|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
|
|
25-02-2011, 02:26 AM
|
#1 | ||||||||||
  
|
معركة ساخنة بين أهالى العامرية والبلطجية للاستيلاء على الأراضى شهدت منطقة العامرية (البلد) بالإسكندرية اشتباكات عنيفة بين الأهالى وعدد من البلطجية المسلحين بالأسلحة البيضاء وبالسيوف، حيث اغتصب البلطجية مجموعة من الأراضى والمنازل الخاصة بالأهالى، معلنين أن تلك الأراضى ملكهم. وقد أصبحت 25 فدانا من حوض 13 بالمعمورة البلد، ساحة للقتال العنيف بين الأهالى والبلطجية الذين هاجموهم بالسيوف والسلاح الأبيض، وأخرجوا الأهالى، مما أدى إلى حدوث إصابات بين عدد من الأهالى لاستخدام البلطجية زجاجات المولوتوف. هدد البلطجية بأنهم سوف يقومون غدا بإخلاء المنازل من الأهالى بالقوة والاستيلاء عليها، مما اضطر الأهالى إلى الاحتشاد بمقر جمعية الناصرية الزراعية أملا فى التوصل لمسئول لحمايتهم وحماية ممتلكاتهم دون جدوى. من جانبه أكد جوزيف ملاك، مدير مركز الكلمة لحقوق الإنسان بالإسكندرية، أنه حاول الاتصال بالمسئولين فى المحافظة فلم يجد أياً منهم، حيث تركوها، متسائلا: أين محافظ الإسكندرية اللواء عادل لبيب الذى اختفى من الإسكندرية منذ أربعة أيام ولا أحد يعلم مكانه، وكذلك وكيل وزارة الزراعة، مشيرا إلى أنه لابد من تشكيل لجنة لبحث المستندات والتعامل مع الموقف تمهيدا للفصل فى أحقية تلك الأرض لمن يملك مستنداتها. عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] حريق هائل بفندق ساندى بشرم الشيخ شب حريق هائل فى الساعات المتأخرة من مساء أمس بفندق ساندى بمنطقة السوق القديم بشرم الشيخ، نتج عنه تدمير الدور الثانى من الفندق. على الفور انتقل إلى مكان الحريق اللواء محمد الخطيب، مدير أمن جنوب سيناء، كما انتقلت قوات الدفاع المدنى التى سيطرت على الحريق قبل امتداده إلى المبانى المجاورة. يذكر أن الدور الثانى من الفندق مصنوع من الخشب، الذى ساعد على عملية الاشتعال السريع، حيث إن الفندق مكون من طابقين فقط، ومملوك لمجدى بيومى عضو مجلس الشعب السابق، ولم يتم حتى الآن حصر التلفيات التى نتجت عن الحريق. ها وبعدين ؟؟؟؟ مصر رايحة لفين ؟؟؟؟ مش شايفين شباب 25 سجاير دول ؟؟؟ ولا شايفين اخوان مسلمين ولا اى حد؟؟ والله العظيم ما عارف اقول ايه بقى علشان شوية مطالب مش مطلوبة من كل الشعب ولكن مطلوبة من البعض ندمر البلد كلها وانس ملهاش ذنب بتموت بسببهم وتلاقيهم هما دلوقتى قاعدين على الفيسبوك انا سمعت اغنية بتقول ...( الواد قاعد عالنت عالفيسبوك مع البت ) طيب وبعدين انا عامل تصويت ياريت الكل يشارك فى السؤال ده ايه رايكم فى مصر بعد 25 يناير ؟؟؟ اختر الاجابة الصحيحة من بين القوسين ( فى انهيار , دمار شامل , اهم حاجة الفيسبوك , ولا ده كان عناد من المتظاهرين انهم يمشوا مبارك وخلاص ومش مهم البلد ) مننظر الاجابة ....والله انا بقول كده علشان مش عارف اقول ايه احنا بقينا قاعدين ومرعوبين فى بيوتنا خبر عاجل .... محدش يخرج بره بيته واللى عاوز يخرج ملناش دعوة بيه لو اتقتل عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
