أول مره وأخر مره أعاكس بنت ..

[ذرات5]

السلام عليكم ورحمة الله وبركاته ..

أولا القصه دي قصه حقيقيه حصلتلي أنا شخصيا .. حبيت أحكيها .. قولت انزلها هنا مع القصص والروايات ..

الكلام ده حصل من حوالي سبع سنين أو تمانيه كُنت انا لسه صُغير في أولى ثانوي ..

كُنا في العيد وكُنت عند خالة والدي الله يرحمه في زياره .. وأختصارا للكلام بقول عليها ستي علطول :22

فأنا كُنت عند ستي .. وأبنها اللي هو ابن خالة ابويا كان هناك برده وإبنُه كان معاه هناك .. اللي هو ابن ابن خالة ابويا وبقول عليه ابن عمي علطول ..

كنا في حلوان هناك عند ستي ..

المهم قررنا ننزل انا وابن عمي نتمشى في حلوان :22

المهم هو كان اصغر مني بتلت سنين يعني كان هو اولى اعدادي وانا كنت اولى ثانوي

نزلنا اتمشينا وفضلنا ماشين ماشيين في حلوان لحد ما جينا جنب حديقه في حلوان كان اسمها حديقة توكيو تقريبا وكُنا ماششين جمبها عادي وفجأه لقيت الواد إبن عمي نط من على الحديد بتاع الحديقه ودخل جوه وقالي تعالى :22

وأنا قولتله لا ياعم اطلع إنت خلينا نتمشى بره وإن أنا مش عايز اخش قالي تعالى بس قولتله لا ياعم مش داخل :22

المُهم فضلنا ماششين كل واحد في مكانه هو من جوه الجنينه وانا من بره وشايفين بعض من ورا الحديد :222

لحد ما وصلنا للباب بتاع الحديقه .. راح الواد إبن عمي عمل ايه .. راح للراجل اللي واقف على البوابه وقاله عمو عمو عمو ده اخويا كان معانا وخرج يجيب حاجه ورجع تاني ممكن تدخله قاله طيب يا حبيبي دخله ياحبيبي :22

وفعلا كسفني أدامهم وجه شدني وقالي خش وأنا قولت لعمو إن انت اخويه متخافش وهو عارف .. وفعلا دخلنا :222

المهم دخلنا الحديقه وأعدنا نستمشى فيها لحد ما روحنا أنا وهو عند المراجيح :22

هو قالي يلا نركب المرجيحه وأنا قولتله لا لا مش بحب المراجيح اركب انت المرجيحه ههههههههه :22

المهم هو طلع فعلا يركب المرجيحه وانا استنيته تحت .. بس كان فيه بنتين تحت واقفين تقريبا قدامي المهم البنتين دول كان بيعاكسوهم شويه شباب من الجيزه .. فواحده منهم بصت النحيه التانيه عكس أتجاه اللي بيعاكسوهم وقالت ايه التلاقيح دي :22

من الحظ بقى انها وهي بتبص النحيه التانيه عكسهم فكانت بتبص عليا أنا :22

فانا رحت عامل ايه لما شوفت الموقف ده .. كرمشت عنيا كأني هعيط ورحت قايلها الله يسامحك زي الايموشن ده بالظبط >> :هعيط

المهم أنا صعبت عليها خالص وقالتلي مش إنت والله هههههههههه :22

هي قالت كده بقى وانا سوقت فيها وفضلت اعمل نفس الحركه واقولها ربنا يسامحك هههههههههه :222

المهم نزل ابن عمي من المرجيحه وقولتله اللي حصل كزا كزا :22

قالي طيب هم فين هم فين :22

المهم شاورتله عليهم هناك وقالي يلا نمشي وراهم :22

قولتله أوك يلا .. بقوا هم ماشيين واحنا وراهم وبتوع الجيزه كمان وراهم :222

المهم الواد ابن عمي ده كان واخد عني فكره مش عارف جابها منين دي :22 .. كان واخد عني اني فلانتينو وبتاع بنات وفاكرني بقى دونجوان وهو ميعرفش اللي فيها أصلا :22 .. وواخد عني فكره كمان ان انا بلطجي وممكن اضرب عشرين واحد في وقت واحد :22

بصراحه انا سيبته على هواه خليه فاهم اللي فاهمه بقى انا مالي هيه :ه أنا مقولتلوش حاجه هو اللي فهم لوحده :ر :22

المُهم هوبا حصل ايه بقى لقينا شباب الحته بتاعة البنات دول جم عشان يتخانقو مع اللي بيعاكسوا بنات حتتهم :22

بس العيال بتوع الجيزه كانو كبار فشباب حتتة البنات خافو منهم وفضلوا يقولولهم عيب كده ومش عيب كده بس من غير خناق عشان كانو عارفين انهم هينطحنوا من بتوع الجيزه لو اتخانقو معاهم :22

