من القاتل ( الحلقة الثانية )

[Sky_AnGel]

حل الحلقة ال فاتت كان خالد والدليل مكتوب فى موضوع الحلقة الاولى



الحلقة ثانية ممتعة جدا وحلوة ارجو منكم انكم تقروا كويس وتركزوا فى كل كلمة لا بيبقى فيها الحل


السيدة الجميلة
هى سيدة جميلة فى أوائل الأربعينيات عندما تخرج من شقتها الفاخرة فى مدينة نصر كانت رائحة عطرها تملأ العمارة .. لا أحد يعرف فى اى شئ تعمل. المعلومات المتوفرة عند البواب النوبي العجوز عم حسين أنها مطلقة وأنها اشترت هذه الشقة منذ شهور ولا يتردد عليها إلا ابنها الوحيد الطالب، وأن لها


الكثير من الصديقات اللاتي تخرج معهن. الناس فى الشارع لا يعرفون حتى اسمها، أما شباب الحي فيتجمعون ليلا كل يوم ودائما يشهد الشارع حكاياتهم وفى بعض الأحيان دخانهم المخلوط بالبانجو. وذات ليلة خرجت السيدة.. بهرت الشباب بمظهرها وعطرها. وراح جمالها يدغدغ أفكار البعض خاصة وأن أفكارهم تحمل فى بعض الأحيان تلميحات إباحية، البعض منهم تطوع وذهب الى البواب ليسأله عنها. قال لهم البواب انها ثريه ولكنها لا تعطيه مليما زيادة عن راتبه بالرغم من احتياجه للمال بشدة لعلاج ابنه


الكبير. ذات مرة تجرأ وسألها المساعدة فنظرت إليه بعجرفة هزت كيانه كرجل ولم ترد عليه. رسم الشباب خطة لمراقبتها قال "جمال" ذلك العاطل المتخرج من الجامعة: سأنتظر فى الشارع لأعرف متى ستعود، أما صديقه الطالب يوسف فقال: سأرابط أمام منزلها لأعرف متى ستصحو. وقف جمال بجانب العمارة وعندما عادت اقترب منها فبهرته بجمالها وتمناها كرجل؟.. أما يوسف فوقف أمام العمارة وراح يدقق النظر الى شرفة نومها عندما استيقظت وراحت تزيح الستارة لمحها بقميص نومها. فى الليل اجتمعت الشلة.. "جمال" لم يخف انبهاره بجمالها وأنه سيحاول التحدث إليها. أما يوسف فقد أقر واعترف


بأن ما رآه جعله فى حالة لا يمكن ان يمر بها مع أى فتاة مهما كانت مثيرة. اتفقوا على أن يحاول جمال التحدث إليها. أنتظر حتى خرجت واقترب منها محاولا التحدث إليها. لم تتردد فى أن تقف وتقول له: عيب يا ولد مفيش غيرك أنت وبصقت على الأرض!! شعر جمال بمدى إهانته أمام أصدقائه، وبالرغم من هذا لم ييأس يوسف حيث حاول أن يتحدث إليها إلا أنها هزت رأسها متعجبة وقالت: "هيه عيلت"!! وفي يوم امتلأ الشارع بالشرطة واقتحموا الشقة فوجدوها مقتولة وملابسها ممزقة وأن محاولة اعتداء جنسى ظهرت فى المعاينة وكذلك اختفاء بعض الأموال والمصنوعات الذهبية. الشرطة قالت أن الجانى هو شخص يعانى من أزمة مالية وذلك بسبب المسروقات، كما أنه معروفاً فى المنطقة فمن الذى يستطيع الدخول إلى العمارة.



من القاتل ؟
رجال الشرطة بتحرياتهم حصروا الجانى فى ثلاثة أشخاص الحارس عم حسين وجمال خريج الجامعة ويوسف طالب الجامعة. فمن المجرم؟

1 - الحارس عم حسين
2 - جمال خريج الجامعة
3 - يوسف طالب الجامعة

[Sky_AnGel]

ياريت التحليل الصحيح للقضية عايز اشوف كونان هنا يلا انطلقوا

[MadOmar]

هوا انت عندك حل معين ^^

ولا مثلا كله يقول تحليله واكثر واحد مقنع هوا الحيكون الصح ؟؟ ^^

وهوا الجاني واحد بس ولا ممكن التلاته يكونوا مشتركين في الجريمه ؟؟ ^^

[Sky_AnGel]

المشاركة الأصلية كتبت بواسطة mory’‘hameed عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هوا انت عندك حل معين ^^

ولا مثلا كله يقول تحليله واكثر واحد مقنع هوا الحيكون الصح ؟؟ ^^

وهوا الجاني واحد بس ولا ممكن التلاته يكونوا مشتركين في الجريمه ؟؟ ^^

بص لاخر القصة حتلاقى 3 مجرمين اختار منهم واحد بتحليل ال يثبت انو هو اية مكنتش بتتفرج ع كونان وانت صغيور ولا اية لا واحد بس بيكون الجانى

[MadOmar]

