.•°« ◙ نــــقـــــاش لــــمـــــن يــــريــــد : أفــــضــــل تـــجـــاربـــك ◙ »°•.

[! FiRe !]

اهـلا و سـهـلا بأعـضـاء الـقـسـم الـكـرام ..

اقـدم لـكـم الـيـوم ..

.•°« نـقـاش عـن : أفــضـل تـجـاربـك خلال الـجـيـم »°•.

طبعا الاستايل منقول من أحمد White Angle أجمد ستايلر فى المنتدى ^_^



.:: نـظـام الـمـوضـوع ::.

1 ) سـيـضـع كـل عـضـو أفـضـل تـجـربـة عاشـهـا خلال لـعـبـة (سـيـلـك رود ) ..

2 ) احكـى عـن كـل الـتـفـاصـيـل ( الـبـيـلـد - الـLvL - الـخ ) ..

3 ) لـو كـان حـصـلـك مـوقـف طـريـف ، احـكـيـه ، فـكـرة كـنـت واخـدهـا غـلـط ، مـرة عـكـيـت فـيـهـا - Trade فـاشـل حـصـلـك ..

4 ) الـمـوضـوع مـفـتـوح لـلـنـقـاش ولـيـس لـلـعـرض فـقـط فـنـتـوقـع تـفـاعـل مـحـتـرم بـدون تـجـريـح ..

5 ) الـمـوضـوع يـعـرض وجـهـة نـظـر كـاتـبـيـه فـقـط ولـيـس مـحـلا لـلـنـزاعـات الـشـخـصـيـة ..

6 ) أى مـشـاركـات مـخـالـفـة أرجـو مـن الإشـراف حـذفـهـا ..

وعـلـى بـركـة الـلـه نـبـدأ....

[Crặžy O'oǷs Xð]

يا مسهل و موضوع يبشر بالخير

[DeMooN_Hell]

واللهه كانت احلي ايام زمان لما الواحد كان بصراحة بيتمتع بالعبة مش مقديها مصاله


يعني انا مرة بالاكونت بتاعي القديم (قبل مابيعوا )


كان ابسط حاجة انا بعملها لما كونت عايز استمتع بسساطة تكتب بس انك طالع تريدا تلاقي ميت واحد


بيقولك انوا عايز يطلع معاك اما من الناحية التانية تلاقي الثيف يلم شلة ويطلعوا و الخخخخخخخخخخخخخخ




بس بصراحة كانت حاجة جامدة






اما دلوقتي النظام الجديد شلك التريدر اللي هو محور ال jop دلوقتي thief and hunter



lمفيهاش اي نظام متعة دلوقتي خالص


حتي الكل راح دلوقتي الخاص من كتر الملل

والله كانت ايام حلوة

[Zn2000]

اجمل حاجه اول ما دخلت السلك رود كنت لسى معرفش حاجه وجو عمامي التنين وخدونا انا وولاد عمي وكل واحد باكاونته طبعا كانو اسطوره بالنسبه النا كان لفلهم واحد 32 وواحد 45 واحنا مبسوطين اوي ياااااااااااااااااااااااا على دي ايام

[White Angel]

فـيـن أيـام Style Net اللـى فـى شـارع الـعـريـش .. اكـيـد أنـت عـارفـه يـا عـبـدو :)

كـان الـمـلـيـون بـجـنـيـه .. ويـالـهـووووى لـمـا كـنـت تـسـمـع ان واحـد رايـح يـجـيـب 10 مـلـيـون ..

ده كـان يـبـقـى فـرح .. 10 مـلـيـون هـتـعـمـل بـيـهـم ايـه يـا عـم .. أنـت مـهـاجـر ولا ايـه ؟



لا و كـان فـيـه مـعـتـقـد شـائـع .. انـك لـو جـبـت لـفـل 50 مـن غـيـر مـا يـبـقـى مـعـاك سـيـلـك يـجـيـلـك بـلـوك ^^

سـاعـتـهـا رحـت جـايـب لـفـل 49 و 99% و روحـت تـانـى يـوم اجـيـب الـسـيـلـك ..

طـبـعـا عـيـون الـنـاس بـتـفـلـق الـكـارت و أنـت شـايـلـه ..

و أيـام لـمـا الـ Medusa نـزلـت .. يـخـتــــاااااااااااااااى :)

كـأن الـسـيـبـر كـلـه بـيـتـلـم ع بـنـى واحـد اللـى واقـف عـنـدهـا ..


دلـؤقـتـى الـلـعـبـة بـقـت حـلـوة لـو أنـت مـسـتـعـد تـضـحـى بـشـويـة فـلـوس .. بـس لـو أنـت مـفـلـس و مـش حـلـتـك حـاجـة .. هـتـتـسـووووح ^^

يـثـبـتـ يـا عـبـده طـالـمـا فـيـه تـفـاعـل :)

[! FiRe !]