||||||||||
|
| إعلانات google |
|
|
|
25-02-2011, 02:29 AM
|
#2 | ||||||||||
  
|
علشان الناس اللى عماله واحنا اللى عملنا الثوره وطالعنلى كل يوم جمعه يسموها جمعه شكل يهمدوا ويتخرصوا شويه |
||||||||||
|
|
|
25-02-2011, 02:58 AM
|
#3 | ||||||||||
|
هما نازلين مش فاهمين حاجة ناس محفظنهم كلمتين وخلاص نزلوا يقولوها حتى لما كل الناس طلبوا الحوار برضوا هما مش مستوعبين مش بيقولوا غير اللى هما حفظينه تقدر تقولى هما فين دلوقتى اكيد قاعدين على الفيسبوك وعمالين يقولوا الرئيس مشى الرئيس مشى ومش حاسين على اللى بيحصل فى البلد لانهم طبعا على الفيسبوك 24 ساعة مش بيشوفوا اخبار ولا حوادث ده غير انهم ظلموا ناس كتيرة كانوا شغالين اهو كانوا بياخدوا 500 جنيه افضل من مفيش اللى هو دلوقتى انا والدى والله العظيم قاعد اهو من الشغل بسببهم حسبنا الله ونعم الوكيل فيهم حسابهم عند ربهم الناس اللى مش شغالة ديه كلها بتدعى عليهم كل واحد منهم قاعد على الفيسبوك وعمال ينزل صور الثورة وفيديوهات وعمالين يهزروا ومش حاسين بالناس وكل واحد معاه البت بتاعته ومش حاسس باللى بيحصل ربنا على الظالم |
||||||||||
|
|
|
25-02-2011, 03:02 AM
|
#4 | ||||||||||
  
|
شكلك حزب وطنى بــص كل اللى ماتوا دلوقتى دول و اللى بيموتوا دول شهداء و بيكتبوا تاريخ مصر من الأول كان عاجبك حال البلد ؟؟ كان عاجبك التوريث ؟؟ كان عاجبك نجاح مبارك بنسبة 99.9 % ؟؟ كان عاجبك البلطجية اللى بيقفوا فى انتخابات مجلس الشعب ؟؟ كان عاجبك نسبة المقاعد فى البرلمان ؟؟ ( 95% حزب وطنى ) كان و كان و كان انتا مقتنع بكلامك و ان الناس ظلمت مبارك ؟؟ شفت ايه حلو من مبارك غير اللى اتحكالك عن حرب اكتوبر ؟؟! 30 سنة الناس عبيد و اللى يفتح بقه ياخد على دماغه سرقة ونهب و اكتــر كنت مبسوط و مبـارك قاعد ؟؟! يا اخواننا بلاش سلبية و بلاش الكلام ده ايه يعنى حصل حريق ماحصلش حريق فى عهد مبارك ؟؟ عبارة السلام ماغرقتش علشان اهماله و اهمال اللى تحت ايده ؟؟ مات فيها كام واحد ؟؟؟ كام قطر لبسوا فى بعض فى عهده و مات فيها اضعاف اضعاف اللى ماتوا خلال الثورة و لحد دلوقتى كام واحد مات و كان ضحية لتعذيب وزارة الداخلية ؟؟ خناقة بين ناس على أرض ماكانش حد بيتخانق و مبارك موجود ؟؟ ماكانش فيه بلطجية ؟؟ ماكانش فيه ناس بتتثبت فى كل يوم ؟؟ ماكانش فيه شقق بتتسرق ؟؟ ماكانوش الشباب الفاسد بيعدوا بالموتوسيكلات يسرقوا موبايلات النـاس ؟؟ ماكنتش بتدفع رشوة فى المرور ؟؟ ماكنتش ماشى بنظام " شيلنى اشيلك عدينى اعدلك ؟ " بتتكلم و بتجادل فى ايه بــس ؟؟ هتعمل زى بتــوع " احنا اسفين يا ريس " و "لا مؤاخذة يا مدام سوزان" ؟؟ انا مش فاهم الناس دى كانت نايمة 30 سنة و مش حاسة بحاجة بتحصل فى البلد ؟؟ قلبك ماوجعكش لما عرفت ان ثروة مبارك 70 مليار دولار و فيه ناس بتاكل من الزبالة ؟؟ ده معاه فلوس اكتر من " بيل جيتس " يا راجل فوقوواا بقى .. هتفضلوا طول عمركــم تعيشوا مغيبين ؟؟ احسبها بعقــلك تحيــاتى |
||||||||||
|
|
|
25-02-2011, 03:52 AM
|
#5 | |||||||||||
  
|
اقتباس:
 |
|||||||||||
|
|
|
25-02-2011, 12:33 PM
