ثورة مصر vs ثورة فرنسا

[Black__Sword]

السلام عليكم و رحمة الله و بركاته

بسم الله الرحيم

دائما غائب عنكم و منكم من يعرفوني و منكم لا,,,,,

لقلة تواجدي في المنتدى حبيت اعمل موضوع عن الثورتين دول علشان متسنويش :)

ثورة فرنسا سنة 1789

ثورة مصر سنة 2011

تعتبر هاتان الثورتان من اقوى ثورات العصر الحديث

و لكن سؤال لكم

ما اهي الاقوى ^^

انا ارجح فرنسا

لــ.....

اولا ثورة فرنسا غيرت نظام الحكم من الامبراطوري الى الجمهوري

و احدثت نهضه صناعيه

نرجو ان تحدث لنا بأذن الله

و الان نبدأ باسم الله

الثورة الفرنسية




الثورة الفرنسية تعتبر فترة تحولات سياسية واجتماعية كبرى في التاريخ السياسي والثقافي لفرنساوأوروبا بوجه عام. ابتدأت الثورة سنة 1789 وانتهت تقريباً سنة 1799. عملت حكومات الثورة الفرنسية على إلغاء الملكية المطلقة، والامتيازات الإقطاعية للطبقة الارستقراطية، والنفوذ الديني الكاثوليكي.

أفكار ما قبل الثورة


ساهم مفكرو عصر التنوير في اندلاع الثورة الفرنسية فقد انتقد مفكرو الأنوار الحكم الملكي المطلق: قاسوا الظلم وقالوا بأن ثورتهم هي لفرض العدل والمساواة. عرف القرن 15_17م بقيام حركة فكرية نشرت أفكار جديدة وانتقدت النظام القديم، ومن أهم زعمائها مونتسكيو الذي طالب بفصل السلطة وفولتير الذي انتقد التفاوت الطبقي في حين ركز جان جاك روسو على المساواة.



ظروف اندلاع الثورة الفرنسية

ساهمت عدة عوامل في اندلاع الثورة الفرنسية:


اجتماعيا

كان مجتمع على شكل هرم تراتبي يوجد في قمته طبقة النبلاء والإكليروس المستفيدين من عدة امتيازات، ثم الهيئة الثالثة المشكلة من البورجوازية الناشئة المحرومة من المشاركة السياسية، وتمثل الطبقة الكادحة أسفل الهرم، وكانت تعاني من ثقل الضرائب وأعمال السخرة.1245 لن كانت هناك ضرائب العشور تفرض علي الفلاحين هي مقاسمتهم النقود أو الارباح من جني المحاصيل مما جعلهم أول طبقة من الثوار الحاقدين علي قيادة فرنسا وعلي لويس السادس عشر.


اقتصاديا

اعتمدت فرنسأعلى النشاط الفلاحي، وقد أدى تراجع إنتاج المحاصيل إلى تأزم البوادي وارتفاع المجاعة وتفشي البطالة بالمدن. مما أدى إلى توالي الانتفاضات انطلاقا من البوداي التي توجت بثورة باريس يوم 4 آب 1789م.فبقيت أساليب الإنتاج الزراعي غير متطورة وتدهورت التجارة.
حكومياْ تميز نظام الحكم في فرنسا قبل الثورة باستحواذ الملك والنبلاء والإكليروس على الحكم في إطار ملكية مطلقة تستند إلى الحق الإلهي مع عدم وجود دستور يحدد اختصاصات السلطة الحاكمة.


مراحل الثورة الفرنسية


دامت الثورة الفرنسية عشر سنوات، ومرت عبر ثلاث مراحل أساسية:

• المرحلة الأولى (يوليو 1789 - اغسطس 1792)، فترة الملكية الدستورية: تميزت هذه المرحلة بقيام ممثلي الهيئة الثالثة بتأسيس الجمعية الوطنية واحتلال سجن الباستيل، وإلغاء الحقوق الفيودالية، وإصدار بيان حقوق الإنسان ووضع أول دستور للبلاد.
• المرحلة الثانية (اغسطس 1792 - يوليو 1794)، فترة بداية النظام الجمهوري وتصاعد التيار الثوري حيث تم إعدام الملك وإقامة نظام جمهوري متشدد.
• المرحلة الثالثة، (يوليو 1794 – نوفمبر 1799)، فترة تراجع التيار الثوري وعودة البورجوازية المعتدلة التي سيطرت على الحكم ووضعت دستورا جديدا وتحالفت مع الجيش، كما شجعت الضابط نابليون بونابارت للقيام بانقلاب عسكري ووضع حدا للثورة وإقامة نظاما ديكتاتوريا توسعيا.

