الـجـروب الـرسـمـي لـلـمـنـتـدى Silkroad4arab Facebook | Official Group

**iMido** · 06-03-2014, 02:45 AM

بسم الله الرحمن الرحيم

اخيرا فتحتو قسم برمجه
انا من السنه الى فاتت طلبت قسم برمجه و اترفض طلبى دايما لاسباب متعدده لا داعى لذكرها بس خلاص خلينا ايجابين و نبدأ نشتغل

قبل م نبدأ فى الموضوع لازم يبقى عندك اى فكره عن لغات البرمجه

البرمجه فى الاول كانت بالاسلاك و الاتصال الكهربى فقط و كانت معقده بغبااء بعد كده تتطورت شويه و بقو بيعبرو عن اتصال الكهرباء ب 1 و انقطاعها ب 0 بس برضو فضلت معقده و المشكله ماتحلتش
ف فكرو فى فكره لذيذه شويه .. يجمعو شويه رموز 01010110011 الى بتعبر عن امر ما و يحطوها فى جمله الانسان بيعرف بقراها و من هنا نشات لغه البرمجه Assembly
لغه صعبه جدا و قويه جدا مش بتحتاج compiler ( اداه بتحول الكود العادى الى مكتوب بلغه البرمجه الى انتا بتستخدمها للغه ال 0 و ال 1 الى الجهاز مبيفهمش غيرها )
بس كانت تحتاج حاجه اسمها اسمبلر و لينكر
مش هنتعمق فيها علشان ده مش موضوعنا بس دى كانت فكره سريعه عن البرمجه ككل

انا هشرح الفروق بين اللغات الى بعرف اكتب برامج بيها
c++ , c#.net , vb.net

نبدا موضوعنا

ليه بتتعلم البرمجه ؟
علشان تعمل برامج ؟
هتعمل برامج ايه ؟؟ ( جاوب ع السؤال )

ادامك تعمل من اول اله حاسبه لحد نظام تشغيل كامل زى ويندوز

بس مش اى لغه برمجه تعمل اى حاجه يعنى مش تروح تتعلم سى بلس بلس علشان تعملى اله حاسبه و برامج بدائيه كده انت بتصعبها على نفسك

معظمكو عايز يعمل بوت و الى عايز يعمل لودر و الحجات بتاعت سيلكرود دى صح ؟
باختصار و مش لازم اقولك السبب دلوقتى اتعلم c#.net

vb.net

لغه ضعيفه نسبيا ( مش بكرهكو فييها ) سهله جد مناسبه للهواه بيتعمل تحت اطار عمل .net ramerwork بس مفيهاش مؤشرات او pointers ( يعنى ملهاش دايركت اكسيس للذاكره )

انا بنصح بيها بشده ك لغه تبدا بيها اتعلم فيها syntax و بينيه لغات البرمجه و الحجات دى بعد كده تقدر تتعلم لغه تانيه

c#.net

الكلام عن c#.net مش c# بس ( بيختلفو عن بعض جدا )

لغه جميله و مش سهله و مش صعبه و فيها مؤشرات و شبه java جدا بس بلاش تبدا بيها

ابدا بحاجه سهله بعد كده خش عليها D:

c++

الكلام عن c++ مش c++.net بيختلفو عن بعض برضو

لغه برمجه قويه جدا جدا معمول بيه معظم برامج ويندوز ( ويندوز نفسو معمول بيها D: )
معظم دولها مشتقه من اللغه الام c و قريبه فى بنيتها من c# و c و java

مبنصحش بيها لاى حد مش هيكمل حياته فى البرمجه او البرمجه مش هتكون جزء من حياته او وظيفته

الفرق بين c++ و c++.net

c++.net مش لغه برمجه ,, مفيش لغه اسمها c++.net هيا فى الاصل c++ ستاندرد بس بتعمل تحت اطار عمل .net framework الى بيضيفلها شويه سهوله فى عمل برامج بواجه عمل رسوميه GUI علشان c++ مبتعملش كده ( لازم تستخدم معاها MFC او wib 32 api )
و اسمها الحقيقي c++\cli و دى مصدره من مايكروسوفت

كتبت كلام كتير شايف انو ملوش لازمه علشان انا مش عارف اعبر لانى مش مهندس انا طالب زيي زيكو بس بتعلم برمجه منذ نعومه اظافرى ( 1 اعدادى :D ) بس انا فاهم و المصحف D: يعنى الى مفهمش حاجه او لسه معرفش يختار لغه يتعلمها يقول عايز يعمل برامج ايه و انا اديلو الخيارات المتاحه

