العب سلك رود بالفلوس الالكترونية و بطريقة سهلة

[mohamedshaban]

السلام عليكم و رحمة الله و بركاته

الموضوع باين من عنوانه و اقسم بالله العظيم عن تجربة شخصية و الصور كلها من حسابى الشخصى
كتيير مننا بنستحرم ندفع فلوس كتيير فى لعبة بس انهاردة انت ممكن تجيب الفلوس دى من على النت و ندفعها على طول فى موقع سيلك رود و تشترى سيلكات او جولد
قبل اى حاجة دى صورة من حسابى و دة المبلغ اللى انا جمعته لحد دلوقتى من حاجة اسمها ال mini job يعنى المهمات الصغيرة



طيب يعنى ايه المهمات الصغيرة دى
يعنى حاجة زى امتحان صغير مدته 30 دقيقة و انت بتحله هو عبارة عن 10 اسالة اختيارات و مش حياخد فى ايدك اكتر من 3 دقائق و فلوسها حلوة جدا احسن من انك تستنى فلوس الاعلانات بكتييير
طيب حضرتك حتسالنى المهمات عبارة عن ايه حقولك
يعنى مثلا يديلك صور فساتين و يقولك نوع الفستان ايه و ملابس كتييير و فواتير و يقولك طلعلى ارقام معينة منها زى حساب الفاتورة و هكذا و حاجات كتييير جدا و سهلة اوى
و دى صورة للمهمات دى



مثلا لو بصيت على اول مهمة و دى لفل 3 لو عملتها حتاخد عليها 41 سنت يعنى تقريبا نص دولار و تقدر تعملها لحد 24 مرة يعنى تقريبا 10 دولار و كسور
دة فى مهمة واحدة خد بالك و فى اكثر من مهمة بكتييير
يعنى الموضوع شيق جدا و مكسبه كبيير جدا و اعتقد دى مبالغ تعتبر صغيرة بالنسبالنا بس كبيرة اوى انك تشترى بيها سيلكات او جولد من موقع اللعبة
طييب ندخل فى الموضوع على طول و نقول ازاى تعمل المهمات دى
اولا انت محتاج تسجل فى اى بنك الكترونى و يفضل paypal او payza لانهم تقريبا مدعومين من شركة joy max

و دة رابط لل paypal :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

و دة رابط لل payza :

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

سجل فى اى واحد فيهم عشان تحول عليه الفلوس اللى حتكسبها من الشركة

و دلوقتى تسجل فى الشركة عشان تبدا الشغل

ادخل هنا و اعمل register

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الخطوات كلها سهلة جدا و مش حتاخد فى ايدك وقت
بعد ما تسجل حتلاقى نفسك فى الاكونت بتاعك
حتضغط على المربع الاخضر اللى مكتوب جواه offers



و بعدين تضغط على mini jobs offers بس طبعا بما انك مبتدا
ف انت حتكون لفل 0 و المهمات كلها عبارة عن مهمات لفل 1 و مهمات لفل 2 و مهمات لفل 3
طيب عشان توصل لفل واحد انت كل اللى عليك انك تدخل من وقت للتانى و تشوف هل فى مهمات متاحة للفل 0 ولا لا و لو لقيت اى حاجة ادخل اعملها و خد فلوسها و مع الوقت حتوصل لفل 1 و بمجرد ما توصل لفل 1 حتلاقى نفسك قدام كم هائل من المهمات و تقدر تعملها فى اى وقت و حتوصل لفل 2 و 3 بسرعة
و دى صورة من حسابى و انا وصلت لفل 3 فى شهر و نص



الموضوع يستحق التجربة و حتكسب منه مبالغ محترمة

و دلوقتى نبذه عن الشركة
الشركة دى neobux هى اكبر شركة ربح الكترونى على الانترنت كله و اكتر شركة موثوقة و اكيد فى ناس كتيير هنا عارفاها
و الموضوع عن تجربة شخصية و انا جربت كل حاجة فى الموقع و اللى حابب يسال على اى حاجة يسال
و انا ناوى اعمل الموضوع دة تانى بس على ملف word عشان عايز اتكلم بالتفصيل عن كل حاجة و حرفعه على طول فى المنتدى
و دى المنتدى العربى بتاع الشركة يعنى الجزء الخاص بالعرب و فى كل ما تتخيل من شروحات

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
لو تابعت الشركة دى مش حتزهق منها من كتر مميزاتها
و اى اسئلة تحت امركم

[ٌٌٌٌٌٌٌٌٌٌُُُُُُُُُُ]

انا مش فاهم انت مكسوف تحط رابط الريفيال ليه text وحاطة فى اللينك بس مع ان اللى هنا اغلبهم ميعرفوش يعنى ايه ريفيال بس اللى عايز يسجل من غير مايدعم الراجل ده يروح للموقع مباشرة neobux.com والريفيال يعنى انت بتديله نسبه من ارباحك بتروح ليه ومش بتتخصم منك بس هو بيستفاد منك لما جابك للشركة وبخصوص الشركة فهي شركة زبالة وبتاخد وقت كبير جدا ومحتاج انك تبعت الرابط لناس كتير وموال وعايزة واحد فاضي للشركة دي وكمان لو انت مفتحتش حسابك لمدة طويلة تقريبا اكتر من 30 يوم لما ترجع هتلاقي رصيد حسابك فى الموقع 0 ايوة صفرررررررر حاجه خنقة والله لو لقيتلكم شغلانة حقيقية هترتاحوا من القرف بتاع المواقع دي

[ٌٌٌٌٌٌٌٌٌٌُُُُُُُُُُ]

..

[Galactus]

ليس للمنتدى او الادارة ادنى مسؤليه عن اى ضرر قد يحدث
دون رد مشرف الفحص !