نتائج الثورة الفرنسية

• النتائج السياسية: عوض النظام الجمهوري الملكية المطلقة، وأقر فصل السلطات وفصل الدين عن الدولة والمساواة وحرية التعبير.

• النتائج الاقتصادية: تم القضاء على النظام القديم، وفتح المجال لتطور النظام الرأسمالي وتحرير الاقتصاد من رقابة الدولة وحذف الحواجز الجمركية الداخلية، واعتماد المكاييل الجديدة والمقاييس الموحدة.

• النتائج الاجتماعية: تم إلغاء الحقوق الفيودالية وامتيازات النبلاء ورجال الدين ومصادرة أملاك الكنيسة كما أقرت الثورة مبدأ مجانية وإجبارية التعليم والعدالة الاجتماعية وتوحيد وتعميم اللغة الفرنسية.

ّّّّّّّّ~~~~~~~~~~~~~~~~~~~~~~~~~~~~~~~~~~~~

و الان نبدأ الثوره المصريه

ثورة مصر سنة 2011

ثورة مصر سنة 2011 (الثوره المصريه - ثورة الغضب - ثورة اللوتس) هيا ثوره شعبيه إبتدت فى مصر يوم 25 يناير سنة 2011 علشان تبين إعتراض الناس اللى شاركو فيها على قلة الحريات السياسيه و حالة الطوارئ و زيادة الفقر و صعوبة وجود فرص الشغل و وحشية البوليس]، والافتقار للسكن ، و غلو العيشه و إرتفاع أسعار الأكل ، و إنتشار الفساد ، و عدم وجود انتخابات حره نضيفه و انعدام حرية التعبير و سوء الأحوال المعيشية . و بسبب المظاهرات دى إتوصفت القاهرة إنها "منطقة حرب". ثورة مصر سنة 2011 إتكونت من سلسله من المظاهرات فى الشوارع والاحتجاجات و أعمال العصيان المدنى و دى كانت أكبر مظاهرات شافتها مصر من ساعة مظاهرات سنة 1977
منظمين حركة شباب 6 ابريل و كلنا خالد سعيد و الجمعيه الوطنيه للتغيير و حركة كفايه و حركة 25 يناير هما اللى إختارو يوم 25 يناير علشان يتزامن مع يوم عيد البوليس فى مصر.[المشاركين فى المظاهرات كانو مجموعة متنوعة مختلف الظروف الاجتماعيه والاقتصاديه و الدينيه.
و حاولت الحكومة المصرية تفريق المظاهرات باستخدام مجموعة متنوعة من الطرق. و بعتت مجموعات من بوليس مكافحة الشغب اللى إسمهم الأمن المركزى لمناطق المظاهرات و معاهم دروع و و استعملو رصاص كاوتش و عصايات و خراطيم الميه ، و الغاز المسيل للدموع ، و فى بعض الحالات ضربو المظاهرات برصاص حقيقى و مات ناس فى بعض المظاهرات لكن مش كل المظاهرات حصل فيها وفيات.
و لحد يوم 29 يناير ، تم الإبلاغ عن موت ما يقلش عن 105 متظاهر (27 فى السويس ، و 33 فى إسكندريه ، و 45 فى القاهره) ، مع موت 10 من البوليس . و إتصاب 1500 متظاهر 750 من البوليس .
لكن عدد المقتولين لحد يوم فبراير إتقدر يكون 297 واحد و واحده معظمهم مات بالرصاص الحى يومين 28 و 29 يناير ده غير آلاف الجرحى
بتاريخ 16 فبراير ، تقديرات وزارة الصحه فى مصر إن اللى إتقتلو كان عددهم 365 [. طلبت حكومات و منظمات دوليه كتيره تلبية مطالب المظاهرات و استعمال ردود أفعال مش عنيفه من الجنبين . التحركات السلمية علشان الإصلاح اهتم بيها العالم و ساعد على كده الإستعمال المتزايد للإنترنت و الويبسايتس المشهوره زى تويتار ، فيس بوك ، و يوتيوب.
الأحداث دى إتوصفت إنها ثوره و قالت عليها سى ان ان و مصادر تانيه إنها ثورة الغضب و ثورة اللوتس
و بسبب المظاهرات دى طلب حسنى مبارك من أحمد شفيق تشكيل حكومة جديدة و بعد كام يوم أعلن مبارك إنه هايكمل ولايته لحد أكتوبر 2011 لكن مش هايترشح لولاية جديدة فى انتخابات رئاسة مصر فى سبتمبر.
و يوم 11 فبراير 2011 قرر حسنى مبارك إنه يسيب منصبه.


