وَمَن يَتَّقِ اللَّهَ يَجْعَل لَّهُ مَخْرَجًا * وَيَرْزُقْهُ مِنْ حَيْثُ لا يَحْتَسِب

[omar007]

شاورت للتاكسى و ركبت
ببص للسواق اتفاجئت من كبر سنه و من وشة الى مافيهوش مكان سليم من كتر التجاعيد الى مغطية على شكله و متبت فى الطارة و ايديه فيها رعشه خفيفة
مش عارف لية اول لما ركبت جنبه حسيت ان هما دول الناس الى بتقول الدنيا لسة بخير
انا : حضرتك بتسوق بقالك كتير ؟


السائق : انا بسوق التاكسى من سنة 1948


(يعنى بيسوق من قبل ما جدى يتجوز اصلا )


انا : و ياترى اية خلاصة خبرتك فى السواقة الى ممكن تقولها لواحد زيى عشان اتعلم منها


السائق : نملة سودة على صخرة سودة فى ليلة حالكة الظلمة يرزقها الله


انا : قصدك اية ؟!!


السائق : هحكيلك حكاية حلصت معايا الشهر ده علشان تفهم قصدى

انا : ياريت

السائق : انا فضلت عيان 10 ايام و مبشتغلش و مكونتش قادر اتحرك من السرير و انا طبعا على باب الله و اليوم بيومه ..و بعد اسبوع ماكنش فيه فى البيت ولا مليم .. انا عارف و مراتى مخبيه عليا .. اقولها هنعمل اية يا سيتى تقولى الخير كتير يا حاج .. و هى عمالة تشحت اكل من الجيران و انا طبعا ولادى الى فيهم مكفيهم و كل واحد فى وادى و عنده مشاكله .. بعد 10 ايام قولت للحاجة هنزل الشغل حلفت مانا نازل الشغل عشان حموت منها .. فكدبت عليها و قولتها هروح القهوة ساعة و ارجع عشان اتخنقت و عاوز اشم هوا

و دورت العربية و قلت ياربنا يا رزاق

فضلت ماشى لحد ملاقيت عربية عطلانة و السواق بتاعها بيقولى معايا واحد عربى طالع المطار تاخده عشان عربيتى عطلت ؟ واخد بالك من حكمة ربنا ؟ معاه حالتها بريمو و عطلت , قلت له اوصله

ركب معايا الزبون طلع من عمان سألنى هتاخد كام قولتله الى تجيبه و أكد عليا قولتله الى تجيبه هاخده

عرفت انه رايح قرية البضايع عشان هيخلص حاجة هناك .. فقولتله انا حفيدى بيشتغل هناك و ممكن يساعدك .. و بالفعل لاقيت حفيدى هناك فى الوردية .. طبعا كان ممكن ملاقهوش .. خلصنا الحاجة الى عاوزها و رجعنا الدقى

سألنى عاوز كام يا حاجة ؟ قولته احنا اتفقنا الى تجيبه فراح مدينى 50 جنية خدهم و همشى .. قالى راضى قولته اه راضى الحمد لله

قالى بص يا حاج الجمرك كان المفروض 1400 جنية و حفيدك خلانى ادفع 600 جنية يعنى فيه فرق 800 جنية دول طالعين من ذمتى ليك يعنى حلالك و دول 200 جنية اجرة المشوار يبقى الف جنيه و ال 50 جنية الى معاك هدية منى ليك

شفت يا استاذ يعنى مشوار واحد جابلى الف جنيه ممكن اشتغل شهر و ماجبهومش .. شوفت ربنا نزلنى من بيتى وعطل التاكسى



و اوجد لى كل المسببات علشان يرزقنى الرزق ده .. اصل كل ده بتاع ربنا .. دى الحاجة الوحيدة الى اتعلمتها فى حياتى






و نزلت من التاكسى بعد موصلت و كان نفسى اقعد اسمع منه اكتر بس انا كمان كان عندى موعد مع الجرى المستمر وراء الرزق

[Senior007]

الله بـجـد ..

رزقـه

[! FiRe !]

موضوع يستاهل !

[MịηaTσ]

ياااااه سبحان الله

جميلة جدااااا

يرزق من يشاء بغير حساب

[m_mm622]

جامد اوى الموضوع دا يا عمر

" ويرزقكم من حيث لا تعلمون "

[SmartMad]

سبحان مقسم الارزاق

[GoldMonkey]

يرزق من يشاء بغير حساب

[!_ToGoO_MorY_!]

ويرزقه من حيث لا يحتسب

الله على القصه

تسلم يا عمر على الأفاده الجميله دى

[☜ ĂиTaKą ☞]

سبحان مقسم الارزاق

[™SilverEye™]

سبحــان مغير الاحوال .. :/

[°•.♥ The Uploader ♥.•°]

فعلا يرزقكم من حيث لا تعلمون

[Just_Warrior]

لا إله إلا الله محمد رسول الله

[™_King_Redsea_™]

سبحان الله

[ScAry_MAN]

و يرزقكم من حيث لا تعلمون

[V.I.P9]

سبحان الله