وجهة نظر في : جهاز مالوش حل و سيلك رود شغالة100%

[nasef]

دي وجهة نظري فقط :::::::::::::

اولا بصوا يا جماعة : في معظم دول العالم بيصنعوا اللوحة الأم و باقى اجزاء الكومبيوتر و بيرفقوا معاها مانوال فيه شرح طريقة تجميع الكومبيوتر من الأف الى الياء و مكتوب عليه User Guid

و طبعا لو اللوحة الأم باظت مش مرفقين معاها أي حاجة للتصليح او الصيانة

وبالتالي هنتضطر نروح لمركز أو شركة صيانة لقدر الله لو حصل حاجة



بالنسبة للانترنت :::: و لعبة سيلك روود

في الدول نفسها بنلاقي خدمات دي اس ال بردو و لكن باشكال متنوعة و الخدمات تقريبا بنفس الطريقة اللي في بلدنا هنا و نفس السرعات تقريبا مع اختلاف الأسعار

و لكككككككككككككننننننننن


تعالوا بقى نشوف رد الشعب المصري او معظمه على الحقائق دي ايه ::::::::::

اولاً :- نروح ندور على واحد ( مهندس ) زي مابنسمية أو هو بيسمي نفسه و نقوله تعالى نروح نجيب كمبيوتر جاااامد و يالله بينا ...... ثم ........ يجي الجهاز ........ و لا نعرف حتى اسم مكوناته ايه او يعني ايه اللي نعرفه بس ( سرعته 3 جيجا او زي ماناس مابتقوللي سرعته 256 ) و نقول ان ده مش شغلنا لأن ده شغل مهندسين ............. و بعدها نوصل انترنت و منعرفش يعني ايه راوتر و لا سرعة حتى و ممكن لو سألنا واحد الفرق بين المودم فاكس و النت الناتج منه و بين الدي اس ال يقول : ان التاني ارخص !
و بعد كل ده نستغرب لما نلاقي الشركة أو غيرها بتستغفلنا او حتى السرعة بطيئة

و طبعا نلاقي النتيجة او المحصلة :::: ان التكنولوجيا دي معموله كمعلومات عامة للناس العادية مش المتخصصة و دول طبعا احنا اقل منهم ( مش عارف ليه ) و بالتالي بناخد على دماغنا و مافيناش غير بوق بيشتكي وبيتكلم كتير من غير دماغ تفكر في اسباب و نفضل نقضيها اتهامات و حتى المتخصصين ممكن يتوهوا منا

طيب انا راضي زمتكم :::: عايزين ايه من واحد معاه ثانوية عامه و تيجي تقولو الباص سبيد بتاع الرامات عندك كام يقولك اتكلم عربي يا عم ويقضيها تريقة

طبعا في الأخر هيفضل ياخد وياخد وياخد و بعدين يشتكي و يشتكي و هيفضل يشتكي علشان ياخد و ياخد وهكذا تحت شعار ( الدنيا أخد و عطا )

و من الشاعر المخنوق ما قال :

كل اللي فتح سايبر و كأنه مهندس و كبير المقامات
و يفكر نفسه بيفهم في تكنولوجيا الحاسبات
هيهات لأنصاف المتعلمين ان يصلوا في العلم هيهات


و طبعا ربنا يستر عليا من الهجوم اللي هيجيلي لأننى بتكلم في الجد و الحساس و لكن للحق كلمه :o