إسم الثوره

مافيش إسم رسمى لثورة مصر سنة 2011 لكن إتقال عليها إنها ثورة 25 يناير - الثوره المصريه - ثورة الغضب - ثورة اللوتس - الثوره البيضا- ثورة الشباب.
الأسباب

فيه حاجات كتيره إتسببت فى قيام الثوره . و منها زيادة الفقر و قلة الحريات السياسيه و إستمرار حالة الطوارئ أكتر من تسعه و عشرين سنه و صعوبة وجود فرص الشغل و وحشية البوليس ، و قلة أماكن السكن ، و غلو العيشه و إرتفاع أسعار الأكل ، و إنتشار الفساد ، و عدم وجود انتخابات حره نضيفه و انعدام حرية التعبير. الثوره دى إبتدت بعد ثورة تونس و هما الإتنين من احتجاجات الشرق الاوسط و شمال افريقيا 2010-2011.
قانون الطوارئ

بعد ما إتقتل أنور السادات سنة 1981 مسك حكم مصر حسنى مبارك ، و نظام الحكم فى مصر هو نظام شبه رئاسى بيحكم البلد بقانون الطوارئ (القانون رقم 162 لسنة 1958) من سنة 1967 لحد النهارده ، باستثناء 18 شهر سنة 1980 و سنة 1981. و عدد المساجين السياسيين فى مصر اللى اعتقلوا تحت حكم قانون الطوارئ بيتقدر إنه ممكن يوصل تلاتين ألف (30000 ) مسجون . منظمات حقوق الإنسان قالت إن سنة 2010 كان فيه بين 5000 و 10000 شخص معتقلين لمدد طويله دون تهمه أو محاكمه
وحشية البوليس

إتسرب تلغراف من سفارة امريكا من سنة 2009 وصف وحشية البوليس ، بما فيه التعذيب ، اللى شايع و منتشر و جهود الحكومة علشان مكافحته مش نافعه و ناقصه الإرادة السياسية.
يوم 6 يونيه 2010 مات شاب مصرى إسمه خالد محمد سعيد فى ظروف تفاصيلها عليها إختلاف فى سيدي جابر فى اسكندريه.. السبب فى الإختلاف إن شهود كتير شهدو إن البوليس ضرب خالد لحد ما مات . و يوم 25 يونيه إتجمع اكتر من 5 الاف واحد فى مظاهرة فى اسكندريه و شارك فيها حركة شباب 6 ابريل و المسؤلين على صفحات الفيسبوك و الدكتور محمد البرادعى, و المستشار محمود الخضيرى و جورج اسحاق و ايمن نور و حمدين صباحى و مجموعة من قيادات الاخوان المسلمين و حزب الغد و الجميعه الوطنيه للتغير و متظاهرين بيمثلوا تقريبا كل التيرات السياسيه فى مصر و هتافات تطالب بسقوط الحكومه و محاكمة المسؤلين و سقوط الدولة البوليسية و هتفت ضد قانون الطوارئ و وزارة الداخليه و عمل محمد البرادعى مسيره مع عشرات عشان يعزى ام الضحيه و اعلن تضامنه معاهم.


