مواقف مضحكه وطريفه , مذكرات طبيب طواريء .

[Power_Team]

التعامل المباشر مع الجمهور في أغلب المهن متعب نفسيا وجسديا لدرجة ان بعض المؤسسات تعطي بدل مقابلة جمهور , أغلب من يقابل الجمهور يتعامل معه في أمور حياتيه ومصالح شخصيه , اما الطبيب فهو يتعامل مع نفس بشريه مركبه

يعتقد البعض ان الطبيب مرتاح وجالس على كرسي وعياده وبرستيج ومايدري ان الدكتور حالته حاله , عملت عامين في طواريء مستشفى للاطفال رأيت في حياتي مالم اره سابقا بل انني اصبت بقرحه نازفه نتيجة الضغوط والتعامل مع الجمهور.

سأروي بعض القصص الفكاهيه والمضحكه والغريبه فالنبدأ.

ذات يوم حضر الي رجل كبير في العمر يبدوا عليه الوقار ويظهر انه متعلم ومعه طفل عمره حوالي الخمس سنوات يقول لي هذا الولد ما ياكل سمك ليه يادكتور مايأكل سمك ,,,طيب انا كيف اعرف ليه ما ياكل سمك ممكن ما يحب السمك ممكن الولد يبي يحافظ على البيئه البحريه ممكن الولد بدون علم والده إنضم الى منظمة السلام الأخضر,, التي تهتم بالبيئه البحريه.

احدهم صدق او لا تصدق احضر ابناءه الى طوارئ اطفال المستشفى ليلا يقول لما احط يدي على بطن الولد يضحك فوضعت يدي على بطنه فأخذ الولد يضحك فقالي شفت يا دكتور ,,,,,, المهم جلست أضحك وانا في حيره من امري فقلت له طيب شيء جيد ان الولد يضحك ودليل على الفرح فقال لي طيب ليه امس ما كان يضحك ,,,,,وش الدبره معا هالرجال.

فيه واحد كنا في المستشفى ملقبينه ابو طاقيه كان شبه يومي يجي طواريء المستشفى وكل يوم يحكي عله عن ولده ويبي تحاليل بدون سبب , الولد صحته اكثر من ممتازه وكل دكاترة المستشفى كشفوا عليه , مره جاني يقول يا دكتور الولد في احمرار في خده والولد شديد البياض قلت له ماني شايف شي في خده قالي ركز قلت مركز الولد مافي اي احمرار في خده ولما اسقط في يده قالي اجيك بكره.

أحدهم احضر عياله كلهم بعد ما كشفت على المرضى منهم قالي يا دكتور هذا الولد حالته غريبه طيب اش فيه قال ما عمره استفرغ في حياته قلت له ممتاز يعني صحته جيده قال لا كيف فيه انسان ما قد استفرغ ولا حول ولا قوة الا بالله, يعني اذا استفرغ راح يجيبه المستشفى واذا ما استفرغ برضه راح يجيبه المستشفى .

اب لطفله عمرها حوالي العامين سألني ليه هالبنت لما تنام تتكشف عن لحافها بصراحه مالقيت إجابه لسؤاله الخنفشاري هذا فقلت له امكن متعوده قال كيف عمرها عامين فقط وتعودت ,,,, اللهم اجرني في مصيبتي هذه.

اب خمسيني احضر طفليه واحدهم مريض والاخر في صحه جيده ولما كتبت الدواء للمريض قال لي اكتب نفس الدواء للآخر فكيف يشوف اخوه يشرب من الدواء وهو ما يشرب,,,,, أقول في نفسي ليه ياخوي فشفاش ولا حلاوه مصاص الا سنتوب الظاهر , وبعد جهد جهيد استوعب الشايب انني لن اصرف الدواء لغير المريض.


ذات مره حضر الي رجل في العقد الخامس من العمر رث الثياب اسمر البشره ومعه طفل عمره عامان ووضعه على سرير الكشف فقلت له سلامات قال عالج عالج قلت له طيب ابي اعالج اش المشكله رجع يقولي عالج عالج حط مغذي ,طيب ياوالد وش مشكلة الطفل قال لي الحين اجيك وخرج من العياده وترك الطفل وغادر المستشفى ويا مصيبتي الي حلت عليه , كلمت التمريض يعتنون بالطفل وبعد ساعتين واشوف الشايب داخل الطواريء ومعه رجلين وامرأتين , ذهبت الى احد مرافقين الشايب اقوله تعرف هالرجل ,,,,, ناظر فيه فتره طويله فأجابني لا ما اعرفه واستدرك بقوله هو جاري وانا جاي أفزع معه وذهب صاحبنا هذا الى برادة المويه يريد ان يشرب فرفع ثوبه الى منتصف جسده وكأنه بيطب البحر فعرفت ان الجماعه امرهم مهو طيب .بعد دقائق حضر رجل باكستاني يصيح بأعلى صوته حرام مافي عالج نفر هزا ,هزا نفر مافي جيب فلوس ليموزين , الجماعه جردوا بالباكستاني , ذهبت الى إمرأه من مرافقات الشايب فسألتها عن الطفل وكانت والدة الطفل تقول هالشايب اخذ الولد وخرج من البيت ولما رجع سألته وين الولد قال في المستشفى طيب اي مستشفى قال ما اعرف ولنا الحين ساعتين ندور على المستشفيات نسأل عن الطفل ,,,,,طبعا على حساب سواق اليموزين الضعيف هههههههههه.النهاية دراماتيكيه ام الطفل امسكت بتلابيت الاب وجرته كالخروف في مرر الطواريء.طبعا الجماعه كانوا سكارى وسهرانين فقال لهم كبيرهم الذي علمهم السكر وهو الشايب بروح اودي الولد للمستشفى وان احتجت فزعه تروني بكلمكم هههههههههه.

احد المرات بعد ان انتقلت الى قسم الباطنه جائني رجل في الثلاثينات من عمره سألته سلامات قالي خشمي يتمدد بالحراره وعيني تتمدد بالحراره ,,,, مفكر نفسه أبو الشباب الرجل الحديدي ,,,بغيت أقوله معاك سنشيروا البطل المغوار احضر دميتك لكي نتقاتل في فناء المستشفى ,,,ولا معاك سلفر وأغني خمسة عشر رجلا ماتوا من أجل صندوق واخيرا بغيت اتحول فارس الفتي الشجاع واصكه بلكمه اطيره على سيارة الاسعاف,,,, ثم بدأ يقول لي سامع صوت قلت لا قال الا فيه صوت ,,, واخذ يطرق باصابه بجانب اذنه ويقول اش اش , عرفت ان الرجال مرتفع جدا ومأجر جميع الطوابق بل بايعها تمليك, السالفه ان هالرجال متعاطي مخدرات ومعروف في المستشفى وجاني وهو فل.

[! FiRe !]

ههههههههههههههه
شر البلية ما يضحك
جزاك الله خيرا

[xTHE_Draagon]

ههههههههههههههههههههههه
لا جامدين ^^

[ALEX_MOON]

ههههههههه جامدة ياض

[ҳ̸Ҳ̸ҳVincentҳ̸Ҳ̸ҳ]

ههههههههههه ..لا والله مجهودك اكثر من رائع ..سلمت يداك

[™:. Eslam .:™]

جميل اوي هههههههههه

[TheEgyptian Duke]

هههههههه

[Power_Team]

بجد بشكركم على التقدير دة والله

[7amomagzara]

هههههههههههه تسلم

[ღ♥_ akeml _♥ღ]

هههههههههه جامد