¦• .. •¦[ استودعكم الله الذي لاتضيع ودائعه ]¦• .. •¦[ لا إله الا الله محمد رسول الله ]¦• .. •¦[ Iron.Man - Silkroad4arab ]¦• |
||||||||||
|
| إعلانات google |
|
|
|
08-10-2017, 06:33 AM
|
#2 | ||||||||||
  
|
المصرين علي وضعهم ديما  |
||||||||||
|
|
|
20-11-2017, 12:38 AM
|
#3 | ||||||||||
 
|
والله كلام مقنع D تسلم ياغالى |
||||||||||
|
|
|
20-11-2017, 03:08 AM
|
#4 | ||||||||||
  
|
شوية طوب شيلناهم على ضهرنا و حطيناهم فوق بعض و انا ضهرى اتكسر من الطوب بتاع الهرم دة .gif "111 (5)") |
||||||||||
|
|
|
06-01-2018, 01:18 PM
|
#5 | ||||||||||
 
|
والله الواححد من غيرك مكنش عارف يعمل ايه .gif "111 (21)") |
||||||||||
|
|
|
14-07-2018, 04:43 PM
|
#6 | ||||||||||
  
|
مبدع جداا احسنت فعلا |
||||||||||
|
|
|
02-09-2018, 02:35 AM
|
#7 | ||||||||||
 
|
الله ينور عليك |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| رحلة داخل الهرم | fisha | بـعـيـدآ عـن سـيـلـك رود | 29 | 30-06-2009 11:14 PM |
.gif){kind=icon}
.gif){kind=icon}
العرض المتطور