رئاسة مبارك

حسنى مبارك مسك حكم مصر من أكتوبر سنة 1981 و ساب قانون الطوراىء اللى كان موجود من ايام السادات ممتد لاكتر من 29 سنه و قال إن الإرهاب اللى اتعرضت ليه مصر و الموجود فى المنطقه اللى حواليها كان ليه دور فى مد العمل بقانون الطوارىء.و منظمه ترانسبيرنسى الإمريكانيه إدت مصر 3.1 من 10 . ( 10 يعنى دوله مفيهاش فساد و 0 يعنى دوله كلها فساد ). الرقم رغم انه قريب و ساعات أعلى من دول مجاوره لمصر و لمجموعه كبيره من دول العالم التالت لكن بيوضح درجة الفساد فى مصر من وجهة نظر المنظمه. من جهه تانيه مجله امريكانيه اسمها " بيريد " Parade حطت مبارك فى المركز العشرين ما بين سبعين حاكم من ضمنهم " عبد الله " ملك السعوديه و " بوتين " رئيس روسيا اعتبرتهم المجله حكام ديكتاتوريين .
من جهه تانيه السياسه الخارجيه فى عصره كانت من عيوبها قلة القدره على التمييز بين العدو والصديق و نقص ملحوظ فى امكانيات التحليل السياسى السليم للأحداث ، و ده سبب مشاكل و ازمات كتيره لمصر مع دول العالم و القوى الكبرى. فوق كده شاف عهد حسنى مبارك دخول مصر عناصر اجنبيه من لاجئين و غيرهم بأعداد كبيره من مناطق متخلفه بتعانى من الصراعات الثيولوجيه و الاثنولوجيه ممكن يكون ليها اثر وحش على الثقافه المصريه الهوموجينيه و تطورها للأحسن و على السلام الاجتماعى فى المجتمع المصرى ، و كمان حشر مصر فى مشاكل العرب و صراعاتهم ولعبها دور الأخ الطيب بيجيب لمصر و المصريين المشاكل و إتسبب فى دخول اختلافات خطيره فى الثقافه المصريه.


الفساد

الفساد السياسى فى وزارة الداخلية تحت إدارة الرئيس مبارك ارتفع بشكل كبير ، علشان زيادة القوة اللازمه علشان تمديد رئاسته. و و ده اتسبب فى سجن شخصيات سياسية و ناشطين شباب بدون محاكمة
الفساد الإفتصادى كمان تحت حكم الرئيس مبارك ارتفع بشكل كبير ، احمد عز إحتكر صناعة الصلب فى مصر و إتحكم فى أكتر من 60 ف الميه من حصة السوق علاء الدين الأعسر ، و هو كاتب و أستاذ أميركانى مصرى ، بيقول إن ثروة عيلة مبارك قيمتها من 50 ل 70 مليار دولار أمريكانى.
أحمد عز ، كان سكرتير عام الحزب الحاكم ، و بتتقدر ثروته بحوالى 18 مليار جنيه مصرى] ؛ وزير الاسكان أحمد المغربى بتتقدر ثروته بأكتر من 11 مليار جنيه مصري ؛ و ثروة وزير السياحة زهير جرانة بتتقدر ثروته تكون 13 مليار جنيه مصرى ؛ وزير التجارة والصناعة ، رشيد محمد رشيد ، بتتقدر ثروته ب 12 مليار جنيه مصرى ؛ و حبيب العادلى وزير الداخلية بتتقدر ثروته ب 8 مليارات جنيه مصرى.
الاقتصاد

بحلول أواخر 2010 حوالى 40 ٪ من سكان مصر بيعيشو على اللى بيعادل حوالى دولارين امريكانى فى اليوم لكل واحد و بيعتمد جزء كبير من السكان على السلع المدعومة.
زيادة عدد السكان

