علبة مسامير

[المرشد]

علبة مسامير 1
*******
العصر النووي.. والميّة المقطوعة
مصر تستعد لانشاء مفاعل نووي، وتطلق أقمارا صناعية، وعندنا علماء خدوا نوبل، ورغم كده الميّه بتقطع عن نص سكان القاهرة.. ولسه مفيش حل لأزمة القمامة.. وعجبي
*******
سيفون لكل مواطن
أكد تقرير لمجلس الوزراء ان 47% من المواطنين ليس لديهم دورة مياه بسيفون.. واقترح البعض ان يشمل الدعم سيفون لكل مواطن والتأكد من وصول السيفون لمستحقيه
*******
اتاريني كنت باحلم
اجتمع القادة العرب وقرروا قطع العلاقات مع إسرائيل ودعم صمود الشعب الفلسطيني والعمل على وحدة العراق وحفظ دماء العراقيين وانهاء مشكلة دارفور والمصالحة بين ليبيا والسعودية.. وفجأة.. صحيت من النوم لقيت الغطا في الأرض
*******
الأسرى المصريين
آخر كلام: لا فيه اسرى اتقتلوا.. ومصر مش هاتقطع علاقتها مع إسرائيل بسبب فيلم فيديو..وقريبا.. المفاجأة: إسرائيل تطالب مصر بتعويض عن ازعاجها وتشويه صورتها أمام العالم
*******
تلوث الالبان
إلاّ صحيح يا جماعة.. هي بودرة السيراميك اللى استعملوها في اللبن المضروب اياه كانت كيلوباترا و لا الجوهرة؟ وياترى اللبن كده طلع فرز اول ولاّ تاني؟
*******
في المسألة الغنائية ال***ية
في الماضي الغابر كان الحديث عن الأغنية يدور حول اللحن او الكلام أو اداء المطرب ثم تطورت الأغنية الى الكليب وتطور الكلام ليصبح عن مواقع التصوير وعدد الراقصات و الابهار التقني في الكليب.. ولأن التطور لا ينتهي فقد صار الحديث الان عن دلع فلانة او مايوه علانة او قميص نوم ترتانة وهكذا تطورت الآغنية من موسيقى الى رقص الى عرض اجساد عفواً عرض ازياء مما ذكرني بهذه النكتة القديمة التي يتحدث فيها رجل وامراة عن الرقص فتقول هي مستنكرة ان الرقص عبارة عن احضان على انغام الموسيقى.. فيقول هو: وايه مضايقك في كده؟.. فترد هي: الموسيقى
*******
مباراة فرنسا
في أولى مباريات فرنسا في التصفيات الأوربية المؤهلة لكأس العالم في المانيا 2006 تعادل الفريق الفرنسي مع اسرائيل بدون اهداف في باريس وخسر الفرنسيون نقطتين ثمينتين في مشوار التأهل للمونديال وحيّرت هذه النتيجة المعلقين والمحللين الرياضيين خاصة ان المنتخب الفرنسي فاز في المباراة التالية خارج أرضه اتنين /صفر فكيف تعادل على أرضه مع منتخب غير مصنف اوروبياً مثل اسرائيل؟.. الحقيقة ان المنتخب الفرنسي لم يهزم اسرائيل حتى لا يتهم بمعاداة السامية
*******
نكسة الجيل
الجيل في اللغة هو مايوازي 33 سنة وثلث يعني القرن ثلاثة أجيال لكن تجاوزاً ممكن يكون القرن أربعة اجيال يعني متوسط السن بين الابن والأب والجد يكون حوالي 25 سنة، يعني الشاب اللي كان عنده 28سنة يوم سقوط بغداد في أبريل 2003 كان والده الذي يكبره بخمسة وعشرين سنة عنده 17 عاما حينما حدثت النكسة عام 1967، أما الجد فقد كان عنده 23سنه عندما ضاعت فلسطين وهكذا نرى أن كل جيل وله نكسته
*******
قاموس تجار السيارات
يقولك في التليفون: ما تيجي يا بيه تشوف العربية..وفي سره: لما ييجي نلبسه السلطانية
العربية سعرها مغري.. يعني مغرّي بتشديد الراء
العربية دي خليجي يا بيه.. وامال الخليج رموها ليه؟
رشة نضافة يا بيه.. طيب إيه اللي ***ها؟
دواخل الشركة بس الحتة دي كان عليها مية نار.. كنت سيب الحته زي ما هي
هات ألف صنايعي يشوفها.. بيثبتك يعني
تعالى بالليل نكون فتحنا.. علشان الليل ستار ويلبسوك العربية ببلاويها
عاوزة بس طقم كهربة.. ما ركبتهوش انت ليه؟
العربية دي لقطة.. يعني يا رب اخلص منها
مش محتاجة مصروف.. يعني حيتخرب بيتك
لما يقول لشريكة خليك مع الباشا.. يعني قرطسة وخلصني علشان وجع دماغي
أنا اتحطلي عشرين وما رضيتش..علشان يحرجك وما تفاصلش وينصب عليك وهو شاريها بعشرة أصلا
لما يقولك انت راجل محترم.. وبيقولها كتييييييير.. ده سيم بينهم يعني لقينا حمار تاني
*******
تبرعوا للرئيس بوش
تحدث الرئيس بوش عن موقف القوات الأمريكية في العراق قائلاً: أن ما حدث في العراق انتصار كبير لنا
جاري حالياً جمع تبرعات للرئيس بوش لشراء دش يستطيع من خلاله رؤية القنوات الفضائية المختلفة لمعرفة أخبار قواته في العراق

[omar007]

ههههههههههههههههههههههه
جامد اوووى الموضوع ده

[sowrd_master]

هههههههه , حكم

[CytoplasM]

موضوع جامد جدا والله
باشا بجد d:

[المرشد]

انتو لسا شوفتو حاجا ان شاء الله هولع المنتدي ده بالمواضيع

[_ l3oy0FHell_]

ههههههههههههههههههههههه
جامد اوووى الموضوع ده

[___MEMO___]

كلوا صح بس صدقنى لو اعدت تعد مش هتخلص و هتحرق دمك على الفاضى

[المرشد]

:d:d:d:d

[_ShicO_]

ههههههههههههه مشكور على الموضوع الرائع

[_ l3oy0FHell_]

ههههههههههههههههههههههه
جامد اوووى الموضوع ده