سؤال سياسى .. ^^

[Solitary]

متأسف للمشرفين انى عملت موضوع بالنوع ده بس ده مايعتبرش موضوع سياسى يعنى ده مجرد سؤال ..

عايز اعرف بس الفرق بين السلفيين والاخوان ..
مش عايز اعرف هايعملوا ايه لمصر ولا مين الاحسن ولا الكلام ده كله عشان الموضوع مايتحذفش

انا كل الى عايز اعرفه الفرق بين السلفيين والاخوان عشان الى انا اعرفه ان السلفيين بيمشوا على سنة الرسول بالظبط .. سنة الرسول و" اسلافه " يعنى اصحابه .. الصحابه يعنى , بس هل ده معناه ان الاخوان مالهمش دعوه بسيدنا محمد ولا بسُنته ولا ايه يعنى ياريت الى فاهم يعرفنى عشان انا خلاص قربت اتجنن ..

[moha1a]

كل المسميات دى مطاطيه
السلفين جماعه و الأخوان جماعه و الليبراليين و العلمانيين و غيره ...
و مش السلفيين
بس الى بيتبعوا السنه او السلف فى منهم متشددين ملهمش علاقه لا بالسنه ولا بالأسلام فى منهم معتدلين و ناس كويسه و بتتبع فعلاً السلف و السنه
مثلهم الأخوان و الليبراليين و غيره
هيا مجرد تسميه بس
الأسلام فى القلب و المعاملات و ليس فى حزب ولا جماعه ولا مظهر
مفيش جماعه معينه معاها تفويض الاهى
ياريت تكون وصلتلك الفكره

[amr174747]

بص من الاخر كدة دة اللي اعرفوا عنهم

ان السلفيين هما : اللي ماشيين علي السلف الصالح

ودي حاجة كويسة بس المشكلة ان في حبة منهم متشدد

الاخوان هما : جماعة اسلامية عادية خالص وماشيين بالسنة النبوية زيينا عادي خالص

[Solitary]

اوك شكرآ يا موها يا عمرو

يُغلق يا مشرفين بعد أذنكم وأسف للازعاج.

[♥ ♥.•°YoYo°•.♥ ♥]

السلفين = منهج الرسول والصحابه منهج السلف

الاخوان المسلمين = يتبعون سنه النبي عليه افضل الصلاه والسلام زينا عادي

الفرق بنهم بقى لو السلفين مسكو الحكم يبقى هيحكمو ع الشعــــــب كل حاجة بالعافيه مفيش تفاهم علشان دول متشددين دينيــأ

لكن الاخوان عايزين يطبقو شرع الله بردو بس كلو بالهدواء وهيدعو للاتزام بالسنه النبوية وكده بس مش بالعافيه

فهمــت يا تيــفا ؟

[Just_Warrior]

الاخوان النسلمين
دا تنظيم عالمى (على مستوى العالم العربى وفى منهم فى بلاد غربية)
لة قيادة علية ومجلس شورى خاص بة
يهدف الى اقامة وطن عربى واحد عن تكامل الدول مع بعضها تحت حكمالجماعة
أنشأحزب سياسى بعد ثورة يناير
وهو اكبر حزب سياسى فى مصر واطلق علية
((((حزب الحرية والعدالة))))
__________________________________________________ _____________
السلفيين
جماعة دينية سمية بالسلفية نسبتاً إلى السلف الصالح من الصحابة و التابعين
لهم نشاطات خيرية واجتماعية وثقافية تهدف الى اصلاح المجتمع و الوصول الى مرحلة (المدينة الفاضلة)
عن طريق تطبيق شرع الله عزّ وجل وسنة رسوله صلى الله علية وسلم
انشأت حزب سياسياً بعد ثورة يناير
واصبح من أكبر الاحزاب الموجودة على الساحة السياسية المصرية
((((حزب النور))))

[Alone iN The Sky]

سلفيين : متدينين بشدة ... يعنى متقاربين من نظام السعودية لو مسكو مصر يبقى نقاب وقطع يد وكده لانهم بيطبقو الشريعة بحذاافيرها .. والمفروض انهم متقاربينن من نظام السعودية .. ومش بيتفاهمو مع مسيحى او يهودى ...والله اعلى و اعلم

الاخوان : مسلمين برده زى السلفيين بس مش متشددين لدرجة كبيرة - يعنى اوقات بيرخو الحبل شوية عشان الامور تمشى .. وبيتفاهمو مع المسيحيين وبيدخلوهم الجزب وماسكين بالحزب مناصب عاليه كمان عشان يقولو للناس اننا متوسطين بس ملتزمين بالاسلام ....والله اعلى و اعلم

الليبراليين : اللى واخدين راحتم بدون قيود بقى خالص . هيصه شوية بس مش اوى .. واظن ساويرس منهم او بيشجع فكرتها مش فاكر كلامه بالظبط اللى قرأته والله اعلى و اعلم

العلمانيين : يعنى مخهم ذى مخ الدكاترة مثلا او ذى مبارك او كده - الناس اللى تقولك البلد وسياسة وكده والدين بيدخل فى بعض الامور .. واخدين العلم فيرست يعنى والله اعلى و اعلم

[sara1hassn]

الفرق ان السلفبن اللى فى مصر كمان وهابين زى السعودبة كدة عندهم محرمات كتبرررررررررررررررة

[popo369]

ببساطة شديده

السلفيين هم من تمسكو بالكتاب والسنه على فهم السلف الصالح و الصحابه كما هى دون تغيير

اما الاخوان تمسكو بالكتاب والسنه ولاكن يرو ان هناك اولويات فيسقطو سنه من اجل شى اخر

مثال على ذالك ( اللحيه ) فى فهم السلفيين هى سنه مؤكده يجب التمسك بها

اما فى فهم الاخوان هناك اشياء اهم و اولى من اطلاق اللحيه