مصر هيه تانى أكبر دوله فى أفريقيا فى عدد السكان بعد نيجيريا, و أكبر دوله فى منطقة الشرق الأوسط. و حسب تقدير سنة 2007 وصل عدد سكان مصر لحوالى 78,733,641 شخص (فيه تقديرات تانيه بتقول انهم وصلو 81,713,517 فى يوليه 2008).
سكان مصر كانو 30083419 سنة 1966 ، و معظم المصريين بيعيشو بالقرب من ضفاف نهر النيل ، في مساحة حوالي 40000 كيلومتر مربع (15000 ميل مربع) ، علشان دى بس الأراضى اللى ممكن تتزرع. زيادة عدد السكان ساعد فى زيادة الفقر ، و قلة التعليم ، و قلة النضافه ، و مشاكل الإسكان.
تفجير كنيسة إسكندرية

المقال الرئيسى: تفجير اسكندريه 2011
تفجير كنيسة القديسين ، عملية ارهابيه حصلت فى مدينة اسكندريه , مصر و سط الاحتفالات بليلة راس السنه. بعد حلول السنه الجديده بعشرين دقيقه حصل انفجار قدام كنيسة القديسين فى منطقة سيدى بشر. العملية الارهابية دى وقعت 22 قتيل المسيحيين الأقباط و حوالى 97 مصاب. بتعتبر اول عملية ارهابيه بالمنظر دا تحصل فى تاريخ مصر.قبل العملية بفتره تنظيم القاعده قام باستهداف كنيسة فى بغداد و هدد الكنايس فى مصر بنفس الحاجة لو , بحسب كلامهم , مافرجوش عن ستات اسلموا, و روجوا و شجعوا التعصب الدينى و قبل التفجير باسبوعين نزل على سايت سلفى متطرف دعوة لتفجير الكنايس فى مصر و عناوين اكتر من كنيسه منهم كنيسة القديسين و الطرق و الاساليب اللى ممكن يتعمل بيها المتفجرات.العملية عملت صدمة فى مصر و فى العالم كله. و إحتج كتير من المسيحيين فى الشوارع ، و انضم بعض المسلمين للاحتجاجات. و بعد الاشتباك بين الشرطة والمحتجين في الإسكندرية والقاهرة و هتفوا بشعارات ضد حكم مبارك في مصر.
يوم بيوم

• المقال الرئيسى ثورة مصر سنة 2011 يوم بيوم

25 يناير يوم الغضب

المظاهرات دى إبتدت فى إماكن كتيره فى مدن زى القاهره ، اسكندريه ، السويس و الاسماعيليه فى وقت واحد و إتسمت يوم الغضب ،و كمان إتقال عليها إنها ثورة الشباب . و زاد التوتر العام و إتظاهر ناس كمان قدام السفارات المصريه فى بلاد كتير. الحكومة وقفت خدمة الإنترنت فى مصر و فرضت حظر التجول ، و قالت إن ده علشان الحفاظ على النظام ومنع حدوث انتفاضة من الجماعات الإسلامية الأصولية.
منظمين حركة شباب 6 ابريل و كلنا خالد سعيد و الجمعيه الوطنيه للتغيير و حركة كفايه و حركة 25 يناير هما اللى إختارو يوم 25 يناير علشان يتزامن مع يوم عيد البوليس فى مصر. المشاركين فى المظاهرات كانو مجموعة متنوعة مختلف الظروف الاجتماعيه والاقتصاديه و الدينيه.
المظاهرات فى القاهره إبتدت قدام دار القضاء العالى فى وسط البلد و و حاول بوليس مكافحة الشغب اللى إسمهم الأمن المركزى تفريق المظاهرات و استعملو رصاص كاوتش و عصايات و خراطيم الميه ، و الغاز المسيل للدموع ، بس عدد المتظاهرين كان أكبر من المعتاد و قدرو يطلعو من حصار البوليس ليهم و راحو على ميدان التحرير.


