الوقت

[ST0P_IM_T0P]

قالوا:"إن اليوم هو الوقت اللى بتستغرقه الأرض عشان تدور حوالين محورها مرة واحدة." تمام, بس الأرض بتدور حوالين محورها فى قد أيه ؟ 24 ساعة. أيوه عارف، بس ال24 ساعة دول يطلعوا كام أو قد أيه؟!العلماء أتفقوا أنهم يقسموا اليوم ل12 ساعة الصبح و12 ساعة بليل، مجموعهم 24 ساعة، والساعة ل 60 دقيقة، والدقيقة ل60 ثانية، و الثواني برضو تُقسم لأجزاء من العشرات مثال: جزء من 100 من الثانية، جزء من مليون من الثانية .. وهكذا.
طبعًا دي طريقة غريبة جدًا عشان نقسم اليوم، أحنا بنقسم اليوم نصفين، وبنقسم النصفين ل12 جزء، وكل جزء فيه 60 جزء أصغر منه.
ليه في 24 ساعة في اليوم؟
محدش عارف فعلًا، لكنه تقليد بيرجع للحضارات القديمة.عن موسوعة بريتانيكا«Encyclopedia Britannica»:"إن أقرب ساعة شمسية معروفة ومازالت محفوظة هي ساعة «الظل المصرية» المصنوعة من الحصى الأخضر،والتي يرجع تاريخها على الأقل إلى القرن الثامن قبل الميلاد. وتتألف من قاعدة مستقيمة، وعمود قائم عليها،ومنقوش عليها مقياس من ستة أقسام لقياس الوقت، ويتم وضعها في اتجاه الشرق والغرب، الطرف الشرقي في الصباح والطرف الغربي في فترة ما بعد الظهيرة. وظل العمود على هذه القاعدة يشير إلى الوقت."
البابليون برضو كانوا من ضمن المهوسيين بالرقم ستة، بس مش واضح أيه السبب!
من المعروف،أن المصريين القدماء أستخدموا تقويم فيه 12 شهر، و كل شهر 30 يوم. يعنى كانت السنة عندهم 360 يوم. فى ناس بتقول أن ده السبب أن أحنا بنقسم الدائرة 360 درجة، يعنى360 على 6 يطلعلك 60، سهلة و بسيطة و60 ده رقم قاعدة في نظام الرياضيات البابلية.

جميل، طب يعنى أيه صباحًا ومساءً؟ في الإنجليزية معروفة بأنها AMو PM
AM:دياختصار «ante meridiem»وبلغتنا الحبيبة قبل منتصف النهار و بلغتنا الأحب قبل الضهر.
PM: دي اختصار «post meridiem »ودى طبعًا بعد منتصف النهار أو بعد الضهر.
تقسيم اليوم لفترتين قائمين على الظهر أو أن الشمس تبقى في منتصف السماء كان أختراع رومانى. فيقول دانيال بروستين فى كتابة «المستكشفون» أن الرومان لحد القرن الرابع قبل الميلاد كانوا بيستخدموا النظام ده و كان فى مساعد خاص من مجلس المدينة مهمته أنه يراقب الشمس وإذا كانت عبرت منتصف السماء ولا لأ، وأول ما تعبر يبقى ميعاد الضهر، يروح يبلغ فى قاعة المحكمة لأن كان المحاميين ممنوع يدخلوا قاعة المحكمة بعد الضهر.
الإنسان المعاصر بقى بيبنى وقته على الثانية يعنى اليوم بيعرف على أنه 86،400 ثانية، وبيقيس الثانية على الساعة الذرية لذبذبات نواة عنصر السيزيوم (133)
يعنى الثانية رسميًا معرفة ب 9 مليار، 192 مليون، 631 ألف و 770 ذبذبة لعنصر السيزيوم فى الساعة الذرية.

[ViP_BedoZ]

شغل فاخر على الاخر

[.a7la-smile.]

الله ينور عليك !

[SŦorm]

تسلم