الدنيا زي ورق الكوتشينة !!

[Halim]

الدنيا دى زى الكوتشينه انا بلعب وانت بتلعب وكلنا بنلعب .. علشان لازم
الكل يلعب .. بس فى الى بيلعب صح وفى الى بيغش وفى الى بيكدب وفى الى بيخدع وفيها كل حاجه وتعالو بينا نقرا الموضوع ونفهم ...والى بيخسر بيطلع ( ان شاء الله تعجبكم)






ده بقى الشديد ... مهنته فى حياته (الجوكر) وهوة فعلا جوكر شاب روش ستايل فعلا كفاءه فى كل حاجه الشايب يعملو حساب والولد بيفتحلو بابه والسبعه يثبتهم بطريقته والبت تموت فى دباديبو والاتنين يجمعهم بحركاته والاربعه بنفيهم فى مهاراته .... اصلو من الأخر جوكر يا ناس .....:






وده (الولد) عايش حياته بالطول والعرض فاكر نفسه روش ومحدش قده.. حد يقولو ان الحياه على القد ساب صحابه ومقضيها بالطول والعرض نازل واكل طالع واكل ماهو هوة ده الولد اللى بيقش






ودى بقه (البنت) بس يا ترى مكسوره ولا حزينه ملامحها حلوة مرسومه بس يا ترى ايه الى فى ضهر الورقه اقلب وهتشوف الحقيقه ماهى دى حياتنا تشوف الشكل والرك على الأصل ..




وده (الشايب) راجل كبير كبر فى سنه بس لسه اصيل دماغه كبيره وحياته اصيله عايز يمشى رأيه بس يا خساره مفيش حد سمعه .. كلو بيقول ده (كبر وخرف)......







وده كارت (العشره) اكبر عدد شباب فارد نفسه عصابه اجراميه من نوع خطير الله يسامحو ويكرم اصلو (التلفزيون ) علم الناس الأجرام ودى النتيجه وف ورق الكوتشينه انحصرو وبقو 10 واخدينها غصب مبدأهم الكتره تغلب الشجاعه معندهمش صبر بس دور على الأصل هتلاقى شباب طيب والزمن لعب معاهم ماهو الزمن كده بيغير .... لو شاب كويس بيتغير كان شاب وحش برضو بيتغير ماهو ده القانون الزمنى واحنا عارفينه






وده كارت ال(9)الأصل كان عشرة بس نقصو واحد ... الزمن لسه بيلعب ... عاشو فى احزان كانو شايفين حياتهم بالأوان .... قررو يتغيرو الى اتعدل والى اشتغل والى سافر والى فضل زى ما هوة لسه فاكر حياته حلوة والشيطان لسه راكبو .... للأسف طلع كارت خسران






وده (التمانيه) : جروب جميل الأصل متفرقين بس على النت متجمعين ... واحد بيبحب التانيه والتانيه بتحب التالت والتالت اخو الأول والرابع مقضيها والخامسه صاحبتها السادسه والسادسه حذينه ومكسوره عايشا فى حياتها ومجروحه عايشه فى الماضى ومقهورة والسابعه يعينى عليها حادسه صغيره جات فى رجليها بس عايشه سعيده وفرحانه ماهو ربنا هوة الشافى والتامنه مغرورة شايفه الناس عن طريق الصوره حلوة وشقيه ..... بس فى الأصل مغرورة








ودول بقه ولاد الشايب ( 7 ) وكل واحد فى وادى .. لا هما فاهمينو ولا هوة فهمهم بس فى الأول وفى الأخر كلهم فى ورقه واحده ودى حلاوتهم ......








ودول( 6 )جعانين اطفال مساكين عاشو فى ورقه واحده .. بس الأصل ركن وواحد المسكن فى الشارع والملبس عريانين .. اكلهم من اى حته شربهم ميه النيل احلامهم مش موجوده احذانهم دايما موجوده







دول (5 )أصحاب برضو بس الكارت بيوضح انى هما اربعه وواحد. منقدرش نقول عليهم 5 علشان اربعه مع بعض وواحد لوحدو موجود معاهم عايش معاهم ياكل معاهم يشرب معاهم ... نفسو يموت معاهم بس للأسف ... برضو كارت خسران مش بيعرف يكسب ... خسر الكارت بسبب خيانه... الواحد خان الأربعه والأربعه أتفقو على الواحد بس يا ترى مين السبب الأربعه ولا الواحد







ودول (كارت اربعه) صحاب الصداقه بتجمعهم والدماغ بتفرقهم كل واحد فى وادى الى بيفكر فى البت ... والى بيفكر فى يبقى زى الواد ويقش ... والى الشايب كان ابوة ... والى حاقد على صحابو....







ودى (التلاته) فى الكارت مثلث برموده مرسوم بطريقه هندسيه ولا حد يقدر يرافقهم ولا حد يقدر يفرقهم علشان ربنا هوة الحارسهم ... المهنه شباب جامده والنشاط رياضه مهمه .. واحد بيحب التانى والتانى بيحب التالت والأول بيحب التانىوالتالت وفى الأول والأخر ايمانهم هوة الى جامعهم .






وادى كارت (اتنين) انتيم اتفقو على الحلوة والمره اتعاهدو
جات البت فرقت بينهم لعبت فى دماغ الجامد منهم ... قالتلو خليك روش خليك شديد وكبر دماغك ده انا اولا من صاحبك الواد فرح البت حلوة ومشى فى سكتو ... بس يا خساره مشى فى طريق كلو ندم وجرح كبير ... والتانى عاش على جراحه وشرب كاس عملهولو صاحبه وداقه والبت فرحانه بس فى الأخر خسرانه .....








وادى كارت (واحد) واسمه وحيد سمى نفسه ساعت العيد عيد لوحده وملقاش الى جنبو فا قرر يبقى اسمه وحيد شاب مكافح اصله مالوش فى التهيس البت جاتله قالها لا انا ولد ولا بعرف اقش ولا انا جوكر بثبت واعمل حركات ولا ليه فى البهلوانات انا راضى ربى وساكت وحلمى اعيش مبسوط .....


يا ترى ممكن تكون هي دى دنيتنا بجد فيها الولد الى بيقش والجوكر الى الكل بيحترمه ... والبنت الى ممكن تكون شكلها غير حقيقتها .. والعصابه المكونه من 10 والشايب الى محدش سامعه علشان كبر وخرف والوحيد والتلاته وغيرو... وغيرو ... وغيرو

ولو ده صح انت مين فيهم ونفسك مين ونفسك تكون مش مين ونفسك لو تلعب تلعب صح ولا همك تكسب وخلاص ....:disgust1:.....[/size

[Fighter Cool]

جامد اوي

تسلم

[MadOmar]

موضوع جامد استمر

[Sky_AnGel]

تسلم ايديك

[omaiad]

موضوع جميل

[CError]

تسلم استمر

[Halim]

شكرا لردكم الطيب