26 يناير

يوم 26 يناير ، إتواصلت أعمال الشغب ، أعداد المحتجين كانت الآفات ، كان فيه زياده فى استخدام العنف من جانب المتظاهرين و البوليس . السويس شافت انتفاضة جذرية ،و إتحرقت مبانى حكومية ، بما فيها مركز للبوليس . البوليس إتراجع فى نهاية المطاف من السويس ، و دخلها الجيش .
27 يناير

الاحتجاجات كانت مش كبيره يوم 27 يناير بسبب الاستعدادات للانتفاض على نطاق واسع يوم 28 يناير. و أعلنت جماعة الاخوان المسلمين المسلمين الدعم الكامل للاحتجاجات ، و رجع محمد البرادعى (زعيم معارضة بارز) من ڤيينا فى الوقت المناسب لاحتجاجات الجمعة. البرادعى قال إنه هايقبل إذا إتطلب منه إنه يتولى منصب رئيس مصر خلال الفترة الانتقالية إذا كان حسنى مبارك هايسيب مصر.
28 يناير جمعةالغضب

يوم 28 يناير انسحبت قوات البوليس و الامن المركزى من القاهرة و اسكندريه و السويس بعد ما زادت الاشتبكات بينهم و بين المتظاهرين و اعلن حسنى مبارك بصفته الحاكم العسكرى اعلان حظر تجوال فى المدن دى و نزل الجيش الشوارع.اعلنت وسايل الاعلام ان مبارك حيطلع يقول كلمة و بعدين اتلغى الخطاب و اتعلن قرار حظر التجوال فى مصر كلها. الحكومة المصرية نشرت الجيش فى القاهرة ، إسكندريه ، و السويس علشان مساعدة البوليس .. بعد وقت قصير من صلاة الجمعة ، إتظاهر عشرات الآلاف من المصريين المحتجين ، وخلال ساعات ارتفع العدد لميات الآلاف. و إنضم لهم محمد البرادعى لكن اترش بمدفع ميه و كان فه أخبار إنه إتحجز فى بيته لكنه عمل مقابله مع بى بى سى يوم 29 يناير قال فيها إن مبارك لازم يسيب الرياسه .
و قال الرئيس الامريكانى باراك اوباما إنه إتكلم مع مبارك و طلب منه "اتخاذ خطوات ملموسة تعزز حقوق الشعب المصرى".
و إتضرب ايمن نور و دخل مستشفا علشان يتعالج.
29 يناير

اعلن فتحى سرور رئيس مجلس الشعب انه هايطلع بعد فتره صغيره يقول بيان مهم و بعدين اتعلن ان حسنى مبارك هو اللى حيقول البيان و قال فيه انه حيشيل الحكومه و رفض الرئيس المصرى مطالب تقديم استقالته بعد ما أمر قوات و دبابات الجيش بالنزول للمدن في محاولة علشان تهدية انفجار احتجاجات الشوارع ضد حكمه.
إتقتل تلاته على الأقل فى اشتباكات عنيفة قدام مبنى وزارة الداخلية وسط القاهرة، بعد ما حاول ألاف المتظاهرين اقتحام المبنى.
إتواصلت الاحتجاجات و المتظاهرين هتفو "يسقط مبارك" و بعضهم هتف "شعب وجيش واحد" ، و موقف الجيش فى مجرى الأحداث الحرجة لسه مش واضح.بليل بعد ما انسحبت قوات الامن المركزى من المدن حصلت هجمات منظمة و عمليات سلب و نهب قام بيها مجموعة من البلطجيه فى كل انحاء مصر تقريبا , فيه منهم اكتشف بعد كدا انهم افراد فى البوليس المصرى و مجموعة من المساجين خرجوا من السجون, لمجموعة من المحلات و بنوك و البيوت , و مفيش وجود للبوليس, و حصل اعتداء على المتحف المصرى و اتجمع المتظاهرين و اهالى المناطق اللى بيحصل فيها عمليات السرقة اتجمعوا , و كونوا لجان دفاع شعبية لحماية البيوت و المتاحف و الممتلكات الخاصة و العامة و انضم ليهم الجيش بعد كدا, و قدروا انهم يقبضوا على مجموعات من البلطجيه و الجيش استلمهم و احتجزهم.
و قال شهود عيان إن "بلطجية الحزب الوطنى" المرتبط مع النظام المصرى هما اللى نهبو المحلات و البيوت فى القاهره. و كان فيه أخبار من إسكندريه إن العصابات اللى هاجمت المحلات و البيوت هناك كانت متشكله من رجالة البوليس فى هدوم مدنى علشان أوامرهم كانت خلق حالة من الفوضى علشان الناس تخاف و تحرس بيوتها بدل ما تطلع فى المظاهرات .
فى بنى سويف ، جنوب القاهرة ، مات 17 من المتظاهرين برصاص البوليس المصرى و هم بيحاول مهاجمة مركزين للبوليس فى المدينة.
30 يناير