قبل م اقفل الموضوع عايز اقول كلمتين

كان نفسى تفتحو القسم بدرى شويه لان انا دلوقتى فى 3 ثانوى و مش هعرف اعمل ولا دورات و لا اى حاجه بسبب الدراسه

بس هبقى افتح من فتره للتانيه علشان اقدم دعم فى اللغه الى ملهاش خبراء كثير فى المنتدى c++ باقى اللغات الرجاله الله ينور قايمين بالواجب D:

يا رب تكونو استفدتو اى حاجه من الرغى الى فوق ده

شكرا ,,

**alkingammar** · 06-03-2014, 03:18 AM

متشكر جدا على الافادة احنا كدا واحدة واحدة نبدء نتعلم :D

**Midget1337** · 06-03-2014, 02:36 PM

شكرا ليك عالموضوع دا و أنا فعلا عجبتني الـ ++C و بحاول أتعلمها بس معقدة حبتين:)

الـ C# .NET سهلة و لذيذة بس امكانياتها مش زي الـ ++C .

**iMido** · 06-03-2014, 08:09 PM

اقتباس:

المشاركة الأصلية كتبت بواسطة alkingammar عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

متشكر جدا على الافادة احنا كدا واحدة واحدة نبدء نتعلم :D

قشطه و اى حاجه احنا فى الخدمه D:

اقتباس:

المشاركة الأصلية كتبت بواسطة Midget1337 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا ليك عالموضوع دا و أنا فعلا عجبتني الـ ++C و بحاول أتعلمها بس معقدة حبتين:)

الـ C# .NET سهلة و لذيذة بس امكانياتها مش زي الـ ++C .

c++ معقده علشان low level language يعنى هتكتب كلام انتا مش فاهمه بس قريب من لغه الجهاز بعكس c#.net

و لو انتا جامد فى ال c#.net كمل عليها و فوكك من c++
علشان توصل لنفس المستوى الى انتا عليه فى c# فى ال c++ هتحتاج وقت و مجهود كبير جدا انتا فى غنى عنه لان c#.net مش ضعيفه

ان شاء الله هبقى اعمل موضوع فيه كل الفروق بين اللغتين دول بالذات و هوضح فيه ايه هوا اطار عمل .netframework بس اخلص من شويه المذاكره الى عليا D:

**mohsen857** · 06-03-2014, 09:36 PM

اهم حاجه يا معلم دلوئتي انك تركز في المذاكرة بتاعتك علشان تعدي وثانيا شكرا على الموضوع دا بس انت كدا كرهتني في السي شارب اللي بدرسها في الجامعه يا عم ليه كدا :D بس انا بعد ما عرفت في السي شارب بقيت افهم شوية في اللغات التانية فالاحسن اني افضل مركز فيها وبعد كدا ابقى اشوف حاجه تانية لو احتجتها

**Midget1337** · 07-03-2014, 12:31 AM

اقتباس:

المشاركة الأصلية كتبت بواسطة mrnuker00 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

c++ معقده علشان low level language يعنى هتكتب كلام انتا مش فاهمه بس قريب من لغه الجهاز بعكس c#.net

و لو انتا جامد فى ال c#.net كمل عليها و فوكك من c++
علشان توصل لنفس المستوى الى انتا عليه فى c# فى ال c++ هتحتاج وقت و مجهود كبير جدا انتا فى غنى عنه لان c#.net مش ضعيفه

ان شاء الله هبقى اعمل موضوع فيه كل الفروق بين اللغتين دول بالذات و هوضح فيه ايه هوا اطار عمل .netframework بس اخلص من شويه المذاكره الى عليا D:

ماهوا السبب اللي مخليني مركز معاها انها قريبة من الـ machine code .. أنا عاوز أتعمق في مجال الـ malware و الـ viruses و عاوز حاجة قريبة من الويندوز مش بتحتاج runtime عشان تشتغل زي الـ C# .NET .

غير انها أحسن لو عاوز تكتب فيها inline assembly و DLL files الخ..

دا اللي أنا فاهمه لحد دلوقتي

**iMido** · 07-03-2014, 04:17 AM

اقتباس:

المشاركة الأصلية كتبت بواسطة mohsen857 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اهم حاجه يا معلم دلوئتي انك تركز في المذاكرة بتاعتك علشان تعدي وثانيا شكرا على الموضوع دا بس انت كدا كرهتني في السي شارب اللي بدرسها في الجامعه يا عم ليه كدا :D بس انا بعد ما عرفت في السي شارب بقيت افهم شوية في اللغات التانية فالاحسن اني افضل مركز فيها وبعد كدا ابقى اشوف حاجه تانية لو احتجتها

انت جبت من الاخر
ركز فيها و بعدين شوف غيرها لو تحب ,, بس سى شارب قويه و كويسه على فكره ممكن تستمر بيها

اقتباس:

المشاركة الأصلية كتبت بواسطة Midget1337 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

ماهوا السبب اللي مخليني مركز معاها انها قريبة من الـ machine code .. أنا عاوز أتعمق في مجال الـ malware و الـ viruses و عاوز حاجة قريبة من الويندوز مش بتحتاج runtime عشان تشتغل زي الـ C# .NET .