|
#6 | |||||||||||
|
اقتباس:
تمام والله يابرنس |
|||||||||||
|
|
|
25-02-2011, 03:05 AM
|
#7 | ||||||||||
|
انت بتتكلم كدة على اساس انك ايه يعنى؟ هو ايه اللى يافرحتنا بالثورة والتانى يقولك محفظنهم كلمتين ده على اساس انها مكنتش المفرود تتعمل والاول كان احسن ولا ايه ...مش فاهم انا |
||||||||||
|
|
|
25-02-2011, 03:25 AM
|
#8 | ||||||||||
|
King Of Billiard  
|
,الله البلد قربت تخرب |
||||||||||
|
|
|
25-02-2011, 04:20 AM
|
#9 | ||||||||||
  
|
طبعا يا فرحتنا بالثورة الحمد لله الواحد دلوقتى بيتكلم مش خايف من امين شرطة *** يجى يديلو بالجزمة ولا خايف من ظابط يغلس عليا و انا داخل الكلية ولا خايف اتشد اشتاباه و ابات فى القسم و انا طالب فى كلية الحقوق و غيرها ياخسارة يا شهداء لسة فى ناس فاكرة انكو معملتوش حاجة ربنا يرحمكم و انا كل دعائى و شكرى ليكو على العملتوا لينا |
||||||||||
|
|
|
25-02-2011, 04:40 AM
|
#10 | ||||||||||
|
بقولك ايه بطل تخاريف انت هتعيش 30 سنة مبارك معملش حاجة انت كده كذاب وبتنكروا الجميل 1:مين اللى حارب علشانا فى حرب اكتوبر 2:مين اللى حرر رفح 3:مين اللى بنا الكبارى ومترو الانفاق ومدن الاسكان 4:مين اللى رجعلنا الامن والاستقرار 5:مين اللى رجع العلاقات مع الدول العربية والاسلامية 6 : مين اللى رجع مقر الجامعة العربية لمصر 7: مين اللى قاد القضية الفلسطينية عربيا ودوليا من الاحتلال 8:مين اللى انشا اول مجلس قومى لحقوق الانسان 9 : مين اللى عمل حرية التعبير والراى من خلال 515 صحيفة تعمل فى مصر 10 : مين للى زود المعاشات 22 ضعفا من 554 اللى 11 مليار 11 : مين اللى زوجته فتحت عدد كبير من المكاتب للقراءة لتعليم الاطفال والشباب 12 : مين اللى طور مطار القاهرة حتى بقى افضل مطار فى افريقيا 13 : مين اللى فتح مستشفى سرطان الاطفال 75375 14 : مين اللى بنى اعلى جسر فى الشرق الاوسط ( جسر السلام ) 15 : مين اللى عمل المكتبة المركزية لجامعة القاهرة تسع مليون كتاب و هي من اكبر المكتبات في مصر 16: مين اللى بنى بناء مكتبة الاسكندرية لتكون اكبر مكتبة في افريقا و الشرق الاوسط 17 : مين اللى طور برج القاهرة 18 : مين اللى عمل اسكان مبارك للشباب 19 : مين اللى عمل اكبر كوبرى فى الشرق الاوسط وافريقيا وهو كوبرى اكتوبر 20 : مين اللى خرج مصر من الازمة الاقتصادية فى سنة 1981 21 : مين اللى صالحنا على اخواتنا الليبيين بعد المشاكل اللى وردت فى عهد السادات 22: مين اللى طور ميناء الاسكندية لحد ما بقى من افضل 10 موانى فى العالم اكمل ولا خلاص كده لو كملت هنسيك اسمك بص على رقم 9 يعنى هو اللى عمل حرية التعبير على الراى ولولاه ما كنتم عرفتوا تفتحوا انفكم فى ميدان التحرير وتانى حاجة اللى بيقول ان اللى ماتوا دول شهداء مين قالك انهم شهداء يا حبى مش بقولك انتوا الناس ضحكوا عليكم وحفظوكم كلمتين وقالوكم اللى هيموت هيبقى شهيد اسمع يا حبيبى الشهيد هو : قول رسول الله ( صلى الله عليه وسلم ) : "من مات دون أرضه فهو شهيد، ومن مات دون عرضه فهو شهيد، ومن مات دون ماله فهو شهيد" رواه الترمذي