إستمر تواجد المتظاهرين فى ميدان التحرير لكن بأعداد قليله ، و ده بسبب الهجمات المتنظمه و عمليات السلب و النهب اللى أجبرت الناس ترجع بيوتها علشان يحموها.
و قال البنك المركزى المصرى إن كل البنوك و البورصه المصريه ها تفضل مقفوله.
و منعت الحكومه قناة الجزيره إنها تشتغل فى مصر.
و قابل الرئيس مبارك،نايبه، اللوا عمر سليمان، والمشير حسين طنطاوى، وزير الدفاع، والفريق سامى عنان، رئيس هيئة أركان القوات المسلحة، فى مركز عمليات القوات المسلحة المصريه.

و قابل المشير حسين طنطاوى قوات الجيش عند التليفزيون و فى ميدان التحرير.
31 يناير

إستمرت المظاهرات فى ميدان التحرير و إسكندريه و السويس و المنصوره و دمنهور. و قابل الرئيس مبارك اعضاء الحكومه و ضمت التشكيلة 14 وزير جديد و15 وزير قديم قالو اليمين الدستورية قدام مبارك.و أكد الجيش إنه مش هايستعمل القوه ضد المتظاهرين.
و قال عمر سليمان، نايب الرئيس المصرى ان الرئيس حسنى مبارك كلفه يتكلم مع القوى السياسية عن عدد من القضايا و أولها الإصلاحات الدستورية والتشريعية.
1 فبراير

إستمرت المظاهرات و مظاهره إتسمت مسيرة المليون علشان هدفها كان إن يكون فيها مليون متظاهر.
أعلن مبارك إنه هايكمل ولايته لحد أكتوبر 2011 و مش هايترشح لولاية جديدة فى انتخابات رئاسة مصر فى سبتمبر فى كلمة وجهها للشعب المصرى وعد فيها بإصلاحات دستورية تتضمن تحديد فترات تولى الرياسه.
2 فبراير







خلال ليلة 01-02 فبراير ،اشتبك أنصار مبارك (البلطجية) مع المحتجين اللى ضده فى إسكندريه . و يوم 2 فبراير هجم انصار مبارك و هما راكبين إحصنه و جمال و معاهم كرابيج و رمو طوب و زلط و قنابل المولوتوف على المحتجين اللى فى ميدان التحرير. و هاجم انصار مبارك كتير من الصحفيين الأجانب.
و بعد يوم عنيف من الإشتباكات، المتظاهرين فضلو فى ميدان التحرير بس إتقتل تلاته على الأقل فى ميدان التحرير .
و قال بنيامين نتنياهو رئيس الوزرا الاسرائيلى إن عدم ترشح مبارك لرئاسة مصر يوم مأساوى فى تاريخ الشرق الأوسط كتير من المسؤليين فى دول كتير طلبو إن التغيير يحصل دلوقتى.


11 فبراير

إستمر المتظاهرين فى ميدان التحرير و إتجمع متظاهرين قدام قصر الرياسه، قصر العروبة، فى مصر الجديدة. وزير المالية المصرى سمير رضوان قال لبى بى سى إن وقوع انقلاب عسكرى ها يكون له تأثير مش كويس على الشعب و الاقتصاد.
و إتنشرت أخبار إن مبارك راح شرم الشيخ.
و قال حسام بدراوى أمين عام الحزب الحاكم فى مصر إنه هايستقيل من الحزب.

و قال نايب رئيس الجمهورية عمر سليمان إن الرئيس حسنى مبارك قرر إنه يسيب منصبه و سلم الحكم لمجلس عسكرى.


