أهم شئ فى سيلك رود

[bird-m00n]

الموضوع عبارة عن اللعبة نفسها

ايه اللى يميز اللعبة دى عن غيرها ؟؟
انا من وجهة نظرى انها صعبة لحد ما وكمان بتاخد وقت وفترة على ما تقدر توصل فيها لدرجة عالية
بتدخل اللعبة بسهولة ؟؟
لو مش معايا برميم او بوت اكيد مش قبل ساعتين
بتضايق لما بتقعد بالساعة والاتنين تستنى اللعبة تدخل علشان تلعب ساعة ولا اتنين زيهم ؟؟
اكيد طبعا وده اللى خلانى اعمل الموضوع اصلاً

طيب تعالوا نتكلم بصراحة

اللعبة دى معمولة علشان تلعب بنفسك ولا علشان تشغل برنامج وهو يلعبلك اكيد علشان انتا تلعب بنفسك وتحس انك بتلعب كويس وقدرت توصل لحاجة بمجهودك انتا ومش بمجهود فلوسك او بمجهود البوت اللى بيلعبك وانتا قاعد تتفرج عليه

1- لو مالعبتش بنفسك يبئه مالوش لازمة انك تلعب اصلاً ببوت او باى برنامج تانى لان كده البرنامج اللى بيلعب مش انتا يعنى حتى لما تيجى تقول انا عندى اكونت ليفل 110 مثلاً وانتا عامله ببوت ولا لما بتقول انا عندى اكونت ليفل 90 بس عامله بلعبك وبمجهودك ؟؟
2- لما تقول انك عندك اكونت ليفل 110 بس كل ما الجولد يخلص معاك تشترى جولد وتدخل تاكسيات وهما يعلولك الاكونت ولا الاحسن لما تقول انك عندك اكونت ليفل 90 بس انتا اللى عامله بتعبك من غير ما تشترى جولد ولا حد يساعدك يعنى انتا اللى بتساعد نفسك ؟؟؟

من الاخر كده علشان ماحدش يقول انتا بتتكلم كتير وعاوز توصل لايه
تعالا معايا افهمك انا عاوز اقولك ايه وعاوز افيدك ازاى
لو انتا لعبت بمجهود من غير بوت ولا من غير ما تشترى جولد

1- بتحس انك عملت حاجة بمجهود شخصى منك ووصلت بالحاجة دى من مافيش خالص لحاجة كبيرة اوى
2-بتوفر فلوسك من شحن البوت او فى شراء الجولد
3-بتضايق الخناق على شركات الجولد بوت لانك مش هاتشترى منهم حاجة وبالتالى هايخسروا فمش هايعملوا حاجة بيخسروا فيها, بالتالى هاتقضى على الجولد بوت او على اقل تقدير هايقل الجولد بوت جداااااً
4-بتضايق الخناق بردو على شركات البوت لانك ولا هاتشترى بوت ولا هاتشحن بوت لانك راجل بتلعب بمجهودك وبفكرك انتا
5-اللعبة هاتكون مش زحمة وبالتالى هتلاقى اللعبة مريحة وهادية وبتلاقى اماكن كتير اوى تلعب فيها براحتك من غير ما الجولد بوت يضايقك وانتا بتلعب وبتقعد تلف وتدور علشان تلاقى مكان تلعب فيه براحتك
6-بدل ما هتلاقى اللعبة كلها جولد بوت ومش لاقى حد تتكلم معاه او تلعب معاه غير كل فين وفين لا بالعكس هتلاقى ناس كتييييييييير بتلعب لانها بتدخل براحتها تتكلم معاهم وتتعرف عليهم ويلعبوا معاك مش زى ما تكون بتحس انك بتلعب فى اللعبة وحيد زى الحصان اللى حطوه وسط فراخ تفتكر انه هايكون مبسوط ؟؟؟ يعنى اكيد هاتكون اللعبة ممتعة اكتر



اخيراً احب اقول وجهة نظرى المتواضعة ممكن ناس تتفق معاها وبردو ممكن ناس تختلف معاها ...
انا مش بحترم اى واحد بيلعب ببوت ولا بيشترى جولد ولا بيشحن سيلك لانى بصراحة بعتبره انسان تافهه مالوش فايدة مايعرفش يعنى ايه يعمل حاجة بمجهوده ولما يقولى انا عندى اكونت ليفل 110 بالنسبالى الاكونت ده ليفل 5 مش اكتر فالاحسن من وجهة نظرى انه مايقولش انه بيلعب اصلاً لانه هو بالفعل مش بيلعب ده عنده برنامج بيلعب وهو بيقعد يتفرج عليه او بياخد حاجة جاهزة ماتعبش فيها من ورا البوت وياريت حد يجرب يعمل اكونت زى ما انا عامل من غير ما ادفع فيه جنيه واحد عامله بمجهودى ويجرب يشوف تعب فيه قد ايه ولما بيلعب بحاجة هو تعب فيها بيحس بمتعة قد ايه

وفى الاخر شكراً للمنتدى ده بصراحة لانى استفدت منه كتير وبحاول انى افيد الناس وشكراً لكل الاعضاء وكل الناس اللى بتلعب بمجهودها فقط وياريت الموضوع يعجبكم وحد يستفيد منهومستنى اعرف ارئكم جميعاً