غير انها أحسن لو عاوز تكتب فيها inline assembly و DLL files الخ..

دا اللي أنا فاهمه لحد دلوقتي

اتكل على الله و اتعلم assembly :D
كل لغات البرمجه بتعمل فيروسات و بعدين مبرمجين الفيروسات بيروحو النار D:

c++ native و بتدعم ال oop و low level language و حاجه فاجره من الاخر

اتكل على الله و اتعلمها بس نصيحه اول م تبدا تتعلم سى بلس بلس امسح ال ide بتاع c# و اى حاجه تخصها من على جهازك
علشان طول م انت بتتعلم هيجى فى دماغك الحجات الى انت بتعملها فى سى شارب و مش عارف تعملها فى سى بلس و هيجى فى دماغك انك تنفض ل سى بلس كتير و احتمال كبير تنفضلها فى الاخر ف امسح سى شارب علشان ميبقاش قدامك غير ال بلس بلس D:

**Midget1337** · 07-03-2014, 08:34 AM

اقتباس:

المشاركة الأصلية كتبت بواسطة mrnuker00 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اتكل على الله و اتعلم assembly :D
كل لغات البرمجه بتعمل فيروسات و بعدين مبرمجين الفيروسات بيروحو النار D:

c++ native و بتدعم ال oop و low level language و حاجه فاجره من الاخر

اتكل على الله و اتعلمها بس نصيحه اول م تبدا تتعلم سى بلس بلس امسح ال ide بتاع c# و اى حاجه تخصها من على جهازك
علشان طول م انت بتتعلم هيجى فى دماغك الحجات الى انت بتعملها فى سى شارب و مش عارف تعملها فى سى بلس و هيجى فى دماغك انك تنفض ل سى بلس كتير و احتمال كبير تنفضلها فى الاخر ف امسح سى شارب علشان ميبقاش قدامك غير ال بلس بلس D:

هههههههه عندك حق في النقطة دي.. أنا عندي على جهازي c++,c#, java(eclipse), masm32, python

و الصراحة متزاول..أنا بحتاج #C عشان فيه سورسات لبرامج مهمة للسيرفرات الخاصة و بعدل عليها.. بس اشطة بما ان القسم دا فتح هحاول أشوف كورسات و اقراها وأنزل بيها مواضيع عشان أتشجع و كده..

ايه رأيك في CodeBlocks ؟ كويس و لا خليني في Visual Studio ؟

**iMido** · 12-03-2014, 11:55 PM

مجربتش code blocks
بس لو عايز IDE جبار ل c++ يبقى لازم تجرب ++dev c
فوكك من شكلو و ستايلو و الديزاين و الكلام ده علشان منظرو عار D:
بس قوى و مفيهوش غلطات فى الكومبايل تقريبا

**xXbandoXx201** · 15-03-2014, 10:42 PM

نست انتا الغه الصاعده Auto It سهل جدا جدا

:gun_ban dana:

**iMido** · 17-03-2014, 05:33 AM

اقتباس:

المشاركة الأصلية كتبت بواسطة xXbandoXx201 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نست انتا الغه الصاعده Auto It سهل جدا جدا

:gun_ban dana:

اوتو ايت مش لغه برمجه بالمعنى الحرفى اصلا D:

**!_Ahmed Elabbasy_!** · 02-09-2014, 08:03 PM

الكفافى مولاعها

المواضيع المتشابهه
الموضوع	كاتب الموضوع	المنتدى	الردود	آخر مشاركة
طلب من خبراء البرمجه	elggaaggoo	قسم المواضيع المكررة و المخالفة	1	27-02-2014 04:05 PM
دوره فى لغه البرمجه ++c للمبتدئين	iMido	بـعـيـدآ عـن سـيـلـك رود	10	23-03-2011 01:07 AM

	ط§ظ„ط¨ظ‚ط§ط، ظ…ط³ط¬ظ„ ط¯ط§ط¦ظ…ط¢

يتصفح الموضوع حالياً : 1 (0 عضو و 1 زائر)