اعتذار واجب منّي للقسم و المنتدى ....

[محمود اسكندرية]

أنا اسف يا جماعة أني مكنتش عضو فعّال الفترة الكبيرة جدا اللي فاتت من ساعة ما سجّلت في المنتدى لحدّ دلوقتي ، كنت يا دووب أدخل أبص عالمواضيع وأحمّل اللي أنا عايزه وأمشي من غير حتّى ما أكلف نفسي أنّي أشكر الأعضاء الكرام على مجهودهم الكبير .. من ساعة ما رجعت ألعب سيلك رود تاني ZSZC الفترة الأخيرة لقيت نفسي بزور القسم أكتر من الأوّل وأبتديت أحس بالذنب من كثرة تجاهلي لمجهود الأعضاء ، وبصراحة أكتر اللي خلاني أقول الكلام ده شكل القسم في الفترة الأخيرة وكثرة مواضيع السرقة والهاكرز عن طريق برامج بوت وخلافه واتضايقت جدا من اللي بيحصل ده وحبيت أني أبتدي أشارك في تنظيف القسم من الهاكرز والحرامية اللي كنت أنا من فترة صغيرة أحد ضحاياهم والحمد لله أنها جت على 500 مليون بس وبقيت الأكونت سليم .. فأرجو ان تتقبّلوا اعتذاري بصدر رحب و ان تتقبلوني بينكم عضوا و صديقا وأخ لكم ، ولكم منّي كل احترام وتقدير ....... تحيّاتي

أخوكم / محمود الشيخ

_ ملحوظة : أنا عارف أن الموضوع مش مكانه بس أنا حبّيت الناس اللي هنا تشوف اعتذاري على الملأ وأرجو من المشرفين الكرام اغلاق الموضوع وحذفه بعد قرائته من قبل الأعضاء الكرام .