الضحايا

في الأيام الأولانيه قبل الاحتجاجات حصل ما يقلش عن ست حالات إنتحار عن طريق الحرق فى مصر ، منهم راجل إسمه عبد المنعم عبده جعفر ،صاحب مطعم عمره 49 سنه اتقبض عليه و هو بيحاول يولع فى نفسه فى وسط مدينة القاهره قدام مجلس الشعب وهو بيهتف ضد مباحث أمن الدوله . و فيه ست اشخاص معروف إنهم حاولوا الإنتحار عن طريق الحرق منهم: عبده عبد المنعم جعفر ، محمد فاروق حسن ، محمد عاشور سرور ، و السيد أحمد هاشم .
لحد يوم 3 فبراير 2011 إتعور أكتر من خمستلاف (5000)‏ فى ميدان التحرير لوحده
و لحد يوم 29 يناير ، مات ما يقلش عن 105 متظاهر (27 فى السويس ، و 33 فى إسكندريه ، و 45 فى القاهره) ، مع موت 10 من البوليس . و إتصاب 1500 متظاهر و 750 من البوليس .

عدد المقتولين لحد يوم فبراير إتقدر يكون 297 واحد و واحده


التأثير

• فى مصر أهم الحاجات اللى حصلت إن مصر إبتدت تدخل فى أزمة مالية ممكن تكون كبيره إذا استمرت الاضطرابات.. وكالة تصنيف التسليف العالمية "موديز" قررت تخفض تصنيف ديون مصر لدرجة بى إيه 2 (Ba2)، مع احتمال تخفيضها أكتر لو إتدهورت أكتر.
• اتقدرت خساير الاقتصاد المصرى بمبلغ 310 مليون دولار فى اليوم.
• فى ظرف 10 تيام الاقتصاديين نزلوا توقعات معدل نمو الاقتصاد المصرى من 5.3% ل 3.7%.
• السياحه اتضربت فى مقتل. دخل السياحه كان حوالى 13 مليار دولار فى السنه و بيشتغل فيها حوالى 2.5 مليون مصرى ، دلوقتى شركات السياحه و الطيران بقوا بيتجنبوا مصر و ده حا يسبب ازمه ضخمه.
• قناة السويس اللى بتجيب دخل لمصر لسه مفتوحه لكن شركة أب مولور-ميرسك الدنماركيه و هى اكبر شركة نقل بحرى فى العالم قفلت مكاتبها و انهت خدماتها فى مصر.
• مصانع و شركات كتيره فى مصر قفلوا.
• البنوك و البورصه فى مصر قفلوا لفتره.
• ارتفعت اسعار الاكل فى مصر و مع استمرار الازمه حايحصل نقص كبير فى الاكل.
• فى العالم سعر البترول على و بكده استفادت البلاد المنتجه للبترول زى البلاد العربيه فى الخليج و ايران و زاد دخلها ، و بنوك كتيره إتأثرت.

ولكن لم تصمت الصوره بعد و هيا قائمه و مستمره حتى الان

ارجو ان يعجبكم الموضوع :)

[Kazabianka]

Thanks ^_^

[ALEX_MOON]

الاتنان اجمل من بعض

[Police]

موضوع جميل وطويل

[ahmed20053066]

شكراا للمجهود

[كريم احمد]

توبيك جامد وموضوع جامد تسلم بس طويل شوية

[Ali_Dayem]

مجهود رائع من انسان رائع
معلومات جامدة للغاية
ويارب يوفق مصر و العرب كلهم فى انهاء الدكتاتورية و الفساد تماما
شكرا لك و دمت فى حفظ الله

[Have Fun]

Thanks For Topic

[حماده خلف]

الله يانور عليك انتا موسوعه تاريخيه بجد مجهود عظيم وشكرا ليك

[☜ ĂиTaKą ☞]

So Nice

توبيك روعــه بجد

[™~_EvilPain_~™]

شكرا
THx

[| - CreSpO - |]

شكـــراً

[D3MoN]

مينفعش نقارن الثورتان

السبب:ان الثورة الفرنسية اكتملت

انما المصرية لم تكتمل

[ღ♥:: Beckham::♥ღ]

شكرا لتعبك

[Talented]

شكرا على المجهود ...................

انا قريتوا كولوا

معلومات وفيره ومفيده