هل سيكون هناك Legend X.

[™_ EthereaL_™]

طبعا كلنا عارفين ان جوي ماكس بتنزل اسطوره جديده في اللعبه كل كام سنه . بس اللعبه بقالها فتره بتخسر تحديدا من وقت اول دمج للسيرفرات .



فهل اللعبه عندها امكانيات ماديه انها تعمل اسطوره جديده وتجيب مصممين جرافيك واكواد يعملوا اماكن جديده واسلحه جديده و سكلات جديده ؟ هو ده السؤال .



الملفات اللى في اللعبه دلوقتي اللى هي اخر اسطوره بتاعت Arabian nights كانت جاهزه وخلصانه مما لا يقل عن 4 او 5 سنين يعني ايام ما كانت اللعبه بتكسب .



دلوقتي اخر ملفات معروفه للعبه هي ملفات D15 اللى موجوده في السيرفرات الخاصه و اللى هتنزل في اللعبه في اواخر بغداد ..



وطبعا معروف ان جوي ماكس بتجرب ملفاتها والبجات اللى فيها عن طريق انها تسرب الملفات الجديده للسيرفرات الخاصه .



فوجهة نظري الخاصه ان لو مفيش ملفات جديده ظهرت في السيرفرات الخاصه خلال سنه او سنتين من دلوقتي ممكن نعتبر ده اغلاق غير رسمي للعبه سيلك رود اونلاين .

عشان ده هيكون دليل ان الشركه معملتش ملفات جديده ومعهاش فلوس فالسيرفرات هتندمج مره كمان او مرتين وفي الاخر اللعبه هتقفل وده هيكون خلال 3 الى 5 سنين .


الملخص

لو نزلت ملفات جديده في السيرفرات الخاصه اعرف ان لعبه سيلك رود مكمله فتره كويسه لو مظهرتش ملفات جديده اعرف ان اللعبه قدامها 5 سنين بالكتير وتقفل ..


وشكراً.

[youssef13]

مُثبت

[BallackBallack]

البج والمشاكل الى فيها دلوقتى تقدر تقول انهم بيشطبو وهيقفولها

[mahmod_tmam22]

والله احنا احترنا معاهم ما عارفين ليهم شيئ خالص ان كانو هيظبطوها ولا لا كل يوم ثلاثاء نقول هتتظبط ومتتظبطش اخرهم الثلاثاء دة قولنا هتتظبط ولما لقينا مدو وقت الصيانه قولنا بردو المرة دى جد وهيظبطوها عشان خدو وقت طويل ومفيش فايدة رجعت بردو نفس الوضع والله انا شايف ان ده تطفيش للناس بس بطريقتهم من غير ما يقولو انهم هيقفلوها بيخلو الناس تسبها دماغ بنت حرام الله ينعلهم

[™Mahmoud Gamal™]

عندك حق في كل كلامك شكرا ع الموضوع

[GeZzZ]

هاتوحشنا سرو والله
بعد مرجعت العبه كرهتها بصراحه بسبب الي بيحصل دا وزعلان جدا اني ممكن اسبها في يوم بس شكل دا حصل

[dello90]

عايز ألفت نظرك ان شركة جوي ماكس بتكسب من ألعاب الموبايل ولعبة الدجيمون أكتر من سيلك رود نفسها ودا يرجع لتطور الأنظمة المستخدمه وان المستهلك بقا عايز الحاجه السهله والسريعه والممتعه في نفس الوقت وبتعمل كدا عشان تنافس باقي الالعاب الفي الهاتف المحمول اللي معظمها بقت مرغوبه اكتر من العاب ال pc لانها سهله وفي متناول اليد في أي مكان وزمان ولان لعبة سيلك رود تعتبر ف يوم كانت أسطورة الالعاب دا يخلي الشركه ماتفكرش انها تقفلها إلا اذا لقت إقبال ضعيـــــــــف جدا عليها
وتقبل مروري

[BLACK X™]

كلام جميل .. بس دول عملو لعبه كامله .. لو عيزين يعملو اسطوره جديده هتخد منهم ايام مش اكتر .. لو عيزين يرجعو ويخدو الصداره هيخدوها لكن كل يوم انا شايف انهم بخربو حاجه مش بيصلحو حاجه .. لكن انا عيزكم تبصو علي اي جيم اون لاين كده .. كل يوم بيكسب لاعبيين مش العكس .. شوف سيلك رود كل يوم بتخسر لاعبيين .. ده دليل علي عدام التقدام .. بس مش اكتر ودي وجهت نظري بردو .. تقبل مروري

[BLACK X™]

المشاركة الأصلية كتبت بواسطة dello90 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عايز ألفت نظرك ان شركة جوي ماكس بتكسب من ألعاب الموبايل ولعبة الدجيمون أكتر من سيلك رود نفسها ودا يرجع لتطور الأنظمة المستخدمه وان المستهلك بقا عايز الحاجه السهله والسريعه والممتعه في نفس الوقت وبتعمل كدا عشان تنافس باقي الالعاب الفي الهاتف المحمول اللي معظمها بقت مرغوبه اكتر من العاب ال pc لانها سهله وفي متناول اليد في أي مكان وزمان ولان لعبة سيلك رود تعتبر ف يوم كانت أسطورة الالعاب دا يخلي الشركه ماتفكرش انها تقفلها إلا اذا لقت إقبال ضعيـــــــــف جدا عليها
وتقبل مروري

كلامك صح والله

[mohameddiabbian]

موضوع جميل جدا ... بس من وجهة نظري مش صعب ان يكون فيه ليجند جديدة لان زي ما حضرتك شايف فيه برايفيت سيرفر فيها ديجري 15 بالفول ايتيمز بتاعت ديجري 15 يعني الحكاية كلها ممكن تكون فإضافة موبس جديدة و بعض الاماكن الجديدة وزيادة المهارات حسب اللفل الي هيفتحوا ان شاء الله فمعتقدش ان دي مشكلة بالنسبة لجوي ماكس . بس الي مخوفني ان كلنا عارفين ان Ksro سيلكرود التابعة لجوي ماكس الي بتجرب عليها اي فايلات و ديجري جديد بتنزله عليها الاول و بعد كدا بتنزله علی Isro فالمشكلة بقا من بعد ما Ksro نزل عليها ديجري 14 و بالمقابل تم نسخه الی Isro من بعدها تم قفل Ksro نهائيا ولحد الان اوفلاين ومعنی Ksro هي اختصار لسيلكرود الكوري و طبعا isro دي كورية و الدليل العلم الكوري الي فالجيم وانتا بتختار السيرفر بتاعك ... فربنا يستر و ميكنش زي ما انا حاسس ﻷن فعلا نسبة ان مفيش ليجند جديدة قد تكون 90% ... اسف عالتطويل وارجو ان تتقبل مروري

[Jayden]

وطبعا معروف ان جوي ماكس بتجرب ملفاتها والبجات اللى فيها عن طريق انها تسرب الملفات الجديده للسيرفرات الخاصه .

مين اللى قال الكلام ده ؟! ^^

[Kenkoz]

الغاء تثبيت