شركات الجولد والسيلك ما لها وما عليها

[Jasmen Mohmed]

كلامي النهاردة عن شركة انس وعلي مبدئيا الشركة دي من احسن شركات الجولد في السرعة والخدمة كمان
بس فيه حاجة حصلت معاي ومع اكتر من حد علي السيرفر عندنا وجايز تكون حصلت في سيرفرات تانية
واحد يكلمك علي انه خليجي وعايز يشتري منك جولد وطبعا بسعر عالي يعني مثلا المليار ب 25 جنيه ويكلمك في الموبايل علي انه مدمن سرو وبيصرف بغباء عليها طبعا انت مش تعرفه ومش تضمنه هو هيقولك انا اضمنك وانت باين عليك انسان محترم والاسطوانات دي بعدها يقولك طيب ممكن نجيب شركة سروبيديا وسيط بينا وبتاخد نسبة بسيطة انا هدفع النص وانت ادفع النص مثلا انا عايز 100 مليار ب 2500 جنيه هما هياخدوا عمولة 100 جنيه انا هدفع 50جنيه وانت 50 جنيه انت اكيد هتقول فرصة ودي شركة مضمونة هنا بقي اللعبة ركزوا معاي
غالبا هيكلمك بعد 12 بالليل طبعا الشركة قافلة هيقولك حجج كتير منها اني بتعامل معاهم بكميات فممكن اجيبهم في اي وقت
ومنها هما بيظبطوا الديكورات وسهرانين وهكذا
وهيقولك لو معاك سكايب او ياهوو ابعت لهم ادد
وهنا نقطة تانية
هتلاقي فاك نيم معمول علي اسم الشركة
نفس الشعار نفس الردود ارقام موبايل شبيهة اوي انا كان الموضوع تافه بالنسبة ليا لاني اصلا ميدل الحاجات بتحصل حصلت معاي 1000 مرة
Am4gold ده مثلا الايميل بتاع الشركة لو بصيت علي ايميله هو هتلاقيه Am49old ~ Am4qold
ال G تتقلب Q او 9 وعنده ناس ترد عليك علي اساس انها الشركة
هو معرفش يعمل حاجة معاي الحمدلله بس نصب علي ناس كتير في ايتمز واكونتات وجولد بكميات ماهولة
بصراحة انا عجبتني الدماغ والتفكير وده حد بروفيشنال اوي مش مجرد هاوي
بعدها كلمت الشركة وقولت لهم علي القصة وبعت لهم اسكرين شووت من كل حاجة
اتمني الكل يحرص اوي اوي
معلش علي الاطالة بس حبيت اشرح بالتفسير الممل

[bozo]

واتمنى الكل يحرص من اللولاد اللى بيعملوا نفسهم بنات فى اللعبة ويقعدوا كل شوية يشتحوا من الناس سواء فى السيرفرات الخاصة او العالمية

[mahmod_tmam22]

تسلم لتنبيه الاعضاء

[loveegy96]

متشطرين جدا جدا يا رجاله

[peter.victor]

شكراا جداا انك نبهتنا

[Jasmen Mohmed]

انا بتشتم 24/7 من الاسكامر لدرجة ان اسمي معمول عليه 28 فاك نيم بس الحمدلله قليل اوي ان حد عرف يستغل ده عشان بعمل كام نقطة لو اتعامل بيهم اي ميدل في الجيم هيقللوا اوي من موضوع الاسكام
1 : متعملش اي ديل مع اكونت نووب او لفل 1
2 : اعمل اي ديل في اسكندرية لان غالبا هو بيكون عامل اكونت لفل 1 فهو مش لسه هيشغل باله ويدخل جيلد ويسافر اسكندرية
3 : متعملش الديل لو فيه تبادل اكستشينج في اي مكان زحمة خليك في مكان فاضي وركز علي الاسم والافاتار والجيلد قبل ما تقبل

[GeZzZ]

حصلت مع صحبي خدو منه استف +12 وفل ست +7 ليحند بس مش زي مانتو معتقدين بيغيروا حرف لان شفتها بنفسي فيرو الحرف في الشات بعد محصلت النصبايه لكن ممكن تجيب اسم الاكونت الرئيسي الي بتضيفه في الفريند هتلاقيه اميل الشركه بالضبط ولعلمك صحبي شحن منها كتير البي اتش واصلا كان متضافين عاندو مش محتاج يضيف فاك نام علي فكره هيه الشركه الي بتعمل كدا دا راي عن اقتناع وشفت بعيني وسعتها عملت ريبوت لمشرفين الموقع هنا بس ما باليد حيله همه مش صحاب الموقع واصلا المنتدا قايل غير مساول عن اي تعاملات
بالعقل بيجيبو منين كميات الجولض الي بيبعوها دي ؟

[Jasmen Mohmed]

بص انا عموما متعودتش اتهم حد او اقول شيء بدون دليل انا اتكلمت في حدود اللي حصل معاي انهم هما او غيرهم دي في علم ربنا

[_MoLoToVe_]

ولله شكرا على المعلومة الجميلة دى

انا عن نفسى محصلتشى معايا قبل كدا

ربنا يقدرك

[Jasmen Mohmed]

ربنا يهديهم لانها حتي لو لعبة دي فلوس ناس ومسروقة ربنا بيسامح في اللي بينه وبين العباد انما مش بيسامح في حقوق العباد بينهم مع بعض