وشويه لقيناهم جايين علينا انا وإبن عمي بعد ما خلصوا مع بتوع الجيزه .. انا قولت في سري بس احنا هنموت ضرب هنا لإنهم كانو اكتر من تلاتين واحد عزوة بقى :22

المهم بعد كده هم قالو لبتوع الجيزه يعني دول وشاورو علينا احنا وقالولهم دول مش تبعكم .. فواحد من بتوع الجيزه طلع ندل راح قالهم لا منعرفهمش أنا قولت بس خلاص انضربنا والحمد لله .. وشويه كده بقى لقينا واحد من بتوع الجيزه اتحمق وقالهم ايوه تبعنا .. كنت عايز انط اخده بالحضن واقوله حبيب قلبي ههههههههههه :22

المهم اللي حصل انهم اتفقوا كلهم ان بتوع الجيزه مش هيكلموهم تاني خلاص وفعلا بتوع الجيزه مكلموهمش تاني .. بس واتعرفنا علي بتوع الجيزه أنا وإبن عمي واتكلمنا معاهم شويه وبعدها سبناهم ومشينا .. فلقينا البنات تاني رحنا مشينا وراهم تاني هههههههههههه :22 مبنحرمش :22

المهم البنات راحو عند الباب بتاع الجنينه عشان يخرجوا طلعو إنهم كانو بنات كتيره اكتر من عشر بنات كلهم مع بعض .. فكانو البنات كلهم عايزين يمشوا الا البنتين اللي احنا كنا بنمشي وراهم كانو عايزين يعدوا شويه كمان :$ :22

وانا بقى روحت وقفت معاهم في وسط الشله كلها كاني جاي معاهم اصلا وهم عمالين يتناقشوا وانا بتناقش معاهم .. وهم مش واخدين بالهم ان في حد غريب واقف معاهم ههههههههههه كنت صغنتت بقى طيش شباب :222 :22

المهم كان من ضمن البنات واحده اسمها فاديه .. فاديه دي كانت عسوله اوي شبه ديانا حداد وهي كانت اكتر واحده عايزه تمشي وانا معرفهاش ولا اعرف اسمها بس سامعهم عمالين يقولولها خليكي شويه يا فاديه خليكي يا فاديه وهي تقولهم مش هينفع ..

وانا اسمعهم بيقولولها خليكي شويه يا فاديه .. رحت انا كمان في الظيطه بقى قايل خليكي شويه بقى يا فاديه .. هههههههههه يعني هي جت عليا :22

المهم فاديه دي ساعتها ضحكه ضحكة كسوف مش هنساها لحد دلوقت بصراحه .. وقالتي انت كمان عرفت اسمي وهي مكسوفه كده وبتضحك وتبص للارض كان شكلها عسل بصراحه :$ :22

مين بقى اللي شاف الكلام ده واتجنن ؟؟ .. اللي شاف الكلام ده واتجنن كان رشا اللي هي أنا كنت بعاكسها في الاول هههههههههه :22

وجتلي كده على جنب قالتلي انت مش جاي عشان بتكلمني انا متكلمش حد تاني لو عايز تكلمني .. ههههههههههههههه :22

المهم شويه كده واتفقوا ان كلهم هيمشوا وهيتفضل رشا ومني اللي هم كنا بناعكسهم دول في الاول .. وفضل معاهم اخت رشا الصغنتته :22

المهم اتفقنا كلنا نروح عند المراجيح :222 :22

كان ماشي قدام إبن عمي وكان معاه مُنى .. والواد أبن عمي ده مع انه كان في اولى اعدادي بس كان شغال كلام زي البربند مبيسكتش :22

وانا ماشي ورا لا حول لي ولا قوة مش عارف اتكلم كلمه واحده كل اللي بعمله بقول لرشا شايفه بيتكلموا ازاي متتكلم زيهم اشمعنا هم يعني وهي تضحك وتسكت بس :ر

المهم فجأه لقيتهم إتخضوا وجتلي منى على جمب بتقولي لو بتحبها امشي دلوقت عشان ابن عمها هنا وهيعمل مشكله :22

أنا لما افتكر الكلمه دي دلوقت وانا كبير بستغرب مش عارف بحبها منين دي ده انا لسه شايفها النهارده ههههههه .. بس عادي بقى أنا كنت صغير ساعتها والشهامه وخداني وقولتلها طيب خلاص ورحت ماشي هههههههههه :22

المهم مشيوا ورحت أنا وإبن عمي عند المراجيح فلقيتهم هناك كانو اعدين مستنينا هناك :22

إتفقنا معاهم على اتفاق بس مُضحك شويه :22

إتفقنا على إن هم هيعزمونا على سندوشتات :22

واحنا هنعزمهم على المرجيحه هههههههههههههههههه :22

المهم فعلا هم راحو جابولنا سندوشتات هههههههههههههههههههه :22

المهم كلنا السندوشتات وجه الدور علينا عشان نركبهم المرجيحه بقى .. فرحت انا مطلع فلوس .. كان معايه فكه ومجمد فأديتهم الفلوس الفكه :22