تسلمو يا شباب
الف شكر يا زاوية ^^

[Joy_Egy]

مره كده كان ساعتها من 1-90 المهم انا كنت لفل 75 المهم واحد جيه قالى انت تريدر قولتيلو اه قالى طب انا لفل 90 ومعايا صن بو وكده وهو كان هنتر ام قالى اطلع واحده 5 ستار وانا هحميك قولتلو ماشى قام ايه طلع معايا من جانجان لهوتان والله بتاع ساعتين انا اتخنقت اقسم بالله المهم جيه عند باب هوتان كده وقام جابلى اميلو التانى الحرامى وقالى الكلمتين دول ( Say Bye Bye ) انا بصراحه ساعتها كنت هتشل بقالى ساعتين الواد عمال يسايس فيا و فى الاخر يبعنى ابن التيت ساعتها قلت اقسم بالله لابقى Thife على طول لحد دلوقتى بس الموقف يجنن كنت بولع زى كده :furious: :furious: :furious:

وشكرا

[White Angel]

المشاركة الأصلية كتبت بواسطة Joy_Egy عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مره كده كان ساعتها من 1-90 المهم انا كنت لفل 75 المهم واحد جيه قالى انت تريدر قولتيلو اه قالى طب انا لفل 90 ومعايا صن بو وكده وهو كان هنتر ام قالى اطلع واحده 5 ستار وانا هحميك قولتلو ماشى قام ايه طلع معايا من جانجان لهوتان والله بتاع ساعتين انا اتخنقت اقسم بالله المهم جيه عند باب هوتان كده وقام جابلى اميلو التانى الحرامى وقالى الكلمتين دول ( Say Bye Bye ) انا بصراحه ساعتها كنت هتشل بقالى ساعتين الواد عمال يسايس فيا و فى الاخر يبعنى ابن التيت ساعتها قلت اقسم بالله لابقى Thife على طول لحد دلوقتى بس الموقف يجنن كنت بولع زى كده :furious: :furious: :furious:

وشكرا

هههههههههههههههههههههههههههه

ده أنـت فـقـر فـقـر يـعـنـى ..

[™ No_Name ™]

احلى ايام فى سيلك رود لما بدات العبها لما كان المليون بجنيه شحنت 12 مليون كنت خايف عليهم من الحسد
بس احلى حاجه لما يكون فى trade واتصل بصحابى
ونطلع بيها من costntable ل samraknd كانت احلى ايام
بس تحس ان المتعه اختفت من اللعبه والله والناس القديمه مابقوش موجودين

[™_ EthereaL_™]

SRO يعني بزنس.

انا في مره قلت انا عايز adv elixirامت كاسر spear sun +3وطبعا مجاليش حاجه و بعد ما عرفت ان الadv بيجي من +5 اعدت اعيط.

وكمان في مره من زماااااااااااااااااااااااان كنت لفل 30 wizzامت عملت فيها عنتر وغدنفر ولبست hunterوطلعت ورا تريده 5 نجوه ترادير لفل 90+ اعدت ماشي وراه لحد ما ظهروا السيفات وعينك ما تشوف الا النور خمن انت اللي حصل بقى.

[ツ SmSm_Smile ツ]

أيام الترد أحسن أيام مدي طعم ولون للعبة

[zapoza]

افتكر الى الان اول ترايدر طلعتها 1 ستار !

قلت ياااااااه ده انا ناجح جدا :) و صارت فلوسي كفاية اني اطلع كمان 5 ستار ..

قلت مدام الطريق كان فاضي مفيهوش ثيف .. و الحكاية كلها ثيفين كل 5 دقايق .. يبقى اطلع 5 ستار و اكسب بلاوي ...

طلعت 5 ستار ..و اول ما مشيت خطوتين ^_^ انتو بقى عارفين ايه الي حصل :)

و يوميتها رجعت المدينة كانت فلوسي تقريبا صفر :)

(( ده الكلام في سيرفر بابل قبل ما ينفتح سيرفر ميركوري و انتقله ))

[mohamed planet]

انا زمان ماكنتش فاهم حاجة فاللعبة كنت فاكر ان الناس اللى معاهم مليون دول اغنيا اوى كنت اخر حاجة بجبها 70 الف وممكن 100 الف وابقى غنى اوى واعد اغيظ اصحابى :] وكنت بعمل الكويستات على حسب اللفل.............. وكان فى كويست عمرى ما هنساها فى جانجان فى موب اسموا wight tiger كانت تلم 50 skin الكويست دى وانا لفل 17 اعدت اعملها فى اسبوعين انا واصحابى كنت عبيط اوى وكنت مشغل اللعبة بالعربى وبعدين لما جت battle arena ماكنتش عارف ادخلها ازاى ....وكنت تاجر كنت بخرج بتجارة وانا لفل 25 كنت بروح عند الموبس اللى فى داون هانج لفل 27 واموت ههههههههه

[! FiRe !]

انا مرة عملت دكر وقلت هعمل مهمة التوصيل من جانجان لحد دون وانج لوحدى بحصان 10
تقريبا صرفت 30 الف على الحصنة والبوشن ^_^

[firephoenix]

انا كنت بلعب ايام ما كان الواحد ينفع يلبس ترايدر وهنتر وثيف في نفس الوقت وفي اي حتة ... تبقي ماشي مع واحد هنتر في امان الله ... هووووب .. تلاقيه قلع الهنتر ولبس الثيف وهو واقف جنبك كدا ويروح سارقك عادي جدااا ... كان الموضوع سلطة خااالص ... كل واحد كان ماشي في جيبه الـ 3 حاجات .. فلاج الترايدر والهنتر وبدلة الثيف ... انا فاكر اول تريد عملته كنت لفل 23 وطالع من جانجان ولسه ماشي لقيت واحد كدا شكله غريب وماسك سيف كبير كدا ومشرشر وشكله يخوف (دا فيلم هندي ولا ايه) وعمال ماشي جنبي ومرة واحدة يامولانا لاقيته نازل ضرب في الحصان لله في لله ولا هو ثيف ولا نيلة .. قولت هروح اضربه طبعا رزعني ضربة محترمة نيمني .. المهم موت الحصان واستريح وبقي مردر بعد كدا لبس ثيف ولم التريد ... ههههههههههه ... شكله كان عايز يسرقها من الاول بس ميعرفش انه لازم يلبس ثيف الاول ... هههههههههههههههههه.. بعد كدا عرفت انه لفل 32 وان السيف الكبير المشرشر دا بليد لفل 32