عموما انا اقولك تحليلي مصحوب بخيال واسع من عندي ^^

الجاني هوا جمال العاطل وهوا قتلها وتحرش بيها وسرق الحاجات اولا هو قتلها عشان اهانته قدام صحابه وغير كده ممكن يكون راح يتحرش بها وهيا قاومت فقتلها من غير قصده وهوا شارب البانجو وهوا عرف يطلع الشقه عشان اتفق هوا والبواب ان هما يتقاسموا الفلوس الحيسرقها جمال
حسين حياخد نص الفلوس يساعد بيها ابنه ويعالجه
وجمال حياخد الفلوس عشان هوا عاطل ومحتاج فلوس عشان يصرفها ع نفسه وع البانجو

[Kemo Eagle]

وقف جمال بجانب العمارة وعندما عادت اقترب منها فبهرته بجمالها وتمناها كرجل؟..

رسم الشباب خطة لمراقبتها قال "جمال" ذلك العاطل المتخرج من الجامعة

قال لهم البواب انها ثريه ولكنها لا تعطيه مليما زيادة عن راتبه بالرغم من احتياجه للمال بشدة لعلاج ابنه

كما أنه معروفاً فى المنطقة فمن الذى يستطيع الدخول إلى العمارة.

فيتجمعون ليلا كل يوم ودائما يشهد الشارع حكاياتهم وفى بعض الأحيان دخانهم المخلوط بالبانجو.كما أنه معروفاً فى المنطقة فمن الذى يستطيع الدخول إلى العمارة.

القاتل هو جمال لاٍنه على حسب كلامك يا محمد انو تمناها كرجل والشرطه قالت انو فى
وهو عاطل فأكيييد محتاج فلوس وكمان ممكن يكون هو سرق لسببين ^^
1)انو عاطل فبالتالى محتاج فلووس جامد جدى
2)عرف ان البواب محتاج فلوس فا سرق الفلوس عشان يخلى التهمه تلبس فى البواب ^^
وكمان زى ماقولت اٍن الشرطه قالت ان الجانى معروف فى المنطقه وهما بيجتمعوا كل يوم اامام
العماره ^^وكمان عشان هى اهانته قدام اصحابه .. والله المستعان ^_^

[Sky_AnGel]

تمام بس بردو مقدرش اقول اها ومقدرش اقول لا

لسة عايز اشوف تحليل تانى

[Sky_AnGel]

مين تانى

[SnipZz]

هو حارس العمارة لانوا محتاج و كمان هو الوحيد اللي يقدر يخش العمارة من ال 3 :)

[Sky_AnGel]

مين تااانى

[ahmed2ali]

ممكن يكون الحارس عم حسين لاسبيبن اول سبب انه الوحيد القادر على الدخول والخروج من العماره بسهوله السبب التانى انه محتاج فلوس علشان يعالج انبه المريض ولما سالها المساعده استهزهت بيه فاكيد خطت الخطه وقال ياله

[kondos]

القاتل هو - يوسف طالب الجامعة
اسباب صحة الجواب
1-انهم سأل البواب عنها
2-لانه اقر و اعترف بأن ما رآه جعله فى حالة لا يمكن ان يمر بها مع أى فتاة مهما كانت مثيرة
3-عشان ينفى التهمه عنه سرق الفلوس عشان ينفى عنه التهمه بدليل انه عرف يبعد كل الأنظار بأن كله جاوب حسين او جمال

[Sky_AnGel]

احتمال بردو بس نشوف اراء تانية بردو

[ahmed48]

انا من رأى جمال هوه الى موتها وسرق الفلوس لأنو هوه الى سأل البواب عنها وعرف انه محتاج فلوس وهى مش بتديلو فلوس اكتر عن راتبه فموتها وسرق الفلوس علشان ينفى التهمه عنو ويلبس فيها البواب
ثانيا لو البواب الى سرق الفلوس كان سرقها من قبل كدا او كان سرقها وهى خارج شقتها ومكانش حد حايعرفو
وكمان فى حاجه الشباب هما الى بيتجمعو وبيسهرو باليل علشان كدا اكيد واحد منهم هوه الى عمل كدا (جمال)

[kondos]

انا من رأى جمال هوه الى موتها وسرق الفلوس لأنو هوه الى سأل البواب عنها وعرف انه محتاج فلوس وهى مش بتديلو فلوس اكتر عن راتبه فموتها وسرق الفلوس علشان ينفى التهمه عنو ويلبس فيها البواب
ثانيا لو البواب الى سرق الفلوس كان سرقها من قبل كدا او كان سرقها وهى خارج شقتها ومكانش حد حايعرفو
وكمان فى حاجه الشباب هما الى بيتجمعو وبيسهرو باليل علشان كدا اكيد واحد منهم هوه الى عمل كدا (جمال)

البعض منهم تطوع وذهب الى البواب ليسأله عنها يعنى ممكن يكون جمال و يوسف راحو مش جمال بس

لو كان البواب سرقها من الأول كانت بينا انها هتلبس فيه فا اكيد استنى و جت من عند ربنا ان العيال دى تلبسها بدل ما انا البسها