حملة ضد نصب شركة فودافون - تحديد الأنترنت

[ThE_InViSibLe]

حملة ضد نصب شركة فودافون - تحديد الأنترنت


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]




مكنتش متخيل ان شركة زي فودافون ممكن بسهولة كدة عشان تزود أرباحها وتقلل مصروفاتها على حساب العملاء .. وطبعا كلنا شفنا اللي حصل اما اتعمل موضوع سياسة الأستخدام العادل في مصر .. والدنيا كلها اتقلبت .. لغاية ما وزير الأتصالات لغاه وخلاه مجرد تجربة على المشتركين الجداد فقط .. الا شركة فودافون .. اللي بكل بجاحة نفذته على المشتركين القدام كمان .. وفي نفس الوقت قيمة الأشتراك لسة زي ما هو ... جملة واحدة بقولها لفودافون .. هي السرقة بقت عيني عينك كدة ؟؟

ازاي ايقى مشترك في نت 1 ميجا .. 100 جيجابايت في الشهر وبدفع 133 جنيه .. وفجأة وبدون اي داعي يبقى عندي نت 1 ميجا بـ ليميت 40 جيجابايت في الشهر ولسة بدفع 133 جنيه برضه .. طاب الـ 60 جيجابايت دي كنا بناخدها صدقة منهم ؟؟ ولا كان كتر خيرهم سايبينلنا 60 جيجا زيادة عشان احنا ناس غلابة ؟؟؟ وفي نفس الوقت الاقي النت بعد الـ 40 جيجا نزل لـ 128 .. طاب انا مشترك في نت 1 ميجا ليه اصلا لو كدة ؟؟ واللي جرب النت بعد ما يكون 128 لا يمكن يقول عليه نت

دة اللي في الوقت اللي كل الشركات التانية ملتزمة باللي قاله وزير الأتصالات والمشتركين القدام ماشيين بعقودهم القديمة .. اللي في نفس الوقت العقد معايا مفيش اي بند من البنود يدي فودافون الحق في اللي عملته دة .. مش اشترك في سرعة بسعة معينة وفجأة وبدون اي سابق انذار الاقي السعة قلت 60 جيجابايت ودي مش حاجة قليلة وكمان ادفع نفس الفلوس اللي كنت بدفعها

وكمان نقطة تانية قالولنا اللي بيعملوه دة لتحسين خدمة النت .. من يوم ما عملوا اللي عملوه دة والنت بقى زي الزفت .. بيقطع وبيفصل وحاجة زي الفل ..

خلاصة الموضوع .. بدل ما بنطور نفسنا بنرجع لورا مليووووووون خطوة .. وطول ما انت مع فودافون مش هتقعد على نت

وحسبي اللي ونعم الوكيل