يعنى : المجاهد فى سبيل الله بجميع انواعه و العلم و الحرب ( الدفاع عن الوطن ) مش بقولكم ضحكوا وعليكم وحفظوكم كلمتين حرام عليكم لما يضحكوا عليكم ويقولولكم شهداء وانتوا تصدقوا صحيح ومتصدقوش ليه ما انتم مش عارفين حاجة عن دينكم اما اخر حاجة مفيش حد معندوش سلبيات لو فيه حد معندوش سلبيات يبقى نبى خلاص قال شهيد قال ... ليه يعنى شايفوا دخل حرب علشان الوطن ولا بيدافع عن دينه ولا علشان علمه ههههههههههههههههه اضحك عليكم |
||||||||||
|
|
|
25-02-2011, 09:33 AM
|
#11 | |||||||||||
|
اقتباس:
|
|||||||||||
|
|
|
25-02-2011, 11:45 AM
|
#12 | |||||||||||
 
|
اقتباس:
بس برده هريحك وهرد علي كل نقطه في موضوعك وبالعقل 1- اولا هيكل طلع قال ان لو حسبنا احقيه حرب اكتوبر مش هتبقي للرئيس مبارك لان مبارك كان صاحب الدفعه الجويه والدفعه الجويه السادات كان مطلعها لغرضين بس في الحرب اول غرض ان الجنود عليالجبهه لما يشوفوها طالعه تبث في روحهم الحماس تاني حاجه انها كانت طالعه علشان تعرف اسرائيل اننا نقدر ننافسهم في سلاح الطيران لانهم كانوا احسن سلاح طيران في الوقت ده 2- رفح لو كان السادات معملش المعاهده مبارك لو كان قعد يرقسلهم في رفح مكنش هياخد منها شبر واحد يعني السادات اصلا كان بيعملها قبل ما يغتالوه وبعد ما مات (سبب اغتياله مبارك الي استخبي ورا الكرسي )مبارك راح مضي علي الورق بس 3- يعني واحد سرق 70 ميليار دولار مش عايزه يعملك كام كبري علي كام نفق طب فين مشروع تشكي الي بقاله 20 سنه الي هو اصلا كان خطه خمسيه مش عشرينيه الي البلد بتصرف عليه فلوس وهو واخده حجته والله نفسي اعرف هيكمل امتي 4- امن واستقرار ده انا معاك فيها بأماره البلطجيه الي نزلوا في مجلس الشعب والظباط يعملوا نفسهم مش شايفين بأماره قانون الطوارئ 5- شكلك مش بتقري تاريخ 5 و 6 و 7 السادات الي عملهم 8 - يا فرحتي انشأوا وعمل بعديه قانون الطواري علشان ينتهك حقوق الانسان ده كله كلام علي ورق 9- معاك حق حريه التعبير والرأي ده بس بشرط حريه تعبير في شكر مبارك هاتلي جريده واحده شتمت مبارك غير بعد التنحي  10- تصدق وتأمن بالله جدتي متوفيه من كام شهر ومعاشها 50 جنيه 11- برده معاك حق بس ده مش بمازجها اليونيسكو ادتها فلوس علشان تعمل كده وهي لو مكنتش اخدت مليم واحد مكنتش فتحت مكتبه لبيع القلمه حتي 12- وهي يابني افريقيا فيها مطارات عدله اصلا انت بتبص لافريقيا ما تبص لي فرنسا الي مواردها اقل مننا وعندها 320 مطار دولي وأحنا عندنا 4 مطارات دوليه عامليهن عليهم فرح 13- احنا الي فتحناها بالتبرع والله لو كنا اتبرعناله هو كان سرق تبرعتنا 14- ده انجاز وانا مقدرش اتكلم فيه 15- 11 و 15 1 16 زي بعض برده اليونيسكو هي الي مدياهم فلوس 17- يابني برج القاهره ده كان هيقع من اهماله لولا محافظ القاهره الاسبق الي قلبه اتنحر عشان ياخد قرشين يعمله 18- هاتلي شاب واحد سكن فيها من غير واسطه كلهم ولاد لوءات وعمده وظباط 19- لا ده وسعه ده معبر رفح اكبر منه 20- الحته ده انا كان نفسي اتكلم فيها من زمان الي خرج مصر من الازمه ان مصر طول عمرها كانت بتتسرق منه ولما حصلت الازمه هدي اللعب شويه عشان كده البلد كانت هتنهار وابتدي يعمل كبري السلام الي هو انجاز عشان يبين انجازاته وخلي فلوس السياحه وقناه السويس تتصرف علي البلد بدل ما كانت بتروح في جيبه لحد ما عدت الازمه وده دليل ان مصر كان فيها فلوس وبعدين رجع ينهب تاني ويسرق تاني بقولك 70 مليار دولار وهو مرتبه في الشهر 3700 جنيه جاب منين 70 مليار دولار دول بيلعب في البرصه ؟  