[med020]

جاري متابعة الموضوع وتجربته

[med020]

طيب الروابط امنه تماماً هو بس حاطط لنك المشاركه بتاعته علشان لو حد سجل يبقي تحته مفيهاش مشلكه جار العمل علي الموقع والتاكد من مصدقيته وبعدين yuogouve افضل منه بس برده هنشوفه مش اشكال

[mohamedshaban]

متقلقوش يا شباب اللينكات كلها سليمة و الله و المشرفين يقدروا يتاكدوا من كدة بنفسهم
ثانيا و دة الاهم انت مش مطالب منك انك تدخل على منتديات و تنشر اللينك بتاعك عشان تكسب منه اينعم دى طريقة من طريق الربح بس متعبة جدا و انا مذكرتهاش اساسا انا ذكرت اهم طريقة اللى هى المينى جوب و دى مع تجربتكم ليها حتعرفوا انها ممتعة جدا و فلوسها حلوة و فعلا اللينك بتاعى و دة عادى يا جماعة دى طريقى اخرى و مش مطلوب منك تعملها الا لو انت حابب الفكرة يعنى و فى طريقة تانية اسمها الاحالات المؤجرة و دى اسهل بكتييير
بس انت لو حتجمع مبالغ صغيرة مش حتحتاج كل دة
و لو بصيتوا على الفلوس اللى انا مجمعها حتلاقيها بالضبط 59 دولار و شويه كسور و انا مجمع منهم 53 دولار تقريبا من المينى جوب لوحدها و الباقى طرق تانية
و انا مستعد اشرح كل حاجة فى الموقع و ارد على كل الاستفسارات اللى اى حد يسالها
على فكرة فى ناس مجمعة 1000 دولار و اكتر من المينى جوب فقط و مصريين كمان و عشان كدة انا حطيت اللينك بتاع المنتدى بتاع الشركة عشان تشوف بنفسك كل حاجة
الموضوع ممتع فعلا لو انت حابه و انا قولت انشر الموضوع عشان الكل يستفيد و اعتقد فى ناس حتحب الفكرة
و زى ما قولت اللى عايز يسال فى اى حاجة يتفضل و حرد عليه

[mohamedshaban]

بفضل الله انهاردة وصلت ل 71 دولار من خلال ال mini job

[Kygo]

طيب انا دلوقتي معنديش جوبس تمام و لما احب اشتري حاجة مش هايطلب مني الفيزا برده ؟ هاعمل انا ايه بقي او هاخد الفلوس ازاي او اشتري ازاي ؟

[ahmedandtota]

ايوة صح هناخد الفلوس ازاى

[mohamedshaban]

بالنسبة للسؤالين اللى فوق
اولا فعلا انت مش حتلاقى مينى جوبز لانك لسه لفل 0 و دى اللى عايز شويه صبر
ادخل من وقت للتانى على الاكونت بتاعك و اى مهمة تلاقيها اعملها و لو ملقتش يبقى اصبر حبة و ادخل تانى فى وقت تانى و حتلاقى ان شاء الله
ثانى سؤال بالنسبة للفيزا فعلا انت لازم عشان تفعل الباىبال تفعله بالفيزا او بالكريدت كارد و دى سهلة اوى بتتعمل من اى مكتب بريد بتطلب تعمل فيزا مش فاكر اسمها بالضبط هى ب 30 جنيه تقريبا و بعد ما تاخدها حيبقى معاها رقم الرقم دة هى اللى حتدخله على الباى بال عشان تفعله و بكدة يبقى خلاص انت فعلت كل حاجة و جاهز تشترى السيلكات و دى انا كنت حشرحها فى موضوع منفصل عشان الشرح يبقى بالتفصيل اكتر حتى لو انت مفهمتش كلامى كويس مش مهم دى اخر خطوة اساسا و مش حتحتاجها دلوقتى غير لما تجمع مبلغ كويس فى الشركة
و بالنسبة لازاى تشترى السيلكات
على ما اذكر انك لما بتدخل على الاكونت بتاعك على الموقع بتضغط على charge silk
و تختار paypal
و تختار انت عايز تشحن كام سيلك و تعلم على i accept all aggremnts
و تدوس make payment
حتدخل اوتوماتيك على البايبال و تكتب المعلومات بتاعت الفيزا اللى انت عملتها عشان تفعل البايبال و خلاص كدة كل حاجة تمام
بص سواء فهمت كلامى كله او مش كله متقلقش دى اخر حاجة خالص تفكر فيها
انت بمجرد ما تجمع الفلوس حتبقى كل حاجة سهلة بعد كدة و مش حتاخد فى ايدك وقت
انا عن نفسى لسه مشترتش حاجة من على الموقع لانى عايز الاول اجمع مبلغ كبير لانى حشترى بجزء منه حاجات فى سيلك رود و جزء تانى حسحبه على البنك و استلمه كاش اكيد مش حدفع كله فى اللعبة

[ٌٌٌٌٌٌٌٌٌٌُُُُُُُُُُ]

اصبروا يا جماعة سنتين تلاته كده كل يوم تدخلوا تدوسوا وتعملوا الميني جوب هههههههههههههه

[med020]

المشاركة الأصلية كتبت بواسطة ٌٌٌٌٌٌٌٌٌٌُُُُُُُُُُ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اصبروا يا جماعة سنتين تلاته كده كل يوم تدخلوا تدوسوا وتعملوا الميني جوب هههههههههههههه

مش محتاجه سنتنين ولا ثلالثه ده شغلي اصلا هوا والتصميم والبرمجه فا احب اقلك لو مجربتش متجربش لان الموضوع محتاج وقت الراجل مقلش حاجه غلط والموقع مش نصاب الموقع طلع صح