كانو الفكه على القد بالظبط قولت بدل ما افك بقى الفلوس المجمده بخل بعيد عنكم ههههههههه :22 .. راحة رشا عملت ايه خبطت ربع جنيه في جيبها اللئيمه ههههههههههههههههههه :22

المهم بيكلموني بقولهم إن أنا اديت الفلوس لرشا فرشا ضحكت عشان هي اللي خدت الربع جنيه :22

وانا عمال اقولها هههههههههههه هتجوز حراميه هتجوز حراميه بهزار هههههههههههههههه كان غريب الواحد زمان والله :22

المهم هي كانت بتضحك فـ وهي بتضحك الربع جنيه وقع على الارض فوطيت انا عشان اخده فلوسي بقى ههههههههه .. المُهم بقى مين اللي شافني ساعتها ؟ :22

ولاد حتتهــــــا ههههههههههههههههه جم تاني وشافوني وانا باخد الربع جنيه اللي وقع منها :22

وجاين يقولولي اديها الربع جنيه بتاعها .. وانا اقولهم ده بتاعي أنا ... هههههههههههههههههههههه الربع جنيه ده كتير على فكره زمان حدش يتريق عليا هههههههه :ر :22

المهم من هنا لهنا اتجمعوا كلهم كانو حوالي عشرين واحد :22

والواد ابن عمي فاكرني ارنولد بقى وإن أنا هضربهم كلهم لوحدي فبيقولهم ايه .. بيقولهم ده ممكن يضربكم ده كلكم .. وانا في سري اقوله اسكت يابن اللزينه هم مش محتاجين توصيه عشان توصيهم عليا :22

وهو يقولهم ده ممكن يضربكم كلكم دلوقت هههههههههههههههههه :22

بس سبحان الله العيال خافت من الكلام بتاعه وخافو مني صحيح الكلام بيصنع المعجزات :22

وشويه كلام من هنا على من هنا فراحو بعدوا ومشيوا العيال ... وبعدها رحت انا والواد ابن عمي قعدنا على الرصيف بعيد هناك ..

المُهم جت رشا ومنى ومعاهم اختها الصغنتته ووقفوا قدامنا عشان يقولولنا معلش على اللي حصل بقى .. :22

الطريف في الموضوع بقى ان إبن عمي ده قالي إيه بعد ما مشيو .. قالي دي حتى رشا دي وحشه مش حلوه .. فبقوله وحشه ازاي فبيقولي لما قربت منها لقيت نازل من مناخيرها بتاع هههههههههههههههههههه هو قال الكلمه دي وانا سخسخت ضحك ههههههههههههههههههههههه :22

بس وخلصت القصه على كده وطبعا النتائج المستفاده من القصه واضحه وصريحه ..

وهي كالتالي إني أنا كلت السندوشتات ومركبتهمش المرجيحــه هههههههههههههههههههههههههههههه :22

وإني خدت الربع جنيه ومحدش خده مني كانوا عايزين ينهبوا اموالي .. ههههههههههههههههههههههههههه :22

بس خلاص كده دي بقى كانت اول مره في حياتي احاول اعاكس بنات وانا صغير كده .. ومتكررتش بعدها أبدا تاني :22

توبه ما بعدها نوبه :22

يلا أشوفكم في قصص أخرى إن شاء الله :22

لا إله إلا الله .. مُحمد رسول الله


(منقول)

[teto0]

بجد ميه ميه واحسن حاجة عجبتنى نازل من منخرها بتاع

[alahly]

هههههههههههههههههههههههههههههههههههههه
جامدة موت بس منقولة من مين الراجل دة شكلو عسل بجد والله من اول القصة و انا هيغم عليا من الضحك مش قادر افتح عيني في اخرها بجد جامدة جداا

[_BlackHorse_]

حلوة القصة

بس فادية ورشا ؟ الكلام دة سنة 70 ؟

[☜ ĂиTaKą ☞]

[!_Pok3rFace_!]

جميـ،ـلة اوى

[™_Raidestrike_™]

جامده موووووووووووووووووووووووووووووووووووووت

[LoseAngeL]

هههههههههههههههههههههههه
ههههههههههههههههههههههههههه
ملقتش غير فادية و رشا هههههههههههههههههههههههههه

[Maikoo]

المشاركة الأصلية كتبت بواسطة _blackhorse_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حلوة القصة

بس فادية ورشا ؟ الكلام دة سنة 70 ؟

+1

[Z O O M]

المشاركة الأصلية كتبت بواسطة _blackhorse_ عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

حلوة القصة

بس فادية ورشا ؟ الكلام دة سنة 70 ؟

فعلاً شكلها سنة سبعين

حتى الراجل كان هيموت على ربع جنية

[Sad_Angel]

[كركر نت]

تسلم

[D3MoN]

جامدة

[xTHE_Draagon]

انا قرأتها كلها ....
بس مكنتش متوقع النهاية دي خالص ^^

[3EBC]

هههه