21- ده كان هيعملها غصب عنه علشان يقدر يأمن الغرب عندنا لانه لو معملش كده نظامه هيسقط في اي وقت يعني تقدر تقول بيأمن نفسه قبل ما يأمنا 22- ايوه طوره طب فلوسه بقي فين ؟  لا كمل عشان اصلا مفيش حاجه صح غير كبري السلام الي بنعتبره انجاز من 30 سنه فاتوا حريه التعبير الي انت بتتكلم عليها ده كانوا بيتضربوا في الشارع وبيطلع عين اهلهم علشان طلعوا مظاهره حره التعبير اتسببوا في وجود الشهداء الي انت مش عايز تعتبرهم شهداء قول رسول الله ( صلى الله عليه وسلم ) : "من مات دون أرضه فهو شهيد، ومن مات دون عرضه فهو شهيد، ومن مات دون ماله فهو شهيد" رواه الترمذي ماهو مات بيدافع عن ارضه الي احتلها مبارك وبيدافع عن ماله الي سرقه مبارك وبيضافع عن عرضه الي بينتهك في اقسام الشرطه من رجال مبارك وبتفرق في النوايا برده ياريت متقولش كلمه غير لما تكون انت من جواك مقتنع ميه في الميه ماهو انت حاجه من الاتنين يا مستريح في البلد ووسايط وريقه معاك وعمرك ما هتحس بينا الي بيطلع عين اهلنا عشان نشتر عيش بس ولا علشان اروح اعمل بطاقه علي الاقل وانا نازل من بتنا الساعه 10 خايف حد يشدني وانا بسقط في الرخصه علشان العربيه وقفت مني علشان مرضتش ادفع للمهندس 50 جنيه وغيري بينجح وهو قاعد في بيته علشان ابوه لواء علي فكره انت بتقول محدش معندهوش سلبيات بس ده سلبياته اكتر من ايجبياته |
|||||||||||
|
|
|
25-02-2011, 04:41 AM
|
#13 | ||||||||||
|
اضحك عليهم بس برضه اللى يرحم الذين توفوا ويسكنهم جناته |
||||||||||
|
|
|
25-02-2011, 04:45 AM
|
#14 | ||||||||||
|
والشهيد ايضا من دافع عن شرفه |
||||||||||
|
|
|
25-02-2011, 04:51 AM
|
#15 | ||||||||||
|
الله يرحم الذين توفوا من اجل الشعب ويسكنهم جناته بحبك يا ريس مهما قالوا عنك انت رقم 1 اذا وجدت 100 مليون يحبونك فتاكد انى اولهم واذا رايت 1 فقط يحبك فتاكد انه انا واذا لم تجد احد يحبك فتاكد اننى قد فارقت الحياة انا معجب جدا بالاخ Sangero اللى حاطط صورة مبارك والله العظيم صورة فى قمة الروعة وياريت تكلمنى على عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] علشان عاوز احط الصورة ديه توقيع ليا علشان طبعا معظم اللى هنا معارضين لمبارك وممكن محدش يرضا يعملى التوقيع |
||||||||||
|
|
|
| يتصفح الموضوع حالياً : 2 (0 عضو و 2 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ادخل شوف قلبك صوت وصورة ادخل وشوف | just_4_love | بـعـيـدآ عـن سـيـلـك رود | 27 | 12-08-2009 10:29 PM |
| ادخل وشوف انا حظى حلو قد ايه ادخل مش هنتدم | crespo_0555 | صـور سـيـلك رود | 64 | 17-01-2009 07:42 PM |
.gif){kind=icon}
العرض المتطور
